|
ممكن افضفض معاك شوية ؟؟ . . . ترررررن.. تررررررن ... ترررررن ( جرس تليفون ) هو انا بحلم ولا ده صوت التليفون ترررررن ترررررررن .. ايوة التليفون هي الساعه كام ؟ ( انا متسائلة ) يااه الساعه 9:30 الصبح ........ تررررررررررن ترررررررررن ده مين الرخم ده اللى صحانى من احلى نومة ؟!! تررررررررررررن ترررررررررررن .. ( مفيش فايدة مضطرة أرد ) -ألو .. -ألو ( صوت سيدة منخفض النبرة ، من صوتها استنتجت انها مش اقل من 30 سنه) -ايوة مين معايا ؟؟ -معلش لو كنت ازعجتك .. هو انا صحيتك من النوم ولا حاجة -( احااول ان اتمالك أعصابي ) لا ابدا مفيش حاجة .. ممكن اعرف عايزة مين ؟ -ممم انا ضربت نمره عشوائية .. محتاجة حد اتكلم معاه .. ممكن اتكلم معاكي شوية تنبهت أمي لصوتي فى المكالمة فأشارت لي من بعيد ( بتكلمي مين ؟؟) مطيت شفتاي استنكارا ( مش عارفة ) -انتى بتكلمي حد ( قالت السيدة المجهولة ) -ا ه دى ماما -ممكن بقى اتكلم معاكي لو فاضية -( صمت مني بعدها ... قفلت فى وشها السكة ) !!! بصراحة معرفتش أرد عليها متعودتش اتكلم مع حد غريب قبل كده فى التليفون توجهت إلى غرفتي محاولة لاستكمال نومي .. -مين يا نورا ؟ - ( شكلي مش هعرف انام تاني ) دي واحدة كده يا ماما معرفش مين ، كانت بتقولى انها ضربت اى رقم وعايزة ترغي معايا -(علامات تعجب على وجه أمي) !!!!!!!! -والله أنا استغربت زيك كده يا ماما ومعرفتش أرد فقفلت في وشها السكة !! بعدها بكام أسبوع ... ترررررررررررررررن ترررررررررررررررن ترررررررررررررن ( جرس تليفون ) بس المرادي اختى الصغيرة اللى ردت ، كنت قاعدة في الاوضة التانية ومش سامعه المكالمة اختى : نورهان ، في واحدة غريبة بتقول عاوزة تكلمنى ومش عارفة أقولها ايه انا : ( معقول تكون اللى فى بالى !! ) طيب روحي انتى أنا هرد عليها -ألو -ألو ، أنا ضربت اى نمرة ومحتاجة اتكلم معاكي -انتى تانى ؟؟! ( المرادي كان رد فعلى مختلف شوية ) لأ انا آسفة ، مش فاضية اتكلم قفلت فى وشها .. للمرة التانية !! شكلها كده نفس الست اياها ( افكر بصوت عالى ) اختي : هى مين دى يا نورهان أنا : مش عارفة والله .. ست غريبة فعلا !! طبعا حدث زي ده قعدت افكر فيه مع نفسي مية مرة فيه هل الست دى كانت محتجانى فعلا ؟؟ وايه اللى دفعها انها تلجأ لشخص متعرفوش عشان تفضفضله ؟؟ يا تري فى حد تانى اتصلت بيه ؟؟ وسمعها.. ولا قفل فى وشها السكة ؟؟ هو انا كان رد فعلى قاسي فعلا ؟ ولا ده اللى المفروض كنت اعمله ؟؟ !! والأعجب انها نفس الست !! هى محرمتش من المره اللى فاتت ولا ايه؟ وغيرها من الأسئلة اللى لفت دماغي ، ومش لاقيالها اجابة مقنعه انا مش عشاق برنامج أسامة منير (أنا والنجوم وهواك ) على إذاعة نجوم إف إم برنامج جميل فعلا و المقدم أجمل( أسامة منير) بيحاول يبحث حلول لمشاكل الناس الاجتماعية .. طبعا غني عن التعريف .. بس ساعات أسأل نفسي ازاى ممكن الناس تتصل بواحد متعرفوش وتحكيله عن مشاكلها ؟، اللى غالبا بتكون خاصة جدا ، ويسمعها ناس كتير على الراديو هل ممكن لو الدنيا ضاقت بيا ومش لاقيه حد افضفضله .. ممكن ارفع السماعه واضرب نمرة عشوائية اكلمه واحكيله على اللى جوايا ولا هيقفل فى وشي السكة ، ومش بعيد ......... !!!!!! ،،، وده برضه هيفتح قضية مهمة جدا المعاكسات .. بس مش معاكسات الشوارع اللى متعودين عليها و التليفزيون قارفنا بيها ، لكن معاكسات التليفون اللى من زمان الواحد بيعانى منها وللأسف الاعلام مش بلاقيه بيتكلم عنها إلا نادرا طبعا كلنا غلطنا وضربنا نمرة غلط .. ممكن بالقصد وممكن من غير قصد بيبقى عاوز ايه اللى بيعاكس ده ؟؟ يسمعله كلمتين حلوين << ويا مكتر الكلام الحلو !!!!! :vb19: ليه يعرض نفسه للإهانه والشتم والسب هل الفراغ ممكن يوصل الواحد انه يعاكس نمرة ، ويسمع شتايم واهانات ومع ذلك بيبقي مستمتع بسماعها !! اعتبر هذا الموضوع بداية مني لفك عقدة اللسان عندي عاوزة منكم بقى حاجتين أولا اسمع رأيكم فى الموضوع اللى اتكلمت فيه ثانيا تقييمكم لأسلوبي ودي واحترامي ,,, . . . |
عاوزة منكم بقى حاجتين أولا اسمع رأيكم فى الموضوع اللى اتكلمت فيه موضوع جميل جدا ... و فعلا الكل بيعاني منه .. صحيح اني شب بس انا بعاني منها بالي بيخصوني .. اعرف ناس كل مدة صغيرة تغير الخط بتاعها .. من ورا المعاكسات في فئة من الشباب شغلانتها معاكسات الموبايل .. و توزيع الأرقام .. يعني الراجل بيحس بمتعة جامدة و انا شايف من الأسباب الفراغ زي ما قولتي . وكمان نقص الوعي والتربية السليمة .. و المشكلة انه ما فيش دور بارز من وسائل الإعلام . لمحاربة المشكلة دي ..... بس القصة الي حكيتيها بالبداية ... انا شايف انها مش ضمن المعاكسات لانه ممكن تكون الست مخنوقة وعاوزة حد بس تقول الكلميت الي بدماغها وترتاح بس انا شايف انك عملتي زين العقل .. ممكن كان فتح معاكي موضوع كبير وخد يا رغي .. و وجع راس .. و عن نفسي كان دردشت شوية مع الست افهم حكايتها :vb19: ولو لقيت الموضوع هيجنني ... اقفل الخط واشتري راحت بالي .. ثانيا تقييمكم لأسلوبي الأسلوب رائع يا نورهان عملتي سرد جميل للموضوع ... و لخصتي فكرة الموضوع في اخر السطور .. يعني قلمك مبدع وأسلوبك جميل ... بإنتظار جديدكــــ very good :080402gudl_prv: |
أنا مع أحمد في كل الي قاله تقيمي لاسلوبك اسلوب جميل زيك دايما مبدعه تسلم إيديكي يا قمر |
انا مافهمت شغلة هو الموضوع اللي اتكلمتي فيه صار معك انتي ؟؟؟ ولو صار معك هي ردة فعل طبيعية جدا منك لانك مابتعرفي مين بكلمك ولو صارت مع اي شخص تاني كان عمل نفس اللي انتي عملتيه انا صار معي موقف مشابه للي قلتيه بس كنت انا اللي طلبت النمرة وطلعت غلط وكنت معصبة وقتها ونازلة شتايم كنت مفكرا حالي بحكي مع اخي اللي رد علي قلي انتي غلطانة بالنمرة وسكر وهلاء نرجع لموضوع الست اللي تكلمت معك شو ماكان وضعها هادا مش اسلوب بجوز هي عندها ضروف خلتها تحكي بس انتي اللي عملتيه من وجهة نظري هو الصح اسفة عاالاطالة تقبلي مروري |
موضوعك كتير مهم يا نورهان كمان عنوانه بجد جميل كلنا عايزين نفضفض ... اى انسان لازم يخرج اللى جواه صعب اوى نفضل مستحملين وكاتمين اللى جوانا من كثره التحمل هيجى يوم وننفجر طبيعى لما ندايق نتخنق نتعب بجد بنحتاج حد نفضفض معاه نرتاح معاه نرمى بهمومنا ونلاقى عنده صدر رحب لسماعنا بس المهم ان الحد ده يكون حد احنا عارفينه بنثق فيه طريقته بتريحنا حد يكون موضع امان لدينا مش عارفه بس اعتقد ان نطلب اى حد مش نعرفه لمجرد اننا عايزين نخرج تعبنا او مشاكلنا صعب شويه الموضوع ده بصراحه ان الانسان يكون عايز يحكى ومش يلاقى حد يسمعه بيبقى شعور متعب بجد بس مش ينفع ان اى حد يقابلنا او نتصادف بيه نتكلم معاه ونحكى بهمومنا ومشاكلنا اكيد الانسان اللى معانا على الخط ده هيقول دى ناس فاضيه او ناس بتعاكس بصراحه اى حد يقول كده موضوعك جميل كتير يا نورا وطريقته بسيطه وبتوصل بسرعه تسلم ايدك يا نورا |
اولا تسلمى ع موضوعك الاكتر انجذابا اتكلم ماتخليش من جواك حاجة مكبوتة طلع اللى فى نفسك كلة واتكلم واطلق نفسك للعنان وقول ع كل حاجة مضايقاك او شاغلاك لو خليت فى نفسك حاجة زى دى انت فى الاخر اللى هتتعب وهتشيل هموم كتير ماتحطش حاجات زى كدة فى بالك فى الاخر احب اقولك ان موضوع بجد جميل فضفضوا وماتقلقوش طلعوا اللى فى نفسكم واكيد هيكون اللى سامع ليكم تحياتى |
:SuN012:السلام عليكم اولا انا ضيف جديد معاكم واتمنى تستقبلو بية انا اسمى كركر من الغردقة اما بالنسبة لموضوع الاخت الغالية مع احترامى الكامل للرد ك على الست اللى اتصلت بيكى الالية تعليق بسيط كان على الاقل منك انك تسمعيها ومش هتخسرى حاجة دة مجرد راى من الاساس اما عن ردة فعلك دى حاجة بتاعتك انتى ودة مجرد راى عموما انا عن نفسى بستنى تلفونى يرن من اى حد عشان اسمع واحد يحكى لية عن مشكلة وببقى سعيد جدا لو قدرت اساعد اى حد عموما اخوكم جديد كركركركركركر :cv27: :vb36: مشكوريننننننننننننننننن ليكم:Sh_027: |
أهلا اهلا نورهان... شوفي بقى براي أنا شايف الموضوع سازج شوية... يعني إيه أروح أضرب أي نمرة عشان افضفض لأي واحد!!! معلش دا إسمه هبل و أنا شايف ردت فعلك طبيعية جدا... أقل حاجه هو إني أبقى عارف الشخص إلي بفضفضله و الشخص عارفني مش كدا أي حاجه... لأن الدنيا ما فيش فيها أمان....الله أعلم بنيتها... الواحد لازم يكون حذر أما لو عايزه تفضفض ...ففي وسائل فضفضة كتيره... أمال الدكتور النفساني و أساتذة علم النفس و المشاكل الإجتماعية إيه وظيفتهم في المجتمع!! بالنسبة للمعاكسات... فالمعاكسات ظاهرة قديمة طبعا... إلي بيعاكس دا بيكون إنسان فاضي...مش فارقه معاه شتيمه أو غيرها ما عندوش حاجه يخسرها و لا بيراقب نفسه و في ناس بتعاكس بأسلوب المعرفة بمعنى...إنه بيعرف إسم الأخت إلي بيعاكسها و يعد يشتغلها بقى مع إنه و لا يعرف عنها حاجه بس عرف إسمها مثلا من موبيل قديم باعته أو أي وسيلة و يعد يقولها مش فاكراني و أنا معجب بيكي من زمان و يهبلها بئى.... الأشكال دي و لا تاخد و تدي معاها لأنه زي ما قولت مش خسران حاجه و مش فارقه معاه حاجه على طول تقفل السكة في وشه... بدون لا شتيمه و لا أحزانون بالعكس هو بيبقى عايز يماطل معاك في الكلام أما بخصوص أسلوب الموضوع فأحيكي على سهولته و بساطته قدرتي من خلاله تعبري بسهولة لموقف حصلك ما نتحرمش يا غالية و بالتوفيق دايما و ربنا يبعد عنك أصحاب المعاكسات :liverpool-flag: http://www.speedimg.com/images/656_1.gif |
اقتباس:
مرسي يا احمد على المرور دايما كده منور المواضيع مننحرمش من وجودك معانا ابدا http://img514.imageshack.us/img514/7642/27185851ol7.gif |
اقتباس:
|
اقتباس:
شكرا ليليان على المرور وابداء الرأي دمتِ بكل خير http://img514.imageshack.us/img514/7642/27185851ol7.gif |
اقتباس:
لا تعليق تانى على اللى قلتيه ده اللى كنت عاوزة اوصله فى الموضوع مرسي يا قمر على مرورك وردك و رأيك المميز دائما http://img514.imageshack.us/img514/7642/27185851ol7.gif |
اقتباس:
طبعا الفضفضه بتريح اوى ، وبتشيل كتير من الهموم لمجرد انك بتشارك مع واحد همومك واللى مدايقك تبقى كده خففت العبء اللى عليك بس المهم هو مين اللى بنفضفضله ده ويكون حد واثقين فى رأيه اشكرك CuOpiD على المرور الرائع ورأيك السديد دمت بكل خير http://img514.imageshack.us/img514/7642/27185851ol7.gif |
اول حاجه انا حابه اقولهالك ان اسلوبك هادي اوي وجميل وبسيط تاني حاجه فكرة الموضوع اجمل بس والله في ناس كدا ما بتلاقيش حواليها حد تفضفضله فتلجا لاي حد هيا ماتعرفوش وتتكلم معاه ........اهو حد مش ممكن يفتن عليها ولا يدايقها هيا بس نفسها تتكلم مع حد بغض النظر هيا تعرفو ولا لا اما عن حكاية معاكسات التليفون دي ياما قابلتنا والاسوا لو كانت عالتليفون الثابت تبقا الحكايا اسوا بشكرك يا عسل عالموضوع الجميل كنـــــــــــــــزي |
راي في الموضوع انه رررررررررررررررررائع و الانسان الي بيعاكس في التليفون اما اهبل اما مجنون:242::242::242::242:اما عن راي في اسلوبك انا بنصحك تكتبي قصص لان اسلوبك اكثر من راءدئع |
والله يا نورهان انا يعنى رايى بصراحه من غير ما تزعلى انك بت زى العسل ومواضيعك عسل واسلوبك عسل اكتر وعشان كده انا قربت الزق ههههههههههههههههه لا بجد اسلوبك جميل يا نورهان وفتحتى كمان موضوع جميل للنقاش ورايى انه احيانا ممكن توصل بحد مننا الوحده انه يتصل بحد ما يعرفوش مش يمكن يرتاح لما يحكيله وخلاص وطبعا اعتقد انها ماحصلتش مع حد مننا لكن ممكن لقدر الله الوحده توصل لكده وربنا ما يحط حد مننا فى الموقف ده لكن بالنسبه للمعاكسات فالموضوع ده بقى شائع اوى بين الشباب ولكن طبعا مش كلهم لكن انا بشوف انه افضل بكتير من معاكسات الشوارع وزى ما قلتوا ان الفراغ وعدم التربيه السليمه يلعب دور كبير فى انتشار الموضوع ده واعتقد ان الناس اللى تقبل على نفسها تعاكس حد فى التليفون ممكن تقبل عادى انها تسمع شتيمه منهم بس المشكله انهم برده احيانا بيلاقوا ناس ترد عليهم وتتكلم معاهم وعشان كده بيستمروا فى المعاكسات عشان ممكن يلاقوا حد يوافق ويتكلم معاهم وشكرا مره تانيه يا قمر على الموضوع |
اقتباس:
مرسي اوى لمرورك دمت بكل خير http://img105.imageshack.us/img105/9669/29174847pa6.gif |
اقتباس:
ردك فى موضوعي زاده تألقا http://img105.imageshack.us/img105/9669/29174847pa6.gif |
اقتباس:
أكيد موضوع الست يا نورهان و الله كنت بفكر أعدل الكلمة عشان ما تتفهمش غلط أول ما تتقرأ المفروض تتقال الموقف سازج مش الموضوع بس قولت نورهان شاطره و هتفهم ههههههههههه إنتي بتقلديني ليه!!؟ هههههههههههه يعني عشان عملت تحياتي سيلفر روحتي عامله ودي و إحترامي هههههههههههههههههههههه لا الموضوع أكيد منور بصاحبته http://www.speedimg.com/images/656_1.gif |
ايه الجمال ده يانورهان اخيراااااا وبعد طوووول انتظار وحدوووه لا اله الا الله مين مات نورهان القديمة ماتت خلاص احم احم نرجع لموضعنا >> ماصدقت لقيتلي موضوع اتفلسف فيه :vb19: خليني اتخيل الوضع ثواني كده متصورة اني مثلا ممكن امسك الموبايل ولا سماعة التليفون واترمي ع السرير وافضل احط اي ارقام كده لمجر اني عايزة افضفض ده من رابع المستحيلات اذا كنت انا من غير حاجةوشخص عارفاه ومابأتمنهوش على كلامي وسري اروح لواحدة ولا واحد م الشارع لا يعرفني ولا اعرفه افضل اكلم فيه واقوله ان مضايقة ولا انا بحب ولا انا مبسوطة مش منطقية صراحة بالنسبة لي وانا صغيرة اه كنت بعمل الحركة دي يعني 11 ولا 12 كده اتصل على بيوت الناس وافضل استهبل واعمل النمرة غلط بس لمجرد الشقاوة كده .. عادي يعني واني اتصل بواحدة صحاحبتي ماعنهمش كاشف وافضل مااردش بدره عادي كانت حركات عيال لكن اني اعملها دلوقتي صعب اوي ابقى فعلا عيلة نيجي نسأل بئه ازاي الناس بيفضلوا يتكلموا ع الهوا كده هي فكرة صعبة برده .. لكن احيانا الواحد والله يبقى نفسه يكلم اي حد .. ولان الشخص الي هم بيتصلوا بيه ده ممكن يقدم لهم حلول يقولوا وماله .. هو حد يعرفنا .. اهو نستفيد ونفيد >>>>> باستبعاد انهم بيسبوكي اساسا ع الخط ساعة ويسحبوا يسحبوا .. وفي الاخر تلاقي الفاتورة ضاربة في السما ههههههههههه بس اسلوب جميل يانورهان .. بداية بقصة عن نفسك بعدين عن الوضع انا بحب الاسلوب ده بيخليني مهما قريت مااملش يلا ورينا تاني ابدعاتك ياجميل بالتوفيق يانورا تحيتي |
نورهان ..بجد اسلوبك بسيط وجميل يا قمر ومشكلة موجودة من قديم الازل فعلا لكن اهم حاجة ان سردك للموقف بسيط منتظرين المزيد منك يا قمر |
اختى الغالية/¨°o.O ( نورهان ) O.o°¨ http://www.arabsys.net/pic/zkarf/56.gif http://www.arabsys.net/pic/zkarf/42.gif اولا يا غاليه الموضوع ده بيعاني منه ناس كثيرة بس انا مش داخل عقلى مثلك لانه مش معقول حد يتصل على اى شخص عشوائي علشان يحكيله مشاكله سؤا خاصه او عامه لانه ده غلط وفى نفس الوقت الواحد ما بيعرف مين يكون الطرف الثاني اما بالنسبه لمشكلتك اللى صارت معك اعتقد ده شيئ مقصود من حد معين او هزار من شخص مقرب منكى فالامور لا تقاس بمكالمه عشوائيه وممكن ده يحصل ولكن بنسبه 1% اذا فرضنا انه شيئ طبيعي لكن تتصل على نفس الرقم مرتين فده شيئ مش طبيعي خالص وسلامتك يا نورهان من الازعاج ثانيه بالنسبه للاسلوب يا نورهان اكيد انتى غنيه عن التعريف دائما لانك طول عمرك مميزة فى حاجات كثيرة جدا وشكرا http://www.arabsys.net/pic/zkarf/42.gif يسلموووو يسلموووو يسلمووو موضوع راااائع ومتالق وراقي قلمك مميز ودمتى مبدعة دمتى بود http://up.g4z4.com/uploads/92288f8b20.gif http://up.khellan.com/file/uploads/162113ce62.gif "¨°°o°°¨]§[° عا الأحزان شق°]§[¨°°o°°¨" |
معقوله ممكن توصل لحد انه يتصل برقم غريب عشان يفضض معاه اعتقد لا بس فى كتير بتيجى معاكسات لاكن حد يفضض معتقدتش وانا لو كنت مكانك كنت هعمل كده اما بالنسبه للتقيم بجد يا نورهان رررررررروعه واسلوبك جميل جدا ومميز جدا بالتوفيق يا غاليه دمتى مبدعه |
اقتباس:
http://img105.imageshack.us/img105/9669/29174847pa6.gif |
اقتباس:
|
اقتباس:
دمتِ بود http://img105.imageshack.us/img105/9669/29174847pa6.gif |
اقتباس:
والله جدعه انا :liverpool-flag: خليتك تيجي ترد في موضوعي مرتين http://img105.imageshack.us/img105/9669/29174847pa6.gif |
بصي يانورهان الموضوع ده مهم فعلا وأنا شايفه ان الي بيضرب أي رقم عشوائي كده مش ممكن يكون عاوز حد يفضفض معاه أكيد بيكون كل غرضه المعاكسه لان أنا علشان افضفض مع حد لازم يكون الشخص ده أعرفه كويس عارفه انه هيديني النصيحه الصح لان مش أي حد كده ممكن أتكلم معاه لان ممكن الشخص ده يوصلني لطريق مظلم وزي ماقال طارق انها فعلا طريقه سازجه جدااااااااااا والي انتي عملتيه ده كان شئ طبيعي اوووووووووي اي حد مكانك كان هيعمل كده وبالنسبه للمعاكسات ففعلا حاجه تغيظ انا بلاقي ناس والله بتتصل في التلفون بس علشان تقول الفاظ اقل مايقال عنها انها قذره فعلا ناس فاضيه بجد وبالنسبه لاسلوبك فعلا انتي رائعه أسلوبك سهل ومنسق وقدرتي توصلي الي انتس عاوزاه بكلمات قليله ننتظر منك الجديد دائما تقبلي مروري |
بصراحة يا نورهان موقف غريب جدا لكن للاسف ايوة للاسف اذا تعرضت للموقف ده هسمعها ,شخصيتى كده مش عارفة اغيرها مش بقدر اميز الخبيث من الطيب بسرعة وممكن مع الوقت والتصرفات اعرف واستشعر ولكن فى موقف زى الموقف ده قلبى هو اللى بيتحرك الاول قبل عقلى ولسانى بيسبق تفكيرى خصوصا كما ذكرتى انها امراة عارفة انه غلط لكنى بفترض النيئة الحسنه الاول نفترض انها سيدة وبضيقة فعلا ومن خجلها فعلت ذلك فماذا اقول لربى اذا سئلنى لماذا رديتى سيدة استجارت بيك هو ده تفكيرى اعلم ان الزمن الان صعب ولكن الله سبحانه وتعالى سوف يحاسبنا على بعض اخوة مسلمين ومن يتق الله يجعل له مخرجا والحرص واجب بمعنى انى ممكن ارد واعرف فى ايه مش هخسر شىء ولكنى احترس بكلامى لا اصرح بشىء عن نفسى واذا الكلام اخد محمل اخر انسحب بطريقة ظريفة اماغ عن العاكسات التليفونيه سمعت عنها كتير والحمد لله لم تصادفنى شكرا نورهان على طرحك تسلم ايدك |
طيب الظاهر انى اتأخرت فى الرد بس بيقولوا ,, من يجلس على الآرض لا يخشى السقوط بمعنى انى استنيت أشوف ردود الافعال على موضوعك ,, خصوصا وانه حاله جديده من حالات الكتابه فى المنتدى اللى بدأت تظهر على يد أقلام كان المنتدى مفتقدهم كون الموضوع فى صورة قصه ويحمل بداخله سلبيه من سلبيات كتير بنعيشها وللآسف مش بشوف حد يتعرض ليها ,, فده بيقتل كل الاقاويل اللى بتقول ان النقاش فى المنتدى يقتصر فقط على الرومانسيه والحب والفراق فى افكار كتير بس محدش عايز يتعب نفسه ويفكر ,, ودى المشكله عمر المشكله ما كانت فى الفاظ او طريقة صياغه او ترتيب جمل ,, بالعكس كل ده واحده واحده بييجى او مع الممارسه زى ما بيقولوا لكن التفكير ,,, الفكره ,, التكوين المبدئى للموضوع ,,,, الهدف منه ,,, كل دى حاجات فى ناس كتير مش عايزه تتعب نفسها وتحاول تجدد مش عايز اخلى الرد انتقاد ,, بس لما يكون اول موضوع ليكى بيتناول فكره زى دى ,, يبئى لازم نقف ونعيد حساباتنا ,, ويعرف الجماعه بتوع نقاش الحب الذى لاينتهى انه فى افكار لمواضيع وفى نقاش وفى سلبيات بس اللى يدور ,,,,, فبشكرك يا نورهان قبل ما اتكلم عن موضوعك على فكرة الموضوع اللى بجد بجد عجبتنى جدا ,,, وبدايه موفقه ,, وطالما عملتى الصعب يبئى موضوع الصياغه ده مع الوقت حتلاقى الدنيا تمام ومش بعيد الاقيكى كتبتى لينا (( المعلقات السبع )):vb19: وشوفى كراميلا ومشوارها فى القسم ,, بدأت بموضوع بسيط وتدرجت فى الافكار والصياغه وأخر موضوع ليها اللى اسمه (( ظهور العنقاء )) عامل ازاى ,, تحفه ,, كفكره وصياغه وهدف ,,, فمش تستعجلى كل شئ بييجى فى وقته نيجى بئى للموضوع حكاية ان حد يتصل على حد ميعرفوش علشان يفضفض معاه ,, علميا ممكن تحصل ,, واجتماعيا برده مسموح بيها ,, لو اتوفر ليها المناخ المناسب ,, وحقولكم ليه خلينا نضرب مثال على كاتبة الموضوع نفسها :242: لو نورهان مثلا عندها مشكله ,, فيها أخطاء كتير جدا ومتصله بالآسره وأسرارها ,, يبئى كده الصديقه بئت خارج نطاق ان نورهان تفضفض معاها طيب لو زودنا وقلنا ان الجو فى الوقت اللى حصلت فيه المشكله مش مناسب خالص لان نورهان تفضفض لحد من العايله نتيجة اى ظرف طارئ على العايله مثلا ,, يبئى كده الاسره بئت خارج نطاق الفضفضه طيب هل كده الموضوع انتهى ؟ بالعكس ده حيبتدى ,, ما اهو الواحد فى اوقات مش بيكون بيدور على حل على قد ما بيدور على حد يسمعه ,, ومش بيكون مستنى منه اى حلول ,, هو بيكون عايز يفضفض وخلاص طيب فى باب أخير ,,, دكتور نفسانى ؟ بس دى مش حاله نفسيه ,, دى مشكله ,, هو حد قال ان الدكتور النفسى حلال مشاكل يبئى مبئاش الا طريقين 1- اللجوء الى الله ,, وممكن يفكروها بتكلم نفسها وعندها حاله نفسيه 2- اللجوء لشخص ميعرفنيش ولا يعرف عنوانى ,, والآهم ميكونشى شايفنى ,,, لانه ممكن يعرف معلومات محدش يعرفها الا صاحب المشكله نفسه وده حل مع التكنولوجيا أصبح فى غاية السهوله لسببين الاول ,, الموبايل مخلاش ,, سهل قوى اجيب خط بحوالى 7 جنيه وأشحنه بأى مبلغ على حسب الوقت اللى حتكلمه وبعد ما اخلص مكالمتى ارميه الثانى -- واللى كلنا بنعمله واحنا مش حاسين او عاملين نفسنا مش واخدين بالنا ,, هى الفضفضه على النت ,, اما فى شات مع حد ضايفه عندى او فى المنتديات والاتنين غموض الشخصيه فيهم مكفول وطبعا عندكم الدليل قسم مشاكل الآعضاء الاجتماعيه ,, هل شوفت حد منكم سأل نفسه هو ليه موجود ؟ وساعات ممكن نفضفض فى صورة مواضيع ,,, يبئى فكرة انى افضفض لحد ميعرفنيش ولا شايفنى موجوده وبنقوم بيها بشكل او بأخر ,, نرجع بئى للست اللى اتصلت عليكى فى احتمال من ثلاثه 1- انها تكون مدمنه على الطريقه دى من التواصل ومش حنعرف ده الا من الكلام ,, بيبان الانسان المريض نفسيا من طريقة كلامه 2- انه يكون ولد وعنده موهبة تقليد الاصوات ,, وعايز يعرف عنك انتى معلومات وبعد كده يكون سهل قوى يأثر عليكى او يضغط عليكى (( نفوس نيله مريضه )) 3- انها تكون فى مشكله زى ما قلنا سابق ومحتاجه تحكى اسرار لحد ميعرفهاش علشان ميمسكشى عليها ذله بعد كده حكاية ان الواحد يخرج همومه عن طريق الفضفضه معروفه من قديم الزمان ,, ولازم تتعرض لتحديث زى اى مفهوم بيتعرض لتحديث وبيواكب العصر ,, والست كتر خيرها بتحاول تواكب العصر وتستغل التكنولوجيا فى الفضفضه ده حتى فى برنامج اسمه (( فضفضه )) دى وجهة نظر للموضوع مش اكتر ,, لكن فى المجمل الفكره فوق الممتازه خالص تقديرى ومش حقولك فى انتظار جديدك ,, لان الكتابه ادمان لو بدأتيها مش حتبطلى وأنتى بدأتى بقوه بالتوفيق ومش بعيد تلاقى ليا تصميم فى قسم الفوتوشوب :vb19: تحيااااااااااااااااااااااااااااااااتى""""""""" |
| الساعة الآن 12:59 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب