طرق الجواز في مصر من عصر الفراعنه ولحد عصر الروشنه طريقة الزواج في مصر من الفراعنة حتي الأن مصر الفرعونية ابا انا عايز اتجوز اختى حت حور خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية.. مبروك يا تاح ____________________________ مصر فى عصر الرومان تتجوزينى يا افروديت اتجوزك يا بانسيلوس يللا بينا نبنى كوخ ع البحر ونعيش هناك يللا ______________________ مصر بعد الفتح الاسلامى ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح ________________________ مصر 1919 انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى طب مش اشوفها الاول يابا انت اتجننت يا ولد تشوفها ده ايه .. انت ح تتجوز والا تخبص حاضر يابا ______________________ مصر 1960 بقى يا ستى بنتك آمال جالها عريس ياألف نهار ابيض يا ألف نهار مبروك جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟ الرأى رأيك يا أبو العروسة .. والله العيال ح يعجزونا يا ابو محمد فشر .. تدبل الوردة وريحتها فيها يا نرجوستى _______________________ مصر فى عصر الانفتاح اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت بس يا ماما ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك بس انا مش بحبه يا ماما الحب ما بيأكلش تونة فى الزمن ده يا فالحة امرك يا ماما __________________________ مصر 2009 البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك وبعدين الكلام فى المهر والعفش والقايمه والفرح ده موضه قديمه حاجات بلدى ياى انا اتفقت معاه على كل حاجه والفرح فى كافيه ماريانو فى المعادى على الضيق كده مع الفرندز وانا جيت اعزمك انت ومامى |
هههههههههههههههههههههه نايس توبيك |
ههههههههههههههههههه ميرسي ع التوبيك يسلموووووو |
هههههههههه جميل يا نوووووور تقبل مروري |
هههههههههههههههههههههههه حلو الأزمنة بتاعت زمااااااااان دي محدش كان بيشيل هم حاجة ولا بيفكر في حاجة ربنا يكتب للجميع الخير |
ههههههههههههههههه حلوة اووي سنة 2009 ديه هي اللي جاية تعزم باباهاومامتها ههههههههههههههه امال في 2020 ايه اللي هيحصل |
في 2009 تؤل لبباها وممته وتعزمهم على الفرح في النادي طب في 2010 حي الكواز ازي حتبلغ ابوه وامه بالاشاره هااااااااااااااي بابي هاااااااااااااااااي مامي انه اكوزت |
هههههههههههههههه شكرا على المرور دا حالكم احنا مؤدبين من زمان لغايت دلوقتى طريقت الجواز عايشه بتاعتنا |
الساعة الآن 09:27 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب