|
بلدنا فى القلوب متشاله و مهما تضيق عليها الحاله ولادنا قدها و رجاله منعرفش الهزار بلدنا فى القلوب متشاله و مهما تضيق عليها الحاله ولادنا قدها و رجاله منعرفش الهزار قصاد كل الظروف نتحدى و نثبت تانى بعد الشده و ده بسر الدعا و السجده و نيه الانتصار بلدنا و حبنا باقيلها و جوه عيونا بنشيلها عشانها المايله نعدلها حلفنا بربنا على ده سنين عملنلها خاطر بنبعد عنها و نسافر و نرجع ليها فى الاخر و برضو نحبها زياده ساعات ايامنا تيجي علينا بتخطفنا و تلعب بينا ساعات الصدمه بتقوينا لو قدامنا مين فى غمضه عين تعدى المنحه و فجاه نلاقي روحنا نجحنا و نستاهل كده اصل احنا من الاخر طيبين بلدنا و حبنا باقيلها و جوه عيونا بنشيلها عشانها المايله نعدلها حلفنا بربنا على ده سنين عملنلها خاطر بنبعد عنها و نسافر و نرجع ليها فى الاخر و برضو نحبها زياده الاغنيه دى بتدخلى قلبى اوى مش عشان الكورة بس لا ركزوا فى كل كلمه لوحدها وفكروا فى بلدنا بشوف شباب فى الكليه يقولوا اول منخلص الكليه هنسبها ونهج من هنا وشباب يقولوا احنا بكرهها وكتير شايفها مايله واى بلد تانيه احسن منها طيب منعدلها اسالوا اللى بره مصر عايشيين ازاى بعيد عنها واد ايه مشتاقيين لترابها مصر زى اى بلد فى الدنيا فيها العيوب وفيها المميزات بس تفتكروا العيوب اكتر ولا المميزات؟ انا عن نفسى شايفه ان عيوبها اقلل من مميزاتها بكتير زى مثلا 1- فين هتلاقى احلى ايام للطفوله وبنت وابن الجيران الذى يتشارك فيهم الشعب المصرى فين تلاقى احلى قاعده وشله فى كل مكان الشغل ،البيت ، القهوه فين هتلاقى جدعانه ولاد البلد والضحك فى اقصى ظروف الحياه ناس بتعيشها علشان تبسط الناس فين هتلاقى حد يشجعك دائما ويتمنى يشوفك احسن منه وبيقدملك كل حاجه بلرغم من انك متعرفوش انا لو اقعدت اعد مصر واللى بتدهولنا مش هخلص بس بجد مهما كان فيه حاجات وحشه فيها حاجات احلى يبقى المفروض بدل ما نسبها ونكرهها ونتريق نحاول نصلحها هى مصر مش اللى هزمت اسرائيل فى واحده من احسن المعارك مش شباب مصر هما اللى عملوا كده ولا اييه مش ناسها ؟ اييه اللى خلها وحشه دلوقتى اللى بيهدم فيها ويقول وحشه مصر هى مصر مش اتغيرت الناس هما اللى اتغيروا ومش كلهم دييه ناس معينه مصر ام الدنيا بشعبها وناسها مصر اقل من ان احنا نقول عليها عيوب ومميزات احنا المفروض كل يوم نصحى نحمد ربنا ان احنا مصريين وعايشين فى البلد دييه دييه كفايه كلمت ادخلوا مصر بسلام امين اللى فى القران الكريم اتمنى ان محدش يسمع للناس اللى بتخلى مصر وحشه فى عنينا ويشوف هى قدمتله اييه بدليل انها واحده والحمد لله من اعظم الدول العربيه والعالم الحمد لله انى مصريه وعايشه على ارضها ومن ناسها وهصلح فيها حتى لو بقيت لوحدى والا انتوا ايه رايكم فى كلام الشباب والبنات فى كرهه بعض الناس ليها هى مصر تستاهل مننا كده؟؟ |
egypt مصر مصر دى اكتر حاجه بحبها وبفرح لما اتكلم عنها والله مهما قلت مش هعبر على الى جويا مصر هى حبيبتى مصر هى دمى مصر هى حياتى مصر هى امنا كلنا مصر عمرى وروحى فداء ترابها ومش هلاقى بلد احسن منها ولا زيها ولا مفيش بلد تقارن بيها والى يقول غير كدا يروح يدفن نفسه احسن لانه .................. |
مصر دي ماحدش يقدر يديلها حقها لو قعدنا نتكلم من هنا لحد فين دي امنا كلنا دا انا كل ما اتكلم عليها بحس احساس جميل جدا وانا بجد حاسه بقيمتها جامد عشان متغربه عنها وبحب اي حاجه عنها وكلنا لمصر ميرسي عالموضوع الجميل |
تسلمي ياابحر الصمت علي مووضووعك مصر دي ام العالم كله ومصر الوواحد طووال مااهوه بعيد عنهاا عمره محس بالاماان وانا بحب مصر موووت |
اقتباس:
نورت التوبيك بكلامك اللى كله فخر بمصر |
اقتباس:
تسلمى على مرورك |
اقتباس:
ميرسى ياماتركس على مرورك وكلامك الجميل ده |
أنا مش عارفة بجد أقلك ايه انا أول ما شفت أصلاً الموضوع دخلت على طول لأني بموت في كلمات الأغنية دي لأني كل ما بسمعها بجد والله بلاقي دموعي بتنزل على خدي لأن الكلمات دي اتكتبت لمصــــر وانا من الناس اللي بيعشقوا تراب مصــــــر كفاية اني اتولدت فيها كفاية ان أغلب ذكرياتي الحلوة فيها مصر فيها كل حبايبي وناسي عمري ما شفت ناس طيبين زي أهالي مصر أما بتبقي في مشكلة تلافي الناس كلها حواليكي أما تبقي فرحانة تلاقي الناس كلها فرحانة لفرحك فيه أحلى من كده بجد انا كتير قبل ما انام بفتكر أيامي فيها بتمنى أرجع ليها ولو ثواني نفسي أتمشى في شوارعها وأشوف بلدي وأشوف ناس بتتكلم زيي يمكن الناس اللي عايشين في مصر مش حاسين بقيمتها بس والله لو تبعدو عنها تحسو بجد قد ايه بنحب مصر فلأنه مصر أم الدنيا تســــــــلمي على كلامك اللي حرك فيا أحاسيس ومشاعر كتيرة أووووي بجد موضوعك متميـــــــــــــز تحياتي ليكي |
بجد انتى مش عارفة عملتى فيا ايه بكلامك ده بصى انا مهما قولت او غنيت حتى لو موت نفسى فدا شبر من ارضها مش هاوفيها حقها انتى بتتكلمى عن بلد كل كلام العشق والهوى والحب والغرام و و و و مش هايقدر يعبر عن اللى جوايا من ناحيتها لان كلام الدنيا كله مش كفاية لوصف 1\1000000 من اللى جوايا بجد تسلمى ع الموضوع الرائع |
اقتباس:
اشكرك على مرورك وعلى مشاعرك الرقيقه وان شاء ترجع بالسلامه |
| الساعة الآن 06:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب