|
بنت محبطة اوى اوى السلام عليكم و رحمة الله..... انا سما كلية الطب جامعة عين شمس الفرقة الخامسة اتمنى انى اكون ضيفة خفيفة عليكم و أتمنى انكوا تساعدونى لو قدرتوا برى او نصيحة ومعلش لو نزلت المووضع هنا فانا ملقتش مكان مناقشة انزل ية الموضوع غير هنا أنا دلوقتى فى سنة خامسة طب بشرى و مشكلتى إنى من حوالى5 سنين يعنى زى دلوقتى كدة فى سنة أولى و يمكن قبل دلوقتى كمان حسيت بندم فظييييييييييييييييييييييي يييييييع إنى دخلت طب مش مجرد إحساس إنى متضايقة و بس لأ أنا فعلا بحسد الناس اللى فى أى كلية تانية و بكره جدا الواقع اللى أنا عايشة فيه و بقى نفسى أنى أرجع تانى للحظة ما دخلت الكلية و أغير الرغبة قبل فوات الأوان لكن مقدرتش أحول يمكن مش عندى الشجاعة الكافية أو لأنى مش واثقة انى مش هندم لو حولت او عشان خيبة امل اهلى فيا بالرغم من انهم مأجبرونيش عليها لكن برضه هيزعلوا المهم انى فضلت فيها و سنة ورا التانية لقيت نفسى بكبر و حاسة ان عمرى بيضيع منى من غير لازمة انا مش مبسوطة اغلب الوقت بالرغم من انى مستمرة فيها بقعد اضحك على نفسى يا جماعة انا كل يوم بموت من الحيرة وبموت من الخنقة و الموضوع دة بيخلينى اهمل فى دراستى خصوصا همومى الى قبل كدة الى هيا وفاه امى من شهرين فى حادثة بجد مش عارفة اعمل اية ولا حلاقيها من مين ولا من مين و لما ضغط الامتحانات بيهاجمنى ببقى حاسة انى هموت وانا فعلا بموت انا بموت فى اليوم ميت مرة من العياط بقوم من النوم دمعتى على خدى تعبانة وكنت محتاجالها فى الايام دى انا نفسى احس انى طبيعية نفسى اخرج اتفسح من غير احساس بالذنب نفسى احس انى مرتاحة بقا كل ما افكر انى بضيع كل الوقت دة بتجنن انا لو كنت فى أى كلية عادية كان زمانى اتخرجت انا عارفة انها أفكار كئيبة لكن هى دى أفكارى دايما بتمنى لو كنت مت قبل ما أدخل الكلية دى و ساعات بدعى ربنا انى اموت و بعدين استغفره و لما بفكر انى اصبر لحد ما اتخرج و بعدين اشتغل فى حاجة تانية ببقى هتجنن انى بضيع كل السنين دى بس انا فعلا مش عارفة اذا كنت بحب الكلية و لا بكرهها يعنى الحالة المزاجية عندى متقلبة لكن الاغلبية العظمى من الوقت ندمانة على انى دخلتها و بحس انى مش انسانة طبيعية زى بقية الناس و انا طول عمرى حياتى هى دراستى معنديش حاجة تانية اعمل ايه حد يقوللى يا جماعة اى حد عنده اى افكار يقولها انا حاسة انى هيجيلى الضغط او السكر ووزنى بيزيد وبجد تعبت من الدنيا دى كل حياتى ملهاش اى معنى و لا اى لزمة ولا بعمل اى حاجة عليها القيمة حاولت انى اعمل انشطة برة الدراسة لكن دايما بفشل انى اخد خطوة لقدام مليش اصحاب قطعت علاقتى بيهم من فترة بعد وفاة امى لانهم مش اصحاب بجد انا بجد تعبت من الدنيا دى واتخنقت منها ومبشوفش الابتسامة ولا الضحكة مبشوفش غير عياط بالنهار وانام اصحى دموعى ناشفة على خدى انا حتى اوقات بعد افكر واقول فكرى وشوفى لية ربنا خلاكى كدة واعد اقول مفيش احلى من انى امسح دمعة مريض بس برجع تانى لفكارى الخنيقة يا رب انا نفسى اخلص من الموضوع دة ارجوكوا ساعدونى يا جماعة ربنا يعلم انا بكتبلكم الموضوع دا وانا عاملة ازاى مش حطول عليكم بس حبيت افضفض لناس حسيت منهم بالاخوة والصحبة بجد |
اهلا بيك يا دكتورة ليه الاحباط بس خلي ايمانك بالله كبير وان شاء الله تستمعين وتستفيدين معانا وتجدي حلا لاي مشكلة تواجهك ،، منورتنا يا قمر |
اهلا وسهلا بيكى يا دكتوره نورتى بيتك التانى وان شاء الله يعجبك منتدانأأأأأأأ ونستفاد منكى وتستفادى مننا |
السلام عليكم ورحمه الله وبركاته على اجمل دكتورة بالدنيا بوصى انا فهمت من كلامك ان طول الدراسه بكليه الطب تعبك اولا لازم يكون عندك ثقه بالله وبنفسك انتى ربنا انعم عليكى بان تكون فى يوم من الايام ملاك من ملايكه الرحمه عارفه ان الدراسه ممكن تكون صعبه وطويله وحياتك كلها بين الكليه والمكتبه والابحاث والعلم وكده بس النتيجه ايه انتى خلاص فضلك سنيتن وتبقى دكتورة ووالدتك ربنا يرحمها يارب تبقى مرتاحه عشان انتى اهتميتى بمستقبلك ماهملتيهوش متستلميش لليأس لانك كده فعلا هتخسرى وبعد الشر عليكى هتموتى بدرى حتى وانتى عايشه وفى ناس كتير من احلامهم وانا منهم ان لما اخلص كليتى ان شاء الله اعمل دكتوراه ده كمان عمر ووقت بس مش بيضيع انا هنفع بيه نفسى ومجتمعى كله لما يتقال عليكى دكتورة وشاطرة ده مش شويا لما تخففى تعب انسان وتهونى عليه ده احساس بالسعاده كبير اوى حاولى تحبى كليتك ودراستك وتصبر وتهونى على نفسك واخرجى لو ساعتين فى الاسبوع هيهون عليكى كتير ومش هيعطلك ياما ممكن كمان انك تذاكرى فى مكان هادى زى نادى مثلا او جنينه حلوة تبقى فيها تذاكرى وشوفتى منظر جديد وروحتى عن نفسك ومضيعتيش وقت وكلنا عندنا امتحنات ومذاكرة وحفظ وساعات كتير بنبقى زهقانين وعايزين نخرج بس المسئوليه الى وراكى تخليكى تيجى على نفسك حطى حلمك قدامك وبتوفيق ربنا هتوصليله ان شاء الله بالنسبه لصحابك انتى سبتيهم خلاص مش نندم عليهم انتى بتقولى انهم مش صحاب بجد حاولى تعرفى ناس جديده واكيد هتلاقى حد ترتاحى معاه ويبقى اوفى ليكى من صحابك القدام بجد هنا فى المنتدى كل الاعضاء كويسين جدا وفى بنا ثقه وتفاهم عالى يارب تلاقى بينهم حد تثقى فيه وتعتبريه من اصدقائك معلش طولت عليكى بس حاولى تتغلبى على احزانك عشان تعرفى تعيشى وميضعش العمر منك |
هــــــــــــــلا و غــــــــــــــلا فيك معانا في منتدانا.. بين اخوانك واخواتك الأعضاء ونبارك لأنفسنا أولاً ولك ثانياً بزوغ نجمك وإنضمامك لركب هذه القافلة الغالية علينا نتمنى لك طيب الإقامة وقضاء وقت مُمتع ولحظات سعيدة بصحبتنا .. بإذن الله في إنتظار ما يفيض به قلمك من جديد ومفيد .. لك مني أرق تحية |
ربنا يخليكم جميعا يارب على فكرة يا جميلة الباكية الرسالة بتاعتك مش عارفة اقراها لان مشاركاتى لازم تكون 100 فانا مش عارفة اقولك اية |
ماشى يادكتورة يارب تكونى احسن دلوقتى وربنا يهديك للصح ويكتب ليكى الى فيه الخير |
بصي ياسما انتي بتقولي انك في الفرقة الخامسة يعني خلاص هانت وانا كنت زيك كدة ايام ماكنت بدرس بكلية تجارة كنت حاسس اني دخلتها كدة تنسيق وعمري ماتمنيت ادخلها وكنت بكرهها جدا لانها مكانتش حلمي . بس بعد ماخلصتها عرفت ان ربنا اختارلي الخير بقول يمكن لو اتخرجت من اي كلية تانية مكنتش لقيت فرصة عمل او سفر زي مانا موجود دلوئتي . بعدين انتي هتكوني دكتورة يعني هتعالجي ناس وتاخدي ثواب وكفاية دعوة مريض ربنا شفاه علي ايديكي . ارضي بحالك وصدقيني لما هتخلصي هتعرفي انه خير ان شاء الله . مش هطول عليكي بس انا مريت بنفس ظروفك دي بس ربنا يهون عليكي ويوفقك منورة المنتدي |
بصي يا قمر انتي لازم تعرفي انك مهما عيطي ومهما اتضايقتي خلاص مش هتغيري الواقع ارضي بللي ربنا كاتبهولك وحاولي تحبي حياتك عشان تعرفي تعيشيها حاولي لمدة اسبوع بس ما تعيطيش خالص وكل ما تيجي تعيطي تقولي لنفسك انك احسن من ناس كتير وتحمدي ربنا وتروحي كليتك وانتي حباها حب ما تعمل لتعمل ما تحب وتتعرفي فيها على صحاب جداد كويسين وانتي اصلا هنا هتلاقي صحاب كويسين اوي يا جميل جربي اعملي كده مدة اسبوع بس هتلاقي نفسك اتحسنتي شوية المهم تعرفي انك كده بتضوري نفسك يعني حرام عليكي اللي بتعمليه في نفسك ده بجد وربنا يوفقك يا جميل ويرحم مامتك يارب الجنة ونعيمها ان شاء الله نورتي المنتدى يا سما .. |
اهلا بيكى يا دكتورة سما نووووورتى بس بجد الكلام اللى بتقوليه ده تسيبيه لحد تانى لازم تعرفى ان ربنا وفقك للكلية دى لانك ادها وادود ده انتى اللى هتخففى الام الناس ,,,, باذن الله طبعا ودى اجمل رسالة فى الكون انك تكونى سبب فى سعادة الاخرين تخيلى فرحتك لما تلاقى مثلا المريض اللى كان يائس من مرضه وربنا جعل شفائه على ايديكى تخيلى سعادته وسعادة كل افراد اسرته وكلهم اكيد هيدعولك احلى الدعوات ده غير الثواب بتاع ربنا بالنسبة للدراسة ده هما سنة وهتخلصى وبعدها الامتياز وقربى من ربنا فهو القادر على ازالة الهموم وحاولى تعملى صداقات جديدة وتقضى معهم اوقات ممتعة ترفهين فيها عن نفسك وربنا يوفقك ان شاء الله ونسمع عنك احلى الاخبار |
| الساعة الآن 04:17 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب