|
كيف يجرح العضو مشاعر العضو ...... بسم الله الرحمن الرحيم السلام عليكم ورحمة الله وبركاته ممكن نركز مع بعض شويه كده شوفو الموضوع بيحصل ازاى العضويعمل موضوع ويمكن يكون اول او تانى موضوع ليه ونفسه يشعر باهتمام من اعضاء المنتدى اللى هو اختار يكون عضو فيه وياعينى العضو يتصدم من اولها اللى يدخل يقوله الموضوع متكرر ولو سمحت خد بالك واللى يدخل يقوله الموضوع ده او الصور ديه عندى على جهازى واللى يدخل يقول الموضوع قديم اوى وللى يقول انا قريته قبل كده بس يالا شكرا (ياعينى بيمن عليه ) واللى يقول ده مسروق واللى يقول ....... فى اختراعات كتير عشان تحرق دم العضو الغلبان سوال واحد ليه ؟ عندك كلمه حلوه قولها عندك شكر قوله عندك اضافه ياريت تذكرها معندكش حاجه غيرهم خد بعضك واخرج هتستفيد ايه لما تجرح مشاعر العضو حتى لو الموضوع متكررولكن فى حاجه اسمها رسائل خاصه (بين الاعضاء) يمكن انا يا جماعه فى كتير هيزعلو منى ولكن حفاظا على الحب والاحترام والود اللى بين الاعضاء واللي بلاقيه من رد بعض الاعضاء انا مش بقول طلبى ده امر او فرض على حد ولكن انا بطلبه لطفا ورجاء انه يتحقق لما اراه من ردود بعض الاعضاء 1-شوفت الموضوع ده قبل كده خلاص بلاش ترد فيه لو مش هتقول كلمه كويسه فى حق صاحب الموضوع 2- الصور ديه عندك من زمان خلاص بلاش تحرجه وتقوله الموضوع قديم ومش جديد (يعنى بالبلدى انت معملتش حاجه جديده ) 4-عايز تعترض اعترض من غير ما تجرح فى الشخص نفسه وممكن في رساله خاصه توضح له الامر ان كنت انت صاحب الموضوع الاقدم حاجه كمان مهمه جداااااا التقيمات السلبيه التي من جانب بعض الاعضاء وليس لعدم جوده الموضوع وانما للحقد الدفين او ان هذا العضو ابدي رايه بالموضوع ولكن هذا الراي لايعجب صاحب الموضوع او العكس ده هيعزز منتدانا اكتر وهيحببنا فى بعض ومش هتحصل مشاكل ابدا والا هيكون فى اعداء وصراعات نفسيه وصدقونى بيبان فى الرد الخاص بالعضو مدي تهكمه او حقده او تصغير لشان كاتب الموضوع او السخريه من اراء الغير وبطرق غير لائقه او مناسبه لكوننا مهندسين والله من وراء القصد الا الخير والله اعلي واعلم تقبلوا تحياااااتي وعاوز ارائكم |
انا لا اعتقد بأن تكرار الموضوع والتذكير بذلك علنا امر يدفع لاتهام الاعضاء بالحقد علي!!!! لو نظرنا للجانب الايجابي للموضوع من ناحية ذكر ان الموضوع قديم او مكرر سيكون امر يدعو إلى حسن الظن في الاعضاء وذلك حينما لا ارى ردود على الموضوع من هنا سأعلم بأن لا مكان للحقد بيننا فجميعنا اخوه والمواضيع مكرره كانت او قديمه ماهي إلا بداية لتواجد اي عضو في المنتدى .. يبدأ بالنقل ثم يكتشف عقليات المخاطبين من الاعضاء ويحثه هذا الامر على الابداع في الردود والمواضيع فما يحدث في المنتدى يحدث في العالم الواقعي حينما يفشل الشخص في مجال ما لا يقول بأن سبب فشلي هو حقد الناس عليا وان فشلي امر محرج ..!! لا بل هي خطوه اولى للابداع... ارجو ان اكون اوضحت وجهة نظري بإختصار لك مني كل الاحترام والتقدير... وطرح رائع ويحدث كثيرا.. |
اه صحيح انا معك وخصوصا لما بيكون العضو جديد وما بيعرف شو المواضيع الي طرحت ومن حقه انا نتعرف عليه ومش من اول موضوع انصده واذا على النقل الكل بينقل وبينسخ شكرا للموضوع الرائع |
السلام عليكم الرسول عليه الصلاة والسلام قال ( قل خيراً أو اصمت ) معظم المشاكل بتبدأ بكلمة بسيطة ومن ثم بتشتعل والكلمة اذا كانت داخلك فهي ملكك لكن اذا تكلمت بها صارت ملكاً لغيرك .. فلازم كل انسان يحاسب نفسه على كل كلمة يقولها لانه كل خلاف بيبدا بكلمة وبعدين بيتطور لأكتر من كده يمكن أكتر اسلوب بحسه يجرح الشخص لما حد يقول للتاني موضوعك مكرر .. بحسها بيستفزه جدا وبيخليه يعصب وده لاحظته في كتير من الموضوعات اللي مرت علي في القسم او مثلا عضو يرد ويقول موضوع قديم وقرأته من زمان يمكن قديم عنده بس جديد عند غيره .. فلازم كلنا نحترم اللي قدامنا ونتكلم باحترام ولو ردينا على الموضوع يكون ردنا باحترام وخصوصا لما يكون العضو جديد لازم يكون كلامنا ليه كويس وما نمشيش بأسلوب التجريح معاه لانه بيبقى لسه داخل على عالم ما يعرفش مين اللي فيه فلو لقى الكل بيتعامل بأسلوب وحش او بطريقة غير لبقة أكيد هيسيب المنتدى عشان هيحس باضطهاد تسلم على موضوعك .. خالص تقديري ليك |
تسلم الايادي موضوع رائع جدا من انسانه رائعه |
من آرقى ما يـتعلم الانسان ... أن يتــعلم أن يستــمع لكل رأي ويحــترمه وليــس بالضــروره ان يقتنــع به ... |
| الساعة الآن 04:18 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب