|
يوميات مراهقة مصرية بقلم ((lorraa)) بــــســمــ الله الــرحــمــنـ الــرحــيـمـ الــسلـامـ عــلــيـكـمـ ورحــمــة الله وبــركـاتـهـ يوميات مراهقة مصرية من غير مقدمات دى يوميات من كتابة العضوة lorraa اللى هى انا :006: وطبعا دى يوميات وهتعب فى كتابتها بالبلدى اللى هيلطش موضوعى دا هقتله ((بخرف مش كدا)) الموضوع غير ملطوش ولا يسمح باللطش واللى هيلطشه من غير ما يستأذن وهينسبه لنفسه يا ويله هدخل المنتدى بتاعة وهعمله فضيحة فيه نبدأ ____________________ الاسم :سكر السن:14 سنة ((تالته اعدادى )) _______________ اجازة اخر السنة بتاعة 2 اعدادى النهاردة يوم الشكوى والاشتكاء الاسبوعى زى ما سميناه انا وعلى اخويا الكبير من الصبح ماما كروتت الاكل وخلصت الساعة 11 ولبسنا وركبنا عربية خالو واخويا مش طايق نفسة ولا انا بس دا امر لازم النهردة الحميس ودا اجبارى بتقولوا اكيد العالم دى رايحة فين دى الزيارة الاسبوعية لتيتا ((لجدتى)) اول ما وصلنا دخلنا لقينا خالاتى وستى واولاد خلاتى يعنى هيصة المنظر ميتوصفش واول ما دخلنا انا ماسكة ايد اخويا وهو بيحاول يبعدنى عنه هو اساسا مش ناقص اول ما دخلنا واعدنا مخدناش نفسنا لسه ماما بئا بتكلم ستى ماما:شوفتى يا ماما اللى ولادى عاملينه فيا انا وعلى بنبص لبعض وشويه وهنضوم ندور التلطيش فاللى قاعدين لأن كلهم بيئولو تؤ تؤ تؤ تؤ تؤتؤ عهاملته ايه يا ولاد ستى بتقول وهى متوقعة رد امى : خير يا بنتى ماما: البت سكر مقصوفة الرقبة مبتسمعش الكلام ليل نهار قاعدة على الكومبيوتر ومبتسبش التليفيزيون خالص والواد على على طول بره البيت ومبيجيش غير علشان النوم والاكل على راح باصص للتليفيزيون وقعد يضحك مع ان مفيش حاجة تضحك ستى راحت متدورة لينا وهى بترمى نصايح ابله فضيلة وانا اصتنعت الكسوف وغطيت غضبى علشان لو رديت الكل هيقعد يقول يوووووووه ييييييييييه يييييييياه ويقول على امى انها معرفتش تربى وانا مسمحلهمش نرجع للمنظر طبعا القاعدة كلها سيدات فاشتغلوا بئا كلام ونصايح اوففففففففففففف ايه القرف دا كلمة طلعت منى خلت الكل يرجع بنظره ليا وكأنهم بيقولو ايه قلة الادب دى انا عيلة متخلفة ايه اللى خلانى اقولها مكانت حصة الموعظ الحسنة قربت تخلص لقيت ماما بتبوصلى وبتزغورلى وراحت ناطقة بأسمى وانا نطقت الشهادة وقالت :سكر قلت :نعم قالت :يظهر انى معرفتش اربى قلت:يا ماما ..أ,,أأأ قامت ماما وراحت وخدانى بره وراحت قرصانى ورزعتنى قلم موجعونيش بس حسيت بالذنب ولأول مرة فى حياتى يكون عندى دم واحس بالذنب و قالتلى:على هيروحك دلوقتى احرجتينى ربنا ياخدك يا شيخة انا مخلفتش ومربتش وقالتلى اروح الاقى البيت نضيف ومشوفش وشك فى البيت تدخلى اوضتك ومتخرجيش منها ومحرومة من المصروف لمدة اربع اسابيع بعد كلمة محرومة من المصروف دى انا كنت هموت قلت : ماما انا اسفة ((واول مرة اقولها)) بصتلى وكأنها مصدومة انى قولتها بعد كدا عدلت نظرتها وبصلتى نظرة جامدة كشيت ودخلت فى هدومى ساعتها قالتلى : الموضوع خلص ومتناقشينيش تانى فيه ماما دخلت وهى شدانى فى اديها زى ما يكون ساحبة كلب وكان المنظر مبهت لما لقيت ستى بتبتسملى قالت لماما : سيبيها ماما بصتلها كدا وراحت قايله: بس يا ماما هى غلطت ستى قاطعتها وقالت :قولتلك سيبيها ماما سابتنى والحمد لله قعدت جنب ستى قالت :كبرتى يا سكر وبقيتى بتردى قلت: تيتا انا اسفة والله بس((وسكت )) قالت :بس ايه ؟؟!! قلت : انا يا تيتا مش زى ما ماما بتقول كدا انى مش بعمل حاجة والله بعمل كتير وعلى مش بيتأخر زى ما حضرتك فاكرة تيتا بصتلى اوى واعدت تضحك وكلهم اعدو يضحكوا قالت :امك بتبالغ .. انا عارفة بس هى لازم تقول كدا علشان تخلينى انصحكوا وانتى عارفة انك اللى قولتية دا غلط .مش كدا ؟؟ قلت وانا ببص فى الارض : اسفة@_@ قالت خلاص يا سكر ادخلى غير واعدى مع بنات خلاتك فى الاودة جوة قمت وغيرت ولبست لبس البيت واعدت الاعدة اللى طول عمرى بكرهها اعرفكم بئا على ولاد خلاتى رندا: 14 سنة غلسه غلاسة متتوصفش وكمان بتحب ابن خالتى اللى انا ....^_^ ما علينا مامتها اسمها ليلى تبئا خالتى اخوها اسمه عمر18 سنة كلية تجارة الواد الصراحة خسارة فى اخته محترم يعنى واخوها الصغير عامل زى القرد استغفر الله العظيم اسمه على 7 سنين عيل غبى زى اخته رزان:15 سنة ظريفة موت وبتموت فى الظرف والاستظراف معزتها فى قلبى زى معزة رندا بالظبت مامتها اسمها كريمان تبئا مرات خالى هما الاتنين عيال ظراف اخوها اسمه كريم :19 سنة مش لطيف وملهوش فى الاجواء العائليه ومش بطيقة ليها اخ اسمة رمزى زى القمر وعسول يخربيته فظيع عندة 4 سنين اما بئا بحرية دى روحى وقلبى وعقلى الله يحرقها بحرية:14 سنه قدى صحبتى بالنسبة للبنات اللى فى العيلة بحبها اوى لأنها خفيفة وكمان مش بتطيق العيال التانية اخوها عمرو:17 سنه فى تالته ثانوى داخل كلية هندزة وانا والبت رند بنــ ..^_^ بس هو بيحب البت رندا واااااااااااااء يعنى انا عزول اساسا !___! اختها الصغيرة رنا :3 قمره وقمورة طبعا انا دخلت اعدت فى وسط هذة الحشود ولزقت فى بحريه بسألها عليها وعلى اخبارها ومنها اطمن على عمورة اللى حارق دمى وفجأة لقيت حد سخيف بيقول هو عمرو هيجبلك ايه فى عيد ميلادك يا رندا انا فار دمى والتفت وبصيت لرزان باستحقار وبعدين تابعت كلامها وقالت ولا بلاش تقولى احسن فى ناس هنا هتموت قلت فى سرى ابقى قبلينى يا حيوانة لو خليت على يبصلك ((همنع عنها الماعونه)) بصيت ليها تانى وقلت لبحريه على بيسلم عليكى اوى يا بحريتى وبيقولك سلميلى على عمرو وقوليله ربنا يصبرك على ما بلاك بحرية مش مسكت نفسها وميته على نفسها من الضحك ردت رندا بتقول :رزان على فكرة عمرو لو لبست حاجة كات فى عيد ميلادى هيزعل اوى انا قلت : ومين قالك انه فرحان اساسا قامت وراحت جايا عندى وراحت جايه قالت :هو انتى ايه اللى مزعلك يا سكر انتى واحد وواحدة بيحبوا بعض ومخلصين لبعض انتى ايش حشرك ما بينهم اوف فلاحين انا الصراحة ادايقت ومسكت نفسى علشان مدورش فيها التلطيش وهى بجد عرفت تحرجنى وبعد السوكات دا لقيت صوت بيقول رندا ...رندا ...رندا الصوت كان واطى بس انا عرفت اميزة دا صوت عمرو يجيلك ويحط عليك ياموكوس بحرية قالت كدا وقامت سبقت رندا للبلكونة فرندا بتقولها انتى مش سامعاه يا انتى بيقول رندا انتى انطرشتى بحريه بصتلها كدا وراحت قايله يا ماما انتى تبوسى رجلك ضهر وبطن انى مقولتش لماما انا بس مستنيه الوامر وانا مش هتردد وراحت بصالى وضحكت ضحكة شريرة رندا خافت وانكمشت وقعدت مكانها انا بئا اتنفخت وبئيت عاملة زى البالون سمعت بحرية بتقولو : وحياة ربنا يا عمرو لو ما مشيتش من هنا لقول لأمك عمرو وبكل بواخة : مش ماشى يا روح ستك بحرية : طيب يا حبيبى نتقابل فى البيت عمرو: خلاص خلاص انا ماشى بحرية : داهية تاخدك عمرو: الله يخليكى شكرا ..شكرا بحرية دخلت وبصت لرندا من فوق لتحت وضحكت ضحكات شريرة متقطعة واعدت جنبى وانا هطق من الفرحة يعنى الصراحة بوئى كان هيتشق من البسمة فجأة الباب خبط بفتح لقيت امى بتئولى تعالى كلمى على طبعا على كان خرج مع عمرو العيال دا اللى انا توقعته بس على قالى :سكر قولت: نعم قالى : انتى عارفة انك قمر وزى العسل وطيوبة قاطعته وقولت: عايز ايه لخص قالى عايز عشرين جنية اشرب بيهم شاى قولت : لاء اعد هنا وانا اعملك كوباية شاى ببلاش وعليها وردة قالى : مش عاوز وردك دا خالص انا عاوز عشرين جنية ولا هقول لامك انى كسرت طقم الكوبيات الجديد قولت خلاص خدهم خدك عزرائيل خدهم وقالى:مفيش عشرين تانية لكريم بئا رديت قولتله : هو انا وارثة اسرح يالا قالى : مرضى بردوا دخلت الاودة وانا بنفخ لقيت رندا عمالة تشتم فى عمرو وتقول: مبيردش عليا : اوفففف ههههههههههههههههه ضحكات شريرة متقطعة طلعت منى قولت فى سرى واشك انى قولتها بصوت عالى وسمعته هو عمرو هيبصلك ليه يا قرعة يا عورة يام ايد مسلوخة انتى اكيد عايز يرمرم ((مع العلم ان عمرو دا على فكرة صايع وبتاع بنات زى اخويا واولاد عمامى وخلاتى واصحاب اخويا ) يعنى ما اسخم من ستى الا سيدى وبعدين عمرو طبيعى هيلعب بيكى شوية وهيسيبك زى اى بنت هو زهق من الكبار ومسك فى الصوغيرين الكلمة دى بالرغم من انى انا اللى قولتها فى نفسى الا انى سرحت فى معناها كتير اوى وبلمت واعدت افكر طب ما طبيعى لو هو هيلعب بيها بعد ما هيزهق هيدور على غيرها ولو حس بيا انى انا..^_^ هيلعب بيا انا كمان عمرو انسان مش كويس لأنه بيفكر بالطريقة دى لا هو كويس هو ابن خالتى وميصحش اقول عليه كدا وبعدين انتى بس علشان خايفة لكن انتى حاجة تانية لااااااااااااااا كنت هموت جوايا بالاحساس المتناقض دا فجأة انتبهت لصوت بحرية وهى بتقول اللى واخد عقلك يتهنابو بصيتلها وابتسمت وقعدت مسهمة لحد ما ايجا وقت الغدا قبل وقت الغدا كان فى كلمات سخيفة من رندا لا تعليق عليها وقمنا علشان الاكل واحنا قاعدين بناكول ماما قالتلى: سكر انتى لازم تروحى دلوقتى انا بصيت لماما وانا مبهوته قولت: ليه يا ماما قالت: بابا سافر وعلى لوحدة فى البيت وانا هقعد عند تيته اسبوعين وبابا مش هيجى قبل شهر قولت : بس على مش صغير(( ومكملتش كلامى وماما قاطعتنى )) قالت: على مبيعرفش يطبخ ولا يغسل فهمت بئا الموضوع هكون الخدامة بتاعة سى على طويب والله لمشيه على العجين ميلخبطوش اصبر عليا يا على وبعد الاكل لبست وخدت هدومى وخالى وصلنى وطلعت السلالم بكل خفة ودلال وفجأة بعد ما خبطت والباب اتفتح مين دا عمرو؟؟ ايه اللى جابك ولابس هدوم اخويا ليه طبعا دا كله ايجا فى دماغى _______________ CUT الحلقة خلصت استنونى بالحلقة الجاية بئ عاوزة اشوف الردود وزى ما قولت اللى هينقل يستأذن ومينسبش الموضوع لنفسه انتظرو بقية الحلقات مع LORRAA |
موضوع رائــــــــــــــــع تسلمـــ الايـــــــــــــــــــــــــادي دمتي بود اختك فيولا |
الموضوع جميل بس بليز كميلى لانه حلو و مشوق بس بسرعة |
الحلقة التانية انااااااااااا جيييييييييييت :cv9: الحلقة الثانية _ _________ ________ طبعا انا كنت مذبهلة ايه اللى جابك يالا يانهارى عاوزة اقول كلام كتير بس مش راضى يطلع ليه طب هو ساكت ليه فى الاخر نطقت وقولت بغباء: انتا مين؟؟؟ عمرو ضحك مع ابتسامة ساحرة او ساخرة وقال: انتى ايه اللى جابك اتغظت اوى منه روحت ردة بانقعال: ملكش دعوة انا عاوزة ادخل قال :مينفعش قولت : هو ايه اللى مينفعش قال:مينفعش تدخلى قولت: دا بيتى مش بيتك قال: مينفعش وخلاص روحى من مطرح ما جيتى بصيتله باستغراب وقولت: لو مدخلتنيش انا هتصرف قالى : اعملى اللى عندك قولت: طيب يا والله لاقول لماما وفتحت الشنطة ولسه بطلع الموبايل لقيته مسك ايدى بصيتله بقرف واستحقار بس الصراحة النظرة دى كانت من قلبى روحت مصوته فى وشة وقايله له نزل ايدك علشان مش اقطعهالك بصلى باستغراب كأنة بيقول اول مرة واحدة تزعقل وتشتمنى شال ايدة قولت :بص لو انا مدخلتش دلوقتى بجد هيكون فى كلام بينى وبين على مختلف قالى :مينفعش يا سكر قولتله:انا هدخل ودخلت فيه كأنى باكسر باب وفعلا نجحت لقيت نفسى فى الشقة طلعت اجرى جوه الشقة الفضول هيموتنى لازم اعرف هما بيعملوا ايه دخلت لقيت عمر وكريم وعلى قاعدين بيشربوا سجاير وبياكلوا جمبرى اعدت اضحك ضحك وهما طبعا الصدمة كانت كبيرة عليهم هههههههه وبصيت لعلى قولتله فكرتك بتحشش ههههههه على قالى يا سكر انا ماليش دعوة عمرو والله هو اللى جاب البلاوى دى ضحكت وقولت طب مانتا اديته فلوس قالى : لااااااااا قولت :اومال العشرين جنية دول راحو فين على ضحك وقالى : انا عارف انك مش هتقولى لحد يا سكره دى سجاير مش حشيش قولت بنبرة جادة: بص انا هقول لماما وهى تتصرف معاكـ ولسه بدور وشى الا ولقيت اللى عيونه رشقت فى عيونى عمرو طبعا عمرو قال: مش تخاف سكر شطورة ومش هتقول لحد وانا هجيبلها هديه كويسة فى عيد ميلادة كنت هموت من الغيظ ادورت وبصيت لعلى وقولت لعمرو: بص يا بابا انا مش عيله علشان تقولى هجبلك ومش هجبلك ولما تكلمنى تكلمنى باحترام مش خدامة حضرتك انا وعلى فكرة انتا ليك معايا حساب تانى على اللى عملته على الباب لقيته اتعدل وبصلى كأنه خافوقال: لو انتى مش عيله متقوليش لخالتى لأنك كدا هتكونى عيله اكتر قولت: انا هقول وقت ما اكون عاوزة اقول مش انتا اللى هتعرفنى على قال: سكر احنا احوات وبلاش فتنة ونداله اوكـ بصيتله وقولت:خلاص بس لو مبعدتش الواد دا عنى دلوقتى هقول((بشاور بصوباعى على عمرو)) على قاله : انصرف انتا دلوقت لقيت كريم وعلى وعمر قربو: وقال واحد فيهم اوعى تقولى لحد يا سكر ابتسمت وقولت : مش هقول خلاص دخلوا الاودة يغيروا هدومهم وانا اعدت اتكلم مع على واتأمر بئا انتا تعملى كذا كذا كذا والصبح فطار و ..و...و... هههههههههههه مستغلة قال على كدا قولتله: طب مانا عارفة قال: اه صحيح هى عادتك يعنى ولا هتشتريها قولتله : موافق ولا... قال: خلاص موافق قولت :طويب انا كنت جوايا هموت من الغيظ ومن الزعل هو انا فى نظر عمرو شكلى كدا طفلة وهو للدرجة دى عيل زبالة ومش مؤدب بيمسك ايدى وعلى حلف بربنا ان هو اللى جاب البلاوى دى بجد فى اللحظة دى محاولتش خالص انى ادافع عنه بافكارى لأنه كان خلاص بئا بالنسبة ليا شخص ميستاهلش انى اضيع وقتى فى التفكير فيه مش عارفة ايه اللى خلانى اغير رائى فية بسهولة جايز لأنى قبل كدا متعاملتش معاه اكيد غرتنى المظاهر بس الله يكون فى عون رندا انا بدأت اشفق عليها وجانى فى اللحظة دى استنتاج فظيع ان مدام انا قدرت اكرهه معنى كدا انى مبحبوش يبئا دا كان مجرد اعجاب على صحانى من الغيبوبة دى و قال: انتى يا بت انتى روحتى فين يخربيتك شكل ضميرك بيأنبك ووهتقولى لماما بصيتله كدا بصه من فوق لتحت وقولت :انتا بص من بكره تسمع الكلام واللى اقوله يمشى انتا فاهم ولا لا قال: ان كان لك عند الكلب حاجه قوله يا سيدى قولت:انتا بتقول حاجة يا على قال: بقول اوامرك يا قمر قولت :امممممممممم بحسب ولقيت دول خارجين وكريم وعمر :بيبتسموا كدا علشان مش اقول ولقيت اللى خارج وراهم وبيبصلى من فوق لتحت وراح جاى قايل عاوز حاجة يا على على قال عاوز سلامتك قولت فى نفسى: داهية لا ترجعك صغرت اخويا فى نظرى يا حيوان مش عارفة بالرغم انى كنت بكلم على بهزار وضحك وعادى لكنى بردوا كنت بستحقره علشان مش كن اتمنى ان قدوتى تكون بتشرب زفت ويا عالم النهاردة سجاير فى الشقة بكره محدش عارف فيه ايه عدى يوم نمنا وصحينا عادى يعنى اتصلت ببحرية عند ستى على الموبايل وقولتلها على اللى حصل بحريه كانت مصدومة ومش مصدقة اخويا سبرسى كلمة طلعت من بحرية وقعدت تضحك قالت: كويس همسكهاله ذله قولت لها: بحرية اسمعى قولى لاخوكى يبعد عن على الاول على مكانش بيكلم بنات وبفضل الاستاذ اخوكى بئا بيكلم ودلوقتى بيشرب سجاير مش بعيد بعد كدا ادخل عليه الودة الاقيه بيحشش بحرية منطقتش قولت : بحرية انتى سمعانى قالت :سكر انتى بتقول ايه انتى شكلك بتخرفى دول اصحاب قولت: ميبقوش صحاب لو اخوكى هيفسده قالت: بصى يا سكر هو احوكى ليه يوافق على كدا مدام هو محترم وابن ناس وانا اخويا مش متربى قولت: انا مش قصدى كدا قالت :اومال قصدك ايه يا سكر ابعد اخويا عن اخوكى ليه قولتلها وانا متنرفزة وخلاص مش ماسكة نفسى : بصى اخوكى دا انسان مش محترم ولو سمحتى يا بحريه انا قولت اللى عندى وخلصت ومش عاوزة اسمع وجهة نظرك لأنها طبيعى هتكون فى صالح اخوكى وقفلت السكة حسيت فى اللحظة دى انى بجد كبرت اوى والكلام اللى قولته كان كبير وماما هى اللى كانت لازم تقول كدا انا ايه اللى حشرنى دانا منخيرى طويله اوى روحت لعلى ودخلت اودضته من كير ما اخبط قالى خير يا سكر قولت: على انتا مش عاوزنى اقول لماما ولا اقول لبابا مش كدا قالى :اكيد قولتله:تسمع الكلام دا ومتترددش فى انك تنفذة قالى بهزار :اوامرك قولت: تبعد عن عمرو وعن ولاد خلاتك دول وبالذات عمرو دا قالى : سكر انتى بتهزرى قولت: انا بتكلم بجد ومتناقشنيش ومتسألنيش عن السبب لأنك اكيد عارفه قال:سكر دول صحابى وبعدين انتى ناسيه اننا قرايب واخوات قولت:قرايب اه بس من امتى وهما صحابك يا على قال: من زمان من فترة قولت : انتا بتكدب على نفسك مش عليا يا على قال: انا مبكدبش يا سكر واحترمينى لأنى اخوكى الكبير مش علشان انا سايبك تتناقشى معايا خلاص يبئا مفيش ادب قوات: على انا عاوزة مصلحتك قال: اه عيشنا وشوفنا اختى الصغيرة بتنصحنى قولت : يعنى هو انا علشان انا صوغيرة مش هتسمعنى ولا لازم اكون كبيرة علشان صوتى يتسمع لما انصح قال: انتى تخرسى يا سكر انا غلطان انى سمحتلك انك تتكلمى قولت وانا متغاظة : والله لو مقاطعتش العيال دول لاقول لماما وبص بئا انتا لازم تسمع دول مش صحابك صحابك هما اللى انتا سيبتهم وايجوا يعتذرولك برغم انك انتا اللى غلطان صحابك هما اللى مفروض انهم عاوزين مصلحتك وانتا عارف انا بتكلم على مين يا استاذ على قال ببرود: ملكيش فيه انا اقاطع اللى انا عاوزة واصاحب اللى انا عاوزة ولو عاوزة تقولى لماما قولى يا سكر بس هيكون فى تصرف تانى قولت :بص انا مش هقولها علشان انا بفهم ووعارفة هى هتعمل ايه لو عرفت بس والله لو مش سمعت اللى قولتهولك هيكون ليا صرفة تانية معاك يا على وانا مش هعيد كلامى تانى وخرجت ورزعت الباب ورايا مش كنت عاوزة اسمع كلام منه دخلت الاودة بتاعتى وقعدت عمالة بفكر اقول لماما هى تتصرف ولا اكبر شويه واحل الموضوع بنفسى بس افرض معرفتش احله بنفسى هندم انى مقولتش لماما بس لو قولت لماما هتقول لبابا وبابا هيضرب على وانا بجد مستحملش اشوف على بينضرب وماما هتروح تفضح على عند ستى وتقول انه بيشرب سجاير وممكن بابا يخليه يطلع من التعليم يخليه يشتغل علشان يجيب فلوس السجاير اللى بيشربها دى يالهووووووووووووووى هموت حاولت انام بس معرفتش هموت من التفكير الساعة لسه 8 باليل القرف دا انا ايه اللى خلانى اجى اووووووووووف قطع التفكير العميق دا اغنية عمرو دياب احلف بالليالى بصيت فى االشاشة ايه دا بحريه مستحيل رديت قولت : الوو الصوت اللى سمعته قال : ازيك يا سكر قولت : مين معايا قال :لازم تعرفى قولت : اه لازم اعرف اكيد قال: لحقتى تنسى صوتى قولت : لو مقولتش انتا مين انا هقفل السكه قال خلاص خلاص انا عمرو يا سكر اتصدمت وقولت علشان اتأكد: عمرو مين؟؟؟؟ قال: عمرو اخو بحرية صاحب اخوكى ابن خالتك!!! يالهوى ايه اللى خلاه يتصل عاوز ايه اكيد عاوز مصيبة تاخدة ياربى ايه المصايب دى _____________ ياترى عمرو عاوز ايه؟؟؟ لو معرفتش الاجابة اتصل بينا على رقم !###$$%%%^ اللحلقة التانية خلصت انتظروا الحلقة التالته ^_^ LORRAA |
والله فكرة جميلة تسلم ايدك |
الحلقة التالتة ___________ قال: الووو سكر انتى معايا قولت: عاوز ايه قال: بحب فيكى جرأتك قولت: لم نفسك قال: بصى يا بنت الناس بحريه حكتلى الحوار اللى حصل ما بينكم ايه دا يا نهار طين بحرية الكلبة راحت حكتلو اه واناا اللى كنت بستأمنها على اسرارى مش بعيد تكون قالتله انى ..^_^ كمل كلامه وقال: بصى بئا انا مش هروح اجرى ورا اخوكى علشان يكلمنى وانا مش لزمانى صحوبيته دى بس انا مبحبش تيجى بت زيك كدا تقولى انا وتأمرنى انى اسيب اخوها تتحرقى بجاز انتى واخوكى هو مش فارق معاي بس علشان الكلمة اللى قولتيها لبحرية ان اخوكى مش محترم دى انا هقول لاخوكى ان انتى بتوقعى ما بينا علشان انا قولتلك لو مبطلتيش معاكسة فيا هقول لاخوكى انك بتحبينى وبعدين انا مبكدبش مانتى كدا كدا بتحبينى وبحرية قالتلى كل حاجة انا مصدومة وكنت هعيط وصوتى انكتم والكلمات انحشرت فى زورى قال: سكتى ليه يا كتكوتة قولت : انتا حد قذر وسافل وزباله ومش متربى ومعندكش اخلاق ولا دين قال: شكرا شكرا بس بردوا كلامى موش هيتغير وشوفى بئا التغيرات اللى هتحصل قولت: انتا حيوان وسافل ومش متربى((( كنت بقول وانا منفعله وبعيط ))) قال: عادى يا سكر ربنا يسامحك بس انا جى فى السكة متنسيش الشاى بئا وقفل السكة انا ايه اللى بيحصلى دا... انسان سافل وقذر يالهوووووووووووى هعمل ايه ؟؟ يارب انا عملت اه لكل دا؟ انا هنام ويحصل اللى يحصل ايه الغباء دا مستحيل هعرف انام لاء انا امثل انى نايمة لحد ما يمشى طب افرض على صحانى واحرجنى قدامة خلاص انا هطلع اقعد بره لحد ما الزفت يجى ولا اقول لعلى اللى حصل وانا فى التفكير العميق دا سمعت صوت جرس الباب مرضتش اقوم افتح سمعت على فتح الباب وبيسلم عليه وعمالين يضحكوا طلعت بصيت من الباب بحيث ان محدش يلاحظ انى واقفة ورا الباب فتحت الباب سنه بسيطة كان شكلى عامل زى المتشردين وكنت لسه معيطة وحالتى بالبلا انا عماله بتصنت لقيت عمرو بيقول: على انتا مرديتش على الموبايل وكنسلت ليه لما رنيت عليك الصبح على :عمرو انا بص دلوقت معصور وعلي ضغوط واختى هتقول لماما وانا خايف عمرو:بص يا على اختك اتصلت ببحريه وقالتلها ان عمرو لازم يبعد عن على علشان عمرو مش محترم وجت قالتلك انتا كدا علشان وسكت على: علشان ايه..؟؟ عمرو:بص يا على اختك من فترة وهى بتبعتلى مسجات حب وبتبعتلى جوابات مع بحرية وانا لما قولتلها لو مبطلتيش تعملى كدا انا هقول لعلى قعدت ساكته شهرين مبتبعتش حاجة واستغلت الموضوع دا علشان توقع ما بينا لأن هى اخر حاجة وصلتهالى مع بحرية ان هى هتعرفنى مقامى. على:انتا بتقول ايه يا عمرو؟؟؟ انتا بتهزر!! سكره عمرها ما تعمل كدا دى اختى وانا عارفها عمرو:على انا مش بكدب وانتا عارف كدا كويس على انا قولتلك كدا علشان احنا اخوات وانا مش هسمح لحد يفرق ما بينا على: بسـ ..... عمرو قاطعة :انتا هتصدق اختك علشان هى اختك لكن انا عندى بحرية تشهد بأن كلامى كله صح وتابع وهو واقف بص يا على انا مبكدبش متخليش اختك تفرق ما بينا وراح ماشى وخرج ورزع الباب وراه وطبعا خد كل كلامى معاه لقيت على بيقرب على الاوضة بتاعتى روحت زى الشطورة قافل الباب براحة وعاملة نفسى نايمة على طبعا مخبطش على الباب ودخل صحانى وقال: قومى يا به هتعملى نايمة ياختى ادورت له على اساس انى لسه صاحية من النوم قولت: فيه ايه ؟؟ الساعة كام؟؟!!! قال :اصحى وقومى جاك خابط فى نفوخك قولت: على ما تلم نفسك فيه ايه قال: بصى ياختى انتى تقومى دلوقتى علشان انا حسابى معاكى كبير متكلمتش وكنت بعمل نفسى مستغربة تابع وقال: مكنت اتوقع انى ممكن اختى متكونش متربية قولت: بانفعال لم نفسك يا على علشان كدا عيب والا والله هيكون فى كلام مع ماما وايه الكلام اللى انتا بتقولوا دا بتحسسنى انى مصاحبة واحد قال: بصى يا سكر عمرو كان هنا وحكالى على كل حاجة قولت: وحكالك على المكالمة اللى كانت ما بينا من حبة على انفعل وراح رازعنى قلم وخرج من الاوضة انا مصدقتش نفسى القلم دا حقيقى ولا بجد على بيضربنى علشان واحد زى دا ايه دا حتى مسمعش وجعة نظرى ورضيش يسمعنى حتى يتأكد انه صح ولا غلط اعدت اعييييييييييط واعيييييييييييط روحت خارجة من الاوضة روحت الاوضة بتاعتة واقتحمتها وصرخت بصوت عالى: انتا حيوان انتا وعمرو والله كلكوا كلاب علشان انتا تصدق احد كلب زى دا يقولك كلام زى دا انا مستنضفش حد زى دا كلب وبتاع بنات ومترضاش تسمعنى لما اجى اكلمك علشان انتا عايز تكون صاحبة وقابل ان حد زى دا يقول عليا كدا وانتا تصدق ومدافعتش عنى قدامة وانا على فكرة مش يهمنى تصدقنى ولا لا انا مصدقة نفسى ودا الللى يهمنى وعلشان تصدق الموبايل بتاعى بيسجل المكالمات خد شوف اخر مكالمة مع بحرية وروحت رازعة الموبايل فى وشة مسك الموبايل ومسك نفسة وقال : انا حيوان وكلب يا سكرة ضحكت وقولت باستهزاء : اللى على راسة بطحة يحسس عليها راح جاء باصصلى بصة من فوق لتحت مسك الموبايل وقالى اطلعى بره دلوقت وخلى الموبايل معايا طلعت اعدت على الكنبة زى اللى مستنى قدره وبعد شوية لقيت اللى بيزعق سكرررررررررر انتى يا بت دخلت الاوضة قال : سكر انتى زعلانة قولت : اه قال: اتفلقى وراح ضاحك قال : متزعليش حقك عليا قولت: على فكره انا مش مسامحة قولت : انا لما اقولك حاجة لازم تعرف ان انا اختك وعاوزة مصلحتك زى ماما بالظبت قال : انا اسف وهخرجك حتة خروجة بس انتى ملكيش دعوة بالبت بحرية دى تانى دى بتتبلى عليكى وقالت لعمرو انك كنتى معجبة بيه او انك كنتى بتحبيه قولت فى نفسى كان زمان وجبر قولت: بما ان احنا هنكون صريحين مع بعض من النهاردة انا زمان كنت ..أأ...أ.أ. قال: فيه ايه انطقى قولت: اصل انا زمان يعنى كنت من كتر كلام بحرية عن الزفت عمرو اعجبت بيه يعنى..أأأأ....أ..أ.أ قد يضحك وقال: مانا كنت عارف لاحظت كدا وكنت عاوز اقولك تبطلى غباء قعدنا نضحك ضحك كتير ومن غير سبب طبعا الاسبوعين بتوع ماما عدوا هوا بس دا كان بالنسبة ليا كنت حاسة ان على ناوى على كارثة وطبعا هو قطع مع عمرو بس مقالش انه قطع معاه ومبيعاملوش غير ازيك ازيك بس كدا وانا قطعت مع بحرية علشان اللى هى عملتوه وهى عارفة كدا كويس وبتحاول تصالحنى وانا رامياها ومش معبراها وخدت عهد علىنفسى سنة تالته اعدادى هتكون محطة التفوق الاولى ولازم اجيب اعلى من بحرية بفرق شاسع علشان احسسها انها مش تيجى حاجة وان خصامها معايا مفرقش كتيراى نعم بحرية مش الانتيم بتاعتى بس هى اقرب واحدة ليا فى العيله قررت اخد قرار جارح لبحرية انا هروح اتصاحب على رندا ورزان وهنشوف اللى هيحصل بئا طبعا انا خدت قرارات كتير اوى لا تعد ولا تحصر بس كان القلق هيموتنى على كانت تصرفاتة بتقول انه ناوى على كارثة عظمى هتغير حاجات كتير "انا خايفة مووت" كان دا احساسى فى الاول بس بعد كدا بقت تصرفات على شىء مألوف طبعا مش باقى فى الاجازة غير شهر ونص بس وهنبدأ فى الدروس يووووووووه انا فى حاجات كتير لازم اعملها مش عاوزة ادخل تالتة ويكون نفشى اقعد على النت عاوزة السنة دى تبئا اعتكاف على الكتب وبس دى كلها كانت قرارات صارمة خدتها وموضوع التفوق دا علشان انا كنت عاوزة اطلع من العشرة الاوائل علشان اخد لاب توب :d ماما بئا لازم تروح تقعد عند ستى علشان بابا هيتأخر اسبوعين كمان ماما قررت انها تاخدنا معاها وطبعا زى العادة هى مش هتروح غير لما يكون خلاتى كلهم هناك ((طبعا انتوا فاهمين قصدى)) ماما: يلا يا على يلا يا سكرة خشوا البسوا وحضروا شنطة اسبوع ونص انا: ماما مش هروح معاكى انا وعلى هنقعد هنا على: لاء انا رايح وهبات هناك كمان(( كان بيتكلم بجد)) ماما : مش هينفع تقعدى لوحدك هنا قومى البسى انا: مش قاييمة وعلى هيقعد معايا على: مش قاعد انا: طب انتا رايح ليه وغرريبة بئا انك عاوز تبات هناك على : ملكيش فيه وقومى البسى ماما :قومى قامت قيامتك انا : حرام عليكوو هو انا مليش كلمة فى البيت دا ماما ضحكت على: كلمتك على الجزمة قومى ياااااا بت انا:يووووووووووووووه وقمت زى الهبله عمالة اخبط فى الحيطان وادب فى الارض برجلى وجا خالى ونزلنا وروحنا وماما قالت لعلى يسبق وانا معاه علشان هى هتروح تجيب فاكهه على: روحى انتى اتزفتى اسبقى وانا هروح اتغدا بيتزا مع واحد صاحبى ولو ماما سألتك على فين قوليلها مع واحد صاحبة ((بيستفزنى)) انا: يووووووووووه انزل بالعافية وهمشى الحتة دى كلها لوحدى لاء بئا على: يعنى عاوزة ايه قولتله هاتلى معاك اتنين كانز لاء خليهم تلاتة وتلت كياس شبسى عائلى على : مش جايب حاجة وغورى بئا هو انا وارث يا روح خالتك انا : خلاص هقول لماما على: طيب طيب تعالى جاب المطلوب وخبيتهم فى الشنطة وطلعت وفجأة باللى متشيك وماسك موبايل وبيتكلم فيه وبيقول: طيب انا جاى اهوةنازل مش هتأخر سلام بصيتله من فوق لتحت وهو برده بادلنى نفس النظرة ((قولت فى نفسى)) داهية تاخدك انتا واختك لقيته وقف عمرو: ازيك؟؟ بصيتله من فوق لتحت وانا بكمل طريقى ومتكلمتش عمرو: طب ردى انا مش بشحت منك ادورت له وقولت فى نفسى ((فتحتها على نفسك)) انا: بص انتا متتكلمش معايا اوكـ عمرو: ياستى حقك عليا انا غلطان انى بعبرك كتمت الانفجار وقولت انفجر فى نفسى احسن مبصتلوش وضربت الجرس ودا واقف يبصلى وبيبرق كدا كنت متغاظة ودخلت فجرت غيظى فى كيس الشيبسى جت فى بالى دلوقت كارثة قولت فى نفسى عمرو نازل دلوقت وعلى قال انه رايح يقابل واحد صاحبة يالهوووى على بيكدب عليا ويقول انه خاصم عمرو وممكن يكون عمرو اقنع على انه انا كنت بــ ..^_^ وهو رفض العلاقة علشان على اخوه وصاحبة يانهار طين وفعلا على بقالة فترة مبيكلمنيش كويس يبقى على خارج مع عمرو وعمرو اقنع على بالموضوع اعمل ايه يا ربى انا ما صدقت اصلح الامواضيع ايه الاجازة الزبالة دى هو انا كل ما اجى هنا لازم تحصل مصيبة خدت رندا وقولتلها انى هفك الكيس وهغديها بيتزا طبعا كويس رزان مش هنا ولا بحرية علشان مش ادفع دا كله يالهووووووووووووووى بحرية مش هنا مش بعيد تكون معاهم وعلى بيسألها مفيش حل غير انى اروح اشوف ايه الموضوع روحت المطعم اللى عادة كنا بنروحة انا والعيال وبحرية دا اشهر واحد اعدت الف فى البمطعم ورندا ورايا عماله تقولى تعالى هنا طب هنا قولتلها انا اعدك مطرح مانا عاوز اترزعى هنا عبال ما اجيكلك لفيت كدا وطلعت الدور التانى وكانت صدمة كبيرة زى ما تصورت بالظبت عمرو وبحرية وعلى على ترابيزة وبياكلوا بيتزا ومش خدونى معاهم ايه دا ؟؟ ايه اللى لمهم على بعض ______________ ياترى عرفتوا بياكلوا بيتزا نوعها ايه لو عرفتوا الحل خلوه لنفسكوا احسن شوية كدا وهاجى تانى lorraa تاكس ((هاخد لفه واجى)) ______________________ |
موضوع رائــــــــــــــــع تسلمـــ الايـــــــــــــــــــــــــادي دمتي بود |
بجد القصة تحفة جدا بس بلي كمليهااااااااااااا |
بجد الفكرة جامدة جداا مشكورة ومستنين الحلقة الرابعة |
روووووووعة الفكرة يلا كملى بقى دمتى بود |
| الساعة الآن 12:36 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب