منتديات بنات مصر - يوميات شلة روشة(متجدد دائما) بقلمي

الشخصيات
عبير-احمد-أميرة-اشرف

(الحلقة الاولى)

اميرة:اشرف ازيك يا حبي عامل ايه
اشرف:ازيك يا اميرة والله وحشتيني يا بت
اميرة :بت لما تبقى تبتك يا جزمة انا محدش يقلي بت سامع ياض
اشرف:طيب حقك عليا يا بت
اشرف واميرة يتخانقوا بس هزار بس مش هزار اوي
عبير:اشرف اميرة بتتخانقوا ليه ايه اللي حصل
اميرة: الواد بقولي يا بت ينفع كده يعني
عبير:لالا ملكش حق يا أشرف اميرة مش بت ياض اميرة دي ولد
اميرة: كده يا عبير يا جزمة
عبير:امال يا عبيطة عايزاه يقولك ايه يقولك يا راجل ولا يا مدام ولا يا ولد
اميرة:يقولي يا اميرة لاني فعلا اميرة
اشرف:انت تطولي
اميرة:اطول واطول كمان
عبير:كبسة عليك يا اشرف هههههههه
اميرة:ههههههههههههههههههه
اشرف:بضحك يا ست اميرة هانم
اميرة:ايوة بضحك عندك مانع
اشرف:عندي 500مانع
اميرة:احتفظ بيهم
اشرف :عند اربع جيوب مش هيكفو500 مانع هيكفي 4مانع والباقي هدية
عبير:كبسة عليكي يا اميرة
اميرة:انت واقفة معايا ولا معاه
عبير:لا واقفة على الارض هههههههههه
اشرف:هههههههههههههههه
عبير:انا هروح واسبكم تتخانقوا براحتكم
اميرة:خديني معاكي
الساعة تمانية ونص عبير واميرة واشرف يتمشوا
اميرة:عدي بسرعة يا عبير في عربية جية
العربية تيجي تخبط عبير يطلع منها واحد يقول
يالهوي انا آسف أصل بصراحة كنت مستعجل رايح عند امي لأنها تعبانة
أميرة:يا حيوان ياللي متحسش
اميرة:عبير قومي يا عبير
اشرف:معلش ياعم عارف غصب عنك بس قولي اسمك ايه
اسمي احمد انا مستعد اتكفل بمصاريف العلاج كلها
اميرة:اشرف يا حمار البت مش وعية وبتموت وحضرتك واقف بتتعرف وبتعتذره كمان خلص هات الاسعاف

عايزة اشوف رأيكم