أول مره تشغل الكمبيوتر في حياتك.....أكيد بوظت الدنيا!! هنا عايزين كل واحد يحكي و يقول عمل إيه أول ما فتح أو عرف كلمة كمبيوتر في القاموس بتاعه بس أهم حاجه الصراحة و أنا هبدأ زمان أول ما فتحت الكمبيوتر وندوز 1998 طبعا دا كان حكاية..... و الواحد قاعد و بيتفرج على الوندوز و هو بيشغل نفسه.... و مش مصدق نفسه... عمل إنجاز!!! و بفتح my computer ...و بضغط ضغطتين بالزبط!!! و ساعات ما يفتحش أعد أستنى...و بعدين أدوس ضغطتين تاني...( كنت ملتزم أوي!!) كنت لما بحب أغير إسم صورة مثلا.....كنت بمسح الإسم كله بالإمتداد بتاعه ( كان الإمتداد مش مخفي) فتظهر الصورة غير معرفة!!! و استغرب ليه الصورة غير معرفة....!!..ما كانت شغاله و زي الفل!!! ( واضح إني كنت صعيدي..ههههههههههههههه) دخلنا النت بقى...الأول شبكت بالتليفون ( بعيد عنك) و بسمع أصوات بقى بتاعت الconnection و مبسوط!!! و بعدين دوسنا على الإكسبلورر أو حرف ال e إلي لونه أزرق....( طبعا لا كنت أعرف إيه الكسبلورر و لا أم بلورر) فتحت جوجل .... يا سلام خطير!!! قولت بقى عايز موقع جيمس بوند!!!..( طفل بقى هههههه) كتبت 007 و طلعلي الموقع الرسمي لجيمس بوند طبعا ما كنتش مصدق نفسي!! و الجرافيكس عالي و صور!!!! إيه دا جيمس بوند بحاله مفكر بقى إني هتفرج على الفيلم من الموقع!!! و بعدين قولت بقى أنا عايز أعملي إيميل.... دخلت على موقع الهوت ميل و دوست على الsign up و عبيت البيانات لحاد خانة الzip code !!! إيه ال zip code دي؟؟؟؟ لأ و مطلوبه لازم ..ضروريه!!! و دا خلاني اقفل الصفحة....و أجلت موضوع الإيميل دا لوقت لاحق..... لحاد ما أعرف الzip code دا يطلع إيه!! هههههههه و بس....... عرفنا الZIP CODE و عرفنا بعدها حاجات كتير ......... يلا عايزين أي حد يخش يحكي عن اي حاجه؟؟ |
انا هقولك اول مرة فتحت كمبيوتر مكنتش انا الى فتحته كان اخويا وهو خرج وسابنى بقى اتفرج عليه شوية وانا كنت قعدة اتفرج على كليبات اغانى وكدة الكهربا قطعت طبعا قلبى وقع معاها لانى متخيلة ان الكهربا لما تقطع جهاز الكمبيوتر يكون خلاص بقى خرب ومينفعش يشتغل تانى ولما الكهربا رجعت واخويا رجع فضلت اشغل اخويا فى اى حاجة عشان ميشغلش الكمبيوتر ويعرف بالكارثة الى انا عملتها وطبعا فضلت مرعوبة ومنمتش طول الليل تانى يوم اخويا شغل الكمبيوتر واتفجأت ان مفيهوش اى حاجة وانا رعبت نفسى على الفاضى ميرسى على الموضوع الحلو |
اقتباس:
شكراا يا بحر المشارع على الرد و المرور نورتي التوبيك .... هههههههههههه حلوة القصة دي...و فعلا في ناس مصدقة كدا الكهربة تقطع يعني الجهاز باظ!!! بس حلوة تسلمي على المرور |
بصراحه انا مش فاكره موقف معين بس انا اول ما أشتغلت على الكموبيتر بس كنت مبسوووووووطه جدااااااااا شكرااااااااا على الموضوع |
اقتباس:
شكراا يا فرح على المشاركة و المرور نورتي التوبيك |
هههههههههههههههههههههههه لا بجد فكره هايله يطارق بس انا الصراحه مش فاكره عملت ايه بالظبط لاني والحمد لله من يوم مابدأت استعمله والذاكره بقت في النازل ربنا يستر ان عارف ايه الي ممكن يحصل معانا في حاجه زي دي ضرس سليم يتخلع وماخفي كان اعظم هههههههههههههههه تسلم الايادي يطارق |
هههههههههههههههههههههههههههه طارق والله انا نفسك بالزبط تقريبا بجد ذكرتنى باللى مضى ههههههههههههههههههههههههههههههههه http://up.g4z4.com/uploads/92288f8b20.gif http://up.khellan.com/file/uploads/162113ce62.gif "¨°°o°°¨]§[° عا الأحزان شق°]§[¨°°o°°¨" |
يووه فكرتني بأيام زمان لما رجعت من المدرسة >> كنت فى 5 ابتدائي تقريبا لقيت اخويا ماسك سلك التليفون وبيقولى.. نورهان ..احنا هنتصل بالانترنت..!! ساعتها افتكرت انه هيمسك سماعه التليفون ويقول .. الو ..عاوزين نتصل بالانترنت لو سمحت http://www.s77.com/themes/default/images/ico-n-15.gif ههههههه والله ما بهزر..كنت ساذجة اوى هههههههههههه http://www.s77.com/3DSmile/17/Do5_002.gif يسلمووو على التوبيك يا طارق واديك عرفت اسمي قلته فى النص اما نشوف بقى قوه الملاحظة عندك http://www.s77.com/3DSmile/28/MSN-013.gif |
اقتباس:
والله انا فرحه يا سليفر مش فرح فرحه فرحه فرحه |
والله ما انا فاكره |
الساعة الآن 09:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب