منتديات بنات مصر - هي دي نهاية اللي يمشي مع البنات

عبير : (برومانسيه) شايف النجوم ياحمد

احمد : نجوم ايه بس فى عز الظهر دا انا الشمس حرقت افايا

عبير : الله ياحمد بص السحابه اللى هناك دى اللى عليها العصافير

احمد : لا والله ياحبيبتى انا مش شايفها بس شايف دخان عربيات خنقنى

عبير : يوووووووه ياحمد خليك رومانسى شويه

احمد : رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت

عبير : انت مش بتحبنى والا ايه

احمد : ياستى بحبك

عبير: لاء انت كداب انت مش بتحبنى

احمد: يعنى اولع فى نفسى بجاز عشان
تصدقى انى بحبك

عبير : (والدموع على خدها) لا ياحمد انت اتغيرت خالص

احمد: ياحبيبتى والله بحبك

عبير : لاء ياحمد متصلحش اللى انت عملته

احمد: وهو انا كنت عملت ايه بس

عبير : (تعيط) اهئ اهئ اهئ

احمد: بتعيطى ليه دلوقت

عبير: احمد طلقنى ياحمد

احمد: هوا احنا لسه اتجوزنا عشان اطلئك

عبير :يعنى كمان مش عايز تطلقنى

احمد (يشد فشعره): يادى الليله السودا انا ايه اللى خرجنى بس

عبير : كمان خليتها ليله سودا .. يعنى انا اللى خرجتك غصب عنك

احمد: ياستى مش قصدى. بصى انا مش هرد عليكى عشان مانتخانئش

عبير : للدرجادى قرفان منى

احمد: (وشه يحمر من الغيظ) يعنى انتى عايزه تتخانئى وخلاص

عبير : يعنى انا نكاديه ياحمد

احمد: لاء ......انا

عبير: انت بتاخدنى على اد عقلى

احمد: حقك عليا وادى راسك ابوسها

عبير: ياسلام كده بكل بساطه

فجأه يقف احمد على سور الكوبرى ويرمى نفسه فى الميه

عبير : تفتكر ياحمد انى كده هسامحك

(النهايه)

يا عينى عليك يا أحمد
بس يستاهل علشان يبقى يصاحب بنات تانى
أوعو حد يعمل زى أحمد
ولا بنت تعمل زى عبير
على فكرة أنا مش كاتبالكم القصة
لمجرد الضحك كمان علشان تعرفو أخرة
المشي ورا البنات المتصاحبة
القصة للعبرة يعنى