بقولك --- تتجـــــــــــوّزينـــي ؟؟ احبابي معا في موضوع بقولك تتجـــوّزينـــي ؟؟ تتجوزيني ؟ - ـ أفندم ؟ ـ بقولك تتجوزيني ؟ ـ ؟؟؟ ـ تتجوزيني ؟ ـ لأ ـ ليه ؟ ـ بصراحة كدة شكلك مش عاجبني ـ إزاي يعني ؟ ـ يعني .. أصل أنا ليا مواصفات معينة لفارس أحلامي ـ مواصفات معينة ؟ .. هو انتي هتتجوزي عربية؟ ـ لأ ! .. بصراحة كده .. إنت مش فارس أحلامي اللي باتمناه ************************** ـتتجوزيني ؟ ـ إيه ده ؟ شكلك اتغير ـ إيه رأيك ؟ ـ واو .. شعرك بقة ناعم ! .. دي باروكة ؟ ـ أيوة ـ ودي عدسات خضراء ؟ ـ أيوة ـ واو ! .. بس بجد .. بقيت وسيم .. واو ! ده انتبقيت شبه نيكولاس كيج ـ مين عباس كيج ده ؟ ـ عباس ؟!! ياي .. إيه عباس دي ؟ اسمه نيكولاس ـ مين نيكولاس ده ؟ ـ بقة مالكشي في السيما وجاي تكلمني؟ .. ياي ************************** ـتتجوزيني ؟ ـ انت لسه ليك عين تكلمني ؟ ـ أيوة .. أنا عرفت مين بنكرياس كيجده ـ أولاً : اسمه نيكولاس كيج ـ أيوة أيوة .. كنت هاقول اسمه صح .. بس اختصرته .. ده ممثل ـ ممثل إيه ؟ ـ ممثل أمريكاوي ـ أمريكاوي ؟! .. إخّييي ! .. اسمه أميريكان يابابا .. ما تبقاش دونكي ـ دونكي دي تبقى شتيمة ؟ ـ أوف كورس ************************** ـتتجوزيني ؟ ـ عندك عربية موديل كام ؟ ـ موديل دي تبقى شتيمة ؟ ************************** ـتتجوزيني ؟ ـ قوللي الأول .. حاطط أنهي نغمة في الموبايل بتاعك ؟ ـ نغمة دي تبقى شتيمة ؟ ************************** ـتتجوزيني ؟ ـ ما قلتليش .. إنت بتشتغل إيه ؟ ـ أنا -بلا فخر- عاطل ـ عاطل ؟ .. ياي ـ مش أحسن من اللي ما بيشتغلش ؟ ـ لا ـ يعني مش هتتجوزيني ؟ ـ لا ـ كدة أنا أزعل ـ ما تزعلش يا بابا .. خليك فريش ـ ماشي .. ماشي .. بس قوليلي ـ إيه ؟ ـ فريش دي تبقى شتيمة ؟ ************************** ـتتجوزيني ؟ ـ لقيت شغل ؟ ـ أيوة طبعًا .. سنتين وأنا بادور .. أخيرًا لقيت ـ وإيه هو ؟ ـ سواق تاكسي ـ ياي ! .. مش مكسوف وانت بتقولها ؟ ـ فيها إيه ؟ العمل شرف .. وكلها كام سنة وأجمع مبلغ كويس ـ شرف ؟ جتك القرف ************************** ـتتجوزيني ؟ ـ جمعت مبلغ كويس ؟ ـ طبعًا .. مبلغ كبير جداً ـ قد إيه يعني ؟ ـ ألف جنيه ـ نعم ؟!!! .. ألف جنيه دول تروح تسرح بيهم ببطاطا ـ يعني موافقة ؟ ـ روح اتنيّل ************************** ـتتجوزيني ؟ ـ عندك شقة ؟ ـ طبعًا .. أوضة على السطوح ـ نعم ؟ ـ إيه المشكلة ؟! .. أحسن ما ننام في الشارع ـ في الشارع ؟! .. إيه الألفاظ السوقية دي ؟ ياي ! .. لازم يا باباتجيب شقة ـ طيب .. كلها كام سنة وأجيبلك أحسن شقة في الدنيا ـ وهتجيبها في جاردن سيتي ولا في الزمالك ؟ ـ لا .. في الأهلي .. هيهع هيهع هيهع ************************** (بعد سنوات) : ـتتجوزيني ؟ ـ جبت الشقة ؟ ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات ـ فانتاستيك ـ بس الشقة ناقصة حاجة ـ إيه هي ؟ ـ مفيهاش حمام ـ امشي من قدامي ! .. مش طايقاك ************************** ـتتجوزيني ؟ ـ إنت تاني ؟ ـ جبتلك حمّام إنما إيه ـ خليه ينفعك ـ ليه بس ؟ .. ده ينفع لينا احناالاتنين ـ وأنا مالي ؟ ـ مش عاجبك .. مش مشكلة .. أكتبه باسمك ************************** (بعد سنين) .. ـهتتجوزيني ولا أولع فيكي ؟ ـ ومالك محروق كدة ؟ ـ حكايتنا طولت قوي .. طولت أكتر من اللازم ـ أوكي .. بس ممكن أعرف حاجة ؟ ـ إيه ؟ ـ إنت ليه متمسك بيا أوي كدة ؟ ـ أصل .. أصل ـ أصل إيه ؟ ـ أصل أنا بحُبك (بضم الحاء) ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدينخليك روش وقول I love you ـ ماشي .. بس قوليلي ـ نعم ؟ ـ روش دي تبقى شتيمة ؟ ************************** ـتتجوزيني ؟ ـ بصراحة .. في حاجة كنت عاوزة أقولهالك من زمااااااان ـ إيه ؟ ـ أنا بصراحة .. مش شايفة إن في حد في العالميستاهلني ـ يا سلام ! .. ليه ؟ ـ عشان أنا جميلة .. خفيفة الدم .. رشيقة .. رقيقة ـ رقيقة ؟! .. ده انت بدأتي تقشفي ـ فشر ـ فوقي لنفسك .. العمر بيجري ـ أنا مصرة على رأيي ـ يعني إيه ؟ ـ يعني اقطع معايا ـ بعد كل السنين دي ؟! .. بعد كلالحب ده ؟ بلاش تراجيديا من فضلك - ـ ماشي .. بس قبل ما أمشي عاوزأسألك سؤال واحد بس ـ إيه هو ؟ ـ تراجيديا دي تبقى شتيمة ؟ ************************** (بعد سنوات ) .. ـتتجوشيني ؟ ـ إيه ؟ ـ تتجوشييينييييييي ؟ ـ إنت مين ؟ ـ أنا حبيبك يا هبلة .. البشي النضارة عشانتشوفيني ـ طيب شاعدني عشان ألاقي النضارة ـ آهي على الترابيزة قدامك ـ فين ؟ ـ لا دي نظارتي أنا ـ أيوة لقيتها ـ البشيها بقة ـ ططييبب ـ عينيكي فوق شوية .. ده بقك ـ طيب لبشهالي إنت ـ عقبال ما البشك الدبلة ـ ما تكشفنيش .. كنت بتقول إيه بقى ؟ ـ كنت بقول تتجوشششيييينيييييي ؟ ـ أكوشك ؟ .. إزاي ؟ ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟ ـ دي شتيمة ؟ ـ لاااااء .. بقولك تتجوشيني ؟ ـ آه !! .. أجوشك ـبالضااااابط .. هاه ؟ ـ شيبني أفكر ـ أشيبك تفكري ؟! .. ده انت هتموتي خلاش ـ لا .. شيبني أفكر بش ـ ربنا يوفقك ـ إيه ؟ ـ ربنا يوفقك ـ بتقول إيه ؟ ـ ربنا ياخدك اصنجيتي ولا ايه ******************** يارب ما احد يوصل لهذه الدرجة لا بنت ولا ولد قولوا امين |
هههههههههههههههههههههههههههههههههه حلوة والله تسلم الايادي بس هو ايه الي مصبره عليها كل ده وبعدين هي دي واحده تتحب برضه هههههههههههههههههههههههههههههههه دا هيموت وهي لسه بتفكر دا اذا يعني مطلعتلهوش بحاجه جديده زي مثلا ان الشقه مش عجباها وعايزلها فيلا صغنونه كدا على ادها او شركه ضغيره كدا عشان مستقبل اولادهم دا اذا كانو هيخلفو اصلا هههههههههههههه تسلم اختك سمــــــــــــــــــــا |
الموضوع بجد يجنن وعاطل احسن ما يعد من غير شغل نايس توبيك تقبل مرورى سكرة القهوهhttp://%20as7abcool.com |
http://www.forums.msryat.org/msryat_...t-top-left.gifاقتباسhttp://www.forums.msryat.org/msryat_...-top-right.gifhttp://www.forums.msryat.org/msryat_...ot-by-left.gifالمشاركة الأصلية كتبت بواسطة DR.SMAhttp://www.forums.msryat.org/msryat_...t-by-right.gifhttp://www.forums.msryat.org/msryat_...p-right-10.gifهههههههههههههههههههههههههههههههههه حلوة والله تسلم الايادي بس هو ايه الي مصبره عليها كل ده وبعدين هي دي واحده تتحب برضه هههههههههههههههههههههههههههههههه دا هيموت وهي لسه بتفكر دا اذا يعني مطلعتلهوش بحاجه جديده زي مثلا ان الشقه مش عجباها وعايزلها فيلا صغنونه كدا على ادها او شركه ضغيره كدا عشان مستقبل اولادهم دا اذا كانو هيخلفو اصلا هههههههههههههه تسلم اختك سمــــــــــــــــــــا http://www.forums.msryat.org/msryat_...t-bot-left.gifhttp://www.forums.msryat.org/msryat_...-bot-right.gif اشكرك علي مروك هيعمل ايه بيحبها لك تحياتي |
http://www.forums.msryat.org/msryat_...t-top-left.gifاقتباسhttp://www.forums.msryat.org/msryat_...-top-right.gifhttp://www.forums.msryat.org/msryat_...ot-by-left.gifالمشاركة الأصلية كتبت بواسطة سكرة القهوةhttp://www.forums.msryat.org/msryat_...t-by-right.gifhttp://www.forums.msryat.org/msryat_...p-right-10.gifالموضوع بجد يجنن وعاطل احسن ما يعد من غير شغل نايس توبيك تقبل مرورى سكرة القهوهhttp://%20as7abcool.com http://www.forums.msryat.org/msryat_...t-bot-left.gifhttp://www.forums.msryat.org/msryat_...-bot-right.gif اشكرك علي مروك هيعمل ايه بيتسلي احسن معها لما يلقي شغل لك تحياتي |
عاوز اتجوز تتجوزيني ؟؟؟؟؟؟؟؟؟؟؟؟؟؟؟؟؟؟ |
ههههههههههههههههه مش ممكن الست دى هاتتجوز امتى بس بجد قصة جميله جدا وطريقة عرضك ليها اجمل وده حال شبابنا وعلى رأى المثل طلبوها أتعززت وفاتوها أتندمت بس واضح انها قويه ومستقويه ومش بتتندم مش شايفه النضارة ولسه بتفكرى يااختى اتجوزى وخلصينا ههههههههه شكرا شاعر المواضيع المتنوعه والرائعه |
|
هههههههههههههههههههههههههههههههههههههههه عجبتني جدااااااااااا |
http://www.forums.msryat.org/msryat_...t-top-left.gifاقتباسhttp://www.forums.msryat.org/msryat_...-top-right.gifhttp://www.forums.msryat.org/msryat_...ot-by-left.gifالمشاركة الأصلية كتبت بواسطة فيروزهhttp://www.forums.msryat.org/msryat_...t-by-right.gifhttp://www.forums.msryat.org/msryat_...p-right-10.gif
http://www.forums.msryat.org/msryat_...t-bot-left.gifhttp://www.forums.msryat.org/msryat_...-bot-right.gif اشكرك علي مرورك نورتي الصفحة يارب محدش يوصل الي فكرها وعمايلها تحياتي |
الساعة الآن 05:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب