|
انت/ي مسلم ولا مسيحي ليه دائما عندنا عاده اتعودنا عليه من الممكن تكون في الاقليه لكنها موجوده هو انتا مسلم ولا مسيحي لما نحب نتكلم مع حد نساله هو انتا مسلم ولا مسيحي ليه في البطاقه المصريه مكتوب مسلم ومسيحي هل ليكون هناك تفرقه ام لكل طرف يعلم من هو الطرف الاخر لماذا العلم من اجل زرع الفتن ليه دائما نيجي نربي ولادنا في احيان كتير ونعلمهم ونعودهم على الصح والغلط ونيجي نقولهم بس ده مسيحي متلعبش معاه او ده مسلم متمشيش معاه ولمجرد انك تكون قبطي وتصادق مسلم او العين تري اعين البعض ينظرون لك بنظره وكانك جلبت لهم عار او تمردت على شئ معين مش عارف اقول ايه ولا انا عارف بكتب ايه كل اللي عاوز اقوله ليه مبكنش بس مصــــــــــــــــــــــــــــــــــــــــــــري |
موضوع راائع جدا و مهم و فعلا ده بيحصل كتير بس انا اعرف ناس مسلمين دخلوا الكنيسه مع اصحابهم و فى مسلمين بيصاحبوا مسيحين لحد اللى حصل لان اكيد بعد اللى حصل بينا محدش فينا بيطيق بس سيرة التانى بشكرك خى الكريم على موضوعك القيم |
فعلا دا موضوع ف غاية الاهميه ليه ال بيحصل ده وليه بقينا كده زمان مكنش فيه كده كانوا اخوات وبيكلوا وبشربوا مع بعض واصحاب وجيران وبيحبوا بعض ويخافوا ع بعض ومحدش كان بيسأل السؤال المعتاد دلوقتى انت مسلم ولا مسيحى بجد ال احنا فيه ده شئ مؤسف جدا وانا من رأى ان مش لازم البطاقه يتكتب فيها ديانه لأننا كلنا مصريين فقط واعتقد ان الرأى ده هايحل مشاكل كتير وبقدم خالص التعازى لاخوتنا ال ماتوا ف ماسبيروا بجد اجمد موضوع وتسلم عليه بجد وياريت الموضوع يتثبت |
بسم الله الرحمن الرحيم اول شي لابد ان تتميز كمسلم بهويتك فانت حينما تقابل ربك تقابله باسلامك وليس بمصريتك الامر الثاني تميع المسل واذابه شخصيته سوف يقوي الاخر نعم لهم حق المواطنه لكن ليس على حساب الدين اخي كاني اقهم من كلامك انك تريد اذابه هويه مصر الاسلاميه اخي مهما تقدم من تنازلات سوف يزيد الاخر من التمسك بدينه اخي نحن قوم اعزنا الله بالاسلام اخي من قواعد الدين الولاء والبراء الولاء لله ودينه والبراءه من الشرك واهله لكن ليس معنى هذا الاعتداء عليه بل تحفظ له حق المواطنه اخي ام البلاد مكه وليست مصر خطا في المعرف مصر ام الدنبا |
على فكرة السؤآل دآ بدأ يتسأل من اول خيط لإشعآل الفتنة قبل كده لمآ كنآ نصآحب مسيحين ومآله دولوقتي لو مسلم صآحب مسيحي .. بقينآ نقول ازآي دآ غير ديآنتك !! انآ ليآ كتير أصحآب مسيحيآت ولحد دولوقتي وجآرتنآ مسيحية محترمة جدآ ولآزق في بيت جآرتنآ من نآحيتهآ مسجد واديلهآ سنين بالشكل دآ .. وبتيجي تعيد علينآ فـ اعيآدنآ وعلآقتنآ جدآ حلوة مش بتفرق معآنآ ديآنتهم ايه لأننآ اسآسآ مش بنتكلم فـ النقطة دي كتير كل وآحده فينآ ليهآ ديآنتهآ وهي مقتنعه بيهآ بس دآ مآ يمنعش اني اتعآمل معآهم ويكون فيه بينآ موده رسولنآ كآن جآره يهودي وبيعآمله بإحترآم احنآ عآيشين كلنآ فـ مجتمع وآحد وخآنة جنسيتنآ وآحده وعلينآ اننآ نعآمل الجميع بمحبة بإحترآم سوآء من ديآنتك او لأ شكرآ على الموضوع خآلص تقديري |
اخى مين قال ان كل الناس بتفكر بنفس الاسلوب وبنفس طرح كلامك احنا بنحترم ديانة المسيحيه ومفيش حاجه اسمها مسيحى او مسلم فى مصر كلنا ايد واحده يمكن كل واحد فينا او فيكم بيحاول يخد موقف من التانى من زمان اوى معظم المصريين سواء مسلمين او مسيحيين فى ود بينهم واحترام الاسلام امر بالمعامله الحسنه حتى لومش مسلم بس البعض هو اللى غير مفهوم الصحيح للمعامله وده قاصد فتن يبقى مينفعش الشمول انتم جيرانا وفيكم اصحابنا وليكم حقوقكم زى مالنا حقوق بالظبط هو ده الكلام المعقول والمنطقى تاكدو ان معظمنا بيرفض المعامله دى وبنحاول نرجع الثقه تانى فى ايد خفيه دخلت فى زرع التفرقه بين المسلمين والمسيحين مفيش حاجه اسمها تفرقه الا فى الدين والعمل وده مفيش غير ربنا اللى هيحاسب عليه مالناش تدخل فيه واى معامله تفرقه مرفوضه ان شاء الله تهدى الامور وينصلح حال البلد وترجع زى ماكانت مصر مسلم ومسيحى ايد واحده انا عايزه اقول لو المسيحى فى ازمه المسلم بحق حقوق الانسان هيساعده فى محنته |
على فكره احيانا بيكون السؤال مجرد حب استطلاع يعنى مش بيكون مقصود بيه حاجه احنا لازم نعترف يا كبرياء ان زى ما فى مسلم فيه مسيحى بس هنا مش عشان حاجه لانها ديانات وكل واحد بيعتز بديانته بس ده مش يمنع كون فى صداقه وعشره بينهم كلنا عباد الله ومش احنا ال نحدد ده دين يعنى علاقه بين المرء وربه هو ال هيختار وهو ال هيتحاسب عليه وفعلا فى صداقات بتكون جميله بين الاتنين انا لما رحت الجامعه اتعاملت مع بنات مش محجبات من غير ما اعرف هى مسلمه ولا لا يلا ربنا يصلح الاحوال بس صدقنى طول ما احنا بنتكلم ف الموضوع كتير هنشغل بعض بيه بس لو دعنا الخلق للخالق وسبنا الكل يتعامل بطبيعته هتلاقى الكل فعلا اخوات |
ربنا يكرمك أخي الغالي سؤال جميل ونهاية أجمل كلنا مصريين ولدنا بمصر ونموت فيها كلنا يهمنا تواجدها ويحزنا حزنها ونسأل الله أن تكون غُمة زائلة كل الفتن ...ربنا يصلح بلدنا يا رب شكرا ً لموضوع الراقي جدا ً |
الغريب إني ولا مرة خطرلي إسأل عن الديانة ولا مرة إنسألت عنها:) ببلدنا احنا كلنا واحد فينا المسلم والمسيحي والشيعي والدرزي بس في من اليهود المتشددين نسبة معقولة مش كثيرة بس مؤثره:! بالنسبة الي الديانة مش حاجز في التواصل الاجتماعي انا لما بزور القدس بروح الحرم وكمان فباب العمود..زُرت الكنيسة لإني عندي حب إستطلاع وكمان عندي معارف من ديانات أخرى ونحترم الاختلاف بينا والإحترام لازم يكون لجميع الأديان،وللبشرية بشكل عام وفكل الاحوال التعايش شي أساسي لما نكون على ارض وحدة واسم وطن واحد بيجمعنا وإلإحترام المتبادل اساس النجاح في التعايس واساس السكينة في كل بلد الله يهدي الجميع ويصلح الأحوال فمصر وفكل البلدان ويبعد الفتن ان شاء الله طرح قيم يسلموووووووووووووو |
عمري ما فرقت بين مسلم ومسيحي ودي حقيقة عني لآن فـ النهاية كلنا آنـــسان كلنا بشر بني آدمين آحنا آتربينا على آننا نعامل الــناس بآخلقها وعقلها ونيتها وقلبها مش بديانتها الدين لله وكلنا برضـــــه عايشيين جوه الدنيا على منهج واحد عبادة ربنا ؟ وكل واحـــــد فينا بيعبد ربه زى ما هو شايف آن عبادته لربه دي صـــــح ومقتنع بيها هو يمكن يكون الآختلاف فـ الآديان والعقيدة وبس ودي بين الانسان وربه مفيش بني آدم يــــقدر يخليك تؤمن بشيئ غــــير الشيئ وتعبده غير لما تكون مقتنع قلب وعقل وروح باللى هتعبده دة وبصرف النظر عن الآقتناع وكدا كل واحد حر وكلنا بنفكر وفينا مخ وعارفين الصح مـــــــــــن الغلط واللي بيحاسب العباد فـ النهاية ربنا مش البني آدمين ليا زمايل مسيحيين وبنقعد مع بعض وبنمشي ساعات سوي وبـــناكل سوي وساعات بيفطرو معانا فـ رمضان كمان؟ هي الفكرة فـ التربية وزرع الكراهيه فـ النشآة بتاعة الطفل من آهله سواء من هنا آو مــن هنا بيكون في دايماً فكر غريب آنك لو مشيت مع فولان ممكن يـــــآثر عليك وتبقة مسلم آو العكس لكن اى آنسان واثق من نفسه وواثق من ربه ومن عقيدته ومنهجه اللى عايش عليه عمره ما يتآثر بآي شيئ من دة ويكون صداقة عزيزة كمان بينه وبين الديانه الآخري دة سبب السبب التاني نشر الفتن وشوية حاجات سياسية وآقتصادية دي ممكن تكون مشكلة آخــــتلاف بين الطرفين وآنا بختلف معاهم فـ كثير من النقاط السياسيه والمطالب بتاعتهم وحاجات كتيرة بس مش معني آني مختلف معاهم فـ حاجات يامه وفيه حاجات يامه مش عجباني آبقي بكرهم ؟ آو مش بحبلهم الخير وكدا ؟ ..دة غلط طبعاً بس فـ لحظة الآختلاف بتظهر فكرة آنت عشان مسلم وانت عشان ميسيحي مش بنتناقش بعقلانيه وآقناع من غير تعصب؟ http://www.yy44.net/xzgi/s0w17120.gif |
| الساعة الآن 06:37 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب