|
ردا على اختي الفاضلة حضرتك بتقولي ان الفكر الشيعي والصوفي و و تشتيت لعقولنا يعني مثلا كل اهل السنة والجماعة الي انقسمو عن الشيعة وده مفيش عالم واحد مبينتميش لحزب من الحزبين يجماعة المسألة مش مسألة اسم المسألة مسألة منهج انت بتسب الصحابة وبتكفرهم اسمك شيعي انت بتطوف بالقبور والاضرحة وبتؤمن بالتوسل بغير الله صوفي انت بتغالط في مسألة الصفات والاسماء وبتقدم العقل على النقل اشعري بس هيه مناهج انت بتقول ان الطواف والتوسل بغير الله كفر ..... وان الاسماء والصفات مربوطة بالنقل فقط لانها في علم الغيب فانت سلفي مسمهاش تشتيت اسمها منهج حضرتك بتتبعي اني منهج حتى لو مقولتهوش بلسانك بس يجب ان تعلمي اني منهج فيهم صحيح يعني انتي مذهبك ايه في الاضرحة هل هيه كفر ولا مش كفر لو كفر فانتي متبعه منهج السلفيين :) |
اما بخصوص موضوع انتم سلفيين رغم انوفكم ده انا مكتبتوش ؟ حضرتك بتتهميني بيه ليه واه انا وجهت رسالة لصاحب الموضوع انا قرأت مقتتفات فقط منه وعرفت فكرة والعنوان في حد ذاته في خطأ للسلفية فانا صلحت الخطأ لانه خطأ شائع هل كل الناس متبعة منهج السلف يعني هل كل الناس بتقول ان الاضرحة والتوسل بيها كفر وكل الناس بتقول ربنا في المساء وكل الناس بتقدم النقل على العقل لاء طبعا ... وده المنهج السلفي بخصوص اني مقرأتش مواضيع مشابهه كاملة لاني حبيت ارد على بعض الافكار هنه فقط لم اجد لها ردود صريحة بس |
طيب تمام طالما مش بينافي يبقى المفروض مايتقدمش عليه النقل لو سألتك ازاي كانوا بيعرفوا ان الحديث مشكوك فيه أو ان في خطا في النقل أو ضعف النقل و غيره من الكلام هتلاقي ان الي كان بيحدد دا هو العقل بنسبة معينة كونك تحلل و تفكر و تتقصى مصدر النقل دا بحد ذاته اعمال للعقل تفسير القرآن و الأحاديث فيه اعمال للعقل لو أخدت نموذج لآية ((لا تقربوا الصلاة و أنتم سكارى)) لو من غير اعمال عقلي هقولك يعني ما تقربش من حد بيصلي لكن هنا المعنى الأدق انك مش تصلي ,,ممكن أقولك بس مش منصوص بلفظ صريح لا تصلوا و أنتم سكارى هنا اعمال العقل هو الي بيحلل بالمنطق دا طبعا مثال بسيط جدا بس حبيت من خلاله اوضحلك ان اعمال العقل مفهومه كبير جدا مش عايز كمان أدخل بقى في مواضيع حساسة كتحريم كذا أو كذا و حاجات عليها خلافات و غيره عشان الموضوع ما يطورش و ان شاء الله دي اخر مشاركة ليه :biggrin: |
وزي مقولت فغير هذه الخلافات الواضحه بين المذاهب ممكن نسمي نفسنا المسلمون عادي مع الحفاظ عن ان لو في طائف كفرت كفر تام عقائديًا زي الشيعة لا يجب ان نتحد معها ابدا لانهم انكرو السلف والقرآن وحرفو فيه وكذا وكذا لكن اختلافات في مسألة او مسألتين فنحن نسمى مسلمون حتى نأتي عند دروس العقيدة نختلف ويجب ان نختلف ولا يجب ان نكون مذهب واحد فيلتبس الحق بالباطل ابدا ... وارجعو لاسماء الكتب الى ذكرتها التوحيد اولا يا دعاة الإسلام كتاب فاضل في هذه المسألة |
silver هرد عليك بنفس الدليل الى انت جبته الدليل الى انت جبته ممكن يبقى فيه اختلاف بيني وبينك بالعقل انت قولت لو من غير اعمال عقلي هقول انه متقربش من حد بيصلي وانت سكران لاء ده باعمال عقلي باعمال عقلي لانه فهم عقلي لواحد وتفسيره لكن احنا عرفنا منين تفسيره الصحيح النقل عن الرسول وعن الصحابة ان لا ييصلي احد وهو سكران عن عمر بن الخطاب رضي الله عنه أنه قال : (اللَّهُمَّ بَيِّنْ لَنَا فِي الْخَمْرِ بَيَانًا شِفَاءً . فَنَزَلَتْ الْآيَةُ الَّتِي فِي الْبَقَرَةِ (يَسْأَلُونَكَ عَنْ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ) الْآيَةَ ، قَالَ : فَدُعِيَ عُمَرُ فَقُرِئَتْ عَلَيْهِ . قَالَ : اللَّهُمَّ بَيِّنْ لَنَا فِي الْخَمْرِ بَيَانًا شِفَاءً . فَنَزَلَتْ الْآيَةُ الَّتِي فِي النِّسَاءِ : (يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنْتُمْ سُكَارَى) ، فَكَانَ مُنَادِي رَسُولِ اللَّهِ صَلَّى اللَّهُ عَلَيْهِ وَسَلَّمَ إِذَا أُقِيمَتْ الصَّلَاةُ يُنَادِي : أَلَا لَا يَقْرَبَنَّ الصَّلَاةَ سَكْرَانُ . فَدُعِيَ عُمَرُ فَقُرِئَتْ عَلَيْهِ فَقَالَ : اللَّهُمَّ بَيِّنْ لَنَا فِي الْخَمْرِ بَيَانًا شِفَاءً . فَنَزَلَتْ هَذِهِ الْآيَةُ : (فَهَلْ أَنْتُمْ مُنْتَهُونَ) قَالَ عُمَرُ: انْتَهَيْنَا) رواه أبو داود (3670) وصححه الألباني في صحيح أبو داود . |
وبعدين انا بقول العقل لا يتقدم على النقل والاتنين مش بينافو بعض ولو نافو بعض يبقى النقل يقدم على العقل وده رد قوي في مسألة النقل والعقل شوفة يا اخ silver مثال بسيط تاني حدثنا وكيع عن الأعمش عن أبي إسحاق عن عبد خير عن علي قال : لو كان الدين برأي كان باطن القدمين أحق بالمسح من ظاهرهما ولكن رأيت رسول الله صلى الله عليه وسلم مسح .... إلى أخر الحديث ده دليل ان النقل يقدم على العقل في مسأل الخلاف لو بعقلك هتقول امسك الجورب من تحت وانا بتوضأ لكن النقل عكس كده هتقدم بقى النقل ولا العقل ؟ |
وياريت متبقاش اخر مشاركة ليك لانك منور التوبيك والله لان اسلوبك محترم ونقدك بدون تجريح .... |
دايما لما أتكلم عن الاعمال العقلي تدخلوها في الصلى هتصلي ازاي و هتصوم ازاي دي كلها روحانيات خارج التفكير العقلي لكن لما هتتكلم عن قضايا فقهية ,, هقولك مثلا انت الجارية دي منعتها ليه في العصر الحالي؟ لو هنقل نفس التصرفات يبقى نجيب جاريات و نعاشرهم بدون زواج لكن اعمال العقل هو الي حددلك ظروف المجتمع ايه و فكرهم كان ايه و ظروف المجتمع الحالي و وضعه ايه و غيره قيس على كدا أحكام أخرى أنا مش عايز أخصصها عشان مش أعمل تشنجات و الحوار يقلب بس في قضايا كثيره في العصر الحالي استخدامها و ظروفها تختلف تماما عن مفهومها سابقا و أعتقد الفكرة و المنطق بتاعي واصلك ,, و شكرا لسعة صدرك |
اقتباس:
اولا انا لم اتهمك به وانا اعلم جيدا انك لست صاحب الموضوع وكل ما اقوله لك لا يصح ان توجه اي انتقاد له لانه ليس موجودا ليرد عن موضوعه ثانيا حضرتك كل فكر وله معتقداته واقولها لك مره اخري فكر فهو منهج لاصحابه اما بالنسبه لنا فهو مجرد فكر فالفكر الشيعي اساسا لا يعرف كيفيه استعمال عقله في أمور الدين بل يستعمل عقله في أمور الدنيا فقط وهناك اساسا من كفر هذا الفكر الشيعي الفكر السلفي يقولون انهم يتبعون السلف الصالح ولكن اسفه ان اقول لك انهم بعيدون كل البعض عن تلك الكلمه ليس كلهم حتي لا اظلم احد ولكن الاغلبيه منهم وانا لا انتمي لاي فكر ... فكل ما اعرفه هو كتاب الله عز وجل وسنه رسوله ارق تحياتي |
لاء لاء ابدا اولا الى حضرتك اتكلمت فيه مفيهوش نقل موضوع الجواري ثانيا اختلاف الازمنه واختلاف الحكم والعادات شيء واختلاف التشريع شيء التشريع ثابت لا يتغير بتغير الازمنة انما الفتوى تتغير بحكم الزمان والمكان ده متعلق بالمترتب على الفتوى زي مسألة الجواري الي انت طرحتها هي ليست محرمة لكن في العادات الحالية بقت ممنوعه وده لا يترتب على النقل والعقل ابدا شيء ومسألة زي مثلا صناعة الملابس العارية للنساء في بلد زي السوعدية لو واحد سألني يجوز هقوله يجوز لان كده كده مش هيعرفو يلبسوها غير في بيوتهم لكن في دولة أوروبيه هقوله لا يجوز ده الكلام عن تغير الفتوى بتغير الزمان والمكان بالعقل لكن ده مخلنيش اخالف النقل وقول ان لبس الملابس العارية في الشارع حلال فالتشريع في كل زمان واحد لا يختلف ابدا والدين الإسلامي تم لا يحذف ولا يندب منه إلا بدليل نزل على الرسول اما نقل العادات والتقاليد الغير منصوصة في السنة ولا منصوصة في الدين بنص صريح ده شيء تاني انا متكلمتش فيه انت خلطت بين نقل عادات وده مش مذكور في اي كتاب ولا اي منهج ولا وجه خلاف اصلا ونقل تشريع احنا بنختلف في مسأل تشريعية بقول هل يجوز تقديم العقل على النقل في تفسير اية مثلا في تفسير حديث في فهم حكم شرعي ؟ ده وجه الخلاف |
| الساعة الآن 06:06 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب