|
حزب الناس الطيبين مساء / صباح / الخير يارب جميعا تكونوا بكل الخير بالصلا ع النبي كده ومن غير فلسفه شايفها على اخرها فى بر مصر كلها وخلاص كلنا بقينا افلاطونيين وارسطويين انا بقى تبع حزب الناس الطيبين بحب اتكلم بعفويتي اعيش بتلقائيتي بكره الزيف والغش والغدر والخداع شايف ولا مؤاخذه موجات غريبه من التحليلات والنقد شايف ان الكلام عن الدين بقى هوجه وموجه وعمال على بطال وهيصه وسبوبه ولقمة عيش مش مختلف ابدا عن الكلام عن الدين انما الافضل يكون بتخصص مش بيومي وعلى طريقة الحاجه / عبد الشكور ( بائع الخضار ) لا معلشي الدين بتاعنا بحر سهل سلس ومش محتاج كل دا الاغرب كمان واللي يودي في أبو ( نكله ) ويارب أم نكله مش تزعل عشان هتقول عنصريه ومش عارف ايه سياسات تسييس الدين وتديين السياسه خلاص المحاكمات تمت للحراميه وللقتله وللمجرمين ودم الشهداء اتاخد تمنوا وتم عمل القصاص على الشريعه الاسلاميه ورجعت اموال الشعب وانتشر الامن وارتفعت اسهم الاقتصاد المصري للسحاب ومفيش خلاص بطاله في ايه يا اخواننا في ايه الحاله منيله ومهببه ومزفته بستين ألف نيله وخلاص بقينا كلنا عباقره وكل واحد طالع في المقدر عامل لي حزب وافتكروا ان مصر بقت ( تورته ) وكل واحد ماسك سكينه وعايز منابوا ! بجد وضع مقرف وممل وتافه وعبيط نجحت كل الامور وفضلنا للتناحر على الكراسي والدكك وكأننا تاني بنرجع للخلف يظهر لي حزب البيوميين وحزب الشنكوريين وحزب الانشكاحيين وحزب الشكرمون طاخ في الترللي ومش فاهم المولد دا آخروا ايه ؟ وبقينا خلاص كلنا بندور على حقوقنا ونسينا الحق الأصلي ( حق مصر ) حرام عليكم لغاية فين كده ؟ طيب لحد امتى ؟ انا مش معقد ومش بهاجم ضدكم الكلام دا يتم فعلا لما احوالنا تتعدل لما المواطن المصري فعلا يشعر بكرامتوا وآدميتوا شورة مين وشعب ايه دي اصلا في ايه ؟؟؟؟؟؟ الناس دي بتضحك عليكم وربنا اذا كانت محاكمات الله اعلم بمصيرها نقوم ندور على انتخابات طيب بالذمه دا اسموا كلام ؟ مولد والغريب ان اللي بيغني أخرس واللي بيستمع أطرش بس كلوا بيسقف وخلاص وبيتسابقوا ع اللي يسقف بصوت عالي بالصلا ع النبي يكونشي دا الفكر الجديد !!!!!!!!!!!!!!!! شكلنا كده رايحين على سودان تاني وخليكم نايمين فى عسل العسل هنلاقي شمال وجنوب وطبعا في الوسط قوات حفظ السلام ( لزوم حماية الغلبانه إسرائيل من بطش العرب ) وربنا احنا بنضحك على بعض وآخرتها ( غامقه ) ودوروا ع الكراسي والدكك يمكن تلاقوا فيها غنايم وعليه العوض في الثوره ودم الثوار وكل عام وانتم بخير |
طرح فى غايه الروعه بعطيك الف عافيه لماتاتى به لنستفيد وجزاك الله الف خير وجعله فى ميزان حسناتك وتقبل منا ومنك صالح الاعمال احترامى وطبعا معك حق في كلامك ولكن نتمني جميعا صلاح الاحوال في المستقبل http://smiles.al-wed.com/smiles/72/140864seqcjkw2dp.gif |
اقتباس:
ايمان شرفني مرورك كرمنى وجودك عطرني ردك خالص التقدير |
موضوع جميل منك اخى احمد والحالة طبعا زى ما انت شايف الكل بيقول وعودة وحيعمل وحينفذ وطبعا الناس بتحلم بكدة بسى اية الحقيقة دة هو الاهم اختيار مميز منك تحياتى علية |
فعلا الكل بيقول هعمل وهسوى لكن للاسف ما فية تنفيذ ولا اى شئ تسلم ايدك احمد |
اشكر كل من مر وقام بالرد على الموضوع شكر عميق جدا وخاص جدا كل تقديري |
و الله يا أحمد عندك حق أنا لسه لحد النهارده بسمع ضرب النار باليل :(( ربنا يستر عالبلد و عالأنتخابات و عالناس ربنا يستر من الزيف و الغش و الخداع مش بس من البلطجيه و التزوير لاء كمان الناس اللي مرشحه نفسها والله أحيانا لما بفكر بقول لاء مش هنتخب حد أصلا بس خوفا من اني أرشح حد و بعدين يطلع كداب أو مش تمام هفضل أحس بالذمب و هيبقي حرام عليا ربنا يستر أحنا محتاجين نفكر كتير أوي في حاجات كتير أوووووووووي بس لازم نتعب شويه عشان مصر ترجع زي الأول تسلم يا أحمد علي طرحك الرائع ;) |
اقتباس:
يارب ترجع مصر احسن بس الدعاء وحده لا يكفي لو شعبنا ذكي فعلا يقاطع اي انتخابات قبل انتشار العداله والقصاص لدم الشهداء عمر حال مصر ما هيتغير والمحاكمات مش تمت دا فى بلاوي ع الناس دي يسلم مرورك وتسلم ايدك على تعليقك خالص ودي |
كل اللي انت قولته ده مظبووووووووووووووووووووووووط جدا واكيد موافقاك عليه افضل الصلاه واتم التسليم |
اقتباس:
القمر الوحيد شرفتي ونورتي الموضوع اهلا بيكي دائما خالص ودي وكل الاحترام |
| الساعة الآن 08:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب