منتديات بنات مصر

منتديات بنات مصر (https://forums.banatmasr.net/)
-   منتدى الاسلاميات والقرأن الكريم (https://forums.banatmasr.net/f4/)
-   -   أما أنا مبسوطة جداااا لأنى إمبارح (https://forums.banatmasr.net/msryat310240/)

أبـكتنــى ذنوبــى 12-09-2011 09:50 PM

أما أنا مبسوطة جداااا لأنى إمبارح
 


أحبائى فى الله ...

خليكوا معايا شويه اسمعونى اانا هقول ايه واعترفوا بأخطائكم

وياريت مش عايزه اسمع قول شكرا مشكورره جزاكى الله كل خيرا
تحدثوا معى فى الموضوع يلا بقى نبادر بالتغيير قبل فوات الاوان
قبل رمضان خلاص فاضل اياما قليله


عمرك سمعت حد بيقول :






أنا النهاردة ياجماعة مبسوطة جداااااااا





لأنى بصراحة النهاردة عصيت ربنا !!!!!!!





ومهمنيش !!!




جاهرته بالمعصية ومفرقتش معايا !!!!





طب وإيه يعنى ؟؟!







المهم اتبسطت وقضيت وقت جميل وخلاص





ايه دا ... إيه دا ....؟؟






مالكم كدا بتحتقرونى بينكم وبين نفسكم؟!!




انتو كمان زييى




أه زيى




أو كنتم زيى




وماتستغربوش أوى كدا




وتقولوا




لالالالالالالالا



دا احنا بنحب ربنا واستحالة نحاربه






لأ انتوا حاربتوه وبتحاربوه





طيب عيشوا معايا شوية فى المواقف دى كدا




ونشوف سوا



هل إحنا بنحارب ربنا ولا لأ

؟؟؟؟؟؟






أنا مبسوطة جداااا لأنى ..امبارح شفت حتة فيلم للمثل اللى بحبه

بس كان ايه تحفة كان نفسى أسمعه أوى من زمان
وماصدقت انه اتعرض









أنامبسوط جدااااااا لأنى خرجت مع صاحبتى وقضينا وقت جميل أوى مع بعض

واتفسحنا وعشنا لحظات جميلة أوى








أما أنا مبسوطة جداااا لأنى إمبارح اتعرفت على واحد من القهوه

بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى













أنا مبسوط جداااا





كنت فى شات روم واتعرفت على بنت ارتحت اوى فى الكلام معاها




وكلمتها مايك بس صوتها جميل أوى

وقعدنا نتكلم للصبح








أنا مبسووووووطة جدا امبارح سمعت ألبوم المطرب .....

الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى










أنا مبسوط

حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى





وع الأغانى ولا العروسة !!

والرقص اللى اللى رقصناه
ولا اللبس ولا ... ولا ......









مبسوطة أوى امبارح كان عيد ميلادى وحضروا لى حتة مفاجأة

كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا











فرحاااااااان لأننا كنا ف رحلة امبارح

وحصل بأه شوية حاجات




اتعرفنا على شلة بنات من هناك وأخدنا منهم أرقام التليفونات

واتفقنا نتقابل تانى قريب








انا منمتش امبارح كنت بأتكلم فى التليفون مع زميلى فى الجامعة

لحد الساعة 3 الفجر
وبعديها فضلت لحد الصبح أفكر فى الكلام اللى حصل




وبالرغم من كل الرعب اللى كنت فيه إن حد يصحى ويحس بيا

بس كنت فى قمة السعادة








أما يوم عيد الحب حضرنا حتة حفلة مع البنات صحباتنا

حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا










أنا إشتريت حتة طقم إنما إيه يابنات روووعة

لو تشوفوا استايل البنطلون
ولا لون البضى جنااان
مشفتش حد لابس منهم









من الآااااااااااااااااااااااخر







مبسووووووووووط /ة جداااااا لأنى ............................





عصيــــــت ربنا !!!!!!!!!!






هاااا




فكرتوا انكم ممكن تكونوا بتعملوا زيى



أو على الأقل كنتم بتعملوا كدا



يعنى مش لوحدى دا حالنا كلنا






مش هو دا لسان حالنا ياجماعة لما بنعمل المعصية؟



مش دا



حالنا فى المجاهرة بالمعصية ؟




يعنى الحمد لله ربنا سترنا ومفضحناش



الحمد لله ربنا أحيانا ومقبضش روحنا واحنا بنعمل المعصية




مش نسكت بأه ونستر نفسنا



لاء




دا احنا بنخرج وبنجاهر بالمعصية وبنتمنظر بيها كمان !!





وبنقول لربنا




أنا عصيتك



وفرحان انى عصيتك



وهأحكى لكل الناس إنى عصيتك



ومش هيفرق معايا.......





(والله قلبى بينخلع وأنا بأكتب الجزء دا

ربنا يغفر لى )






قدرنا ياجماعة نقول كدا ؟؟



قدرنا نغضب ربنا بالطريقة دى؟؟





يااااااااا الله على جهلنا وعلى سوء معاملتنا مع ربنا

وهو ستير لعيوبنا ولذنوبنا




وإحنا والله لو ربنا حاسبنا كما يجب

كنا هلكنا دلوقتى من جراير أعمالنا





ياااااااه لما الواحد يفتكر أد ايه كان غافل وبعيد عن ربنا

ولما يفتكر ذنوبه وازاى ربنا كتب له الحياة علشان يكفر عنها





وتحسبونه هيناً وهو عند الله عظيم





يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية




وعلى فكرة أنا مش مكبرة الموضوع ولا حاجة



دى تذكرة بسيطة ليا اولا وليكم وأتمنى أكون قدرت أوصلكم قصدى




علشان لو فيه حد فينا لسة بيجاهر بالمعصية يتنبه وياخد باله



ولو كان حد فينا عمل كدا زمان



وربنا هداه دلوقتى لكن ماتابش

يتوب



لأن الذنب لو ماتبناش منه ربنا هيحاسبنا عليه حتى لو كنا بطلنا نعمله






وطبعا دى كلها مواقف من وحى الخيال لكنها وااااقعية جدااااااا




بس حبيت أتكلم بصيغة المتكلم لأنها بتوصل أسرع وأفضل فى التعبير..






رب إجعل هذا العمل صالحا

ولوجهك الكريم خالصا
ولا تجعل لى منه حظا
ولا للشيطان منه نصيبا
وتقبله منى ياربنا قبولا حسنا



اللهم آاااااامين


منقووول


ساريه فى درب الرسول




*دموع القمر* 12-10-2011 12:15 AM

1 مرفق
والله كلام الواحد مش عارف يرد عليكى بايه وربنا يكرمك انتى واختنا ساريه

لان الى قولتيه ده بيحصل فعلا فى كل بيت بس الحمدلله على كل حال ان ربنا بيستر علينا ومبيفضحناش بس على الانسان ان يشكر ربه فى كل دقيقه والله الواحد بعد كده بيندم انه فى يوم عدى عليه وكان بعيد عن ربنا او عصاه واتمنى الى لسه محسش بغلطه انه يفوق لان العمر بيعدى ومحدش عارف هيكون فى وقت بعد كده عشان يقدر يتوب لربنا ولا لاملف مرفق 7406

~ NoDa~ 12-10-2011 02:00 AM

كلآامك صح ، أولاً جزآكِ الله كل الخيرر عليه وربنآ يجعله ف موآزين حسنآتك بإذنهـ

يآآه لما الواحد يلاحظ انه عمل حآجة واحدة من دول

بيتخنق أوي بعد مآيقرآ كلآمك ده ..

ربنآ يهدي الجميع يآآآآرب

أبـكتنــى ذنوبــى 12-12-2011 12:52 AM

يشرفني انا ارى تواجدكم بصفحتي
كما اسعدني مروركم الرائع.

بسمة العمر 12-12-2011 09:32 AM

موضوع جميل وفعلا انتى معاكى حق
بس النهردة الكل بيبص على النهردة
يعنى مفيش حدا بيبص على بكرة
مفيش حدا بيفكر انو فية يوم هيلاقى فية ربة
علشان كدا وخصوصا زمنا دة كترت فية الاحداث اللى زى كدا
جزاكى الله خير
تسلم ايدك

warm heart 12-12-2011 12:50 PM

لا طبعا .. ماينفعش نعصي ربنا ونقول مبسوطين .. دة عناد

في ناس لو عملت حاجة غلط بتتعذب من جواها وبتحس بالذنب

ربنا يسامحنا ويغفرلنا كلنا

وبجد موضوعك قيم وهادف ومفيد جدا

بارك الله فيك

safera 12-12-2011 12:55 PM

كلامك حقيقي فعلاااااااااا جدااااا بس انا احمد لله مش بيحصل حاجة منهم إلا قليل جداااا ومش كلهم يمكن حاجات بسيطة الحمد لله ياارب بس من اللي حواليا ومن صحاب بشوف ده فعلا يمكن ده غفلة مننا وكنا محتاجين حد يذكرنا وجزاكي الله الجنة عليها بس فعلا الواحد بقى لازم يراقب نفسه أكتر ويفكر ازاي هيقابل ربنا تسلمي عالموضوع وتسلم ايدك

أبـكتنــى ذنوبــى 12-12-2011 02:32 PM

يشرفني انا ارى تواجدكم بصفحتي
كما اسعدني مروركم الرائع.

Ş๓ồ Ẩℓ pяέnŞέŞą 12-12-2011 02:52 PM

موضوع جميل اوى

يسلمووووووووو

لعيونك بتمون 12-12-2011 02:59 PM


موضوع عآلي بذوقهـ ,, رفيع بشآنهـ

كلمآتـ كآنت ,, وسوف تزآل بآلقلبـ ,,

يــ ع ـطيكـ الــ ع ـآآفيهـ على مآطرحتي لنآآ يـآآلــ غ ـلآآآ ,,

ولاتحرمينامن جديدكـ ,,,, لآعدمتي ,,, ولآهنتي


الساعة الآن 11:49 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w