|
اشغالك اليدوية تحت المجهر السلام عليكم ورحمة الله وبركاته حبيت اعمل حاجة جديدة فى قسم الاشغال اليدوية وقبل ما اطلع احب اقول ان الموضوع دة هايبقى فيه اسئلة كثير وفيه شرح المهم انا اختار عضو/ة والعضوة دى هتجاوب على كل الاسئلة وبعد كدة العضوة لما تخلص اجابتها انا هختار اللى بعدها والعضو دة يجاوب وهاكدة وادى الاسئلة: 1_هل ليكى اعمال يدوية عملتيها باايديكى انتى؟ 2_هل فى يوم من الايام عملتى حاجة باايديكى وفشلت؟ 3_هل الام كانت تعمل اعمال يدوية فى البيت؟ 4_انتى بتحبى تعملى اعمال يدوية باايديكى انتى ولا لأ؟ 5_ايه الحاجة اللى عملتيها صح ونجحت؟ 6_هل الام عملت اعمال يدوية وفى الاخر طلعت فى الاعمال اليدوية غلط؟ 7_ممكن تجيبوا ادوات بتاعة اليدوية ولا مش ممكن؟ 8_لو جيبتوا ادوات الاعمال اليدوية وجهزتوا الادوات والاعمال اليدوية هاتعملوها ولا هاتخلوها ليوم تانى؟ 9_لو جربتى انتى والام والاعمال اليدوية طلعت غلط هاتصلحوها ولا هاتعملوا ايه؟ 10_هل عملتى اعمال يدوية قبل كدة لو اه ياريت تجيبى الصورة؟ وطبعا هاختار بنوتات مصريات اتمنى التفاعل منكم جميعا |
اولا انا بشكرك جدا انك اخترتينى وانا سعيده انى هجاوب ع الاسئلة دى 1_هل ليكى اعمال يدوية عملتيها باايديكى انتى؟ بصراحة لا بس بحاول علطول 2_هل فى يوم من الايام عملتى حاجة باايديكى وفشلت؟ ياا كتير انا علطول بحاول اعمل وبيفشل زى مثلا حاولت اعمل جراب موبايل 3_هل الام كانت تعمل اعمال يدوية فى البيت؟ اه كانت بتعمل كتير ( الله يرحمها) 4_انتى بتحبى تعملى اعمال يدوية باايديكى انتى ولا لأ؟ طبعا بحب جدا اعمل لانها بتكون تسلية بالنسبة ليا 5_ايه الحاجة اللى عملتيها صح ونجحت؟ الصراحه مفيش بس دايما افكر اعمل وبيفشل 6_هل الام عملت اعمال يدوية وفى الاخر طلعت فى الاعمال اليدوية غلط؟ لا بصراحة كانت بتعمل كل الاعمال صح وكان ليها فايده فى البيت لحد الوقتى بنستفاد منها 7_ممكن تجيبوا ادوات بتاعة اليدوية ولا مش ممكن؟ يعنى اجيبها صور يعنى قصدك ولا قصدك بنشتريها 8_لو جيبتوا ادوات الاعمال اليدوية وجهزتوا الادوات والاعمال اليدوية هاتعملوها ولا هاتخلوها ليوم تانى؟ لا هخليها ليوم تانى 9_لو جربتى انتى والام والاعمال اليدوية طلعت غلط هاتصلحوها ولا هاتعملوا ايه؟ لا خلاص بقى عليه العوض هههه نجرب غيرها 10_هل عملتى اعمال يدوية قبل كدة لو اه ياريت تجيبى الصورة؟ لا معملتش هو انا حاليا فى وقت فراغى بحاول اعمل كده حاجات اول ما اعمل عمل كويس اوعدكم انى اوريهلكم وانا برضو بحاول استفاد من قسم الاشغال اليدوية لانى بحبه جدا وانا بشكرك مره تانيه |
بجد انتى نورتى باجاباتك الجميلة دى وياريت تفضلى منورة فى قسم الاشغال اليدوية لان ملاحظة نشاطك فيه وان شاء الله نشوف مواضيع جديدة وجميلة منك دايما وانا هختار العضوة البت رومانسية واحنا فى انتظارها وفى انتظار اجابتها |
http://www.shamsqatar.com/up3/get-11-2007-v5i9fr0r.gif اولا اشكرك جدااا على استضافتك ليا دا شرف كبير اوي ليا اني اشارك في موضوعك شكرا جدااا :126: ------------------------ اجاباتي 1_هل ليكى اعمال يدوية عملتيها باايديكى انتى؟ يعني كنت بعمل في المدرسة مع بعض زميلاتي بس دا ايه من سنه سادس زمان اوي بس اصلي مليش في موضوع الاشغال اليدوية دا بس ليا في الرسم ومش من النوع اللي يحب يجرب الشغل او كده لا لو حد عملهولي خير وبركة محدش عملوا خلاص بحب أتفرج بس على اعمال الناس. 2_هل فى يوم من الايام عملتى حاجة باايديكى وفشلت؟ ههههههه يااااااااماااا دا انا مفيش حاجة بعملها غير لما تفشل لا بس بحاول والله بس فين وفين اصلا لما يجيلي حماس لاني اعمل عمل فني 3_هل الام كانت تعمل اعمال يدوية فى البيت؟ اه كتير اوي ممتي بتحب الاشغال اليدوية جداا بس لما كانت صغيرة اما دلوقتي ممكن تخيط ترسم كده يعني بس لما بطلب منها تساعدني في عمل او كده بتبدع ماشاء الله ربنا يحفظها 4_انتى بتحبى تعملى اعمال يدوية باايديكى انتى ولا لأ؟ بصي لو طلب مني عمل يدوي احب انا اللي اعملوا محبش حد يشاركني وم بس في الاعمال في كل حاجه مبحبش حد يشاركني بس برضو اكيد بحتاج مساعده 5_ايه الحاجة اللى عملتيها صح ونجحت؟ كنت عاملة فازة بالعجينة السراميك بس كانت للمدرسة برضو وكانت حلوة اوي فعلا 6_هل الام عملت اعمال يدوية وفى الاخر طلعت فى الاعمال اليدوية غلط؟ لالا خالص ماشاء الله عليها بتتقن العمل جداا 7_ممكن تجيبوا ادوات بتاعة اليدوية ولا مش ممكن؟ مش فاهمه سؤالك اوي بس هجاوب على قد ما فهمت اللي فهمتوا انك قصدك بنجيب ادوات للاعمال الفنية ولا لا بصي انا مبجبش ادوات للاعمال الفنية غير لما اكون محتاجه حاجة بس اصلا الاعمال الفنية بتبقا كلاها حاجات من البيت الا بقا لو احتجت حاجات من بره يعني ورود للتزين اي حاجات كده يعني دا اللي فهمتوا من سؤالك 8_لو جيبتوا ادوات الاعمال اليدوية وجهزتوا الادوات والاعمال اليدوية هاتعملوها ولا هاتخلوها ليوم تانى؟ والله بصي انا اصلا مش هجيب الادوات غير لما اكون ناوية او حابة اني اعمل عمل يدوي لكن ممكن اعمل نصه وبعدين مزاجي يكون مش رايق فأكملوا بعدين 9_لو جربتى انتى والام والاعمال اليدوية طلعت غلط هاتصلحوها ولا هاتعملوا ايه؟ أكيد الاول هنحاول نصلحها بس ممكن تفشل دا حاجه مش مستبعده 10_هل عملتى اعمال يدوية قبل كدة لو اه ياريت تجيبى الصورة؟ اه عملت قبل كده بس للاسف مش مصوراه لما اصوروا هنزلوا في موضوع تاني عشان تشوفوه -------------------- كانت حلقة تجنن مع اجمل العصفورة الانيقة انبسط جداا بأسألتك ليا شكراااا جدااا على استضافتي :126: |
اجاباتك فى غاية الجمال وبجد نورتى الموضوع باجاباتك الجميلة دى وانتظرونى مع متدبسة جديدة ونشيطة معانا جدا |
انا هختار المشرفة لوجين (lost pearl) وياريت تنورنا وتجاوب على الاسئلة اللى موجودة :) |
حاضر يا قمر ,, عنيا ان شاء الله اخلص حاجة ف ايدي كدة و جايالك علي طووول :)) و شكرا علي اختياري ,, |
ماشى يالوجين واحنا فى انتظارك وفى انتظار اجاباتك ^^ |
انتى فين يالوجين احنا فى انتظار اجاباتك بقى :) |
انا ها هنااااا ,, و فعلا اسفة حقك عليا ,, 1_هل ليكى اعمال يدوية عملتيها باايديكى انتى؟ لا خالص للأسف :(( 2_هل فى يوم من الايام عملتى حاجة باايديكى وفشلت؟ لا انا ماعملتش اشغال يديوية ب ايدي غير ف المدرسة و لا حاجة اما كنا بنعمل غرز بسيطة ماكنتش بغلط فيها الحمد لله ,, 3_هل الام كانت تعمل اعمال يدوية فى البيت؟ اه ,, بس زمان قبل ما بابا الله يرحمه يتوفي و تتشغل بقي :198: 4_انتى بتحبى تعملى اعمال يدوية باايديكى انتى ولا لأ؟ لا للأسف ,, باحس انها مملة ,, 5_ايه الحاجة اللى عملتيها صح ونجحت؟ هههههههههه اكل ممكن ,, اعمال يدوية ابدا ,, الا الغرزة اللي اتعلمتها في المدرسة 6_هل الام عملت اعمال يدوية وفى الاخر طلعت فى الاعمال اليدوية غلط؟ تؤتؤ ,, الحمد لله ماما كان شغلها جميل جدا ما شاء الله ,, و في منه عندنا و عند تيتا و عند خالتو 7_ممكن تجيبوا ادوات بتاعة اليدوية ولا مش ممكن؟ كان عندنا مكنة خياطة ,, بس مش عارفة تاهت فين بقي :762: 8_لو جيبتوا ادوات الاعمال اليدوية وجهزتوا الادوات والاعمال اليدوية هاتعملوها ولا هاتخلوها ليوم تانى؟ يوم تاااااااااني :sml2: 9_لو جربتى انتى والام والاعمال اليدوية طلعت غلط هاتصلحوها ولا هاتعملوا ايه؟ هههههههههههههه ماما بقي تتصرف ,, هي بالها اطول مني :)) 10_هل عملتى اعمال يدوية قبل كدة لو اه ياريت تجيبى الصورة؟ تؤتؤ ,, ماعملتش :445: تسلمي علي الاستضافة الجميلة منك يا سارة و بجد اسفة علي التأخير :sml4: |
| الساعة الآن 05:55 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب