|
عيون حائرة تبحث عن مستقبل مجهول ؟؟!! تابع للمسابقة http://img469.imageshack.us/img469/9308/062yq.gif http://i51.servimg.com/u/f51/11/41/64/71/c42ac910.gif أخوانى وأخواتى الاعزاء مرحبا بكم بهذهــ الساحة المتواضعة كنا قاعدين انا واصحابى بنتكلم عن الدنيا حوالينا وايه المصير اللى مستنينااا و ان شاء الله مستنى اولادنا !! فمن ضمن اصحابى واحد فى الجامعة لسه سأل نفسهـ السؤال المعتاد وسألنا معاه ياترى ايه اللى هيكون مستنينى ياربى بعد مااخلص دراستى ؟!! هلاقى وظيفة ومرتب كويس كده يظبط حياتى واتجوز وابنى اسرة زى حلم اى واحد زيي ولا هترجع ريما لعادتها القديمة مش هيتوظف الا اللى معاه الفلوس والواسطة - وطبعا زى ماحنا عارفيين اللى معاه فلوس بيدووووس واللى معاه الواسطة هو اللى بيعرف ياكل البسطة ولا كغيرى كتيييييييييييييير جدااااااااااا هبدأ بقى اشوف وظيفة او شغلانة تانية جديدة ولا اكنى اتعلمت ولا دخلت جامعة وطبعا هتبقى شغلانة غير التخصص اللى انا اتبهدلت انا ووالدى عشرين سنة فى التعليم والمصاريف والجهد والتعب عشان ابقى اسمى خريج جامعة وحاصل على بكالوريوس وفرحان بالشهادة الكرتون الجميلة دى !!! لان اللى احنا شايفينه ان معانا مهندس يعمل محاسب بسيط في شركة.... ومدرس شغال سواق اجرة... و الصدمة الكبرى ان والله فيه دكتور شغال كهربائى!!!!!!... وما ان انتهى صاحبنا الغلبان ده من الحيرة اللى هو فيها , لقينا جنبه صاحب تانى فى عالم تانى بيحسب مع نفسه وبدأ يحكى لنا عن نظامه بعد مااتدبس واتجوز وفاتح سبوبة مكفى بيها نفسه هو وزوجته ياترى هيعرف يوفر دخل يربى بيه عياله ويعيش نفسه هو ومراته عيشة كويسة ولا محتاج يدور على شغلانة تانية وتالتة عشان يوفر الدخل اللى يأمن بيه عيشة فلة على راى اللى بيقولوها ولا ممكن الثورة بقى والاحزاب الجديدة دى تظبط اوضاعنا وتشوف لى وظيفة بالشهادة اللى انا خدتها من الجامعة من عشر سنين دى او حتى تراعى ظروفى الاسرية وتوفر لى فرصة عمل كويسة تناسب الشهادة اللى انا اتكحرت عشان اخدها :( وعندك بقى فى الجنب كده قاعد ابو واحد صاحبنا عمال يستغرب مننا وقال لنا انتوا تحمدوا ربنا على اللى انتوا فيه ده ياولاد - دا احنا ايامنا كان لا فيه تلفزيون الوان ولا كل واحد اوضة ولا ولا ولا وقعد بقى يعدد لنا الحاجات اللى كان محرومين منها وشايفنا عايشين فيها الوقتى وقال ورغم كده كنا عايشين زى الفل لا تقولى بقى احزاب ولا دينى ولا ليبرالى ولا الكلام الجديد بتاعكم ده ولا كان فيه بقى دش ولا كمبيوتر ولا نت ولا العربيات اللى هتجننكم دى دا انتوا الوقتى اللى مش عنده احسن كمبيوتر ولاب توب واعلى سرعة نت وغرفة لوحده واحدث موبايل بيفضح الدنيا ياولاد اسكتوا اسكتوا !! وفضلنا انا واصحابى نبص لبعض ياترى ايه اللى مستنينا بعد الثورة بقى مستقبل كويس وووظيفة مناسبة زى الاحلام اللى كنا بنرسمها ولا هيبقى الوضع كما هو عليه محلكــــــ ســــــــر ماذا تقولون لهم؟؟؟ بقلمى :) |
حقيقى يا احمد هو خوف وترقب من المصير المجهول الذى ينتظر الكثير وخصوصا محدودى الدخل والذين يبحثون لانفسهم عن مكان فى سبيل الوصول الى معيشة معقول وتحقيق ما تكتفى بة نفسة من اقل الاشياء التى تعينة على العيش فى تلك الحياة بصورة كريمة وعدم مد اليد الى احد جميل اختيارك اخى الفاضل تقبل تحيتى مع وافر احترامى علية واتمنى لك كل توفيق |
طبعا اكيد السؤال ده بيسأله كل الناس لبعضها ولنفسها مش بس عشان الثوره ولا الاوضاع الملخبطه دلوقتي لا كمان عشان حاله الخوف المترقب من كل جديد فالبلد والاحزاب الي كترت ومحدش عارف فين المصداقيه وفكلام مين كل دي حجات لازم تيجي فخيال الكل ان شاء الله يكون الجاي احلى فمصر شكرا لموضوعك بالتوفيق ,, |
اقتباس:
تسلم لمرورك المميز اخى الفاضل نورتنى بموضوعى البسيط |
أقول لهم يجب علينا أن نتفااائل بكل خير ونصبر ونحتسب ونوكل أمورنا الى الخاااالق فهو متكفل بأمورنا ورازقنا واليه وبيده كل شىء فكما أعجبنى حقا رد فعل والد صاحبك وهو أنه كان لا يوجد على أيامهم التلفزيون الملووون وغيره أشياء بالفعل كانوا محرومين منها مقاااابل الكثير والكثير الآن لنا والذى والآمكانيااات الكثيره التى تحيط بنا ورغم ذلك نفتقر لآشياء كثيره والآهم من ذلك والذى نفتقده هو الرضى والقناعه والتأنى والصبر والذى يجب أن نمشى على أساسه حتى تكون الحياااه فى نظرنا ميسره وبسيطه حتى ولو قابلتنا كثير من الابتلاءااات تسلم أخى أحمد على طرحك لموووضوووووع مهم ومميز ربنا يبارك فيك ويحفظك موووفق |
اقتباس:
شكراً لك على مروركــ المميز بارك الله فيك أكيد كل الاحزاب دى هتقل لاكتر من النص بعد انتهاء الانتخابات لانها لن يكون له اى دور فعلى |
يارب تسلم ايدك يا استاذ احمد موضوع متميز جدا ومجهود راقى وطيب بالتوفيق لك يارب وللجميع يارب ولي معكم كل التقدير |
بسم الله الرحمن الرحيم أخى الكريم أحمد موضوع مهم منك ولكن كل ما أستطيع قوله أن ما يدور بأذهان الكثيرين أمر من قبل الثورة وبعدها هل سينصلح الحال يوماً كل طالب قبل أنتهاء دراسته يفكر هل سأعمل بشهادتى أم سيكون مصيرها فوق أحد الرفوف أم ستعلق على الجدار للزينة ولكن الأمر بعد الثورة أخذ منعطف جديد وهو بصيص من الأمل فى أنصلاح البلاد والعباد وتحسين المستوى المعيشى للأفراد والأسر المصرية وذلك الرجل الكبير لديه حق فهم كانوا يعيشون فى ظروف قاسيه بعيدة عن الترفيه اللذى نعيشه الأن ولكن رغم تلك الظروف القاسيه فى الماضى إلا أنهم كان لديهم كثير من الأشياء التى لا توجد لدينا الأن أهم تلك الأشياء التى كانت متوفرة فى الماضى هى القناعه والأيثار وحب الأخرين ومساعدة الجار فى الماضى أولاد الحى الواحد كان يعرف كل منهم الأخر ويعلم عنه الكثير ايضاً ولكن تعالى الأن رجل يسكن فى عقار ولا يدرى عن أسم من يسكن فى شقته المجاورة الموضوع نسبى أخى الكريم لكن كل ما نستطيع قوله هو أن ننتظر لنرى ما سيكون فى الأيام المقبله ونتمنى من الله أنصلاح الأحوال تقبل مرورى وودى وأحترامى |
ما هو المستقبل ؟ هو خط نرسمه من البداية قد نمشى عليه وقد نجرى وراءة وقد نفقده لكن نحن من نرسمه حال البلاد لا يرسم ايدا مستقبل الشعوب فكم عمل الكثير فى البلاد المتقدمه اعمالا غير اعمالهم حتى يصلوا الى بداية الطريق للمستقبل الذى رسموه وهناك من غيروا باعمالهم البسيطة مستقبلهم لمستقبل افضل بجهدهم فالمحصله النهائية هو السؤال كيف نحقق مستقبلنا الذى خططنا له وليس ما الذى تخفيه لنا الاقدار تحياتى لموضوعك القيم |
اقتباس:
تسلم لمروركــ المميز باركــ الله فيك |
| الساعة الآن 08:09 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب