فلانتين مين دا ؟؟ اكيد دا اللهو الخفى السلام عليكم ورحمة الله وبركاته طبعا زي ما أحنا او بلاش احنا بعضنا عارف ان الفلانتين ع ما اعتقد بكرة والدنيا أحمرت (ابو بلاش كتر منه ) حتي لو نزلت او نزلتى السوق هتلاقي كل البياعيين بقوا بيبعوا طماطم وحمرا يا أوطة ده طبعا بعيدا عن الدبابيب الحمرا اللي مش عارف الناس بتشتريها أزاي http://www.iraqup.com/up/20110720/1b..._573065769.jpg أموت وأعرف أزاي بيقدروا يشلوها ده تلاقي الدبدوب قدهم 3 ولا 4 مرات وبرضه شيلينه علي قلبهم وماشيين مش شايفين قدامهم كل ده كوم ومحلات الورد ديه كوم تاني خالص لو جربت او جربتى تدخل او تدخلى محل ورد يااااااه علي المنظر المحل كله ورد احمر ولا محلات الهدوم كل الفاترينات مليانة بالهدوم الحمرا والناس ماشيين لابسين احمر اموت واعرف ايه علاقة الاحمر بالحب اية وجه المقارنة ما بنهم !!!!!!!! ولا يا سلام لو الفلانتين جه فى الصيف لو طلعت او طلعتى علي البحر لو جربت او جربتى تتمشو علي الكورنيش هتلاقى البعض مش ماشي ماسك ايد حبيبته لالالا خاااالص ابســـــــــــــــــلوتــــــــــــــــــلى دا يوم عيد الحب ياعنى مش اى حاجة ولا اى يوم دا تقريبا بيبقو فيرى فيرى اوووووووفر اوووووووووفر ولا تلاقي الحبيب يبقي عاوز يعمل نفسه جيركن مان قصدى جينتل مان قدام حبيبته وهو مخاصمها اصلا ومبيكلمهاش ويجي يوم الفلانتين يقولها هابي فلانتين داي ياحبيبتي تيجي هى بقي تروح قايله هابي فلانتين داي يا حبيبي وده اول فلانتين يجي علينا وهو يقولها انا معرفتش معني الفلانتين الا لما حبيبتك انا عمري ما حسيت ان في فلانتين الا بيكي وتشوفو رومانسية الدنيا في الناس ويا حبيبي ويا حبيبتي وسامحيني لو كنت زعلتك انا اسف ياروح قلبي وطبعا كله ضحك وهى تقوله مسامحاك يا نور عنيا ياااااااااه تصدقوا أتأثرت انا هعيط هههههههه بس دنا الجنرال هههههههه وتلاقي بقي اكتر ناس بيشتغلوا اليوم ده بتوع الشحن وتلاقي كروت الشحن نازلة ترف واشحنلي وانا عاوزة اشحن ويا سلام بقي بتوع التاكسيات كمان ليهم نصيب جامد ماهو مش هياخد حبيبته يفسحها في المواصلات لازم يعمل راجل ويوقفلها تاكسي اللى ابيضيكا اللى فى القاهرة دا ابو عداد ..... ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ بس بجــــــــــــــــــــــــــد انا نفسى اعرف ليه الناس دايما رابطة الكلمة الحلوة بيوم مع انها سهله اوى انها تتقال كل يوم؟؟؟؟ والهدية ليه نربطها باليوم دة مع اننا ممكن اوى نتهادى فى ايام تانيه مش لازم دا؟؟ وفى حديث بيقول ( عن أبي هريرة عن النبي صلى الله عليه وسلم قال : ( تهادوا تحابوا ) . رواه البخاري في الأدب المفرد ، وأبو يعلى بإسناد حسن . ) يعنى مربطش الهدية بيوم زى ما الكل بيقلد الغرب فى يوم مش بتاعنا اصلا طيب انتو عارفين اصلا الفلانتين دا معناه ايه ؟ اقولكم معناه ايه يامسلمين قريت قبل كدا فى كتاب فى المكتبة بس مش عارف اسمه اية لانه من زمان اوى ونقلت الكلام اللى هقوله دا فى الكشكول الى كان معايا بيقول كدا : ( القديس فالنتين ) الكنيسة وضعت تقويماً كنيسياً جعلت كل يوم فيه عيداً لأحد القديسين وفي إنجلترا كان عيد القديس فالنتين يحدد في آخر فصل الشتاء فإذا حل ذلك اليوم على حد قولهم تزاوجت الطيور بحماسة في الغابات ووضع الشباب الأزهار على أعتاب النوافذ في بيوت البنات اللاتي يحبونهن . وقد جعل البابا من يوم وفاة القديس فالنتين 14/فبراير/270م عيداً للحب. دا اللى انا نقلته اعتقد المعنى اتفهم بشوف ناس كتير بتحتفل بيه وبزعل اووووووووووى اووووووووووووووووووووى ان بعضنا خلق عيد تالت مش بتعنا ولا نعرفه احنا كمسلمييييييين عندنا عيدين عيد الفطر وعيد الاضحى مفيش تالت ولا رااابع واخر كلمة هقولها علشان انا رغيت كتير لا حب يعلو فوق حب الله.. ♥ واسف لو كنت طولت عليكم جنرال 25 يناير |
تسلم ايدك على الطرح وانا معك فى ان مش صح الاحتفال بعيد الحب بس هقولك ان الغلط مش من الجيل الحالى اللى بيعمل كده لا الغلط من اللى قبلهم واللى قبلهم هم اللى اقتنعو بلفكره ومشيو عليها يمكن الغلط الوحيد للجيل الحالى ان مفكرش يقيرها او يتخلى عنها تقبل مرورى |
يفسحها في المواصلات لازم يعمل راجل ويوقفلها تاكسي اللى ابيضيكا اللى فى القاهرة دا ابو عداد ..... بص الموضوع كله كوم والجمله دي كوم تاني انا عارفه ان الموضوع مش هدفه الضحك بس ضحكني والله:079: واقوللك بقا سبب انك نزلت الموضوع ده تلاقي انت مش معاك تمن الدبدوب اللي قدك مرتين فكتبت الموضوع ده تصبر نفسك:198:>>>كفايه هزار بقا وندخل ف الجد انا معاك ان الفلانتين ده ممكن يكون كل يوم واحنا اخدنه عن الغرب بس انا بعتبر ان معظم المصريين مقلدين اي حاجه يشوفها يعملوها انا عن نفسي مبحتفلش به وعلشان عارفه ان بعض صحابي بيحتفلوه به وعلشان ميزعلوش مني قولتلهم عيد حب سعيد يوم 10-2 علشان مكونش مقلده:biggrin: اسفه اني طولت الرد بس احنا ع الصحب والموضوع ضحكني وشجعني اكتب تحياااااااااتي لعرضك الرائع للموضوع |
|
معك حق ، ربي يهدي الجمييع شكرآآ ع الموضوع الجمييل |
الساعة الآن 02:31 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب