منتديات بنات مصر - ع المكشوف‏ ‏مع تاج الستات

اولا ميرسى يا ورده ع الاستضافة ويارب اكون ضيف خفيف :))

سهر ,, شكرا ع التدبيسة ليكى يوم بردو هههههههه

بس 15 اعتراف اقول اية انا فيهم لسة بفكر :D :D

بسم الله

1- بحب الصراحة و الكلام على طول ومش بحب اللف والدوران ولا اللى بيقعد يلف ويدور فى الكلام:)

2 / اكتر حاجة كنت بكرهها فى حياتى انى اتفرج على الكورة .. لحد ما اتغيرت كل حاجة وبقيت اهلاوووى والاهلى بقا جزء من حياتى لدرجة ان حياتى بتتأثر نفسيا ومعنويا ومزاجياً حسب فوز او خسارة الاهلى
يعنى لو كسبانين امتع نفسى وامتع اللى معايا .. لو خسرانين ..حزن و حالة نفسية مش كويسة و اللى ييجى ناحيتى عارف اللى هايحصله :P ههههه
ومحدش يستغرب من كلامى لأن انتوا مش فى مكانى عشان تحسوا بحاجة زى دى :)

3 - اتمنى ان يكون ليا ولدين و بنتين و اسميهم اسلام و عبدالله
و البنات بقا اى اسم لأن اسمائهم كتير حلوة :))

4 / بكره العيال السيس والفرافير :079:

5 / انا مش متعصب وهادى خالص جداً بس حاجتين بس اللى تعصبنى الاهلى , و دلوقتى لما اتناقش مع حد من الفلول :biggrin::biggrin:

6 / بحب البشاميل والبانيه كتير. و بحب السندوتشات الجاهزة من برة:)

7 / بعشق المشروبات الغازية وبالأخص اللى فيها صودا كتير :biggrin: كولا وبيبسى وكدة ادمان بقا ممكن ماكلش يومين تلاتة عادى ولكن الحاجة ساقعة لا لا مستحيل :)) دى ادمان من وانا صغير طفل وقتها كنت كل يوم اصحى من النوم اشرب حاجة ساقعة مش ميه ولو ملقتهاش اخرب الدنيا :)) بس خلاص دلوقتى كبرنا وبردو وانا سهران بليل معاي ا الحاجة ساقعة قدامى اهى=))

8/احب الناس الطيبين المتواضعين الكويسين
واكره جدا الظالمين والمغرورين اوووى :)

9/ من اكتر العيوب اللى فيا انى ببقى فى حيرة كتير :)

10 / بحب الافلام الرعب جداً بس مش بحب اتفرج عليها غير وقت اللمة ويكون بليل فى السهرة :) و الافلام العربية مش بحب اتابع غير الافلام الجديدة بس :D

11/ احب السهر ومع انى مش بكون عاوز اسهر ولكن مش بعرف اتأقلم انى اصحى الصبح وانام بليل ..وبرجع للسهر تانى ,احلى وقت :biggrin:

12 / احب اسعد اللى حواليا بأى طريقة حتى لو بأقل حاجة
معنويا ونفسيا يعنى يكونوا مرتاحين او بعمنى اصح مبسوطين واللى زعلان يفكها :)

13 /بحب منتدى بنات مصر كتير جدا .. واوقات كتير كنت بزهق وابعد عن المنتدى ودة طبيعى جدا ولكن بعد فترة بحن للمنتدى تانى وارجعو يعنى من الواضح كدة صعب اسيبو طالما بستخدم النت .معمولى عمل :biggrin::biggrin:

14 / الكمبيوتر بايظ وبيطفلى لوحده واسوء حاجة انه بيطفى فى اهم اللحظات ,, خايف بعد الكلام اللى كتبتو دة كلو ويجى يفصل عند الرقم 15 :762:

15 / وصلنا لأخر رقم ومازال الكومبو سليم :)
نفسى حق الشهداء يرجع من بداية من الثورة لـ حد شهداء بورسعيد رحمهم الله
فقدت فيهم ناس كتير صحابى ولو حقهم مجاش يبقا احنا منستحقش الحياة لأن الناس دى ماتت عشاننا احنا مش عشان حد تانى .. الله يرمحهم وكل المجد ليهم

اتمنى ان اكون ضيف خفيف عليكوا
وشكرا ع الدعوة :)