منتديات بنات مصر - حلم بنت ملهاش زنب

منتديات بنات مصر (https://forums.banatmasr.net/)

- فضفضة الأعضاء (https://forums.banatmasr.net/f137/)

- - حلم بنت ملهاش زنب (https://forums.banatmasr.net/msryat372699/)

حلم بنت ملهاش زنب

السلام عليكم ورحمه الله وبركاته
كان في بنت زي القمر كل حلمها انها تنمي موهبتها بنت بتعشق
الرسم كان عنديها 13 سنه والدها متوفي وطبعا لزم العم يتحكم
في ولاد اخوه وهو ده اللي حصل راحت البنت لي عمها وقالت انا بحب الرسم وفي مرسم عوزه اروحه طبعا رفض انتي لسه صغيره
وقال موهبه الرسم مش حلوه سيبك منها طبعا البنت زعلت اوي وقررت انها تتعلم لوحدها اول رسمه رسمتها بعد متعلمت هي صوره والدها كل اهلها فرحو ماعاد عمها ولما وصلت سن 17 سنه قررت انها تشترك في المرسم وكان عامل مسبقه احلي لوحه
في معرض اسمه 25 يناير وطبعا كان حلم بنسبلها وبعد معانه وافق بس اتحداها اذا نجحت هتكمل ولو فشلت مش هترسم تاني
راحت ودخلت المسبقه ونجحت واتقرمت ونزلت صورها في الجرايد وفجاه ظهرت بنت في حياه مدرس الرسم بتعها والبنت دي تبقي صحبتها للاسف وخلت المدرس يبعد عنها ويعلمها هي ويبطل يعلم البنت اللي ملهاش زنب في حاجه عملت كده لانها مش عوزاها متعرفش تعمل حاجه والبنت مش عرفه تعمل ايه لو عمها عرف انها فشلت مش هيخليها تكمل خالص
بجد البنت صعبانه عليه مش عرفه احل مشكلتها ياريت تسعدوني :sml4:

تم تحرير الموضوع الاصلى بواسطه المحرره : » CinDrella SOo ●•
وصاحب الموضوع الاصلى : Elmalak Eltaer

رد: حلم بنت ملهاش زنب

آنآ شآيف آن هيآ تكمل حيآتهآآ عآدى
وبآلنسبة للمسآبقة ربنآ يعوض عليهآآ
ممكن بكرآ لمآ تتجوز تعمل برآحتهآآ
آحترآآمى

رد: حلم بنت ملهاش زنب

مالهاش دعوة بالمدرس ده
وتشوف مدرس غيره في المرسم او تشوف مرسم غيره
اكيد هيكون فيه مدرس غيره في المرسم
ولو الثاني ماعجبهاش ممكن تشوف مرسم غيره
وبدل ماهيه عندها موهبة
اكيد هتعرف تنميها
بس ماتستسلمش
لانها فرصة ممكن تغيرلها حياتها كلها الي الاحسن

رد: حلم بنت ملهاش زنب

وعليكِ السلام والرحمة ..

أولا كدا مادام عندها موهبة وأخدت الأساسيات

يبئا تقدر تنمي موهبة نفسها بنفسها

بس تخلي عندها ثقة ف نفسها بعد ربنا

و كمان الوقت في وسائل تعلم كتييييييير

في مواقع تعليمية للرسم ومواضيع وفيديوهات

وأكيد ان شاء الله تقدر تلاقي مدرس تاني ..

ربنا يوفقها لكل خير وتنمي موهبتها وتبئا مبدعة ..

دمتِ بحفظ الرحمن ..

رد: حلم بنت ملهاش زنب

يعنى هو مفيش غير مدرس رسم واحد بس
دول كتير اووى
خليها تشوف واحد تانى
وتكمل عنده
لكن مش ينفع انها تستسلم كده بسهوله :)