منتديات بنات مصر - الحلقة التاسعة من برنامج نزلت الشارع .. ولقيت..معانا الكبير ( كبرياء رجل )

http://www.animatedgif.net/welcome/ctmwelcome_e0.gif

ازيكوا :D
منورين بقآ ..
انا قولت بما ان النهاردة يوم النشاط
لازم استضيف مشرف انشط قسم ف المنتدى
اصل انا مش قليلة يعنى :D
..
المهم .. طبعا اكيد ولابد عرفتوا هو مين ::d

توداى معانا
..
.
.
.

كبرياء رجل

مشرف قسم اليوميات
فيلسوف الاحساس

http://forums.banatmisr.com/images/0.gif http://forums.banatmisr.com/images/0.gif http://forums.banatmisr.com/images/0.gif http://forums.banatmisr.com/images/0.gif http://forums.banatmisr.com/images/0.gif http://forums.banatmisr.com/images/0.gif http://forums.banatmisr.com/images/0.gif

http://forums.banatmisr.com/image.ph...ine=1314406338

قولى بقآ ي سامى .. اخبارك ايه؟

الحمد لله بخير واشكرك على سوالك

بما انى منورة القسم عندك يعنى :D تحب تشرب ايه .. ع حسابك طبعا ...

طالما على حسابي يبقى كوبايه مايه ساقعه
ومش معدنيه اكيد

https://encrypted-tbn3.gstatic.com/i...oAbFBmLdw_o7Zg

هو انت جيت ف جمل>>
اى خدمة بقآ ::p

معظم الاعضاء هنا عارفينك .. بس زيادة توكيد كده
عايزة نبذة مختصرة عن نفسك ..

اللي شيفاه الناس
ليا ميول معينه
ممكن حد يشوفني متقلب
شيويه مواضيع حزينه شويه رومانسي
شويه كوميدي
انا كده بكره الروتين
واذا تكرر خارج عن ارادتي بيأثر عليا

طبعا انك كل يوم بتنزل الشارع واتعرضت لمواقف كتيرة فيه
احكيلى عن
موقف شفته ف الشارع واتبسطت منه .؟

هي بتحصل كتير
كل ما تيجي تعدي طريق مثلا فيه سيارات
يوقف السياره صاحبها
ويقولك اتفضل عدي اللي جواها
بتبقى حاجه زوق يعني

اه فعلا .. بتبسط انا من الموقف ده اووى ::)

موقف ضايقك او منظر شوفته ومش عجبك ..
مش شرط يكون حصلك انت ممكن يكون حصل لحد قدامك؟

عكس الموقف اللي كان من شويه
راجل كبير كان معاه العكاز بتاعه
ومعدي برضو الطريق وواحد مكنش قادر يستني
وكان قرب يدوسه
غريب بتأثر لما بشوف حاجه زي كده
جريت على الراجل وساعدته

:( هو فعلا قلة ذوق من صاحب العربية دى ..

اتخانقت ف الشارع قبل كده؟ لو اه .
اتخانقت ليه وايه اللى حصلك بعد كده ...بالتفصيل؟

هو مش فاكر صراحه
ممكن وانا صغير حاجات كتير
مره تضرب مره تنضرب
وكانت ماشيه يعني

حلوة " كانت ماشية " دى :D

my favourite one
:-
قولى بقآ ع موقف محرج حصلك ف الشارع او حصل لحد كان معاك ؟

لا هو مش ليا ولا لحد معايا
كنا مره معدايين من قدام محل ملابس
خرجت بنت منه وهي خارجه وقعت واتكسفت جدا
لدرجه انها مرضتيش تقوم وكانت قاعده في الارض
وصحابتها كانو بيضحكوا عليها
والموقف كان بايخ مش عارف ايه الكوميدي اللي فيه
اختلاف عقول ربما

صعبت عليا وربنا .. صحابها دوول باردين اوى ,,

عمرك مثلا كنت ماشى مرة ف الشارع وشوفت حاجة .. ووقفت تضحك عليها ؟

لا مش فاكر بصراحه

بعد الثورة ... كتير قالوا ان اخلاقيات المصريين ف التعامل مع بعضهم اتغيرت .. من وجهة نظرك .. هل فعلا سلوك المصريين -ف الشارع- اتغير ؟

كان في فتره الثوره فعلا
بس بعدها كأن الناس زهقوا
وكل واحد رجع لطبعه
مش عارف العيب فين

طيب ,,
حصلك قبل كده ان فى حد سالك ف الشارع عن مكان وانت معرفتهوش بس اتكسفت تقول انك متعرفش فقولتله اى مكان وخلاص ؟

حصلت مره واضايقت جدا اني قولت
بس كنت محرج اقول معرفش وبعدها حرمت لو مش عارف بقول مش عارف

شاطر والله ي سامى ^^ ايوة كده ,,

طيب اتعمل فيك انت الموقف ده .. يعنى حد قالك و
وصفلك مكان غلط ؟

اتردتلي اه
واحد مشاني عكس الاتجاه خالص
ولقيت نفسي في مكان غير اللي رايجه تماما
حسيت انها كان زنب في رقبتي من الموقف الاولاني
اني وديت واحد غلط مكان مكنتش عارفه

:D:D كما تدين ..تدان بقآ ,, تعيش وتاخد غيرها ,,

ُتهت قبل كده ف الشارع ومعرفتش تروح ؟

لا الحمد لله محصلش حاجه زي كده

عمرك عملت مقلب ف واحد من صحابك ف الشارع ؟او اتعمل فيك انت مقلب؟

كنا دائما واحنا صغيرين نبقى اتنين اوك
ونروح لواحد صاحبنا
واحد يقف ويكلمه والتاني يوطي بضهره وراه
يروح اللي بيكلمه زقه
يبقى وقع وقعه تمام

:D:D لعيبة انتوا ,,

قبل كده حاجة غالية وقعت منك ف الشارع .. ؟ ولو كده ايه الحاجة دى ؟

لا محصلش.. حصل اني لقيت
وانا في المدرسه وانا صغير في المدرسه اساور وحلقان
وخواتم في عليه كبيره
مش عارف هل كان دهب ولا لا
بس ادتهم في وقتها للفراش
هتلاقيه ضربهم في جيبه

:D:D ...

دلوقتى عايزة اسالك عن اكتر مكان
....

بتحب تروحه وبترتاح فيه .... و ليه؟

وانا في مصر عند عمتي يعني برتاح عندها كتير وعند واحد صاحبي كمان

مبتحبهوش او مش بيعجبك ... و ليه؟

مفيش مكان معين

اكتر مكان نفسك تزوره وماتكونش شوفته او روحتله قبل كده؟

باقي اثار مصر
نفسي اشوفها كلها يعني

طيب لو ف ايدك القرار انك تمنع عادة او حركة الناس بتعملها ف الشارع -حاجة واحدة بس- تمنع ايه؟

اكيد النقطه اللي زكرتيها تحت
ان حد معاه حاجه مش عاوزاها يرميها في الطريق عادي
وتشوف الزياله مشوهه المظهر الحضاري

من اهم المواضيع اللى شاغلة بال الناس ومتعلقة بفكرة البرنامج بتاعنا ... هى الزبالة .. اللى مشوهة شكل الشوارع ... من وجهة نظرك ايه هو افضل حل للمشكلة دى ؟

المشكله مش في رئيس الدوله
ولا في الحكومه
ولا في حد مختص معين
المشكله فينا احنا كمواطنين
لو كل واحد حافظ على المكان اللي هو فيه
وحاول ان يقلل من تلوثه
هيبقى الوضع مختلف

تمام كلامك ...

finally
ميرسي بجد ي سامى ع قبولك الاستضافة
وكانت حلقة مميزة فعلا ..
نورتنى ^^

العفو طمطم
شكرا ليكي ومنورانا دائما في قسم اليوميات
مش هتجبيلي عصير طيب
ولا أي سندوتش

:D انت جاى تطلب بعد لما الحلقة خلصت .. والانتاج مشى ::p
خلاص .. عليا انا دى
ادى الساندويتش + العصير
https://encrypted-tbn1.gstatic.com/i...s2uuGAMaSMPJk4

https://encrypted-tbn1.gstatic.com/i...cRtMNax_ylkD2A

يلا كفاية كده بقآ :D..

https://encrypted-tbn3.gstatic.com/i...6rLdKy42tzH4Ao