منتديات بنات مصر - بصراحة مع dr.sma

http://im31.gulfup.com/PXVqS.gif
http://im31.gulfup.com/Hbp4I.gif

المقدمة ...
يا نارًٌ تحرق ُ في الأجساد
يا قلبٌ يتفطر ُ عشقا ً
وينزف ُ من حقد ِ الأوغاد
كفاك َ هروبا ً يا سفاح
فالصبر ُ كِفاح
والشعب ُ السوري ُ سينهض
ويُزيل ُ غبارك رغم جراح
فالأم ُ الثكلى لن تغفر
والشعب ُ الحُر فلن يصمت
شهداء ٌ تمضي للجنة
بحبيب ِ الخلق ِ وسيدهم
مُحمد ُ تهواه ُ الأرواح
ستسقط يوما ً يا بشار
وسنعلن ُ فرحتنا دهرا ً
والحق ُ سينتصر وتبقى
راياته بلسم كل جراح...
http://im35.gulfup.com/mh5df.jpg

جميلة ٌ حياتنا ولا ينتهي الوفاء فيها
كلما قابلنا أناسا ً نعتز بهم كلما عادت لنا
البهجة والأمل والسرور بأن
الدنيا ما زالت بخير
وأن صفو الحياة معدن ثمين لصفوالقلب
وإبتسامة الروح ...
ضيفتنا لهذة الحلقة
ضيفة نعتز بها ونفتخر
إنسانة متألقة ودكتورة نسأل الله
االتوفيق لها في حياتها
اللهم آمين
رحبوا معنا بالأخت الغالية
DR.SMA ...

أهلا ً وسهلا ً بك ِ أختي
ننتقل لمضمون الحوار...

http://im35.gulfup.com/mh5df.jpg

السلام عليكم
ورحمة الله وبركاته
وعليكم السلام
ورحمه الله وبركاته ..

إزيك يا أختي يا
رب تكوني بألف خير
الحمد لله بخير
ويارب الجميع
بخييير ..

ننتقل لمضمون
الحوار بقى ...
اتفضل طبعاً

http://im35.gulfup.com/mh5df.jpg

القسم الأول :- حياتك الخاصة

1_حدثينا عن نفسك
بشكل مختصر ؟

سما مصطفى
في طب أسنان المنصوره
عاديه يعني إنسانه
بس يمكن مش إجتماعيه
بدرجه كبيره
جيت في وقت وحاولت
اكون اجتماعيه لكن
حسيت اني مش انا
ورجعت تاني لحياتي
العاديه الي بكون
سعيده فيها ..
أصدقائي معدودين
جدا يمكن في الواقع
أقل كتييير من هنا
يعني الواقع بالنسبه
ليا منحصر في البيت
و3 بنات مش أكتر
المنتدى هنا إدالي
مساحه شويه
من التعامل مع الناس
لكن بردو أظن إنها
مساحه محدوده مع
الجميع ..
http://im35.gulfup.com/mh5df.jpg

2_ هل د. سما راضية عن نفسها تماما ً
أم ما زال هناك ما ترغبين الوصول إليه بعد؟

مينفعش أكون راضيه
عن نفسي تمام الرضى
لإن كده مش هيكون عندي
حافز إني اعمل حاجه جديده
أكيد في جوانب في حياتي
راضيه عنها بس بردو في
جوانب بتمنى أكون أفضل فيها
لكن قدامي هدف لسه
متحققش أكيد
بدأت فيه بعد ما كانت
عدت عليا فتره اتنازلت
عنه بدرجه كبيره وتملكني
اليأس من إني أقدر أحققه
لكن رجعتله تاني وإتمنى
التوفيق من ربنا في تحقيقه
ويكون الخير ليا
وإن الحافز الي عندي
والهمه دي مش تروح ..
http://im35.gulfup.com/mh5df.jpg

3_ كيف كانت علاقتك بوالدك
رحمه الله علاقة عادية
أم أنها ذات طابع خاص ونادر ؟

طابع خاااااااص جدا ونادر جدا كمان
يمكن حتى الآن مشوفتش
العلاقه دي بين أي أب وبنته
بابا كان فعلا أب وأخ وصديق
وحبيب كمان
في أيام حياته مكنتش
بحتاج أي حد أو أي حاجه
كنتى بلجأ ليه في كل
حياتي أكتر كمان من ماما كتييير أوي
خصوصا ان البيت
عندنا كان بيت مثالي بدرجه كبيره
يعني ربنا يرحمه يارب
ويجعله في الجنه
ويجمعني بيه على خير
محدش هيوصل لمكانه
بابا عندي فعلا مهما كان
الشخص ده
وحتى علاقتي بيه
موقفتش بعد وفاته
يمكن كتير بيستغربوا
لما بقول بينه وبيني
حجات كتيير
لكن فعلا لما بحس
اني محتجاه بلاقيه
وده من فضل ربنا عليا
لو اتكلمت مش هخلص
كلام يا أ\خالد
لكن فعلا بابا كان شخص
مختلف في الحياه
وكان شخص مختلف
في حياتي انا ومش هيتكرر ..

http://im35.gulfup.com/mh5df.jpg

4_ كيف تقبلت ِ خبر وفاته
وما ردة فعلك يومها؟
بثبات مفاجيء وإستغرب
منه الكل
تقبلته فعلا برضى رهيييييب
كان الكل خايف عليا انا
اكتر من أي حد
اتوفى في السعوديه
وانا كنت هنا في مصر
عرفت بعدها بإسبوع
وطبعا لإننا كنا متعودين
انا وهوه نتكلم كل يوم مرتين
على الاقل فقالولي انه تعبان
وفي المستشفى
وبعدها عرفت بخبر الوفاه
بدل ما يكونوا جنبي
كنت انا الي بسندهم فعلا ..
دي حاجه بحمد ربنا
عليها لإني انا نفسي
متوقعتش رد فعلي ده
بس بقول الحمد لله واكيد
لو الخير اه كان يفضل
معايا كان ربنا عمله
لكن ده الخير وانا راضيه بيه حقيقي ..
صحيح اتأثرت بوفاته كتيير
نفسيا ومريت بأزمه كبيره
أوي بعدها بفتره
لكن ربنا دايما بيقدر الخير ..

http://im35.gulfup.com/mh5df.jpg

5_ ما هي أقصى أمنياتك
التي تتمنين تحقيقها حاليا ً؟

في أهداف كتير
ديني اكيد ان ربنا دايما
يرضى عني ويرزقني الجنه
دنيوي بقى بتمنى اني اكون
ناجحه في بيتي زي ما كانت
ماما وبابا ناجحين أوي في
بيتنا وفعلا مثالي وكله حجات
جميله اوي وتحس كده ان
البيت فيه سعاده ورضى
وربنا راضي عنه وكل الي
فيه مبسوط
والهدف التاني هو
دراستي الي بتمنى
اكون ناجحه فيه وقدم
حاجه جديده سواء دراستي
في الكليه دي او اي حاجه
تانيه احب اكمل فيها
بعد ما اخلص أسنان
http://im35.gulfup.com/mh5df.jpg

6_ ما هي علاقتك بالدراسة
وما تقييمك لنجاحك فيها وحبك لها ؟

عادي هلاقه عاديه
خااالص مكنتش رغبه
يعني بصراحه لكن مش
ندمانه على دخولي أسنان
أبدا لانها كليه كويسه ومكانتها كويسه
أما تقييمي ليها فهو عادي
صحيح مريت فيها بظروف
صعبه لكن ده كان بحكم
ظروف وفاه بابا لان بعدها
اختلفت امور كتير داخليا
بالنسبه ليا لكن ان شاء
الله تعدي على خير
http://im35.gulfup.com/mh5df.jpg

7_ هل أنت ِ فتاة مغامرة في
الحياة كما يُقال أم أنك ِ تتصفين
بالتروي والهدوء قبل أي قرار تتخذينه؟

لا مش مغامره بصراحه
خااالص انا هاديه جدا
وفي الواقع اكتر من المنتدى كتيير ..
قراراتي باخدها بدون مغامره أبدا
ويمكن باخد القرار بعد تفكير
في الوضع العام أكتر ما بفكر
بشكل شخصي
وده يمكن يكون كويس
من ناحيه ووحش من ناحيه
تانيه بردو ..
http://im35.gulfup.com/mh5df.jpg

8_ ما هي أكثر لحظات
عمرك قربا ً لقلبك ولماذا ؟

لحظه خاصه شويه بالنسبه ليا ..

http://im35.gulfup.com/mh5df.jpg

9_أحيانا ً يكون الصمت
رد ع حدث ما ...متى تلتزمين
الصمت في حياتك ؟

لما بيكون الكلام مش
هيغير حاجه من الواقع
بيكون الصمت افضل
ممكن وقتها تتفهم غلط
او تتفهم متهاون او مستسلم
او ضعيف لكن الحمد لله
عمري ما كنت مستسمله
لما بسكت او مبردش بيكون
عن قناعه ان الكلام مش هيفيد
فبقول ربنا موجود وبس
ومقتنعه اني بكون وقتها
صح جدا حتى لو تعرضت
لأي شيء سيء نتيجه لصمتي
ده ,, بس في الآخر ربنا بيظهر
وجهه نظري دي للكل وبيعرفوا
اني كنت صح ..
اما لو الكلام هيفيد او
هيغير او هقدر بيه اعمل
حاجه اكيد مش هسكت طبعا ..

http://im35.gulfup.com/mh5df.jpg

10_ لو عاد بك ِ الزمن للوراء
...فهل ستغيرين شيء من
حياتك ندمت ِ عليه أم أن الإمور
متوافقة تماما ً مع تفكيرك؟

لا مش ندمانه على حاجه
أبدا الحمد لله ربنا ما يجيب ندم
اي موقف مر عليا في حياتي
سواء سعيد او حزين سببلي
وجع او فرحه انا مش ندمانه
عليه لانه اكيد وراه خير احنا
مش شايفينه
واكيد اكتر اني استفدت منه ..

ونحن ُ هنا نسأل الله
الخير لك ِ دوما ً

ولحضرتك وللجميع
يا أ\خالد ان شاء الله
شكرا ليك ..

http://im35.gulfup.com/mh5df.jpg
القسم الثاني :- ثقافة عامة

1_ أنا أقرأ أكثر مما أكتب
...هل هذا
مناسب لـــد. سما
في الحياة العامة أم لا؟
أحياناً
يعني سعات بيكون
قلمي صامت شويه
وساعتها بتجه للكتابه
وسعات اخرى بيكون
الإلهام موجود فبكتب كتير
يعني مراحل وتبع المواقف بردو ..

http://im35.gulfup.com/mh5df.jpg
2_ ما هي الميول
الثقافية لديك ِ ..دينية
سياسية..رومانسية
...شعر أم متنوعة؟
متنوع يعني
لكن بحب القصص
والشعر كتييير اوي
السياسيه دي ننادره
جداااااا او يمكن مش
موجوده كمان
دينيه بردو بقرأ لكن
بعتمد على
الإستماع أكتر كتيير ..
http://im35.gulfup.com/mh5df.jpg

3_ كتاب قرأتيه ولا
تشعرين بالملل لقراءته
ما هو إن وجد ؟

في كتاب إسمه
خواطر مسجون بحبه اوي
هو شعر عامي لمواقف
كتيير اوي الكتاب ده ليه
عندي مكانه خاااصه شويه
لانه ليه ذكريات كمان غير انه جميل
وفي صفحات معينه من كتب
بحبها بقى زي اخر صفحه
من كتاب قصه مدينتين لشارل
ديكنز صفحه معبره اوي بردو ..

http://im35.gulfup.com/mh5df.jpg
4_ ما رأيك بالشعر ومن
هو شاعرك المفضل ولماذا؟
بحب الشعر عموما
مش الشاعر نفسه
يعني الي يجيي
تحت ايدي بقرأه وخلاص

http://im35.gulfup.com/mh5df.jpg
5_هل أنت ِ من هواة
متابعة الندوات الأأدبية والمعارض
الفكرية أم لا ؟
مش دايماً
المكان الي فيه ناس
كتير مش بحب اتواجد فيه
ممكن اسمع لكن نادر لو احضر ..
http://im35.gulfup.com/mh5df.jpg

6_ لو شاء الله لك ِ أن
تكوني وزيرة الثقافة ..
.فما أول عمل ستقومين
به من وجهة نظرك ؟

هعمل اختبارات ثقافيه
حقيقيه وجوائز تشجيعيه
لقراء الكتب بمختلف أنواعها
ده هيشجع الناس على القراءه
والناس لو قرأت مستواها
الفكري هيزيد جدا وده
الي محتجاه البلد حالياً
وبردو الكتبا في بلدنا حقوقهم
ضايعه اكيد هنقدملهم
حاجه نقدر بيها أعمالهم
بردو عشان نشجع الباقيين ..

http://im35.gulfup.com/mh5df.jpg

القسم التالت :_قضايا متنوعة

1_ رأيك الشخصي بكل من :_

أ_ حرية المرأة
حريه المرأه في إلتزامها بقواعد دينها
انا مع عملها ودراستها وثقافتها وكل حاجه
لكن في اولويات كتييير
والمفروض بردو أولوياتها
متجيش على الحجات دي
المرأه عالم كبببير ولو
انحصرت في بيت وأولاد
عمرها ما هتربيهم صح
لازم تكون عندها وعي
وثقافه وعلم عشان تعرف
تخرج ذريه تفيد دينها ووطنها
لها الحريه الكامله في أي
مجال طالما مش هتخرج
عن قواعد الدين
وقواعد الدني دي
القواعد الاساسيه
مش الي بيخرج بيها
الجماعات الغريبه
الي بنشوفها طبعا
بتكلم عن الشرع
في القرآن والسنه
مش شرع الأشخاص ..
http://im35.gulfup.com/mh5df.jpg

ب_ نظام التعليم
فاشل جدا
وإحنا كـ طلبه كمان
مش فاهمين التعليم صح
محتاجين اعاده تأهيل
تعليمي الاول
http://im35.gulfup.com/mh5df.jpg
ج_ الخلافات الفكرية ما بين البشر
شيء طبيعي جدا وإيجابي
لولا الإختلاف كان زمانا كلنا
شبه بعض يعني مفيش
جديد يعني مفش عالم
لازم يكون في اختلاف
بس الاهم ميكنش في خلاف
طبعا وجود الخلاف وارد لاننا بشر
لكن الأهم ميكونش الصفه
السائد في المجتمع ..
http://im35.gulfup.com/mh5df.jpg

2_ نعم أم لا مع التعليل إن أحببت ِ ذلك؟

أ_ لن أسامح من يسيء بحقي إن كان قاصدا ً ذلك ؟
ممممم
هقولك بصراحه
طبعي بسامح اوي بدرجه
مبالغ فيها
بتلاقي ناس تستغلها
ويفتكروها ضعف لكن
بردو شايفه انها صح
لكن إتقي شر الحليم إذا غضب
لما بوصل لنقطه النهايه
مع حد مش بعرف ارجع
مهما بلغت درجه أهميته
وبحتاج وقت كبييراوي
حتى لو الشخص ده
تراجع عن موقفه
حتى بعد إعتذاره مثلا او
محاولاته للرجوع
قلبي وقتها مش
بيصفى زي الاول ..

http://im35.gulfup.com/mh5df.jpg
ب_حياتي يغلب عليها
طابع الحزن رغم سعادتي أحياناً؟
لا الحمد لله سعيده دايما ..
لكن بمر بظروف حاليا مغيره ده شويه
لكن بردو الحمد لله سعيده
وعندي حجات كتير تخليني سعيده ..
http://im35.gulfup.com/mh5df.jpg
ج_المرأة لها درو كبير في
رقي المجتمع كالرجل وأكثر ؟
أكيد طبعا
المراه هيه الي بتربي
الرجل أصلا
لو كويسه هتربي
صح لو غير كده هتربي غلط
فهي دورها أكبر
والحمل عليها أكبر

http://im35.gulfup.com/mh5df.jpg

د_السعادة الحقيقية في
هذة الدنيا محالٌ أن
تكون بالمال فقط؟
طبعاً
مال ايه الي هيجيب السعاده ده
المال ممكن يكون
وسيله او سبب بسيط ..
http://im35.gulfup.com/mh5df.jpg

هـ_ أرى في المستقبل
القادم كل خير ؟
ان شاء الله اكيد
متفائله بكره هيكون أفضل
لكل جواد كبوه ..
وبعد العسر يسر ان شاء الله
لينا كـ أفراد وللمجتمع كله ..
http://im35.gulfup.com/mh5df.jpg

3_ سؤال ذكاء كدا هههه :_ في الأسئلة السابقة أي أسئلة
نعم أم لا وقعت ُ أنا في خطأ فادح في اللغة العربية
فما هو برأيك ؟
محالٌ المفروض محال بس
لانها ممنوعه من الصرف على فعال
صح بردو ولا ايه ؟؟

هوا خطأ من وجهة نظرنا بسيط ولكن من وجهة نظر
اللغة العربية قاتل هههههههه

دا صحيح ولكن مش هوا المقصود
المقصود بسيط جدا ً
وهو ترتيب الأحرف الأبجدية
أ ...ب ..ج... هـ ..
هههههه
http://im35.gulfup.com/mh5df.jpg

القسم الرابع والأخير ...المنتدى

1_ أقرب أصدقاءك هنا
من يكون وما صفاته من
وجهة نظرك ؟
words whisper
سمسمه مشرفه الاقلام معايا
صديقه هنا وفي الواقع كمان
مخلصه جدا وحساسه كده
وتفكيرها راقي أوي
يعني بيميزها عقلها وقلبها
كمان وغخلاصها النادر ده ..
http://im35.gulfup.com/mh5df.jpg

2_ ما رأيك بالمنتدى
من حيث النشاط والعلاقات
ما بين الأعضاء ؟
طبيعيه لانه مجتمع داخل المجتمع
لازم يكون فيه حب
وكره وصراع وتفاهم
واختلاف تفكير وخلاف بردو
لكن أهم حاجه ان الموضوع
ميكبرش كأنه مجتمع بجد ..
http://im35.gulfup.com/mh5df.jpg

3_رسالة من د. سما لكل من :_

1_ الأخت حنون
حنان اعرفها من
فتره بس نادر لو اتكلمنا
بحترمها جدا طبعا
وبقدر مجهودها كتيييير
ربنا يسعدها دايما
ويقدر لها الخير ..

http://im35.gulfup.com/mh5df.jpg

2_ الأخت مشتاقة للجنة
مش اتكلمت معاها
الا مره واحده من فتره كبيييره
لكن انسانه جميله
اوي ربنا يسعدها بردو ..
http://im35.gulfup.com/mh5df.jpg
3_ الأخت طمطم
مكمتهاش خالص بس
بحبها جدا مش عارفه ليه ..
بحسها ظريييفه كده
وواخده الدنيا ببساطه
وقلبها أبيض ..
http://im35.gulfup.com/mh5df.jpg
4_ الأخت beauty angel
آيه موجوده هنا من زمان
مكملتهاش بردو بصراحه
لكن واضح انها انسانه
راقيه وتصرافاتها عقلانيه
وكمان لما كنت بتابع زمان
كان نشاطها حلو اوي
لكن حاليا انا مش بتابع ..

http://im35.gulfup.com/mh5df.jpg

5_ الأخت ~Destiny~Girl
مش أعرفها بصراحه
اكيد انسانه محترمه
طبعا ربنا يوفقها ..
http://im35.gulfup.com/mh5df.jpg

6_الأخ Mahmoud Mohie
محمود ده بقى اخي العزيز
مش عارفه ليه بحس انه
اخويا الصغير احساس صادق اوي
يعني بجد بتمناله الخير
دايماً وانه ربنا يوفقه
ويسعده دايما ويحميه كده
والله بجد عزيز جدا
عليا ربنا يخليه كده
مع اني مفيش بيني
وبيني أي تعامل من أي نوع خااالص
لكن فعلا بحترمه ..
http://im35.gulfup.com/mh5df.jpg

7_الأخ Mr. M ! r o,
اخونا الكبير بحس انه
قلبه ابيض بس عصبي شويه كده
ربنا يوفقه في حياته كلها ان شاء الله ..
http://im35.gulfup.com/mh5df.jpg
8_ الأخ أحضان الحبايب
عبدهـ (( مش عارفه اسمه
ايه بصراحه غير عبدهـ دي ))
مش عارفه عنه حاجه أبدا
لكن بتابع صفحاته واضح ان
عقليته تحترم جدا وانسان كويس
ربنا يسعدهـ ..

http://im35.gulfup.com/mh5df.jpg
9_الاخ P R ! M O,
نيمو العزيز ههههههه
ربنا يصلح حالك يا نيمو
بردو بتابعه كتيير والله
بعتبره أخويا جدا
ربنا يوفقه هوه كمان
للخير دايما ..
http://im35.gulfup.com/mh5df.jpg
10_ الأخ ملك جبال الاحزان
مش اعرفه بصراحه خاالص
ربنا يكتبله التوفيق دايما ..

ملحوظه بس
الناس الي هنا الي بقول
اعرفها فهي ناس بشوفها
في الاقلام والصفحات يعني مش اكتر
لاني مليش تعامل واقعي
مع اي حد
الي اعرفهم وبتعامل
معاهم كتير هم اسماء ومنه

http://im35.gulfup.com/mh5df.jpg

4_ هل هناك ما تتمنين إضافته للمنتدى كفكرة يعني ؟
مش مركزه مع المنتدى الفتره دي خااالص
لكن ربنا يسهل لو في
جديد اقدر اضيفه اكيد
هكون مبسوطه ..
http://im35.gulfup.com/mh5df.jpg

5_ نصيحة لأخوك خالد ؟
عقليت حضرتك تحترم اوي
فعلا بشوف في حضرتك الانسان
الملتزم الناجح ,, كتير من اسلوب
تفكيرك بقدره وبحترمه
أتمنى ديما تفضل على كده
ومتغيرش منهجك ولا اسلوبك
تبعاً لحاجه معينه أبدا

ربنا يكرمك يا رب
شهادة أعتز بيها والله
ومتخفيش مش حتغير
وإن تغيرت فاكيد
حتغير للأفضل برضو
لأني بطلب من ربنا دايما ً
أن يحقق لي ما أريد
وفق مرضاته عني
ليس في المنتدى فحسب
بل في الواقع أيضا ً
ربنا يوفقك يا رب
http://im35.gulfup.com/mh5df.jpg

6_ كلمة للأعضاء ؟
المنتدى مكان كبير وفيه كتير
اتمنى يكون فرصه لينا لنكون
أفضل وبلاش يأثر علينا بالسلب
ربنا يوفقنا جميعا ويهدينا يارب
وادعولي بقى

http://im35.gulfup.com/mh5df.jpg
رأيي الشخصي ...
أختي سما ...إنسانة رائعة جدا ً
تتسم بالهدوء والرقي في الطرح
ما شاء الله عنها ...
نسأل الله لك ِ يا أختي
السعادة في الدنيا والآخرة ...
اللهم امين ولينا جميعا ..
http://im35.gulfup.com/mh5df.jpg

كل الشكر والتقدير
لحضورك المشرف
يا أختي
ربنا يكرمك يا رب
الشكر لله تسلم يارب
بتحرجوني كده هههههههه
ربنا يكرمنا جميعاً

http://im35.gulfup.com/mh5df.jpg

الخاتمة ...
اللهم إجعل أعمالنا وأقوالنا
خالصة لله تعالى
فهو العليم بنا
وهو الرقيب
وبجد المنتدى دا
بيت دافئ وراقي بكل من فيه
نتمنى للجميع الخير والحب
وما الدنيا سوى ساعة
فلنجعلها محبة وطاعة
والله من وراء القصد