|
لو مش هاتسمعينى فى ناس هنا بيسمعونى طبعا العنوان غريب شوويه بس هيا رساله لصديقتى اللى انا بحبها لكن هيا لما اكلم حد تزعل وهيا لما تكلم حد واقولها تقولى عادى المهم ياعنى انا لما اجى احكيلها تطنش وكدا فانا قررت اسيبها واصادق بنت تانىه بس المشكله ان البنت دى مصادقه بنت تانيه بس انا وهيا بنحب بعض وفاهمين بعض وكل المصايب عملنها مع بعض فانا خايفه اقولها وصديقتها تقول انى عايزه افرق بينهم وكدااا فانا دلوقتى بصرراحه عايزه حد يحل المشكله اللى انا مش فاهماها اصلا باختصار كدا انا وصديقيتى مش بقينا نحب بعض وانا عايزه اصادق بنت بس البنت دى مصادقه واحده تانيه وانا عايزه طريقه اقول لصديقتى انى عايزه اسيبها من غير مزعلها واصادق التانيه من غير ماصديقيتى تزعل محدش فهم حااجه صح شوفولى حل بقى |
اظن انك لما تكلمى حد عادى طالما أنة مش بيسىء ليها فى حاجة وبعدين هى لازم تتقبل ,, انك مش حكر عليها لوحدها أنتى من حقك تكلمى وتختارى صديقكك لأن دى حياتك’ وهى لو بتحبك لو شافت سلوك وأفعال للى بتكلميها دى ويكون معاها دليل تبقى تنصحك ’’ وتعرفك بحكم صداقتكم موفقة |
الصداقه الجاده الحقيقيه لا تترك بمجرد زعل من بعض لكن نتحمل بعض ونشارك بعض فى كل مشاكلنا روحى كلميها وعرفيها انها اغلى صديقه لكى وربنا يهدى |
انتى تقدرى تنسحبى من غير ما تقولى يعنى شويه بشويه تبعدى وتقللى كلام معاها وهى لو حست بالتغيير ده اقعدو مع بعض واتكلمو يمكن تتصافو وترجعو زى ما كنتو ومش لازم حبيبتى علشان هتقطعى صداقه مع حد يبقى تصادقى حد تانى على طول لازم تعرفى مين ينفع بجد ومين لا وخصوصا بتقولى ان التانيه دى مصادقه واحده غيرك يعنى اكيد مش هتبقى معاكى زى ما هى معاها وترجعى انتى تضايقى تانى ربنا يرزقك الصحبه الصالحه يارب تحياتى .، |
أنت مش مجبوره انك دام بتكلمي وحده يبقى ما تكلميش غيرها ،، عادي تقدري انك تسبيها بس من غير ما تجرحيها أو تحسسيها باي حاجه فهميها انت وقوليها وخلاص ربنا يوفقك |
الصداقات المتعدده مش وحشه بالعمس معرفه الناس كنوز بشرط انهم يكونو ناس كويسين وصادقين يحبولك الخير ويخافو عليكي الصداقه مش بالطلب يالولو .شوفي مين اللى انتى مرتاحه معاها وبتحبي تتكلمى وتفضفضى معاها ولو هيا على قدر من الثقه يبقى تستحق تكون صديقتك بغض النظر اذا كانت الاولى ولا التانيه شوفى نفسك انتى مرتاحه مع مين فيهم اكتر.. وربنا يوفقك للخير ياحبيبتي |
هو أنتى كل ما تصحبى واحده جديده تسيبى القديمه لا يا حبيبتى كلما زادت الصدقات كلما كان أفضل هو طبعا انتى بتختارى واحده بترتحلها أووى وبتكون الانتيم بتاعك وده مش بيجى من يوم وليله ,, بس وسعى دائرة صدقاتك وتعرفى على طبع كل واحده كويس وستجدى انت واحده تانيه أنجذبتم لبعض أووى وبقيتو أنتيم ربنا يوفقك |
| الساعة الآن 04:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب