منتديات بنات مصر - طريقة تحضير مولتن كيك

http://forums.banatmisr.com/imgcache...pg?w=600&h=450

المقادير :

.

٥٦ جرام زبدة غير مملحة (تقريبا نص أصبع أمريكي) مقطعه مكعبات صغيره + شوي زيادة لدهن القوالب

٥٦ جرام شكولاته غامقة Dark Chocolate من أحسن نوع مقطعة صغار

١/٣ كوب سكر أبيض

ملعقتين كبار بودرة كاكاو

بيضة + صفار بيضتين

رشه ملح

ملعقتين صغار طحين

.

.

* الشكولاته الغامقة لاتزيد نسبة الكاكو فيها عن ٧٠٪ (راجعوا موضوع الشكولاته إذا ما تفهمون وش أقصد). إذا بتستخدمون شكولاته أغمق يمكن تحتاجون تزودون السكر شوي عن اللي حاط. أنا قللت السكر شوي في الوصفه لأن كثير من اللي أستخدموا شكولاتات أفتح لقوا إنها حلوة أكثر من اللازم.

.

* الوصفة تسوي تقريبا حبتين إلى ثلاث حبات مولتن كيك بس تقدرون تضاعفون المقادير حسب الحاجة.

.

.

الطريقة :

.

نشغل الفرن على ٣٥٠ فهرنهايت.

.

ندهن صحون سيراميك Ramekins (يعني صحون سوفليه) من داخل بزبدة دافيه بشكل جيد ونتأكد إننا غطينا كل المناطق بعدين ندخلها الثلاجه إلين نحتاجها.

.

نخلط السكر مع الملح و الكاكاو البودرة في صحن صغير.

.

نسوي حمام مائي عشان نذوب الشكولاته. نحط شوي مويه في قدر صغير ونحط فوقه صحن ستانلس أو قزاز بحيث الصحن ما يلمس المويه اللي تحته. نشغل النار إلين توصل المويه لغليه جدا جدا خفيفه بعدين نحط الشكولاته و الزبده في الصحن اللي فوق. نحرك الشكولاته و الزبده من وقت لوقت و أول ما يذوبون نشيل الخليط من النار (لا تخلونه أكثر من اللازم عشان لا تنحرق الشكولاته).

.

http://topchefcooks.files.wordpress....pg?w=600&h=450

.

نضيف خليط الكاكاو و السكر و الملح على الشكولاته الذايبة ونحرك إلين يصير خليط ناعم بعدين نضيف صفار البيض ونخلطهم مع الخليط وبعدين البيضه الكاملة إلين يدخلون في الخليط و آخر شي الطحين.

.

http://topchefcooks.files.wordpress....pg?w=600&h=450

الخليط بعد إضافه البيض و السكر و الطحين

.

نوزع الخليط على صحون السوفليه بالتساوي. الحين نقدر نطبخ الخليط علطول أو نقدر نحطه في الثلاجه لوقت ثاني (بعد ما نغطيه بنايلون) أو حتى لليوم الثاني.

.

http://topchefcooks.files.wordpress....pg?w=600&h=450.

ندخل الصحون الفرن في الرف الأوسط ونخليها إلين ما تصير الأطراف مستويه شوي وجامدة بس الوسط يلمع و إذا دخلنا عود يطلع وهو رطب تقريبا أخذ معي ٢٠ دقيقة بس يمكن يختلف عندكم، أفضل تبدون تشيكون عليها قبل الوقت وتطلعونها إذا أستوت وصارت زي ما وصفت.

.

http://topchefcooks.files.wordpress....pg?w=600&h=450

.

الحين نفك الأطراف بسكين نحيف بعدين نقلبها على صحن شوي شوي ونرش عليها شوي سكر مطحون للتزيين لو نبي. نقدر ناكلها لحالها أو نقدمها مع إسكريم أو صوص فواكه أو فواكه كاملة أوكريمة مخفوقة (زي ما سويت بس مع شوي سكر عشان تكسر الحلاوة).

.

http://topchefcooks.files.wordpress....pg?w=600&h=450.

http://topchefcooks.files.wordpress....pg?w=600&h=450