|
الحلقة الخامسة من حوار جرئ مساء الخير وع موعدنا يتجدد حواري من جديد الحلقة الخامسة من برنامجي المتواضع حوار جرئ ضيفة الحلقة هي عضوة مميزة وانسانه رائعة وشخصية جميلة واخت فاضله هي منـايا http://forums.banatmisr.com/image.ph...ine=1368892547 اهلا وسهلا بيكي في حوار جرئ ياتري كنتي من متابعين البرنامج ولا دي اول مرة تعرفيه عاوزينك بئا متابعه معناا ديما أهلا بيكي حبيبتي بصراحه لا مش كنت بتابعه بس راح نتابعه ان شاء الله منايا انتي قلم جبار وفكر خاص فعلا جديرة بالاهتمام والاحترام ياتري شايفه انك واخده حقك في المنتدي ؟ واقصد من جهه تكريم الادارة ليكي تسلمي يارب ربنا يعزكـ علي رأيكـ ده والله حبيبتي تكريمي لما بنشوف نظرة احترام الناس لشخصي وقلمي .. ده بيكون أجمل تكريم ليا التميز للاسف كنت بحضر للحلقه قبله بس الادارة كسفتني وجه التميز قبل الحلقه تفتكري التميز اتاخر اوي ع قلمك ومبروك بئا ؟ ربي يباركـ فيكـ وفي عمركـ يارب الاداره هي اللي تجاوب علي ده يمكن الادارة ليها حسابات تانيه الله اعلم تفتكري ليه مشوفناش منايا ضمن مبدعين الاقسام الادبية برغم انك من عمالقة القسم وياتري التميز كان كفاية بالنسبة ليكي ؟ رد السؤال ذكر فوق شوفي انا مش شايفه نفسي أفضل من حد وهنا نخبه جميله جدا ً من الاقلام تستحق كل احترام وتقدير ولست أقلل من شأن أحد .. لكن.. يوجد الكثير من المجاملات للأقلام علي حساب أقلام أخري شوفي حبيبة قلبي التميز مش مجرد لون فقط أو أنكـ تترقي لمنصب أعلي أنا بشوف ان تميز الأنسان في شخصيته وفكره وقلمه وثقافته وأجبار الناس علي أحترامكـ وتقديركـ والأهم من ده أحترام عقليتكـ وان مش في حد يستغباكي تابعت ردك في مسابقة الصفحات وقولتي انك مش هتشاركي تاني في اي مسابقة الا دي علشان في الصفحات ياتري دا وراه خلاف مع الاقسام الادبيه ولا اعتراض علي نظام التحكيم في السايت عموما ؟ نعم أبتعدت فتره وقاطعت الاقسام الأدبيه ورفضت أي طلب للمسابقات ... أعتراض علي المجاملات وعلي نظام التحكيم عامة في وسط لجان التحكيم مع أحترامي للكل لاحظت ناس ليس لها أي صله أو علاقه بالكتابه أو الشعر ..!! فكيف لها أن تحكم علي َّ وهذا ليس مجالها ..؟؟!! وكنت دائما علي توقع مسبقا ًبنتيجه المسابقه ... وده كان عامل أساسي للأحباط وتقليل العزيمه شوفت ليكي اكتر من دويتو وكان ليه كالعادة مكانه مميزة ياتري انتي مقتنعه بفكرة الدويتو مع اي حد ولا في اساسيات لموافقتك علي عمل مشترك او لطلب المشاركة منك ؟ لا ليس مع أي أحد والجميع هنا أقلام مميزه ومبدعه ولا أستطيع أن أرفض اذا طلب مني لو طلبت منك توجههي نصيحة لكل الاقلام المميزة الجديدة هتقولي ايه ؟ الكاتب المميز هو من يحترم قلمه ... والكلمه أمانه .... فحافظ علي أحترامكـ لقلمكـ تكسب احترام الناس ليكـ .. وكمان لو طلبت منك تقولي حاجة لادارة المنتدي ياتري ايه اللي هتقوليه وطبعا من خلال حوار جرئ هتلاقي الرد علي اي مشكله او استفسار من الطرف التاني برضو ؟ الاداره تكليف مش تشريف ومش مجرد علو في المنصب أو تغيير في اللون ((وقل أعملوا فسيري الله عملكم ورسوله والمؤمنون )) ياريت نتدبر هذه الآيه الكريمه وما تحمله من معني ياريت نراعي ربنا في عملنا ونحكم ضميرنا في النهاية بئا وبرغم اني كنت احب نكمل كمان ايه اللي خلاكي توافقي علي الحوار دا وياتري عجبتك الاسئلة ولا عصبتك مني ومتقوليش علشان انتي اللي طلبتي اصلي بتكسف اصلي ^_^ بصراحه عشان أنتي شخصيه جميله جدا ً وبنحترم عقلكـ وفكركـ جدا ً جدا ً والأسئله جميله حبيبتي مش فيها تعصب ولا شي نورتيني حببتي ونورتي حوار جرئ بالتوفيق ليكي أنا اللي سعيده بوجودي معاكي ويارب اكون كنت ضيفه خفيفه عليكم وميرسي لاستضافتكـ ربنا يعزكـ ويرفع قدركـ وبكدة خلصت حلقتي انتظرونا وحلقة جديدة من حوار جرئ |
اسله واجابات جميله جدآآ عاجبتني اجاباتها جدآ فعلا هيآ قلم مميز جدآ وتستاهل كل خير اكيد تسلمي علي الاستضافه الجميله دي |
معاكي حق منايا مش مهم التكريم المادي المهم إن الواحد يسيب حاجه كويسه الناس تفتكره بها لان عاجلا أجلا كلنا هنمشي ومش هيفضل لنا هنا غير أعمالنا والاسلوب اللى بنتكلم به واللى منه الناس هتفتكرنا سواء بالخير او الشر وطبيعي العضو المميز بينال المقابل حتى لو اتاخر داا ولكن هيناله بردوا طول ماهو متفاعل وعامل اللى عليه واللى بيرضي ضميره .. حوار جميل منكـ سما نورتي اختى وحضرتكـ صاحبة قلم مبدع ومميز موفقه إن شاء الله دايما ,, |
الحَمدٌ لله إن الحَلقه دي مَرت مرور الكِرام بدون أى إتهامات جديده وذِكر إسمي كـ العاده وعاوز أقول شىء لـ الضيفه . عجبني كتير ردك ونَظرتك لـ التَكريم وشخصياً بيفرق معايا التَكريم المعنوي إللى بلاقيه مِن الأعضاء إللى بتقدر طَرحي وأكيد دا لا يقلل مِن قيمه ولا أهميه التَكريم الإداري أو الحافز على التواصل والإستمرار . لكن إحترام الأعضاء لـ موهبتك هو التَكريم الأهم واى قلم موهوب بيفرض حضوره على الجميع . وبتمنالك كٌل التوفيق إن شاء الله والوصول لـ المكانه إللى تستحقيها لانك شخصيه تٌحترم وصاحبه طرح قيم شٌكراً سَما على الإستضافه وبالتوفيق فـي حلقات أٌخري قادمه تحياتى لكٌما |
آلو مساءالخير أزيك يامذيعتنا سما وملكتنا نفرتيتى منورة البرنامج أوى وأسلم على ضيفتك الأخت الأستاذة جراح أمة والله أول أنابحترمها جدا لأنى شوفت فى قلمها إبداع متكامل ولاحظت من وراه شخصية رائعة ومتدينة وعاقلة ورزينة صحيح أفتقدتها من فترة مش عارف قلة منها ولا خيابة منى ع العموم استمتعت بالحوار والاسئلة والاجابة واشوفكم بخير عن اذنكم المدام قالت أوم أنشر الغسيل مودتى |
اقتباس:
أنا عاوز أسلم عليك عندك مانع وعلشان حضرتك رحال تستاهل اللى يجرالك مش لازم تلاقى فى رحلاتك عواصف وامطار وتضاريس وسهل ووعر يبقى ماتزعلش لما واحد مثلى يحطلك شوكة فى الطريق وبعدين أنت حبيب الكل ليه تتعصب ليه تضايق أبدا أبدا أضحك يلا نضحك مودتى |
حوار قوى وجريىء أسئلة جريئة وإجابة واقعيه وصريحة أنا تابعت مدونة منايا قد أيه عجبنى فيها قوة إيمانها ولسانها ديما معطر بزكر الرحمن عجبنى ردها جدا وقناعتها في كلماتها التكريم الحقيقى كما ذكرت ليست بالألوان ولكن بشخص الإنسان ونفس السؤال اللى جوبت عليه منايا الادارة على أى أساس بتعطى التمييز للكاتب هل لعدد المشاركات أم قيمة أعمال الكاتب ونقدة إن كانت لعدد المشاركات يبقى شكرا للتميز فليس له قيمة أما لقيمة الكاتب وعملة الجيد فأهلا به كنت أتمنى ان يكون المنتدى هنا .. قسم أدبى ثقافي للدرجة الأولي ومن خلالها التميز هو اللى بيفرد نفسه حاولت أعمل ده .. ولكن لم أجد المساعدة ... حوار جرىء وجميل من منايا ومن مقدمة البرنامج نفرتيتى الف تحيه كريم عاصم |
بسم الله الرحمن الرحيم هو أنتى كدة يا سما فى كلة حلقة حتخلى الواحد يرغى كتير بخصوص التكريم تم أضافة ترقيات جديدة للتكريمات للأعضاء منها وسام الحصريات ولون جديد للمبدعين دة غير التمييز للأورنج ومنايا تستحق التمييز وكلامى مش مجاملة بالعكس دى حقيقة وأسمها معروض من فترة بسى لظروف حصلت أتأخر التكريم وحصل عندك تخمة فى الأسامى يعنى مش معقول حتكرم عشرين عضو مرة واحدة على الأقل كل مرة 7أو 8على شان التمييز ما يفقدشى قيمتة وأن شاء الله حنمشى بأنتظام فى حكاية التكريم دى وبالنسبة للمبدعين المنتدى فية نسبة كبيرة جدا من المبدعين وكل ألى حصل أنة أتكرم دفعة واحدة ولسة البقية قادمة على شان كل واحد ياخد حقة أن مكنشى المرة دى المرة ألى جاية والتكريم برغم أنة ما هو الا تكريم معنوى بيخلى العضو يبذل مجهودة ودة حقة علينا طالما مجتهد ومميز ,, وبخصوص المسابقات لو حصل وما خدتى حقك ممكن تراجعى القائمين على المسابقة ولجنة التحكيم برغم أن كل مشترك بيكون عندة حظوظ زية زى غيرة وأن كل واحد بيقدم مجهودة ودة حق مشروع لكل مشترك فى مسابقة ,, وسؤالى ليكى أنتى يا سما؟ هل المعاملة تغيرت معاكى بسبب اللون فى حاجة يعنى وأنتى كعضوة جديدة ولا مميزة ولا مشرفة حصل تغيير معاكى فى المعاملة؟ بسبب الون ,, ياريت نحسن الظن بالغير ولا نسىء لية من دون دليل وناخد بالكلام من دون فعل ولا دليل,, طالما تراعى ربك وتحكم ضميرك فى تعاملك فأعلم أن ربك سوف يعطيك على قدر نيتك, سورى بقى يا سما للرغى كتير حلقة جميلة مع أخت فاضلة بتمنى ليكى وليها كل توفيق أحترامى |
لو اتكلمت عن منايا او جراح امة سابقا مش هقدر اوفيها حقها انسانة قمة فى الاخلاق والرقى وشرف وفخر لهذا المنتدى والقائمين علية انتساب تلك الشخصية إلية وما ذكرتة من سلبيات هى مشاكل مزمنة فى المنتدى ومتراكمة من قبل التعديل الاخير بترقية امجد ومنة وعودة حودة ,, اعتقد ان الفترة القادمة هتكون جيدة بعد ان اتخذ خطوات جدية ببعض التعديلات الجيدة نوعا ما ومقبولة وبانتظار الجديد هو طلب واحد فقط سبب فى كل المشاكل وهو نظام التحكيم فى المسابقات ورغم الهوجة التى تحدث معة فى كل مسابقة الا ان استمرت الفوضى كما هى دون اعتبار لمشاعر الاعضاء وكان قدم ساد ايس النائب الادارى المنتخب السابق اقتراح ممتاز وجيد لنظام المسابقات بتكوين لجنة خارجية بعيد عن مشرفين الاقسام الا ان التجاهل كان حاضر من الادارة ,, وهناك اقلام هاجرت نهائيا بسبب هذا مثل احمد برهان وعمرو الجورى والكثيرين بسبب عدم تغير السيستم الخاص بالمسابقات رغم كل مشاكلة وكما ذكرتة بالظبط اختنا منايا حوار جيد وجرىء كما عودتينا سما وضيفة غالية عندنا جدا كانت صريحة لابعد حد كل التقدير والاحترام لكما . |
حورا جرىء وفضفضه حلوة من الجميع بس فيه حاجه الكل مش عارفها او فاهمها غلط التميز الجديد اللى هوا مبدعين ده بيجى بعد فتره من الاورنج ماينفعش يكون بعد الاخضر على طول ومش عارفه ليه دايما السؤال ده بيتكرر مع انه وضحته وبردوا بيزعلوا عموما منايا من الاقلام المميزة والكل بيحترمها وبالنسبه لكريم التميز بيكون اختياره زى ماتم اختيارك قبل كده وبعدها اشراف تسلمى سما على الحلقه وياريت تكونى فهمتوا حكايه تميز المبدعين ازاى لانها ترقيه جديده |
| الساعة الآن 03:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب