|
المواجهه......big boss vs morshooo
|
اسئلتى اليك مورشو 1- لماذا دائمآ تهتم بالحنين الى الماضى و الزمن الجميل - هل هذا تمرد ام عدم تقبل الحاضر ؟ 2- التمرد السياسي الذى تمر به المصريين نابع عن ماذا كبت ام نضوج ؟ 3- الى اى مدى مورشو تصل شجاعته ؟ 4- كيف تتخلب على مخاوفك ؟ و ما الذى تخشاه ؟ و للحديث بقيه ^_^ |
واو طرح جميل تسلم يانور وربنا يجيرك يامورشو من عمايل نور بالتوفيق |
مواجهة كدا شكلها هيبقي جااااااااامد ربنا يعينكم :) |
احم احم يا اهلا بالمعارك ^_^ اسئلتى اليك مورشو اهلاين وسهلاين :113: 1- لماذا دائمآ تهتم بالحنين الى الماضى و الزمن الجميل - هل هذا تمرد ام عدم تقبل الحاضر ؟ انا بحس براحه كبيرة جدا لما زى ما قولت بحن للماضى بحس ان الدنيا كانت فعلا بخير كنت دائما بتريق على الناس الى بتقول الكلام دا بس اتاكد فعلا ان الناس دى مكدبوش علينا انا مش بتاع تمرد والا حاجا على الحاضر بالعكس انا مقتنع تماما ان كل واحد بياخد نصيبه من الحياة ومؤمن جدا بالحاضر والمستقبل كمان . لكن الماضى اكيد كلنا بنحن ليه مهما كان ايه وانا شايف ان الى مش بيحن للماضى بيكون قليل الاصل ^^ . 2- التمرد السياسي الذى تمر به المصريين نابع عن ماذا كبت ام نضوج ؟ هو اكيد مش نضوج يعنى ههههه لاننا والحمد لله استغلينا الظروف غلط من البدايه وعملنا زى الى كان جعان جعان جعان وفجاة بقى قدامه ( أكل يكفى 100 واحد ) الشعب قدر انه يتخلص من نظام فاسد 30 عام ولما عمل كدا افتكر ان خلاص بقينا شعب ديمقراطى وليه حريه التعبير ودا الى المفروض كان يحصل لكن الى حصل عكس كدا تماما . بقينا نعمل اعتصامات ومليونيات والاعلام بقى قدامه مادة اعلاميه يقعد عليها 10 سنين جايين . ويقدر يضلل براحته الشعب الى دماغه اصلا متظبطه انه يصدق اى كلام . 3- الى اى مدى مورشو تصل شجاعته ؟ مش بحسبها كدا ولكن لو فى اطار المنتدى فالى بشوفه بقوله سواء عن طريق استضافه مع عضو او عن طريق توبيك بنزله حتى لو بطريقه ساخرة بس بيكون فى رئى بعرضه وانا شايف ان دى من الشجاعه انك تعترض ولكن باسلوب يخلى الى قدامك يتقبل حتى فكرة النقاش فى اعتراضك . لو فى الحياة العامه : مش بختلف كتير عن المنتدى فى ابداء الرئى بحب اقول رئى فى اى حاجا شايف انى هقدر اضيف حاجا لو قصدك بقى فى الشجاعه زى ( فريد شوقى :04: ) فماليش فى الخناق والحوارات دى . 4- كيف تغلب على مخاوفك ؟ و ما الذى تخشاه ؟ بتغلب على مخاوفى ( بالصبر ) الحمد لله بقدر اتحكم كويس فى تصرفاتى فى حياتى الى بخشاه الوقوع فى ( الغلط ) اكيد والحمد لله بعمل حساب لتصرفاتى كويس جدا مش من النوع المندفع واتصرف وخلاص صحيح معنديش كلمه ( الندم ) فى قاموس حياتى ولكن بحاول احافظ على الى بعمله . |
اسئلتى انور س / امتى ندمت على تصرف عملته فى حياتك ؟ وعندك الشجاعه تعترف بالموقف دا ؟ س / ايه موقفك السياسى من الاوضاع الحاليه فى مصر ؟ وشايف ان حالنا زى حال جميع الدول العربيه ؟ س / لو حصل معاك خلاف مع ادارة المنتدى عشان توصل رئيك بتعمل ايه ؟ وشايف ان رئيك فى الادارة لسه زى ماهو حتى بعد ما بقيت مشرف تابع للادارة ؟ س / شايف ان نور كان يستاهل فى الاستبيان الى عملته لاشهر عضو فى المنتدى كنت تستحق المركز الثانى تقريبا او الثالث ؟ والا الاعضاء قالت اسمك عشان انتا الى بعت الرسائل ليهم ؟ س / ليه دائما بيتم اتهامك انك صاحب قلب كبير ^^ بيسيع كل بنات المنتدى ؟ وللحديث تقليه قصدى بقيه :d |
س / امتى ندمت على تصرف عملته فى حياتك ؟ وعندك الشجاعه تعترف بالموقف دا ؟ الحمد الله فيه حاجات كتير فى حياتى ندمة عليها بس مع الايام بيتثبت انى كنت صح و الى حصل كان الافضل ليا عسي ان تكرهوا شىء و هو خير لكم س / ايه موقفك السياسى من الاوضاع الحاليه فى مصر ؟ وشايف ان حالنا زى حال جميع الدول العربيه ؟ انا ضد الاخوان جملتآ و تفصيلآ و ضد مرسي و هما اكبر غلطه تاريخيه حصلة فى مصر و البلاد العربيه حالها افضل مننا كفايا ان الجيش بتاعنا وقف معانا و فى الاخر اتقلبنا عليه س / لو حصل معاك خلاف مع ادارة المنتدى عشان توصل رئيك بتعمل ايه ؟ وشايف ان رئيك فى الادارة لسه زى ماهو حتى بعد ما بقيت مشرف تابع للادارة ؟ فيه كذا طريقه علشان توصل رايك اقلها الحوار و الاقتناع و اعظمها العصيان و الاعتراض و الاحتجاج لآ راي اتغير فى بعض الامور و امور تانيه متغيرش س / شايف ان نور كان يستاهل فى الاستبيان الى عملته لاشهر عضو فى المنتدى كنت تستحق المركز الثانى تقريبا او الثالث ؟ والا الاعضاء قالت اسمك عشان انتا الى بعت الرسائل ليهم ؟ هههههههههههه رخم :04: الحمد الله اللهم لا غرور مكانتى و وضعى معروف و ميختلفيش عليه اتنين :04: س / ليه دائما بيتم اتهامك انك صاحب قلب كبير ^^ بيسيع كل بنات المنتدى ؟ ههههههههههههههههه :d الله يخرب عقلك ضحكتنى بصى يا احمد النظريه دى سببها كذا سبب اولآ : انى بحب اهزر مع اى حد ثانيآ : ليا معجبين كتير :d ثالثآ : فيه نوع من الغيره :04: رابعآ : البلد دى بتاعة اشائعات و رغى كتير :d خامسآ : انا بحب امى و بس على الملآ :24: |
اسئلتى بئا يا مورشو :24: 1- مسابقة اليوميات لاختيار مشرف للقسم - كتير عارفين النتيجه مسبقآ ؟ 2- ما هى حدودك فى التعامل مع بنات المنتدى ؟ 3- ما الذى تفتقده فى حياتك ؟ 4- الغزو الفكرى فى مصر أيه سببه ؟ 5- ماذا تتوقع بعد 30 \ 6 ؟ |
1- مسابقة اليوميات لاختيار مشرف للقسم - كتير عارفين النتيجه مسبقآ ؟ لو انتا واحد منهم مكنتش اهتميت بانك تنزل موضوع فى المرحله الاولى . ولو هم عارفين مكنتش شيماء اخدت مركز اول اول اسبوع والاسبوع التانى تاخد مركز 3 ولو هم عارفين برضو مكنتش خليت كل اسبوع لجنه مختلفه 2- ما هى حدودك فى التعامل مع بنات المنتدى ؟ زى التعامل مع الاعضاء لما يكون فى عضو بتستريحله بتطلب منه الميل وبتكلمو وممكن تضيفه فيس لو عندة اى عضو بيعمل كدا وممكن الموضوع يبقى صداقه اكتر من ان تعاملكم يكون ميل وفيس وبتاخدو ارقام بعض . دا الى بيحصل بين اى اعضاء فى المنتدى سواء هنا او فى اى منتدى تانى وسواء بين عضوين او عضوتين او عضو وعضوة . 3- ما الذى تفتقده فى حياتك ؟ والدتى اكيد ( رحمها الله ) 4- الغزو الفكرى فى مصر أيه سببه ؟ هو فين الغزو الفكرى ^_^ هو فقر فكرى لو هتقول غزو فكرى يبقى الاقلا الامور متظبطه العيشه تمام البطاله قلت الخدمات بقت مختلفه عن قبل كدا العيشه تتحسن المجالات تبقى افضل من الى هى فيه سواء مجال ( ثقافى او رياضى او فنى .... الخ ) لكن الى بشوفه دلوقتى انحدار وفقر فكرى كل جماعه فى دماغها فكر معين عايزاة يكون مسيطر على الشعب بالكامل سواء بقى الفكر دا صح او غلط مش مهم المهم انه يسيطر علينا . 5- ماذا تتوقع بعد 30 \ 6 ؟ والا حاجا كالعادة يعنى مش هيكون فى جديد اعتقد مع انى اتمنى يكون فى اكيد ونخلص من الحكم الفاشل الى لو قعد 30 سنه مش هيقدملنا اى حاجا الا اننا هنرفع قدينا بالدعاء ونقول ارحمنا يارب ^_^ |
الدفعه الثانيه ^_^ س / شايف انك عضو مغرور والا لا ؟ س / امتى حسيت انك مش عارف تاخد قرار ؟ وكان الموضوع بخصوص ايه ؟ س / مين اكتر عضو حاسس انه المنافس ليك فى المنتدى ؟ او حابب تعديه كشعبيه ونشاط ؟ س / شايف انك قادر على النقاش وانك تكون مشرف على القسم ؟ س / ( العصيان الاعتراض الاحتجاج ) هتعملهم ازاى لو انتا ضد الادارة ؟ |
| الساعة الآن 05:04 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب