منتديات بنات مصر - جدول محاسبة النفس الرمضانى لعام 2013

منتديات بنات مصر (https://forums.banatmasr.net/)

- ارشيف قسم رمضان (https://forums.banatmasr.net/f257/)

- - جدول محاسبة النفس الرمضانى لعام 2013 (https://forums.banatmasr.net/msryat427699/)

جدول محاسبة النفس الرمضانى لعام 2013

http://photos.azyya.com/store/up2/081209113737GYMQ.gif

كل سنة وانتم طيبين ..وتعالوا نحاول نعمل مع بعض حاجة نكسب فيها حسنات وثواب كبير ان شاء الله

جـــدول محآسبة النفس الرمضــآني لعآم 2013

الجدول دة كل سنة بنزلة فى رمضان ... دى السنة الرابعة
وكنت كل مرة بلاقى تفاعل فيه من الاعضاء وكنت دآيما بقول إن حتى لو مافيش حد شجعنى وطبق معايا مش هيئس وهفضل وراكم لحد اما تطبقوا طالما حاجة فيها ثواب وخير مش بتعب ولا بحبط
اتمنى بجد السنة دى ألاقى تطبيق وتشجيع معايا ونقدر بجد نعمل حاجة كويسة ونستغل قاعدتنا على النت فى الطاعه

من غير رغى كتير
الموضوع ببساطة عبارة عن جدول بنشترك فيه مع بعض وبنطبقة يوميا ..الجدول مجرد محاسبة للنفس وبنطبقة مع بعض كنوع من التشجيع ع الطاعه زى السنة اللى فاتت بالضبط

يلآ بينا نشوفه

اولا: ترديد الاذان

هنعود بعضنا اننا نحاول نردد اذان الصلوات الخمسة ومش بس كدة احنا هنحط لنفسنا درجة قدام كل اذان

مثلا:
فى اذان الفجر لو رددنا الاذان هنحط درجتين ولو نسيناه هنحط صفر وهكذا بالنسبة لكل اذان موجود فى الصلوات الخمس

هنحط درجة امام كل اذان

فائدة الدرجات دة هقولكم عليها فى الاخر

اول جدول هنحاول نطبقة

http://www.up.qatarw.com/get-8-2009-swczq2rh.JPG

نحسب ونشوف هناخد فية كام من 10

http://i24.piczo.com/view/1/5/q/t/i/...f?redirsrc=img

ثانيا: الصلاة

هنعود نفسنا على حاجتين فيها:

1- الصلاة فى وقتها

اننا نصلى الصلاة فى وقتها يعنى نسمع الاذان نقوم نصلى
(احب الاعمال الى الله الصلاة فى أوقاتها) وماتنسوش اننا فى رمضان وعايزين نعمل احب الاعمال الى الله

2-ختم الصلاة:

وهو من تمام الصلاة لازم نعود نفسنا على ختم كل صلاة علشان كتير مننا بينسوا الموضوع دة
ختم الصلاة (هنقول بعد كل صلاة 33 مرة سبحان الله – 33 مرة الحمدلله – 33 الله اكبر- نتمم المائة(لااله الا الله وحدة لاشريك له ,له الملك وله الحمد وهو على كل شىء قدير)

عندنا جدولين:

الاول: جدول المواظبة على الصلاة فى اوقاتها

http://www.up.qatarw.com/get-8-2009-ubq45f7m.JPG
الصلاة فى وقتها (ناخد درجتين)
الصلاة بعد وقتها بفترة (ناخد درجة)
نسيان الصلاة (صفر)

ونشوف اخدنا كام من 10

التانى: جدول المواظبة على ختم الصلاة

http://www.up.qatarw.com/get-8-2009-j4nf0yag.JPG

ونشوف اخدنا كام من عشرة

يالا بينا على االلى بعدة

http://i24.piczo.com/view/1/5/q/t/i/...f?redirsrc=img
باقى العناصر هنحطهم كلهم فى جدول واحد ونحاول ننفذهم كل يوم

http://www.up.qatarw.com/get-8-2009-54ctih4q.JPG

الجدول دة مجموع درجاتة من 20

نحسب ونشوف اخدنا كام

http://i24.piczo.com/view/1/5/q/t/i/...f?redirsrc=img

وصلنا لاهم نقطة هو جدول شامل لمجموع الاربع جداول اللى فوق دول

جدول محاسبة النفس اليومى فى رمضان

http://www.up.qatarw.com/get-8-2009-fxo18tbz.JPG

نجمع درجات الجداول اللى فوق كلها ونشوف احنا اخدنا كام من خمسين .....كل يوم ننفذ الجداول ونشوف اخدنا من خمسين وياترى بنزيد ولابنقل لو زادت الدرجة يبقى احنا فى تحسن
وهو المطلوب

هنلاقى نفسنا فى اخر اليوم اننا عملنا حاجات كتيرة اوى ومفيدة وهناخد عليها ان شاء الله الثواب
الجداول دة بسيطة وسهلة وكلها حاجات لو ربنا قدرنا نقدر نعملها كل يوم ان شاء الله وعايزين نشجع بعض وياريت تقولولى يوميا نفذتوا من الجدول اية او حتى كام الدرجة عايزين كلنا كأعضاء نشجع بعض او حتى عرفونى انتم بتنفذوة ولا لا

يارب الفكرة تعجبكم
وفـ انتظار التطبيق والاشتراك
إرموآ الكسل بعيد وتعآلوآ نشجع بعض وإوعوآ تترددوآ فى حاجة فيهآ ثوآب ولما بنبدأ فى الطاعة ربنا بيعينآ عليهآ

http://www.karom.net/up/uploads/13253390343.gif

ملخص عناصر الجداول كلها اهو
علشان فى ناس بتتخض من الجداول الكتير

اذكار الصباح والمساء

قراءة جزء من القران

نقول استغفر الله العظيم 10 مرات

نصلى على النبى 10 مرات

الصلاة فى اوقاتها وختمها

الدعاء قبل الافطار

صلاة التراويح وركعتين التهجد بليل

ترديد الاذان

عمل اى عمل خيرى

بصوا فيهم كويس كدة بصوا اوووى هتعرفوا انهم سهلين بس محتاجين انتظام

الموضوع مش صعب بس محتاج انتظام وهنلاقى نفسنا عملنا حاجات كتيرة من غير اما نتعب
بس عاوزة اشوف تطبيق وتشجيع وبلاش تكسلوا
اللى عاوز يحط درجات ويقول الدرجة يحط واللى عاوز يقول عمل ايه وماعملش ايه يقول
اى حاجة ماشى
عاوزة اشوف ناس مستعدة انها تطبق وتطبق فعلا
وهنوزع عليكم شيكولاتة كل سنة:05:

حلوة الفكرة اوووي
وهبدأ تنفيذها من دلوقتي ان شاء الله
تسلمي سيرين على افكارك

جامده الفكرره
وان شاء الله نداوم عليها
تسلمى على الفكرة
تقبل الله منا ومنكم صالح الاعمال
وجعله الله فى ميزان حسناتك

اقتباس:

المشاركة الأصلية كتبت بواسطة ✿ celiηα (Post 4072927)

حلوة الفكرة اوووي
وهبدأ تنفيذها من دلوقتي ان شاء الله
تسلمي سيرين على افكارك

معانا اول مشتركة اهو
فى اخر اليوم كل واحد فينا تقول عملت ايه من الجدول حتى لو نسيت حاجة تقول
احنا هنا مجرد بنساعد بعض وبنشجع بعض

اقتباس:

المشاركة الأصلية كتبت بواسطة بحر النسيان (Post 4072932)

امين
اشترك معانا يلا فى الجدول وتعالى فى نهاية اليوم قولنا ايه الحاجات اللى عملتها فية

فكرة رآئعة يـآسيرين,,واحنا كده هانشجع بعض اكتر
بس هانبدا ننفذ ونلتزم بالجداول دى من بكرة بئا ولا ايه؟!
ولا نبتدى من النهادرة ونحط الدرجات عالى احنا عملناه النهاردة

عموما انا معاكى بإذن الله,,ربنا يجازيكى كل خير بئا

فكرة رآئعة يـآسيرين,,واحنا كده هانشجع بعض اكتر
انا معاكى بإذن الله,,ربنا يجازيكى كل خير بئا

اقتباس:

المشاركة الأصلية كتبت بواسطة Ŗăήćy (Post 4073132)

المشتركين بداوا يهلوا اهو
منورانى يارانسى
من النهاردة اللى تلحقى تعملية من الجدول اعملية وادخلى قولى
ولو حابة من غير درجات تقولى انا عملت كذا وكذا ونسيت كذا عادى قولى
دة مجرد تشجيع لبعض بس عشان مانكسلش

يلا هبدأ بنفسى عشان اشجعكم واقول عملت ايه لحد دلوقتى
بما انى النهاردة كسلانة كدة هههههههههه

اذكار الصباح والمساء ..تم الحمد لله

قراءة جزء من القران...تم الحمد لله

نقول استغفر الله العظيم 10 مرات ..
تم الحمد لله

نصلى على النبى 10 مرات...
تم الحمد لله

الصلاة فى اوقاتها
تم الحمد لله

وختمها...ختمت صلاة العشاء فقط

الدعاء قبل الافطار...
تم الحمد لله

صلاة التراويح

تم الحمد لله

وركعتين التهجد بليل
لسه

ترديد الاذان
لا للاسف

عمل اى عمل خيرى
تم الحمد لله

ها مين هيقول تانى ؟!