|
( المقلب العاشر ) ( بقى دا كلام2 ) ( SiLver Spectra ) بسم الله الرحمن الرحيم مزاج الخير عليكم :D وحلقة جديدة من برنامجكم ( بقى دا كلام 2 ) ضيف النهاردة مستفز جدا بس مش معايا رخم جدا بس مش علية ديكتاتور جدا بس على نفسة مش على الاعضاء فى وسط الحلقة قال انا عرفت انتا مين وهو طلع والا عارف اى حاجا ضيف النهاردة الالمانى او العالمى او حاحا المنتدى . SiLver Spectra http://forums.banatmisr.com/image.ph...ine=1371789462 البـــــــداية : بعت رسالة للضيف ان فى برنامج جديد عاملة وعبارة عن استضافة لعضو وفـ اخر سؤال بسئل الضيف عن 3 اعضاء فى المنتدى يوجهلهم نقد فقط . وطبعا لما عرف قالى موافق وبعتلة اول نقد وكان . ودلوقتى مع السؤال الاخير ( رئيك ايه ) هعرض عليكى 3 اسماء اعضاء وتوجهلهم نقد فقط 2 / SiLver Spectra طارق طبعا طارق من اعمدة المنتدى وجهودة محدش يقدر ينكرة لكن انا مطلوب منى نقد فقط نقدى لطارق عيبه انه من النوع الى بيكبر دماغه ساعات بحس انه بيسيب الاعضاء تاكل فى بعض عشان يدخل فى الاخر يحظرهم او يقفل الموضوع ويبان انه صاحب قرار مع احترامى ليه مش دى الطريقه الى المفروض انتا كا ادارى تتعامل بيها معانا كمان تشددة الفترة الاخيرة واضح جدا كان فين مواضيعك دى فى السنوات الماضيه مكناش بنشوف الكلام دا خالص ولو نزلت موضوع كان بيكون تلميحات فقط لكن مش بالصراحه الى بقيت تكتب بيها دلوقتى سؤال ليه : ليه انتا دائما شايف نفسك صح وكلنا غلط ؟ ودا دليل ان الجميع شايفك ديكتاتور ؟ دا كان النقد الاول لطارك تعالو نشوف رد قال اية على الكلام دا هو لما نمنع المواضيع اللي فيها هجوم يقولوا علينا بنمارس الاستبداد و لما نسيبها يقولوا بنسيب الاعضاء تاكل في بعض !؟ و لا هو انت تتكلم عن الادارة بس و تنتقدها لكن مش تنتقد الاعضاء او اي تصرف من اي شخص ؟ ماهو يا تقبل الحرية على الكل يا اما نلغي فكرة الانتقاد للكل و عادي انا مش فارقه معايا لو تحبوا نعمل استفتاء و نلغي الانتقاد او نسيبه ..بس دا هيبقى على كل الاعضاء هنا بما فيهم الادارة اما بالنسبة للتعصب ..تعصب ازاي مش فاهم ؟ هو انا ماشي بعور في الناس مثلا و بقطع فيهم ..و لا ما اكونش ماسك جنزير و نازل فيهم ضرب و أنا مش واخد بالي هههههه الحالة السياسية و الانفلات اللي حاصل بتفرض عليك انك تتكلم ما انا يوميا بتابع اخبار كتيره جدا و مش كل يوم بكتب موضوع .. بس لما بضايق من ظاهرة زي كدا ما ابص على خبر مقتل 4 شيعه و الاقي الناس كلها مبسوطه و فرحانه و بتبارك ..فهنا لازم اتكلم يعني الانفلات هو اللي بيفرض عليك تكتب ..مش باجي اكتب من نفسي لما تشوف اخبار و تلاقي دمك اتحرق ..بلاقي نفسي عايز اكتب بسبب الوضع السيء اللي فيه لو حال البلد كان هادي ..اكيد هتلاقي تركيزي راح في حاجات تانيه بعيدا عن السياسة اما موضوع انا شايف نفسي صح او خطأ ..فأنا بدي وجهة نظري و بتناقش على اساسها مش بفرضها عليك ..ليك الحق في الاعتراض عليها زي ما ليه الحق اعترض على اعتراضك حسب النقاط اللي بيتم كتابتها و محور الموضوع و لا هو مطلوب مني ايه مش فاهم ؟ مش انزل مواضيع و لا اتكلم ؟ ..نعيش خرس مثلا طب نسمع اغاني و نتكلم عن عرب ايدول ؟ هيقولك تفاهه .. الله طب نعمل ايه طيب ههههههههه اما كونك شايفني ديكتاتور ..فانت حر في رايك بس لو كنت ديكتاتور ماكنتش هتشوف نفسك دلوقتي موجود :)) و كنت هشمع المنتدى دا بوجهة نظر واحده بس ..يعني ماكنتش هتشوف اصلا مساحة تعترض فيها عليه الديكتاتور هو اللي بيعمل كدا و بالمناسبة انا معرفش انت مين و لا بجهد نفسي عشان اعرف دا مين .. ماتقلقش انا هقولك هو مين مش عايزك تجهد نفسك خالص :D بس تعالو نشوف الرد كان اية على الكلام دا اوك يا احمد انا ليه تحفظات على كلام طارق اولا واضح انه عارف ان الاعضاء بيقولو نفس كلامى عنه ودا بيدل انى مش بنقدة لمجرد نقد وخلاض . وشايف انه فرحان ان فى حريه تعبير فى المنتدى هو مش واخد باله ان دا الطبيعى يعنى مضفش حاجا جديدة من عندة بالعكس انتا لو عملت استفتاء عشان تلغى الحريات فى المنتدى هتبقى خسران وهيبقى شكلك وحش قدامنا لانى متاكد النتيجه هتكون ايه . لو قصدة يتريق بحكايه عرب ايدل ونكلم عنها فى المنتدى احب اقوله وهم الى بيكلمو عن عرب ايدل ناس مش كويسه انتا المفروض تحترم جميع العقليات الى بتشارك فى المنتدى ومايبقاش التريقه توصل لدرجه انك تنتقد الاعضاء وانتا اكتر واحد بتزعل لو حد انتقدك . اخيرا بخصوص الديكتاتوريه ياريت تقولى ليه عينت اداريين الفترة الاخيرة مش برضو عشان تبعد عنك الشبه فى انك دائم حظر الاعضاء اعتقد ان الاعضاء فاهمين جدا الى بيحصل منك ومن ادارة المنتدى الى كلها بتفصل او بتحكم بين الاعضاء بمنطلق واحد وهو المجامله . دا ردى على الكلام يا احمد وعارف ان دا اخر رد ليه وفى انتظار رد طارق الاخير فى حد تانى بعتلك من العضوين التانيين هاهاهاها عارف انة اتظبط لما شاف الكلام دا بس تعالو نشوف قال اية هههههههههه ايه الهرتله دي هو انت مش بتقول ديكتاتورية و بعدين دلوقتي بتقول واضح انه فرحان ان في حرية .. طب انت عايز ايه دلوقتي مش فاهم ! :04: عايز تنتقد حاجه معينه اتفضل..لكن تعد تقول واضح ان ناس كتير او مش ناس كتير ..طب انت عايز ايه دلوقتي ؟ عموما الشخص دا انا عرفته لان هو الوحيد اللي بيتكلم في النوايا بشكل مرضي و بناء عليه .. برفض عرض الاسئلة و الحوار لان صاحبها لا يستحق الرد من اساسه و النقاش معاه هرتله علية الطلائع انتا اتخضيت ومعرفتش حاجا :24: قال عرفتة قال عموما تعالو نشوف الرد الى عرفت طارك فية انة مقلب كان اية . ياعم مورشو انا قولتلك بلاش تجيب طارق عشان عارف انة هيضايق لما اصرحة بالحقيقة عموما هو قال عرفت انتا مين قولة انا مين والا اقولك انا هقولة انا يا طارق ( morshooo ) :D لا فى برنامج والا فى حاجا دا مقلب شربتة حلو قوى بمناسبة شهر رمضان يلة كل سنة وانتا طيب وكل سنة وانتا فـ مقلب ^_^ طبعا اتصدم ومن الصدمة مخدش بالة انة مقلب اصلا عارفين رد وقال اية :24: قولتلك مش مكمل نقاشي مع العضو دا فكرتك جايب حد عدل ينتقد لكن العضو دا تعبان في دماغه و بيحكم بالنوايا بشكل مريض و بيرسم افلام هندية مهما تقول هيرسم افلام تانيه فهو لا يستحق الرد و لا انك تستضيفة من اساسه كلة يوسع طارك النهضة هيضرب ناااااااااار اموت واعرف مخدش بالة ازاى انة مقلب عموما بعتلة رسالة اخيرة وفهمتة انة مقلب فرد وقال . استنى اجري وراك و ادحفك بالطوب شوية لا يا واد بس بتعرف تمثل زيه .. واضح ان خبرتك في اجمد عضو خلتك تتقمص اي شخصية مش كنت تقول طيب عشان كنت حطيت الميك اب قبل التصوير ههههههه أحب اقول للاعضاء يا سيدي كل سنة و انتم طيبين .و قبول استضافات مورشو عبادة :) وبكدا خرجنا طارك عن شعورة بكدا بتخلص حلقة النهاردة استنونى وضيف جديد وماتنسوش لسة الى جاى احلا :24: |
الدوكـ كان مندمج اوى الصراحة يعنى = )) يلا يعيش وياكل غيرها ,, طلعت ممثل عالمى ي احمد استمر بئآ :d |
هههههههههههههههههههه حلوه اوووى بعد ما تقوله مقلب مخدش باله ده من كتر النرفزة يادوك بس عرفت تنرفزة اووى يااحمد حلقه جامده نينتى منورين |
جامده الحلقه بصراحه انت ياخويا حاجه كدا تفور الدم ههههههههههه رد طارق كان قوى انا عارفه هو كان فاكره مين بس يلا بئه مش هنقول احنا فى رمضان ههههههههههههههه عجبتنى الحلقه ونرفزة طارق هههههههههه نورتوا ياحلوين |
هههههههههههههه والله انت بلوه ياحمد:112: بس جدع غظته شويه:04: اهو شويه من اللى بيعمله:109: بجد حلقه جامده والدكتور اتخض اوى حد يجيبله طاست الخضه ولا حاجه ياجماعه ده مستقبل اسره فى انتظار الضيف الجديد |
هههههههههههههههههههههههههههههههههههه لا بجد بجد حلقة جامدة ياراجل انت خرجته عن شعوره لدرجة ماخد باله من ردك القبل الأخير هو كده يامورشو لما الواحد يتعصب ولا لما يكون متعود ع الهرتلة زي ماقال كده ربنا يسترررررر بقااااااااااااااا تعيش وتاخد غيرها ياسيلفر بس عادي سيلفر بقا متعوووووووووود كل سنة وانتوا طيبييييييييييين ومش محظووووووووورين ولا شاربين مقلب مورشو المتين |
ههههههههههههه ايه دا ي احمد دا انت شبه احمد رمزي بقا ههههههههههه مقلب حلو اوووي منور ياا طارق |
ههههههههههههههههه اشرار انت وأسيل ياأحمد عيال أشرار فعلا يعني وبتعرفو تجيبو كلآم مستفز أيوه ياطارق انت ماسك جنزير وبتضرب فى الناس وفاتح سلخانه وبتسلخ كمان ماتنكرش:71: انا عارفه انت بتقصد مين بكلآمك أحمد سبكها بالظبط بس حلقه جميله اوي نشوف فيك يوم يامورشو |
اللي هيمس مقبرتي بسوء هيلدعه العقرب و يعضه التعبان و يكسر عظامه التمساح |
مش كل واحدة بقى تدخل تقول انا عارفة قصدة على مين الا صحيح اطارك ماتقولهم كنت فاكرنى مين ^_^ والا اقولك اناااااااااااااااا . |
| الساعة الآن 03:56 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب