|
( سيدة فى نحن لا نزرع الشوك ) الجزء الثانى بسم الله الرحمن الرحيم اهلا بيكم جميعا واسعد الله اوقاتكم بكل خير السنة الى فاتت نفس اليومين دول فى شهر رمضان نزلت التوبيك الى هز ( عضوات ) منتدى بنات مصر واحنا ( شباب ) منتدى بنات مصر استلمناهم استلامة صح فعشان كدا قولت ( لا تراجع والا استسلام ) وهنضحك عليكم تانى النهاردة فى الجزء الثانى من ( سيدة فى فيلم نحن لا نزرع الشوك ) لمشاهدة الجزء الاول هنــــا طبعا يا جماعه احنا كلها كام يوم وندخل على ( عيد الفطر المبارك ) يعنى النظافة والشغل العالى فى البيوت شغال وبنات المنتدى طبعا بيتمرمطو ايون بيتمرمطو . وتلاقيهم بقى لبسين ( جلاليب ) والـ مشمراها والى عاملة ديل حصان بالجلبية من الجنب :24: . لو ماشيين وبصين على البلكونات والشبابيك هتلاقة البنات متعلقين على الشباك وعمالين يغسلو الشبابيك وفى بنات تلاقيهم ساكنين فى الدور الـ 10 وتلاقى البنت عاملة الشباك ( حمار ) وبتنظفة يعنى رجل برا ورجل جوا ومتشعلقة وعمالة تغسل فى الشبابيك والا التانية جارتها الى مطلعه السجاد فى البلكونة وبالمنفضة وهاتك يا ضرب على السجاد وتلاقيها اية بقى عليها ربطة اشرب عنب :D وفى عضوات بقى من المنتدى هنا مامتهم بتعلقهم على الدولاب تطلعها فوق وتقفلها تحت بالعصايا بتاعت المقشة وروقى يابت هاتى الشنطة دى نزليها نشوف فيها اية وهاتى الكراكيب دى نرميها بقالها سنين فوق مالهاش لزمة كل دا بيحصل مع عضوات بنات مصر كل دا كوم وبنات مصر ( المجوزين ) كوم تانى يعنى عندنا مثلا دمعه / اسيل / ياسمينا / كوين ميرو ..... الخ دول بقى متخيلهم وهم بيظبطو البيت اليومين دول بيحصلهم حاجا من الاتنين يا اما ( عندهم صداع ) او ( بيتشلو ) :24: والعضوات على اخر رمضان بيحصلهم الكلام دا يعنى دمعه واسيل دائما الاشرب على دماغهم زى الصعايدة ما بيلفو العمة وعاملين فيونكة من قدام من الصداع :D اما بقى ياسمينا ومارى ربنا كرمهم بشوية عيال اية زى الفل مطلعين عنيهم وشلنهم فعلا . عموما انا مش منزل التوبيك عشان اضايق البنات بالكلام دا بس كفاية اننا كشباب بعد الى بيحصلكم دا كلة بنرجع بليل البيت وندخل القوض بالجزم ونلبخ الدنيا وانتو يا عينى تلفو ورانا وتمسحو وتكنسو لا واية كمان بتتعاملو معاملة ( الخدامين ) من اهليكم انها أرادة الله وانها طبيعه الحياة :D اخيرا / لو هنلاحظو اليومين دول واليومين الجايين مش هتلاقو بنات كتير فى المنتدى لو عايزينهم هتلاقوهم ياتحت سرير او فوق دولاب او عاملة الشباك حمار :103: مع السلام عليكو ماتنسوش تدخولو تقولولنا بتعملو اية بجد اليومين دول وفعلا بتساعدو مامتكم فى البيت والا لا |
هههه بتتفرج عل افلام عربى كتيير امرشد شامه ريحة شماته ممكن توصل البنات لحاله تمرد ومحدش ينضف البيت وورونا هاتعيدوا ازاى |
والله يا مروشو الموضوع ده بيحصل بجد فعلا وكمان انا بعزرهم جداااا في الايام دي اسئل مجرب يا خوايا السنه اللي فاتت زي دلوقتي كنت في مصر وكانت اختي اجوزت ومكنش حد في البيت غير انا واخويا كنا رجعين من السفر اجازه احنا الاتنين وفي دخلت العيد دي شوفنا ايام سوده علي دماغنا غسيل وغسنا البيت كله تنظيف ونطفنا كل ده ومش مهم شوف بقا لما تغسل السجاد وتفضل ساعه تشيل فيه ومش عوز ينشال من التقل بتاعو انا الاول كنت بقول هيا البنات بتتعب من ايه من شويه شغل في البيت دولت بيستهبلو لما سافرت وعملت كل حاجه لنفسي كل يوم بدعيهم من قلبي واقول الله يكون في عنكم |
امممممممم انا اخر العنقوت بقه محدش بيغصب عليا اعمل حاجة فى اخواتى ربنا يديهم الصحة |
اقتباس:
منورة لا شماتة والا حاجا بس متخيل صورتك وانتى بتظبطى الشقة والولاد حوليكى هاهاهاها |
وأحنا بالجزائر الرجالة هم ليساعدونا في أيام العيد خصوصا الشبابيك والله بيموتني أخوي إذا لقطني في الشباك هههه بس أنا أكتفي بتحضير الحلويات وباقي أفراد العيلة ينظفو البيت يعني فيك تقول الامر عادي مثل باقي الايام |
هههههههه والله الحاجات دي بتحصل فعلا ده بيطلع عينا في الايام دي:102: بس دلوقتي شغالين براحة وحاجة حاجة بس بعد كام يوم الشغل بيشتد فعلا ههههه:d بس الحمد لله عشان انا الصغيرة ولسه طالعة من ثانوية سايبني شوية:113: شكرا على فكرة البرنامج الجديدة وفي انتظار الأجزاء التانية<<ده لو بقى فيه وقت:d |
هههههههههههه حرام والله انا بعمل اول باول فعادى مفيش مشاكل ومنفضين البيت كله كذا مره <<< الفراغ يعمل اكتر من كده ضيف ع كده انا البنت الوحيده واحنا دورين مع بعض |
هههههههههه ليه ي احمد كده ي احمد ^^ لسه مش ناسينلك صورة الثانوية العامة دخلتنا في حمار و حاجات تانية كده ^^ لعلمك دا كل يوم مش يوم العيد بس :) لكن العيد بقه لازم نقلب البيت حتى نوصل لادق ادق التفاصيل :) و استغرب جدا لو فيه ولد بيقدر الشغل دا و بيعمله لانه حابه مثلا ^^ ع العموم يا رب يبقى عيد سعيد عليك مقدما :) وموضوع حلو على فكرة ارق تحياتي |
اقتباس:
يعنى المفروض اضحك ولا ايه بالظبط انا لابسه اشرب وعامله فيونكه هههههههههههه تتصور نيو فاشون جميل موووت هبئا اتصور وانزلك الصور ونعمل عليهم مسابقه ميس سيده هههههههههه ايه يابنى ده هو انت مش وراك حاجه غير الكيد ده بس اشك انك بتدخل بالشوز وتلبخ الدنيا دلوئتى ان ما كنش هتاخد يوم اجازة عشان تنضف البيت مع المدام (جوزك على متربيه ههههههههه)( وكمان وانت داخل بتمسك الشوز فى ايديك ههههههه) التربيه حلوه بردوا هههههه اكيد بيحصل تنضيف البيت بس مش بالطريقه اللوكل دى استايل بردوا فى التنضيف واذا كان على الشلل فعلا هتشل بس منه قله النوم |
| الساعة الآن 11:35 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب