|
حاسة إني قفلت من الحياة والدنيا كلها حاسة إني قفلت من الحياة والدنيا كلها حبيت افضفض هنا عشان فى حاجات الواحد ممكن يحسها فى قلبه ومبيبقاش قادر يقولها لحد يعرفه او حتى لحد ممكن يكون قريب منه فاكلكم هنا اخواتى اكيد وبطلب منكم قبل ما تشوفه كلامى تحسوه زى ما انا هكتبهلكم بكل احساسى حبيبي مات ومش قادرة أنساه ................................................ من كتر الوحدة اللي عايشة فيها بقيت بحبها ............... وحياتي بتتدمر كان كل شى فى حياتى وانا كمان كنت بالنسباله كل شى بدا حبنا من وانا عمرى 16 سنه وانا دلوقتى 19 بس كل دقيقه كانت بتفوت وانا معاه بالدنيا كلها انا بجد حبيته اوى وهو كماااااان كان بيحبنى اوى اوى وكان بيخاف عليا اكتر من نفسه وانا كنت بالنسباله كل شى كنت اهله وحبيبته وكل صحابه وكل شى ليه فالدنيا هتصدقونى لو قلتلكم اننا عمرنا ما اتخنقنا مع بعض لاننا ديما كنا متفاهمين اوى وكان حبنا صادق وفى بنا احترام مش زى حب اليومين دول كنا بنخاف على بعض اوى وبنحب بعض حب معدشى موجود دلوقتى طبعا انتم فاهمين بس ساعات لما الدنيا بتدينا كل حاجه بتاخد منا كل حاجه هحكيلكم ايه السبب فى كل دوت هحكلكم من البدايه .......... انا من اسره غنيه جدا والدى بيشتغل فى البرصه واحنا عايشين فى فله كبيره اوى ومامتى متوفيه ومليش اخوات انا البنت الوحيده هو كان بيشتغل فى مكان قدام الفله بتاعتنا مصنع كدا بس هو على اد حاله يعنى مسطورين عايش فى بيت هو و والدته واخته صغيره وعنده شقه فى بيته اتعرفنا على بعض فى نادى كدا كان هو بيلعب فى كوره هناك وانا كنت مشتركه فالنادى ده وكنت بروح تقريبا يومين فالاسبوع انا وصحبتى الى قريبه منى اوى اسمها اسماء وهو اسمه خالد اكبر منى بحوالى 5 سنين وهو معاه دبلوم تجاره وانا كلية تجاره الان ديما لما كان بيشوفنى بجرى فى النادى كان بيتبعنى وكان كل لما حد يعكسنى كان هو بيتخانق معاه وبيدافع عنى اوى وكان واخد باله منى اوى وفى مره اضرب عشانى وعور نفسه عشان ناس كانوا بيعكسونى وكان ديما بياخد باله منى من بعيد المهم بعد قصة حب طويله الملخص المفيد كان عاوز يجى يتقدملى عشان هو كان بيحبنى اكتر من نفسه هو لما حبنى مكنشى يعرف عنى اى حاجه انى مثلا غنيه او كده حددتله معاد وجيه قابل بابا وحكاله على ظروفه وكده بابا افتكر انه طمعان فى فلوسى ورفضه وطلب منى متكلمشى معاه تانى ومعرفهوش اعترفت لى بابا انى بحبه بجد ومقدرشى اعيش من غيره بابا رفض وقطع كل شى يربطنى بى ومكنشى بيخرجنى عشان مش اشوفه وكان منعنى عن اى حاجه وطبعا هو حاول يوصلى جوابات مع صحبتى اسماء وانا كمان كنت بكتمله انى مش هقدر اعيش من غيره وهو قالى انه محرم على اى واحده غيرى وانه بيحبنى ومش ممكن يسبنى الا على موته ومستعد يعمل اى حاجه عشانى بعد فتره قصيره جدا عشتها انا فى عذاب اتقدملى عريس قريبى ابن عمى وانا مش بطيقوا خالص وبابا وافق من غير حتى ما ياخد راى ولما قالى بعد ما حدد خطوبه وكل حاجه انا طبعا رفضت وقولتله انى مش ممكن هتجوز الا الانسان الى بحبه بابا قالى لو مش اتجوزتى ابن عمك انا ممكن بعلقاتى ارفدلك حبيبك من شغله و اخليه يكرهك ويكره حياته انا مكنتش عارفه اعمل ايه ومكنشى عندى حل غير انى اقبل خطوبه وخلاص وكان فى نيتى افركش واطفش ابن عمى واعترفله انى بحب واحد غيره يمكن يفهمنى وعارفه ان بابا واصل اوى ومش صعبه عنده انه يعمل كده واتخطبت لبن عمى وقولت لحبيبى وهو اكيد كان متعذب بسببى ومش فايده يعمل حاجه وانا كمان كنت بموت من جوايا واعترفت لبن عمى وطلع باااااااااااااااااااارد جداااااااااااا وقالى مش مهم انا هنسهولك انتى ازاى تعرفى واحد مش من مستواكى وحدد مع بابا معاد لى فرحى وكانى مليش لازمه فالحياه وحدد معاد ان فرحى بع شهر واحد وانا حاولت اخرج واقابل خالد عشان اقوله بنفسى ولما قولتله قالى لو اتجوزتى انا هموت نفسى بجد لو بعتى عنى اكتر من كده لانك كل حاجه وانا كنت بمووووووت من جوايااااا وعده الشهر ويوم فرحى مكنتش عارفه اعمل ايه كان تفكيرى اتشل و كنا عاملين الفرح فى الفله بتاعتنا وجالى جواب وانا فى الكوشه مع اسماء صحبتى يوم فرحى من حبيبى كان بيقولى فى الجواب انتى اجمل حاجه ليا فى الدنيا انتى اهلى وحبيبتى وصحبتى وكل شى ليا فالدنيا انتى الهوا الى بتنفسه وقلبى الى بيدق تخيلى لما كل دولت مش هيبقوا معايا يبقى اعيش لمين اتمنالك السعاده من كل قلبى وربنا يسعدك مع جوزك ويقدر يحبك ولو حتى ربع الحب الى انا كنت بحبهولك فاكره لما قولتلك انك عمله زى الدم الى بيجرى فى جسمى لو نقص يجيلى هبوط ولو خلص لازم هموت خااااااالد وانا سبت الفرح وركبت العربيه بتاعتى ولما وصلت بيته يدوبك بالظبط كانت الحته كلها ملمومه وقالو انهم نقله خالد مستشفى الجمعه عشان شرب زجاجه فيها ماده سامه روحت عالمستشفى كان هو ماااااااااااااااااااااااااااااااااااااااااااااااات والفرح كله كان قاعد يدور عليا مشيت بالعربيه وعملت حادثه بس جات سليمه ومش مت بس كانى كنت بتمنى الموت لقيت موس فالمستشفى وقطعت بى شرايينى بس لحقونى فالمستشفى لللاسف بابا قرر انه يفركش فرحى واتخانق مع بن عمى واعتزلى وقالى انه اسف على كل شى بس بعد ايه بعد ما كل حاجه راحت وقالى اى واحد فالدنيا هتقوليلى عيزاااااه انا مش هرفض حد وهجبلك كل حاجه انتى عوزها وهعملك كل شى بس انا كنت تعبانه اوى جوايا وكرهت كل الناس بعد مرور شهور كل أصحابي حاسين إني بقيت واحدة تانية خالص، وكل الناس بتقول لي "إنتي بقيتي غبية أوي أوي.." مابقتش أقعد مع صحابي زي الأول ومابقتش أضحك زي الأول، حاسة إني قفلت من الحياة والدنيا كلها وكل تفكيري الدراسة والكلية وبس. حتى مابقاش يهمني أي إنسان، مابقتش بحب حد خالص، ولم أنسَ الشخص الذي أحبه، أنا لحد دلوقتي حاسة إنه عايش مش مصدقة إنه مات خلاص، أنا عارفة إن كلنا رايحين ومافيش حد باقي غير الله سبحانه وتعالى، أنا مش عارفة أنا اتغيرت فعلا من الحوار ده ولا فترة وهتعدي ولا أنا بقيت كده ولا إيه. اللي تاعبني كلام الناس وإصرارهم إني بقيت واحدة تانية خالص وأما أسأل إزاي، يقولوا كده مش عارفين بس بقيتي غريبة، وشكرا جزيلا. |
و الله مش عارف اقولك ايه يعني قصة و لا في الافلام مش عارف احنا ليه مجتمع معقد و بيحب يطمس المرأة حتى مش يديها حق اختيار الزوج ! عموما اللي حصل حصل و ربنا يتولاه برحمته الموضوع هيبقى صدمة ليكي و طبيعي هيغير من حياتك لفترة مش بسيطة بس لازم تتأقلمي مع حياتك الجديدة حاولي تمارسي نشاطات تغير من نمط حياتك و ربنا هيعوضك ان شاء الله ناس كتير بتحلم بالغنا و المال..مش عارفين ان مافيش انسان مش مهموم في حياته مهما كانت حجم ثرواته بالتوفيق ليكي و نتمنالك مستقبل افضل .. |
انا حاسس اني بشوف قصه في عالم الخيال معقوله في ناس في الدنيا كده اولا الحب ميعرفش غني ولا فقير الحب لما يكون صافي ومن القلب بيكون اجمل شي في الدنيا علي فكره انا مش اول مره اشوف قصه زي دي نفس القصه دي تقريبا عند عضوه هنا في المنتدي وغصو عليها انها تنخطب لواحد غير اللي بيحبه علشان فقير وكانت النتيجه انه حياتها كلها اتحطمط وقاعد لدلوقتي من غير جواز انتي عندك اكتر من مشكله في وقت واحد اولا ان انتي واحيده ومامتك متوفيه ومعندكيش اخوات قريبين منك وان حبيبك اللي كان ممكن يكون ليكي كل شي حرموكي منه علشان فقير وولدك اللي حرمك من كل شي علشان الفلوس هيه الفلوس بتجيب الحب ولا بتشتري السعاده!!!!!!!!!! بس اللي اقدر اقولك عليه انك تحولي تنسي كل اللي فات علشان تقدري تعيشي حياتك اللي جايه وكفايه اللي حصل في حياتي اللي فاتت ربنا معاكي |
والله انا قرات حكايتك وعيط بجد انتى قصرتى فيا اوى معلشى مش كل حاجه بنتمنها فالدنيا دى بتكون لينا حاولى تشغلى نفسك باى حاجه عشان مش تموتى وانتى عايشه |
حاسة اني بقرأ مسلسل ماكنتش متوقعة ان فيه كده بيحصل بجد ,, ادعيله بالرحمة دايما واكيد انك مش هتنسي اللي حصل بس اعرفي أن الدنيا مابتقفش على حد : ( الحياة هتستمر وكل حاجة حاولي انك تكملي حياتك وتبصي لبكرة وان شاء الله ربنا هيعوضك عاللي عشتيه ,, وماتهتميش بالناس ولا كلامهم لان ماحدش هيحس بيكي إلا اللي حصله اللي حصلك .. ربنا معاكي ويعوضك بخير يارب |
والله حكايه ولا فى الافلام بجد زمن قاسى اوى انا دموعى نزلت حسيت بالى جواكى اوى وكانى كنت معاكى وشوفت كل شى بعيونى معلش يحبيبتى حاولى تشغلى نفسك فعلا باى شى عشان تعرفى تعيشى انتى جواكى جرح كبيير اوى ربنا معاكى وانشاء الله ربنا هيعوضك بجد كلنا اخواتك |
معاكي حق فعلا في ناس كتير بتفكر بالتفككير الغبي دا ولكن للاسف بعد فوات الاوان بعرفوا انهم ظلمه ولكن الان كل شئ انتهي ولكن خلي املك بالله كبير ودايما ادعيله ليغفر الله عنه عما فعله وان شاء الله تتجمعوا في جنه الفردوس الاعلي وربنا يرحمه ويحسن اليه |
اكتر حاجة بيحبها الانسان انة يحقق احلامة لانه بيربط بينها وبين سعادتة ولكن هناك قسوة ظاهرة زى ما حصل من والدك ولكن؟بعد فوات الاوان حاول ان يتدراك ويصلح ما افسدة ولكن للقدر تدخل هل ان واحد على قد حالة حب واحدة وطلعت غنية يبقى بيحبها على شان فلوسها هناك اناس نفسهم متعففة ويبنون حياتهم بأيديهم المهم ربنا يرحمة برحمتة ودى تجربة علمتك متقفيش عندها وانتى لسة صغيرة مارسى حياتك ولا تجعلى كل وقتك فى تفكير وتذكر ما فات لأنها حتزنك أكتر وأكتر وأن شاء الله ربنا يوفقك بحياتك |
مش عارفه بس ايه الزمن الوحش الى احنا عايشيين فى ده لا حولا ولا قوة الا بالله ربنا يصبرك على الى انتى فى والله يرحمه ويغفرله مفيش حد قادر يفهم ان الفلوس دى متسويش شى قصاد الحب وسعادة النفس وان الفلوس مش كل حاجه وباباكى دوت قلبه قاسى اوى عشان ظلم حبيبك ومتاكدشى انه غلط غير لما مات وكان عاوز يصلح غلطه بس بعد فواات الاوان وانتى كمان كنتى هتضيعى حاولى تتاقلمى وتشغلى نفسك بدراستك وكل الى ممكن اقولهولك ربنا يسعد ويوفقك ويعوضك بكل شى انتى فقدتيه بدعيلك من كل قلبى دعوت اخت بجد |
بجد مش عارفه اقولكم ايه شكرا جدا لكل حد حس بيا بجد وحس بالى انا فى وربنا يقدرنى واحاول انسى واتعامل بشكركم كلكم |
| الساعة الآن 05:23 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب