|
الغيره في الحب صباحكم بيغني انهرده جيبلكم حاجه خفيفه بس صعبه اوي وملهاش حل تقريبا الغيره في الحب دلوقتي ان شايف حبيبتك بتهزر مع كزا وكزا وانت واقف هل هتتفرج !! هل هتعيب وهتيجي علي الي بيهزر معاها ولا مع الي سامحه انهم يهزروا معاها اصلا !! ينفع ناس تفهمها غلط وتقول انت بتبحبنيش !! عاوز اراكم بقي تحياتي |
مش حكاية مبتحبنيش وبتاع لكن هي كده مش عاملة لحبيبها احترام او خطيبها بقى او زوجها مهما كان مينفعش تروح تقف ومع واحد وتهزر معاه وانت كمان واقف معاهم يعني اتنين رجالة وهي الست حبيبها وواحد غريب وبتهزر معاه والتاني واقف ! :d انا بهدي النفوس ههههههه |
الغيرة مطلوبة لكن لو زيادة بتخنق فى نوعين من البنات فى بنات تتعمد انها تخليك تغير يعنى بتعمل حاجات عشان تشوف الغيرة فى عينيك حاجات عادية مش افورةيعنى او تقولك اى حاجة وهى مش حصلت عشان تشوف رد فعلك وبعد لما تشوف الغيرة تقولك ادة انت زعلت لالا بهزر:04: .وفى بنات بتتصرف عادى والنوعين موجودين خصوصا النوع الاول .انت دلوقتى بتتكلم فى نقطة معينة اللى هى لو شايف حبيبتك بتهزر مع دة ودة وانت واقف بتتفرج!!!! طب تيجى ازاى مش ابقى راجل بقا :24::24: لا طبعا مش هسمح بكدة وطبعا هعيب عليها مش هى اللى سمحت بكدة ودة معايا مش هيحصل احنا رجالة اوى يعنى :113: بس انا مش فهمت اخر سطر )))) يعنى دى نفع ناس تفهمها غلط وتقول انت بتبحبنيش !! |
لآ غــَلط جدآ .. أصل هــَى لـو حبتـَه ، هتـشـَوفه كل حيـــَآتهـآ ومش هتهــَزر مع حــَد خـــَآلص .. وكمــَآن الغيـــَره بتكـــَون 80% من الحـــَب .. يعــنَـي من حقـــَه جــَدآ إنــَه يغيــَر بس يفــَهم منههــآ و متٌــوصلش لغَـــيره لــٍ قلـَه ثــقهه !! وكمــَآن أنا بستــَغرب جــَدآ عــَن النـــَآس إللي يقـــَولـوآ الغيــَره قــله ثقـــَه بـآالنــفس ، تحـــَس إنههم حيـوآنــَآت بجســَم بشََـر .. :@ @ والغيــَره بـــَرضو أسـآسههـآ الاحتــَرآآم .. ومـوضوعك حــَلو أوى عشـآن الغيــَره ددي للى بيقــَول عليهــآ وحشـه بتنـرفزنى :@ تســَلم إيدكـ ^^ |
اعجبنى رد المشرفه (Celiηα ) رد ممتاز اضيف انه لازم الشخص يكون ليها حبيب وتحس انه صديقها اااحترامه لها سيزيد من احترامها له فلن تنظر الا له فقط |
آهـ يـا عم غيرهـ فـ الحب هع هع هو دهـ اصلاً طبع رخم فيكوا -_- بس المفروض تسيبها تتدلع شوية عليك :d وانت اعمل انك بقي بتغير عليها بس مش اكتر هو احنا بنكون عايزين نتأكدة من حبكوا مش اكتر زي ما احمد قال ^^ والبنت المفروض لو عارفة ان طبع حبيبها غيور مش كانت تعمل كدة |
هو موضوع مهم فعلا .. ولكن مش عايزين ندى لكل موضوع اكبر من حقه الطبيعي .. بمعنى ايه ؟ بمعنى ان دا بيختلف من هزار لهزار .. يعنى لازم يكون فى حدود ومنتخطيهاش .. فى هزار بكلمه خفيفه بتُقابل بابتسامه ايضا خفيفه او حتى ضحكه .. انما الهزار اللى انت تقصده زى اللى جه فى قصتك بتاعت السيناريست فى مشهد التاكسى فا دا قله ادب وقله حياء .. لان الهزار اللى بيبتدى بالإيد الطرف الاخر بيُبادله ايضا بالإيد وهكذا .. فا هنا مفيش حدود اصلا فا بتوصل لحاجات مش كويسه .. وهنا بقى المُحب او الحبيب له الحق انه يزعل وبتوصل هنا لمشكله كبيره .. وممكن العلاقه تنتهى .. ومن اجل ايه ؟؟ .. من اجل هزار مالوش لزمه اساسا .. وفى نقطه او ملحوظه هامه جدا .. ان لو حبيبتك بتحترمك وبتقدر مشاعرك .. عمرها ما هتهزر مع حد على الاقل قدامك .. لان هيا مش هتقبل انك تهزر مع البنات قدامها او حتى من وراها .. |
هو شور الغيره مطلوبه ف الحب ومن غيرها ملهاش طعم بس لما بتزيد بتبقي حاجه وحشه يعني وبعدين الوحده المفروض متسمحش لي نفسها ازا كان هيا بقي بتحب مخطوبه متجوزه انها تقف مع واحد لمجرد انوه زميل بس لغرض انها تتدايق حببها يعني بس ممكن الظروف تجبرنا اننا نق مع واحد مش عشان حاجه يعني ممكن مثلا زميلي ف الجامعه باخد منه حاجات كده يعني موضوع مهم تسلم ايدك تقبل مروري تحياااتي |
عايزة أقول كلمة ..... الموضوع مش موضوع غيرة هنا لا الموضوع موضوع ان كل الأخلاقيات أصبحنا نستهين بيها ونتعامل معها بإهمال ونصبغها بكلمة حقيرة جدا وهى ......( عادي ) عادي دي اللي موديانا فى ستييييييين داهية لان هنا مش مفروض ابدا يكون في مد إيد بين البنت والولد سواء بئا خطيبها معاها ولا مش معاها ... ده أولا ثانيا .... إثارة الغيرة مايكون بالشكل المقزز ده مش بالتساهل والتهريج مع الآخرين معلش لو كلامي حاد ,,,, بس والله والله لو نبطل كلمة عادي ونشوف الأمور بمنظور الجد شوية هنكتشف حجات كتير أوي حلوة فى نفسنا وهتتصلح جوانا أخلاقيات كتيييييييييييييير ويمكن ربنا يرضى عننا ساعتها ونفووووق شكرا لك محمود لقوة الموضوع |
الظاهر الايام دي لازم الواحد يعمل ضبط نفس في العلاقات مش عارفة ايه الحكمة من ان واحد مرتبط او واحدة مرتبطة تعمل حاجات خارج حدود السلوك والمتعارف عليه هنستفيد ايه خفة دم مثلا؟ Show مثلا ؟ مالهاش اي مسمى غير قلة احترام لاخر وتهاون مالوش اي لزمة |
| الساعة الآن 04:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب