تخين ولا عامل رجيم http://3.bp.blogspot.com/-oGpuzpTSNX...320/0-0-0-.jpg اكتر حاجة تشيلني انك تكون عازم حد ع الغدا او عشا ويوافق ولما تيجي تقولو اتفضل يقولك عامل رجيم ؟ طب السؤال الي بيطرح نفسو هو انت مش عارف انك معزوم مثلا؟ كان ممكن تعتذر بكل ادب ولا تروح وتعمل فيها انسان صحي في وقت مش طالبك خالص الموقف - ومش بس كدا دا طبعا نموذج تقريبا كل شوية تسمع فلان عامل رجيم - تفتح التلفزيون مفيش برنامج مش بيتكلم عن السمنة :)) ونصائح ووصفات ورياضة تقريبا هو موضوع مش بيخلص خالص وكل قناة بتتكلم فيه دا غير الناس الي حواليك بقو كلهم اطباء وبيعرفو في الصحة شيء جميل انك تعرف صحتك طالبة ايه وتاكل ايه وتقلل من ايه بس النقطة الي حابة احط صباعي عليها هي ( انت تخين ) كلمة تخنق اي حد وكلمة عيب اوي محدش تخين بمزاجو وحتى لو تخين بمزاجو هو مش بياكل من طبقك فعيب اوي نبص للناس دي ع انها خوارق بشرية جاية من كوكب تاني عيب نحرجهم بالنظرة والكلمة عمرك سالت نفسك لو انت بني ادم يعني ( الي قدامك شعورو ايه وبيعمل فيه ايه الكلام دا او البصة دي) - في كلام يتقال وكلام لازم يبقى جواك مش اي حاجة تتقال للي قدامنا نفسي نتعلم حاجة واحدة بس ( نخلينا في حالنا ) والي متقبلوش عليك مترضوش لغيرك ولا ايه؟ - ايميليا |
صح أوى ,, فكرتيني بفيلم إكس لآرج ،، لمـآ كـآن كل مـآ يشـوفه يقـوله يـ تخيييـن ^^ طب قوليلهم نفـس الكـلآم ع الرفـيعين والنبي ^^ بيـزلونى ف كل مكان :( طـريقتك حلوة ^^ ، تسـلمي :) |
معاكي حق لازم نراعي شعور الغير |
عباراتك أستقرت فى نفوسنا بكل إطمئنان شكراً لكِ على هذا الرقى أداءً وأسلوباً وصياغة |
اقتباس:
الرفيعين اوي يعني ممكن يتعرضو لسخرية بردو من الي حواليهم والقصير والطويل الناس بتتريق ع اي حد في اي حاجة المهم يطلعو عقدهم الي فيهم في غيرهم منوراني |
اقتباس:
لازم نكون مؤدبين كمان منوراني |
اقتباس:
الف شكر ليك انت نشيد |
بتبقى خفة دم زايدة كتيــر ^^ حتى كلمة تخييين مش حلووة .. فيها ايه مليانة حبة ؟ و معظم المليانين بيكون من ادوية حساسية كتيــر ف مش تتريق ع حاجة ربنا ارادها علشان مش تحصل فيك بعد كدة بس هو زى ما تقولى بقى عادة فينا .. مينفعش نلاقى حاجة غير اما نتريق عليها :) عاوزين رسترة تفكير مش اكتر ^^ جميــل منك تسلم إيدك :) |
اقتباس:
فعلا عايزين رسترة تفكير وانتي الصادقة منوراني |
الساعة الآن 02:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب