|
معارضة لقصيدة المبدعة الرائعة قيثارة الصمت ( ما بين العدس والممبار ) مالُه الْعدْس أو الْمُمبار ولَمُون مِتْخَلِّلْ وخْيار ياوْلِيّه ارْحَمِي رُوحِك وانْسي سِيرْةِ اللّحْمَه ولَوْ بِهْزار أحلِف بسماها وبترابها أهرب م البيت ليل ونهار وأسيبِكْ للْمِشْ ابُو دُودُهْ ياكْلِكْ أوْ تاكْلِيه يا قِيثار واوْعِي يِجِيلْنا ضْيُوفْ مِنْ أَهْلِكْ راحْ اكَشَّرْ على طُول وانْهار واضرب بوز مترين وتلاته واعمل إني عبيط وحمار أَطْفِي النّور ولا يعرفوا ياكْلوا والْجَوّ يْوَلَّعْ هِنا نار واقفل مَحْبس حتّى المَيَّه واقْطَعْها عن كلّ الدار وبْكِده أَضْمَنْ إنّْ هَيِمْشُوا علشان البِيبِّيهْ غَدَّار هُوّا انا ناقِصْ أَهْلِكْ ياخْتي ييجُو وياكْلولْنا الممبار ما كْفَايَهْ بتاكْلي كام طَقَّهْ في الْيُوم وانا اقُولْ يا ستَّار هَتَاكُلْنا وكمان بِتْحَلِّي بَعْد الأكْل بْ شاي وفْشار هَتْقُولِي وأَهْلَكْ راح اقُولِّكْ لأْ أَهْلِي زَيِّي شُطَّار ★★★★★★★★ بقلمي أحمـــ الجمل ـــد |
ايه حكاية الممبار معاكم يا سلام على المواهب والبخل بان اهو بسبب الممبار ^ــــ^ جميل اوي الحلمنتيشي ده وحكاية البخل الخنيق اوي ده كنت هنا روني ..~ |
هههههههههههههههههههههه لا بجد تحفه ماشاء الله عليك استاذ احمد قصيده حلمنتشيه ميه ميه وطلعت قيثاره هيا المفتريه بجد روووووووعه وشرف كبير ان حضرتك تكتب معارضه لحرفى المتواضع تسلم ايدك ويدوم ابداعك الجميل تقديرى ونجومى |
هههههههههههههههههههههههههههههههههه هههههههههههههههههههههههه قيثارة الصمت تيب دى عسوله تبقى بخيل معها ياابو الكرم كله جميله جدا يااحمد تسلم تحياتى ليك |
هههههه لاانا لازم اخد دروس تقويه فى الحلمنتيشي وكمان فى المبمبار من احمد الجمل وقيثار يسلام عليك والله مبدع |
معارضه جميله يا سيدى اتحفنا بجميل نثرك انتظرك فى كل صفحه سلمت يدك |
اقتباس:
ثانيا ؛ البركة في روعة قيثارة وجمال قصيدتها اللي استفزت قلمي جدا وخلتني أكتب القصيدة دي وانا منتظر رائعتك اللي هنفتح بيها تجربة الدويتو إن شاء الله ألف شكر روني |
اقتباس:
وكان لا بد انه يستفز كل الأقلام إما بالسجال أو بالمعارضة يعني الفضل كله ليكي انتي وبجد روحكم الحلوة هنا حببتني أكتر في العامية وبقيت متابع دائم للقسم ربنا يجعل كل أيامكم فرح وسعادة وأشكرك على رقتك وذوقك وكرم أخلاقك |
اقتباس:
بخيل ؟؟؟!!! كل ده وبخيل ؟؟ عدس وممبار ومِشْ وشاي وفشار وكل ده بخيل ؟؟ حرام عليكي ؛ دا تبذير ههههههههه لكن يالله مش مشكلة الواحد مش عارف يعمل أيه في كرمه الزيادة أوي ده ^_^ أشكرك أختي الفاضلة على هذه المشاركة الرائعة تحيتي وتقديري |
اقتباس:
شهادة أعتز بها جدا من مبدعة رائعة أنا أول المعجبين بها ف شكرا من القلب وتقبلي كل تقديري واحترامي وخالص مودتي |
اقتباس:
وأشكر لك مرورك العطر ومشاركتك التي سعدت بها كثيرا بارك الله فيك وشكر الله لك |
دا تبذير ههههههههههههههه اه واضح الواحد مش عارف يعمل أيه في كرمه الزيادة أوي ده ^_^ لا اكتر من كده كرم ماشفتش هههههههههههههههههه انت عسل والله لو فى حد كده كانت تبقى مصيبه ههههههههههه |
اقتباس:
طبعا فيه حد واتنين وتلات كمان دا الراجل ده رحمة والله أنا عاشرت ناس البخل فيهم حرفة وفن وممكن يخلوكي تفقدي أعصابك من غباوة بخلهم ^_^ أشكرك أختي الفاضلة |
ممبار وفشـار وشاي ومِش بدوده كمان ماشاء الله حلمنتيشيه جميله أبدعت أحمد عجبتني جدا عاميتك تسلم ايدك |
ههههههههههههههههههههههه منك لله ياجبل ههههههههههه قبل ماحد يقولها اهوووووووو بجد بجد تحفة فنية ماشاء الله أضحك الله سنك أستاذنا الراقي فكرتوني بغنوة لفؤاد المهندس (عاملين لنا وزة بالخلطة وبفتيك وصينية مكرونة ....بس !! وخضار صنفين وكباب حلة وضلمة باللحمة المفرومة...بس!! ) هههههههههه جوعتووووونا تسلم الايادي بجد تجربة جميلة جدا تحيتي للجميع من القلب |
اقتباس:
وأهلا ومرحبا بك أختي الفاضلة ربنا يعزك ويرفع قدرك أسعدني كثيرا أن راقت لك القصيدة وأشكرك جزيل الشكر على تشريفك لمتصفحي وعلى مشاركتك التي أسعدتني كثيرا بارك الله فيك وشكر الله لك |
يا لهوي ايه البخل ده بس عندك حق برضو ماله العدس والممبار فله والله حد طايل ههههههههههههههههههه معارضه جميييييله جدا تسلم ايدك تقيمي |
اقتباس:
جوعتونا ؟؟؟ أضحك الله سنك أختي الفاضلة مِش بدوووووده وممبار وعدس يعني الدنيا ضلمة وتقريبا كده ليلة سودا ، وتقولي جعتي ؟؟؟!!!:11: :109: ،،،، أنا بأه بقول ربنا يخليكي يا جبل ويسعدك ويهنيكي لأنك أتحتي لينا فرصة جميلة نتبارى فيها بالعامية اللي ريحة مطبخها طلعت على الجيران في قسم الإبداعات وقسم الشعر والخواطر ، وسمعت عند جيران الجيران في الأقسام التانية :04: كل الشكر أختي الفاضلة على مشاركتك الرائعة التي أسعدتني كثيرا تحيتي ومودتي ودمت في أمان الله |
اقتباس:
أول ما وقعت عيني على كلمة يا لهوي ، مت من الضحك والله ربنا يسعدك ويهنيكي وقلت عندها حق والله أكيد بتقول يا لهوي على سذاجتي وكرمي اللي مالوش حدود ده :24: وطبعا كله طمعان دلوقتي في الكرم ده وبيحلم بالمش أبو دوده والعدس والممبار :04: سعدت كثيرا بمرورك العطر أختي الفاضلة وأشكرك من قلبي على رقة مشاركتك وخفة دمها |
| الساعة الآن 01:47 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب