طقطوقة ورا طقطوقة والحساب يجمع ساعات الحزن ... بتجمع كل ... الدموع أنات ... وساعات الفرح ... بتلمع ... فى ... عيون النظرات ... وساعات الخوف ... بتسمع ... دبة ... النملات ... وساعات الشوق ... ساعات ... الرايح فيها ... آت ... ::::::::::: كل يوم ياغريب ... بيفوت ... شمعه ... نورها بينطفى ... كل يوم فينا ... حاجه بتموت ... واجمل مفينا ... بيختفى ... كل يوم بندبل ... اكتر ... كل يوم ... بيسبنا اكبر ... وانت ياغريب ... مبتكتفى ... :::::::::::: ليله والتانيه سهرتها ... والتالته ... قولت اعديها ... والرابعه ... تعبت منها ... والخامسه ... فاضت من فيها ... وقالتلى ... ايه حسبتها ... قولتلها ... ومين ... فكر فيها ... نظره عاشتنى ... وعشتها ... وعدت ... زى اللى قبليها ... تسهرنى انا ... انا اللى سهرت النجوم ... تبكى على خد بعضيها ... وعلمتها العوم ... اغرق انا فيها ... :::::::::::: مش هقولها حتى لو سبقنى قولها مش هقولها ... الا لما يبقى نورها ... فى عرض ... ايامى ... وطولها ... واحسها فى دمى ... ونبضها يعلى ... فوق همى ... واحبها اكتر ... من ذاتى ... واشتاق لها ... فى كل حالاتى ... والاقينى ... بقولها ... فتحى عيسى |
الله الله الله روووعة الفكرة أستاذنا والله ليتك تفرد لنا معنى وشرح للطقطوقة ونكون لك من الشاكرين جدا جدا وننتظر نزف قلمك وحرفك دائماً تحيتي لك وكل التقدير |
كلمات رائعه اخى مبدع فى كل مجالات الكتابه تسلم يارب ويدوم تواجدك الراقى |
اقتباس:
وبتشريفك المتميز دوما بشفيفه العفوي الكريم والتفاعل النقي بنقاء الروح أن لفط الطقطوقة أصله «قطقوطة»، ويراد بها الشيء الصغير وفي اللغة العربية معناها الأهزوجة تمتاز الطقطوقة عموماً بسهولة الألحان وبساطة الكلمات وهي زجلية أكثر وهذة لمحة عن تاريخها إقتباس وهي نظم من الزجل عالجه عدد من الشعراء أمثال بديع خيري، وبيرم التونسي، وأحمد رامي، وحوّله الموسيقار زكريا أحمد إلى غناء في الثلاثينيات من القرن المنصرم. ويمكننا القول أنه من أهم الطقطوقات التي لحنها الشيخ زكريا أحمد "جمالك ربنا يزيدو"، و"ليه عزيز دمعي تذله"، و"اللي حبّك يا هناه"، وأشهر هذه الطقاطيق على الإطلاق "غني لي شوي شوي" التي غنتها أم كلثوم في فيلم "سلامة" عام 1944. بعدها عمد زكريا أحمد إلى تطوير الطقطوقة فجعلها قريبة من المونولوج من حيث اللحن كما فعل بطقطوقة "حبيبي يسعد أوقاته". لم يتوقف زكريا في عمليات تطوير وجعلها سهلة التداول بين الجمهور، فاقترب بها من المنولوج لحناً، لتصبح الطقطوطة من أنجح الأشكال الموسيقية في عصر الأربعينات». إنتهي الإقتباس شكرا لشخصك الكريم بوركتِ مودتي وإحترامي |
طقطوقة جميلة وتشبية جميل منك بكلمات عامية جميل كلمات من قلم جميل كن بخير دوما |
ماشاء الله مبدع فى كل الوان الكتابه مبدع فى نثر الاحاسيس بحروف من نور راقى حقا استاذى الكريم سلمت وسلم مداد قلمك دائما تقديرى وشكرى |
اقتباس:
وتفاعلك الراقي دوما بشفيفه الجميل بوركتِ مودتي وإحترامي |
اقتباس:
بروحة العطرة وذوقك الكريم بوركت مودتي وإحترامي |
اقتباس:
وبتشريفك الوارف بأناقة حرفه ومداده الجميل والتفاعل النقي بنقاء الروح والذوق الكريم شكرا لكِ بوركتِ مودتي وإحترامي |
كل مقطع فيه يكون مكتمل بنفسه حلوة كتير ماشاالله .. الله يعطي حضرتك العافية .. تقييمي .. |
جميله قوى والشرح كمان اجمل تسلم ايدك |
اقتباس:
وتفاعلك الراقي برقي شخصك وذوقك العاطر الكريم بوركتِ مودتي وإحترامي |
زى مانكون مش بتوعنا ... وقلوبنا ديه ايجار ... والدم اللى فى عروقنا ... ماشى عكس التيار ... بناكل فى لحمنا ... وبنعزم عليه الجار ... مبقتش حاجه تهمنا ... الا الدولار ... بنزرع رمل حصاوينا ... فى عيون النهار ... بندفن كل يوم قيمه ... وبنهدم فنار ... بنخلق طينه وعجينه ... من سماد النار ... |
على كل موجه ... ركبت ... وعلى كل جناح... طيار ... لاعمرى ابدا ... وصلت ... ولا طلع ... عليا نهار ... رجعت ادور... فى دفاترى ... عن امل ... يرد اعتبار ... عن صاحب ... يرد غيبتى ... عن جار ... لساه ماجار ... لقيتنى ... بحفر فى الميه ... وبكنس ... فى النار ... وبشترى ... دمع عنيه ... من كل مطار ... |
فين الناس يخسارة القلوب الجميلة |
الحذر يا أهل العلم ... والحلم والنظر ... مصر فى خطر ... جواها صدع من البشر ... أختصر ... كل المسافات ... وكشافات الأثر ... وأحتكر السماوات ... وعدادات المطر ... وبناله صرح ... فوق كل جرح ... وكل وهم أبتكر ... الحذر ياأهل مصر ... عمرنا فى خطر ... أخلاقنا فى خطر ... الذمه مرهونه ... الكلمه مقسومه ... والقلوب حجر ... |
اكتب ياقلم ... وحط النقط ... على كل حرف من الألم ... اكتب خلاص ... مبقتش اخاف ... مبقتش احس بالألم ... اكتب ع البيبان ... وفى وسط الميدان ... اصرخ ياقلم ... راح فين الأمان ... ياصاحبى والخلان ... راحت فين الذمم ... والعشره يا انسان ... والحب بتاع زمان ... راحت فين القيم ... اكتب خلاص مبقتش ... اخاف ... مبقتش احس بالألم ... اكتب ودوس عالألم ... يمكن يصحينا ندم ... يمكن يحركنا شعور ... يارب ما يكون ... انعدم ... يارب ... |
معدش يساع بقى قلبى لقا ووداع ولا عادت آحاسيسى تلم شراع ولا دمعى بقى يبكى ولا فرحى بقى سماع ولا جد ف جديد عيدى ولا طعمه بقى متاع خمود الشمس فى جليدى طفاها شعاع سجين قيدى وحيدى اللى رمانى وضاع معدش يساع بقى قلبى لقا ووداع ولا باقى من أوراقى خضار ينباع على بابى وقف جابى عيونه وساع جمع ماضى بحاضر ماضى شياع وضاع العمر ياعمرى ف لقا ووداع |
هنينى بقربك هنينى وبعطف حنانك أروينى خبينى منى يا عيونى ودارينى من أمس جنونى من صبح هوايا المحروم من برد أنينى غطينى ريحنى من أهى وليلى ودموعى اللى جرحت عينى نسينى عمرى اللى راح ياحبيبى ياما نفسى ارتاح على صدرك وأغمض عينى ولا أسمع غيرك ينادينى هنينى بقربك هنينى وبعطف حنانك أروينى |
نرجع ونقول فين الناس الحلوة |
هيا خلصت خلاص تاعبين روحكوا علي الفاضي اللعبة ظهرت والناس كرهت سيرتكم وسيرة اللي منكم وبسببكم كرهت كل الماضي |
الساعة الآن 12:18 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب