منتديات بنات مصر - انقلاب على اداره المنتدى

منتديات بنات مصر (https://forums.banatmasr.net/)

- خزعبلات الأعضاء (https://forums.banatmasr.net/f190/)

- - انقلاب على اداره المنتدى (https://forums.banatmasr.net/msryat445904/)

انقلاب على اداره المنتدى

اجتاز المنتدى فترة عصيبة في تاريخه الأخير من الخمول وقله النشاط واحتقار الاستضافات على الاداريين فقط ( # ياسر استايل ) . وقد كان لكل هذه العوامل تأثير كبير على الاعضاء النشطاء الذين لم يجدوا عدد ردود كافى على مواضيعهم مما اصابهم بالاحباط ؛ وتسببت الاداره الحاليه فى كل هذه العوامل.
وعلى ذلك فقد قمنا بتطهير أنفسنا باستخدام ديتول وتولى أمرنا في داخل المنتدى رجال لا نثق في قدرتهم على اداره المنتدى ولا يعرفوا اى شيىء عن الاداره ؛ ولابد أن الاعضاء كلهم ستتلقى هذا الخبر بالحزن والشاؤم . واما عن الاداره السابقة فسوف نقوم بعزلهم من مناصبهم وترك طارق ( سيلفر سبيكترا ) فقط لغير حتى نتعلم منه طريقة الاداره وبعد ذلك سوف يعفى من منصبه الجديد ( مستشار المدير )

وإني أؤكد للاعضاء أن الاداره الجديده سوف تعمل فى ظل قوانين المنتدى الجديدة

1- دمج جميع الاقسام الحصريه فى قسم واحد تحت مسمى ( حصرى ) وسوف يشمل النقاش والاقلام والهوايات ( فوتو وفلاش )
2- دمج الاقسام المنقوله فى قسم واحد تحت مسمى منقول ( الاسلامى والعام )
3- الغاء قسم الخزعبلات لانه يدعو الاعضاء للتهيس وهما مهيسين من غير حاجة
4- الغاء قسم الحياة الزوجيه لانه بيفتح عين الاعضاء على حاجات غير كده انا بخجل من اسماء المواضيع ؛ غير كده نسبه العنوسه بقت كبيره فى مصر

5- الغاء قسم الحياة البريه لاننا الحيوانات انقرضت ومعندناش حياة بريه فى مصر
6- الغاء الاقسام الرياضيه حتى عودة الدورى العام سنه 2100
7- الغاء قسم الشخصيات التاريخيه لان الناس بقت مثلها الاعلى لاعبى الكره والمغنيين
8- الغاء قسم صفحات مكشوفه لان فى اعضاء معتكفه فيه وانا خايف عليهم من الوحدة والانطوائيه والعزله لانها بتسبب حاجات مش حلوة
9- اى عضو هيقول رأيه سوف يتم حظره
10- اى عضو هيجيب سيرة الاداره سوف يتم حظره
11- منح العضو عاشق متيم ( 100 الف مشاركة ) علشان الماجيك مش يحصلنى
ومنحه ( نجمة جولديه ) نجمة جولديه = 100000 نجمة سيلفريه
12- تغيرر اسم لوحة تحكم الاداره من النسخة الماسيه الى النسخة الجولديه
13- الغاء بقيه اقسام المنتدى لانها عامله زحمة على الفاضى
14- اعفاء جميع المراقبين من مناصبهم لاننا مش فى حاجة لهم هما قسمين بس فى المنتدى وهنحظر نص الاعضاء
15- الغاء اعتماد المواضيع الحصريه

كفايه كده علشان نسيت باقى المواد

هههههه
وطيب وانا هاتعملوا فيا ايه حرام عليكوا انا ورايا مصاريف
وهاتدمج الاقسام والله تريحهم
والحياه البريه اصلا الحيوانات بتنتحر فمالوش لازمه
احسن حل للتوبيك ده نعينك انت اداره
واهو يبقى جيبته لنفسك وتتحمل نتيجة افكارك :)

آنت مشرف أنقلابي هههههههههههه

دمك مهدور يا عاشق

حلو التهييس

طب انا عندي استعداد للتنحي
و نحطك اداري يا عم .و الله بتكلم جد
بس هقرفك بقى انتقادات زي الاخوان كدا هههههههههههه

ههههههههههههههههههههههه لاء لاء لا يجوز الخروج على الحاكم

احنا ملزمين نتحمل القهر والعنف والسيطره بتاعت الادراه حتى يأتى الفرج من عند الله

ونتحمل انحيازهم لطرف معين وقهر الطرف الاخر (#مقصوده لطارق :p)

انما خروج على الحاكم ينفعش

ههههههههه ايه البيان الجامد ده
بحب أنا الانقلآبات والحاجات اللى فيها هيصه دي :18:
بس سامعه حد بيجيب سيره صفحات مكشوفه :20:
خاف على نفسك بقى يا أخ عشان انت كده جيت فى المنطقه الخطر:18:

أخرالمواد الغاء المنتدى وتريح الكل:24:

طارق وربنا غلبان ع االاخر ههههههه

بس احلى حاجه أنك هضم الخواطر ف الحصريات

والحق هيرجع لصحابه:18:

وبلاش تحضر عاشقه الهدوء الاِ قسمها:11:

وخلى الصفحات ده بلاكونه بتنا اللى بنتنفس منها:24:

تهيس وانقلاب جامد طحن وربنا يعينك ع باقى

المواد روفعت الجلسه لحين النظر ف الدعوه الانقلابيه:24:

( # ياسر استايل )
اشمعنى يعنى ؟
مش فاهم تقصد ايه بالظبط
وليه ياسر يعنى بالخصوص

اقتباس:

المشاركة الأصلية كتبت بواسطة احساسى صحيح (Post 4267468)

( # ياسر استايل )
اشمعنى يعنى ؟
مش فاهم تقصد ايه بالظبط
وليه ياسر يعنى بالخصوص

انت قلت قبل كده ان الاستضافات مقتصره على الاداريين فانا كررتها على لسانك
ولو مضايقاك او مش عاجباك احذفها لك مفيش مشكله خالص

اه فهمت
لا عادى يعم خليها مفيش مشكله
تسلم على مجهودك