|
لازم تفكر كويس بسم الله الرحمن الرحيم وقت الزعل فيه اللى بيتحكم فى اعصابه ويعمل حساب لتاريخ طويل بينه وبين اللى زعلان منه ممكن يبعد شويه عشان مش يدايقه بردة فعله ممكن يقفل اى طريق يوصله ليه عشان مايحصل اى احتكاك يزود المشكله وبعدها احتمال كبير ينسي ويرجع زى الاول ويمكن احسن لان أوقات البعد بيدواى وبيصلح حاجات مابنكون عارفين ندوايها وفيه اللى يبقى زى القطر يدوس على اللى قدامة ويغلط ويجرح ولاكأنه كان يعرفه او بينهم صداقة يحاول بكل الطرق يشوة فيه عشان يبان قد ايه هو حد وحش بيكون فاكر انه خلاص هايمحيه من حياتة ولاهايكون ليه علاقه بيه تانى مافكرش فى يوم ممكن نفسيته تتغير بعد مايهدى ويندم أنه زعله ويرجع يكلمة مافكرش فى حاجات حلوة جمعتهم ببعض مافكرش شكله هايكون ايه قدام الناس اللى غلط فيه معاهم؟ مافكرش فى ربنا وان الظلم ده حاجه كبيره اوى ماينفعش معاها الندم ماافتكرش(الكاظمين الغيظ والعافين عن الناس) ماافتكرش الرسول وصانا بإية وقت الخصام كل الحاجات دى لو مافكرش فيها يفتكر حتى ان ماحدش فيها مخلد وان اللى النهاردة معاك يمكن بكره يودع الدنيا وماتلحق تصلح غلطك فيه وتتمنى يسامحك ياريت كل واحد فينا يقدريكظم غيظه ويعمل حساب لرجعه بينه وبين حد كان فى يوم بيعزه يا رب أخشى أن أموت فجأه دون أن أرتب توبةً في صدري فأحسن خاتمتي و إرحمني و إغفر لي إذا مت دمعه حائره |
لا بد للإنسان أن يكون على ثقة تامة بأن أقواله وأفعاله هي مخزون لما في تفكيره وعقليته من إمور ...فالغضب كالرصاصة إذا خرجت من الصعب إيقافها وستكون نتائجها وخيمة على صاحبها .لذا على الإنسان أن يكون عقلاني ويتحكم في علاقاته بالآخرين وفق معزته لهم وقبل ذلك وفق علاقته بربه ...لنفترض أخطأ صديق بحقك فهل هذا يعني أن العلاقة إنتهت ! هنا يعود لآصالة الإنسان وأخلاقه فالندم توبة وباب الصلح والحب والاخوة لا بد ان يبقى مفتوح للجميع ...لأن ما يجمعكم أكثر بكثير مما يفرقكم . فلا بد أن تحصر العلاقة بالآخرين بعلاقتك بالله وبما دعاك اليه دينك من حب وتقبل واعتذار وعفو ...فما بالك لو لم يكن مخطأ وأنت تظلمه ! وقتها فقط راجع نفسك كثيرا ً قبل فوات الآوان فمن الصعب أن تجد صديق يحبك يسيء لك ولو أخطأ فهذا وارد في كل إنسان لذا فكن فريد من نوعك وإحتضن علاقة كانت لتبقى بينكم كلها مودة واخوة ...عش لله فقط وتصرف مع الناس في اطار ذلك ... فجميل ٌ أن تترك نفسك في قلب صديقك لتحيا حتى بعد رحيلك في قلبه الذي لن ينسااااااك هكذا وفاء الاصدقاء لا يرتبط ببشر بقدر ما يرتبط برب البشر وخالقهم ... وهنا مهما عظمت الامور ستصغر وتبقى للأبد بكل وئام ... منّة موضوع رااااائع جدا ً ومميز ربنا يسعدك دام تميزك |
الله عليكى يامنه والله مافى بعد كلامك كلام اسمحيلى اللزم الصمت هنا لأنى بالفعل عاجزه على الرد ياريت كل الناس تعرف كدا ياريت كل النفوس تتقى الله فى التعامل بينهم البعض ياريت كلنا نتسامح ونعيش اللحظات الى باقيه فى سلام نفسى بقول لحظات لأنها قد تكون أخر ثوانى لنا هنا اللهم راحمنا فأنت بنا راحم |
متميزه وبارعه دائما يادمعه ماشاء الله عليكى كلماتك فى غايه الروعه ماعدا هذا الجزء :- ( وفيه اللى يبقى زى القطر يدوس على اللى قدامة ويغلط ويجرح ولاكأنه كان يعرفه او بينهم صداقة ) مين اللى يجرح حبيبه او يغلط فيه على العام او يذكر مساوئه حتى ؟؟ الخلاف وارد والمشاكل متوقعه فلو كل واحد عمل كده يبقى استحاله اى اتنين هيكملوا مشوارهم مع بعض مشكوره كتير لموضوعاتك القيمه تقبلى تحياتى |
اقتباس:
وهدايه للنفس باى موعظة او حكمه تسلم خالد ربنا يحفظك |
اقتباس:
واى صراع فيها بيكون على الفاضي ربنا يسعدك ياحبيبتى نورتى |
اقتباس:
لكن فى النهايه كل واحد ليه طبع وقدرة تحمل اوقات بتخليه يتصرف كده حتى لو من ورا قلبه وقتها عقله لازم يكون رقيب عليه تسلم اشرف وربنا يوفقك |
للاسف يا منه احنا اتكبرنا اوي في الدنيا على بعض وكمان مش بنسامح بعض اسهل حاجة ممكن نعملها اننا نجرح بعض ومش عارفين ان بعد الجرح ندم بيكون وقتها طريق العودة اتقفل بحواجز من الغلط والسباب والاتهامات من نحن في هذة الدنيا لنحكم على الأخرين هذا صالح وهذا طالح من نحن لنقذف التهم بالغير ولا نعطيه فرصة للدفاع عن نفسه وان حاول دفاعه غير مقبول ببساطة لاننا اقامنا المحكمة وتسرعنا في النطق بالحكم موضوعك جميل يا منة كما عودتنا راقية واكثر دمتِ بود ..~ |
اقتباس:
نورتى رونى |
اعتقد والله يامنة ان الكلمة الي بتخرج في وقت الغضب هي الحقيقة مش بيقولو اذا اردت ان تعرف فلان اجعله يغضب من يتحمل نفسه وقت الغضب يعطي مقدارا قيما من الخلق الطيب وهو الحلم ومن يتسرع ويخرج كلاما جارحا يضع نفسه في صندوق الاخطاء والتراكمات ولا شيء ينسى قبل ان تنطق في موضوع معين وحتى ان كان في اثارة لاعصابك واستفزاز تعلم كيف تتحكم في نفسك لانك ستلومها ان اخطات ومعتقدش حد يقبل ان حد يغلط عليه والي منقبلوش ع نفسنا نتعلم منقبلوش ع غيرنا والله المستعان |
| الساعة الآن 08:11 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب