|
عودة جديدة لبرنامج ask me anything مع عاشق متيم http://forums.banatmisr.com/imgcache/2/33388alsh3er.png السلام عليكم http://forums.banatmisr.com/imgcache/2/51922alsh3er.gif عودة جديدة لبرنامج ask me anything ومعانا عضو رائع بمواضيعة بحبه واحترامه للاعضاء برومانسيته اللى فات الحد معانا عاشق متيم مشرف القسم الأسلامى http://forums.banatmisr.com/images/0.gifhttp://forums.banatmisr.com/images/0.gifhttp://forums.banatmisr.com/images/0.gifhttp://forums.banatmisr.com/images/0.gif http://forums.banatmisr.com/image.ph...ine=1387620576 اهلا بك فى برنامجى المتواضع Ask me anything اهلا بحضرتك وبشكرك على توجيه الدعوة نبدء باسم الله الشخصية من هو عاشق متيم بكلمات بسيطة ؟ صعب جداااا ان الواحد يتكلم عن نفسه ؛ لكن باختصار عاشق انسان بيحب كل الناس معتز بنفسى ما هى احلى صفاتك ؟ مش هينفع اجاوب لان مادح نفسه كاذب كلامك صح ما هى الخطوط الحمراء فى حياة عاشق التى لا يمكن أن يتعدها ؟ قيمى واخلاقى وتعاليم دينى ؛ وبالنسبه للغير انى اجرحهم او أأذى مشاعرهم او اهينهم (ولا تُصَعِّر خدّك للناس ولا تمش في الأرض مرحاًإنّ الله لا يحبّ كلّ مُختال فخور). (لقمان / 18) الغرور : صفه سيئة غالبا ما تكون موجود فى الشباب فترة المراهقة لكن هل لها من علاج ؟ الغرور جهل ومرض وصفة من الصفات المذمومه وان وجدت فى شخص فاعلمى ان الشخص بعيد كل البعد عن ما امرنا به الله وانتى ذكرتى ايه من سوره لقمان وربنا قال فى سوره الاسراء ( ولا تمش فى الارض مرحا انك لن تخرق الارض ولن تبلغ الجبال طولا كل ذلك كان سيئه عند ربك مكروها ) المغرور والمتكبر عقله مفقود لأنه بعجبه وأنفته يرفع الخسيس ويخفض النفيس، كالبحر الخضم تسهل فيه الجواهر والدر، ويطفو فوقه الخشاش والحشاش، أو هو كالميزان يرفع إلى الكفة ما يميل إلى الخفة. المغرور عديم الإحساس، بعيد المشاعر، شقي لا يتعظ بغيره، غير مستحضرٍ أن موطأه قد وطئته قبله آلاف الأقدام وأن من بعده في الانتظار، والغريب والعجيب ان المغرور والمتكبر بينسى او مش واخد باله او لا يعلم انه مهما اعجبتك نفسك أو جاهك أو علمك أو منصبك أو مالك فاعلم أنك لا تمثل في الكون إلا ذرة صغيرة حقيرة تافهة وقد سبقك مليارات أعظم منك في كل شيء ؛ وأنك سوف تُدفن قريباً في التراب وحيداً وتُنسى حتى من قرابتك. ما هى الحياه لا تقف على احد .. وسؤال لاى شخص مغرور ومتكبر ( انت مين وتطلع ايه اصلا ) سيدك النبى عليه الصلاه والسلام كان بينام على حصير ودخل مكه فى الفتح متواضعا ؛ والشخص المغرور لازم يعرف ان الجمل ( حيوان ) اشد كبر منه والطاووس اكتر منه بيمشى مشى المرح المختال وبيتصفح جناحيه فيقهقه ضاحكا لجما سرباله واصابيغ وشاحه ؛ فاذا كنت مغرور فالطاووس والجمل متقدمين عليك !!!!!! واذا كنت فرحان بشكلك وواد امور ؛ لازم تعرف ان جمال الوجه فى قبح نفس كقنديل على قبر مجوسى وهل ينفع الفتيان حسن وجوههم اذا كانت الاخلاق غير حسان ؟؟ الغرور والتكبر ليس لهم علاج الا الرجوع الى الله والالتزام بما امرنا بيه والبعد عما نهانا عنه النبى عليه الصلاة والسلام قال ( من تواضع احد لله الا رفعه الله ) وقال ايضا ( ما من امرىء الا وفى رأسه حكمه ( لجام ) والحكمه بيد ملك ان تواضع قيل للملك ارفع الحكمه ؛ وان اراد ان يرفع قيل للملك ضع الحكمه ) والكبرياء والعظمه لله وحده فى الحديث القدسى ( الكبرياء ردائى ؛ والعظمه ازارى ؛ من نازعنى واحد منهما عذبته ) http://forums.banatmisr.com/imgcache/2/51923alsh3er.gif من مدونتك ــــــــــــــــــ ((مفتقد شخص فى حياتى على المستوى الشخصى )) الفقد جداً موجع ماذا يفعل بك الفقد ؟ ربنا انعم علينا بالنسيان عشان نقدر نعيش حياتنا من تانىالفقد بالنسبه لى عذاب لا استطيع ان اصفه الفقد هو الاحساس اللى بيخليك تستسلم وبيكسرك وبتحس ان كل يوم بتحتضر ولكنه ليس احتضار وسكرات الموت لانك لن تموت وتغادر الحياه ولكنك تموت بالبطيىء فى كل لحظه تمر بك وهى كانت بمثابه الحياه بالنسبه لى ولكنها ليست موجوده الان ولا استطيع ان اصل اليها فراقها سبب للواحد حرقه بالقلب ولكن ليس لى الا ان ارضى بقضاء الله وقدره هذه مشيئته وانا بدعى لها فى كل صلاه ـــــــــــــ ((الى حد ما بقيت بحب العزله ؛ قاعد فى شقتى طول الوقت )) ليه حابب العزله مع ان العزله فى كتير من الاحوال تؤدى الى الانطوائيه ؟؟؟؟ انا مريت بظروف صعبه جدااا ؛ وفقدت اهم شخص فى حياتى ( حبيبتى ) اصعب حاجة مريت بيها فى حياتى واصعب شعور ممكن اقدر اوصفه ؛ حياتى اتغيرت تماما عن ذى قبلمبقيتش حابب الحياة حتى الشغل كرهتهمع ان حبى لشغلى كبير جداااا بس لما يكون ليا مزاج بروح اشوف الدنيا فيها ايه ؟؟ غير كده طول الوقت انا قاعد فى البيت وربنا يسهل وارجع زى زمانوارجع الشغل علشان بحبه فقط كده كده بيجيلى فلوس :04: يمكن بحاول اخرج من اللى انا فيه بس صعب عليا فى الوقت الحالى علشان ارجع لطبيعتى ؛ بحاول اضحك بس مش من قلبى علشان مذعلش اللى قدامى ؛ علشان كده طول الوقت قاعد فى شقتى ؛ تقريبا مبخرجش منها ( معنى الخروج انى اروح اماكن ) اخر مره رحت مشوار كان الاحد اللى فات فى اماكن كانت محببه لقلبى جداااا ؛ صعب انى اروحها دلوقتى ربنا يصبر ان شاء الله البيت ما هو ترتيبكِ فى الاسرة ؟ الثانى من هو اقرب شخص لك فى اسرتك ؟ حبيبتى كانت اقرب حد ليا حلم تريد تحقيقة اليوم ؟ الحمد لله كل احلامى اتحققت ومش نفسى فى حاجة كان عندى طموح انى اعمل حاجة معينه؛ بس بعد فراقها الطموح ده مش بقى عندى ==== اداء العبادات لا يقتصر على اقامة اركان الاسلام والنوافل بل هى تشمل جميع تصرفات الانسان فى الحياة احيانا بنلاقى بعض الناس هما مسلمين لكن مقصر فى اداء العبادات او له تصرفات خارجه عن نطاق الدين ولما تيجى تنصحه يقولك ( متعمليش فيها عم الشيخ ربنا اللى هيحسبنى) ليه لما الموضوع بين اتنين يتحول لنصح ارشاد البعض مش بيقبل بالكلام ويتريق ؟ جميله الاجابة فعلا مفيده ميرسى ليكناس كتير مسلمين فى البطاقه فقط ولا بيصلى ولا حتى هيدخل مسجد الا حين وفاته وهما بيصلوا عليه صلاه الجنازة .... فى ناس كتير مش بتتقبل النصيحةوده ممكن يرجع للشخص اللى بينصح والمنصوح اهم شيىء فى الشخص اللى بينصح انه يقدم النصيحةبشكل كويس وبطريقه حلوة بمعنى لما يكون عندك طفللو قولتى له ذاكر وانا هجيب لك شوكولاته افضل مليار مره من انك تقولى له ذاكر والا هضربك الاولى هيعملها وهو مبسوط ونفسه مفتوحه والثانيه هيعملها علشان خايف منك ولو انتى مش معاه مش هيعملها ؛ لكن الاولى هيعملها لانه عاوز الجزاء ( الهديه )برده الشخص اللى بتنصحيه رغبيه ولا ترهبيه صلى وصوم وزكى علشان تدخل الجنه وتكلميه عن الجنه هتلاقيه سرح منك وبيتخيلممكن تقوليه له بطريقة ثانيه صلى وزكى وصوم علشان متدخلش النار وتكلميه عن النار واوديتها وحياتهاالطريقة الاولى افضل فى التوصيل فلازم اللى بينصح يختار الطريقة اللى بينصح بيها حسب الشخص اللى امامه هيستجيب او لا والكلمه الكويسه بتجيب نتيجة ... لكن اللى قدامك مش متقبل او مش عاوز يسمع انتى عملتى اللى عليكى وهو حر متى متى تكون عنيد ؟ عندما اكون واخد قرار عن اقتناع وتفكير وحد تانى عاوز يثنينى عن قرارى ومش عارف يغير وجهة نظرى ؛ ساعتها بكون عنيد وبنفذ اللى فى دماغى متى تشعر بلذة الوحدة ؟ الوحده عمرها ما كانت لها لذه بس احيانا بنكون مضطرين لها الوحده ممكن تسبب امراض نفسيه متى يحترم المصريين حرمة الدماء ؟ عندما يكونوا مسلمين حقا وينفذوا اوامر دينهم ( مش كلمه فى البطاقه وخلاص ) يقول كورنايل (يصعب أن نكره من احببناه كثيراً)؟ هل صحيح لا نستطيع أن نكره من احببناه ؟ بجد ده عيبنا ان فترة الخطوبة كلها وردحسب الشخص اللى انتى بتحبيه يعنى شخص بحبه جداااا ولكن اخطأ فى حقى مره وسامحته وكرر نفس الخطأ وسامحته وابتعدت عنه بيصر انه يضايقنى ؛ فالنتيجة الطبيعيه انك هتكرهيه بالرغم من حبك الشديد له بس هو اللى وصلك لكده ... هضرب لكى مثل حقيقى ابن عم واحد صاحبىشاف طالبه وحبها جداااا وهى حبته وعاشوا قصة حب جامده( تقوليش نور ومهند ) وكل يومين فى الجامعة كان يتخانق مع حد بيعاكسها واتعور بسببهاوربنا كرمه وخطبها واتجوزها بعد ما اتخرج ( حظه خد تأجيل من الجيش ) وكان فرحان فرح لا يوصف كان بيرقص فى الشارع قصة حب يعملوا لها كتاببعد ما اتجوزها بسنتين ابشرك انه طلقها ولا يطيق ان يسمع اسمها وبيلعن اليوم اللى شافها فيه وبيقول انه اتخدع فيها :33: قوليلى بقى انه مش كان بيحبها !!!! هى الشباب المصريه كده يموتوا فى البنت من غير خطوبه وجواز وتسمع منه احلى كلام رومانسى وشعر وغزل واول ما يتجوزوا ( الرومانسيه كانت حاجه حلوة وماتت ؛ بيتحول الى اخرس وتلاقيه بيبص بره ) طفاسه وفراغه عين :06: والجواز الشوك بيطلع:18: من من تقول له /لها [وحشتنى] حبيبتى [ اسف ] اى حد ذعلته او ضايقته من غير قصد (ذكرى الراحلون بلا عودة لا تغادرنا جنون أن ننتظرهم يأتون وجنوناً اكثر عندما نتصل على هواتفهم مع علمنا التام اننا لن نسمع صوتهم) اطلق لك العنان للتعليق عشت الاحساس اللى بتقول عليه ده بالظبطاسوأ شعور ممكن انك تمر بيه فى حياتك حاجه لا يمكن وصفها ؛ عيد ميلادى كان من اسبوع ومسكت الفون بتاعى وشفت رساله جتلى من حبيبتى من سنه ؛ احساس موجع جدااا ؛ ان الشخص اللى اتعودت يكون معاك فى كل لحظه فى حياتك اصبح غير موجود الان ؛ وكل شهر بيعدى بيبقى فيه ذكرى فبترجعى بالذاكره للخلف وبتتمنى ان اللى انتى فيه دلوقتى كابوس ونفسك تسمعى صوت الشخص اللى فارقتيه مع انك عارفه ان ده مستحيل ....... حاجة صعبه جداااااااااااااااااااااااااااااااااااااااااااااااا ااا http://forums.banatmisr.com/imgcache/2/51923alsh3er.gif ما رأيك فى؟ الاخوان المسلمين قلت رأيى فى الاخوان قبل كده وقلته لعكاشه ( الاخوان اصحاب هوى ) علشان كده لا اتناقش مع اى اخوانى على الاطلاق لانه لايقتنع ولن يقتنع ؛ ليس لهم حكمة ولا زمام، بيعظموا قيادتهم ولا يقدروا يخالفوهم ولا يعترضوا حتى ولو كان المعترضون على صواب ما بيعملوش حاجة غير السمع والطاعة والتنفيذ ؛ هواهم انك تقول اللى يعجبهم وتبقى عدوهم لو قلت اللى يخالفهم؛ حيثما تولت مراكبهم تولوا، وأينما سارت ركائبهم ساروا، فآراؤهم العلمية، وفتاواهم الفقهية،ومواقفهم العملية، تبع لهواهم( الله يرحم دستور 2012 ؛ الفتاوى والدعايا كانت على ودنه ؛ ومش هنسى حلقة مجلس الرحمه اللى غيرت رأيى فى بعض الشيوخ ومبقتش بتابعهم) ليس لهم معايير ضابطة، ولا مقاييس ثابتة، يردُّوا الدليل إذا خالف هواهم لأدنى احتمال، ويستدلوا به على ما فيه من إشكال أو إجمال، وإذا لم يستطعوا ردَّ الدليل لقوته، حملوه على غير وجهه، وصرفوه عن ظاهره إلى احتمال مرجوح بغير دليل ؛ وإذا كان عندهم شيء من العلم ؛ علمهم ده فتنة كل جاهل بما يسوغوه لهم من الآراء الباطلة، ويسوقوه لهم من الأدلة الزائفة، ويلبسوه عليهم به من الشبه الصارفة. قال الالبانى رحمه الله (طالب الحق يكفيه دليل، وصاحب الهوى لا يكفيه ألف دليل، الجاهل يُعلّم وصاحب الهوى ليس لنا عليه سبيل )( الله يمسيك بالخير يا بودى كان ذكر جزء من المقوله دى فى المقلب اللى مورشو عملوه فيه ) وبيشعروك انهم ملائكه نازله من السماء وانهم ليسوا بشر :33::33: اهم حاجة عند قيادات الاخوان مصلحتهم ثم مصلحتهم ثم مصلحتهم والشباب هم الضحايا ربنا يهدى الدستور لم يختلف كثيرا عن دستور الاخوان فيه بعض التعديلات وبعض الاضافات وتم حذف مواد ( زى الماده اللى بتمنع سب الرسل ) وانا معترض على حذف الماده دى حتى ولو هتعمل قانون وتجرم المفروض تكون ماده اساسيه فى الدستور ؛ لم يضعوا ماده توضح النظام الانتخابى ودى حاجه غريبه اوى يعنى ممكن الانتخابات القادمه تبقى بنظام واللى بعدها تبقى بنظام تانى !!!!!!!!!!! عندك وزير الدفاع محصن ؛ اذا كان اكبر رأس فى الدوله ( رئيس الجمهوريه ) مجلس الشعب يقدر يسحب الثقة منه لكن وزير الدفاع محدش يقدر يمشيه !!!!!!!! المحاكمات العسكريه للمدنيين !!!!! اكبر ظلم ان مدنى يتحاكم من خصمه ؟؟؟ والمحاكمات العسكريه كانت موجوده فى دستور الاخوان انا قلت لأ على دستور الاخوان وهقول ( لأ ) على دستور 2013 وكل مؤيدى الاخوان هيقولوا ( لأ ) علشان خاطر مادة وزير الدفاع لكن اللى هيقول المحاكمات العسكريه ؛ طب ما انت وافقت عليها فى الدستور اللى فات !!!!!!!! المشكله ان الناس مش هتقرأ الدستور اللى مؤيد ل 30 يونيه هيقول نعم واللى رافض هيقول ( لأ ) ولا ده قرأ الدستور ولا التانى قرأ مش عاجبنى الاعلانات اللى فى الشارع نعم للدستور ولوجو فى بعض القنوات نعم للدستور ده يعتبر توجيه للناس وضحك على الناس الجهله وطالما انت مقتنع صوت بنعم ؛ غير مقتنع صوت بلا لكن الاسوأ انك تكون سلبى يعنى انا عارف ان صوتى ( لأ ) مش هيفرق بس هروح واقول ( لأ ) تصريح الببلاوى بأن جماعة الاخوان المسلمين جماعة ارهابية ؟ ضده معظم البيوت فيها ناس اخوان ومسالمين بغض النظر عن ميولهم وارائهم كل واحد حر فى تفكيره فانت تيجى تعمم ان كل الاخوان ارهابيي ن يبقى ده وسيله ومبرر لاتخاذ اجراءات تعسفيه مستقبلا ضدهم بحجه انهم ارهابيين ؛ انا معاك اللى يفجر ويقتل مدنيين ارهابى طب عندك دليل ان الاخوان فجروا وقتلوا ممكن واحد يقولك ايوه فجروا طب على فرض صحة كلامك هل كل الاخوان قتلوا وفجروا ؟؟؟؟ لو افترضنا ان منهم قتل ؛ يبقى اكيد الباقى مش قتل يبقى ليه التعميم ؟؟؟؟ لكن واحد منتمى للاخوان ومسالم وبيطلع فى مظاهرات يبقى ده ارهابى ؟؟؟؟ انا مش مقتنع بالببلاوى ده خالص المنتدى (بشكل عام لايمكن توجيه النقد لشخص خامل وكسول وسلبي إنما يوجه النقد لمن يتحرك ويعمل ولا يعنى النقد الانتقاص من الشخص) من موضوع مورشو ضمير عضو ليه زعلت اووى كده من الاعضاء اللى انتقدتك ؟ الحمد لله انه طلع مقلب انا ما ذعلتش التوبيك طلع مقلب واول حلقة بتاعة محمد علاء انا كنت معترض ( مع ان اسمى مش كان موجود ) وقلت ده مش نقد وليس موضوعى وانه ظلم ورديت اكثر من مره وقلت ده اكيد مقلب لان الكلام اللى علاء قاله ليس موضوعى ثانى حلقة لوجى هى وجهت ليا نقد بانى عصبى بناء على توبيك علاء ( هى قالت انها كانت عاوزه تستفزنى ) فانا دخلت رديت عليها وقلت لها هاتى ليا موقف يدل على العصبيه قالت فى رد لك فى الفضفضة جبت ليها رابط الرد ( كنت بقول حكم الدين فى الاجهاض ) فين العصبيه ؟؟؟؟؟؟؟ وفضلت على رأيى انه مقلب ورديت علشان اوضح ان حتى لو نقدك على سبيل الهزار فهو غير صحيح وبدون دليل ...... لكن انا شخصيا ضد النقد على الملأ لانه بيضر اكتر ما بيفيد ومعنديش مشكله ان حد يوجه ليا نقد بس يكون نقد بناء وبدليل وحط مليون خط تحت كلمه دليل لكن حد هيجى يقول اى كلام وخلاص ويقول انا بنتقد !!!!!! وانا كعاشق عمرى ما هذعل لو حد انتقدنى بدليل مورشو نزل اسماء كل المشرفين وانا لم اطلب ان اسمى يتشال معنى كده انى موافق ان حد يوجه ليا نقد بس يكون بناء وموضوعى مش وهم وخيال علمى واحلام يقظه وبدون دليل لان هرد على النقد ولو كان من غير دليل هيبقى شكل اللى بيوجه النقد وحش اوى لانه بيحلم وهو صاحى القسم الاسلامى بتلاقى فيه صعوبه فى تفاعل الاعضاء ولا لاء ؟ مفيش صعوبه اطلاقا فى تفاعل الاعضاء كان عندى مسابقة لمده 5 ايام واشترك فيها 10 اعضاء وفى اتنين اعتذروا بسبب ظروف وكمل المسابقة 8 اعضاء من حيث المواضيع يوميا فى مواضيع جديده فى القسم الاسلامى لكن الاعضاء اللى بترد على مواضيع مش كتير وانا عندى واحد يقرأ التوبيك ويفهم افضل ما يدخل ويقول جزاك الله خيرا وهو اساسا مش قرأ التوبيك صح المهم الاستفاده عضو/ة تكونت بينكم علاقه معه عن طريق المنتدى ؟ انا طبعا ليا اعضاء اقاربى هنا فى المنتدى لكن من الاعضاء مفيش حد تكونت بينى وبينه علاقه ؛ كان فى طلب ايميلى بس انا مش كنت اعرفهم كويس ( اعضاء ذكور ) عضو/ة صاحب شخصية واقعية قويه ؟ ايه ياجماعه هو مفيش غير طارق فى المنتدى سيلفر سبيكترا عملى وشخصيته متزنه :109: عضو/ة تستمع بمواضيعه دائما ؟ انا بدخل كل المواضيع الحصريه وفى ناس بتكتب حلو اكتر من عضو ومش عاوز اذكر حد علشان مش انسى عضو/ة يعتبر الاميز الى نفسك؟ فى اعضاء بحترمهم جدااا وبقدرهم واى شخص اتعاملت معاه هنا يعتبر مميز بالنسبه ليا ـــــــــــــــــــــــــــــــــــــــ كلمة منك لاعضاء المنتدى كلكم شخصيات محترمه ومتعلمه وراقيين ياريت مش تنسوا اننا فى منتدى ترفيهى بلاش نذعل من بعض ونتربص ببعض ؛ الحياه مش مستاهله ؛واتمنى ان لو حد ذعلان من حد يصالحه واحنا داخلين على عام جديد ربنا يجعله عام خير وسعاده علينا كلنا وعلى بلدنا ؛ نفسى نتخلص من بعض السلبيات ونتخلص من التعصب فى الردود والخروج عن النص ومحاوله استفزاز الغير ؛ وياريت ننسى 2013 ونبدأ 2014 بصفحة جديده وعدم النظر للوراء وبتمنى لكم التوفيق والسعاده وكل عضو يحقق ما يتمناه وللاعضاء اللى عندها امتحانات ربنا يوفقكم وييسر كل عسير وتنجحوا باعلى التقديرات نورت الحلقة عاشق بنورك وبشكرك على توجيه الدعوة وانت طيب وميرسى اووى لذوقكوكل سنه وحضرتك طيبه ويبقى عام سعاده وفرح عليكى وعلى الاهل وبكده خلصت الحلقة :103: |
أستضافة جميلة اسيل مع عاشق صاحب مجهود جميل وشخصية تحترم |
موضوع مميز وحوار شيق من ضيف عزيز علينا وانا احبه واحترم ارائه شكرا لكى اختى الكريمة وانتى محاورة لبقة وذات ثقافة عاليه وضيفك مشاء الله عليه اجابات رائعة بس لى تحفظ على شئ بينى وبينه تحياتى لك |
حلقه جميله جدا واثر فيا كلامك على حبيبتك ربنا يسعدك وماتفقد غالى تانى ابدا رائي فيك انت عارفه وبجد كلنا بنفتخر انك معانا فى المنتدى تسلمى اسيل استضافه رائعه |
حلقة جميلة ومميزة يا أسيل بشكرك للدعوة الكريمة والبرنامج دا يُعتبر إضافة تميز في هذا المنتدى وضيفك منور الحلقة ربنا يوفقه ويسعده حلقة فوق الوصف ... دام التميز خالص تحياتي وتقديري لكم |
استضافة اكثر من رائعة أسيل موضوع رائع يتيح لنا التعرف عن الاعضاء عن قرب ومعرفة بعض الشيء عن شخصهم ردودك كانت رائعة عاشق رغم حزنك وهمومك من الفراق ولكن اخي اصبر واحتسب ولا تنسى ان هناك نعمة وهي النسيان ادعو ربك ان يهبها لك لتستطيع ان تستمر بحياتك اسعدك الله اخي وازاح عنك احزانك كل الود لكم ..~ |
استضافه رائعه اول مره أتعرف على عاشق شخصيه هاديه متزنه وكمان بحسه حساس كتير ومخلص امنور الاستضافة اكيد |
برنامج جمممميل جدآآ ي حرووف .. استضافةة ممميزه فـ انتظظار الباققى |
برنامج حلو اوي في انتظار باق الحلقات |
حلقة جميلة وضيف محترم تسلم ايدك يا قمر |
| الساعة الآن 07:34 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب