اصعب احساس ف العالم اصعب احساس ف العالم انك تكون بتفكر ف حد كتير اوي وواحشك ونفسك تكلمه بس مش قادر وف نفس الوقت متاكد انك مش ف باله ولا بيفكر فيك اصلا وكانو مصدق يخلص منك وعايش حياتو عادي ولا كان في حاجة حصلت وتفضل تراقبه من بعيد وتراقب كتاباته وصوره وتحاول تضحك على نفسك وتقول مايمكن هوا كمان بيراقبني ما يمكن هوا كمان بيفكر فيا وعايز يكلمني احساس صعب اوووووي بجد :( |
الي بيبعد يازهرة مبيبصش وراه دا وهم احنا بنصدقه وبنوهم نفسنا بيه بس هو في الحقيقة كل واحد بيبعد عن حد بيتخلص منه فعلا عشان يختار حياة تانية او فرص تانية قدامه متاحة جبروت معدوم الانسانية مع الاسف |
وهو ايه اللي جاب الاحساس بالثقه انه مش في باله يعني ما ممكن يكون الغلط عندك مثلا ولو الاسباب مقنعة وتستاهل يبقي اكيد ومن الافضل متتعبيش نفسك وتفكري وحاولي تعيشي حياتك وتشغلي تفكيرك بحاجة تستاهل الاصعب من الاحساس الصعب بالتجاهل هو الحب من طرف واحد فخلي بالك وتمنياتي بالتوفيق وربنا يقدملك الخير |
احساس قاتل ومدمر ان لانستطيع محادثة الحبيب ولانوصله مابخلدنا نحوه شكرا لك طرح عظيم مودتى |
كلنا هذا الرجل |
احساس صعب فظيع مليان توهان وحيرة معلش انا عارفه انه صعب عليكي بس نصيحه معتيش تتبعي كتباته وصوره من تاني ده لو انتي فعلا متأكده انك مش في باله ده عشان متتعبيش نفسك ع الفاضي وشوفي حياتك انتي بقى مش يمكن ليكي نصيب في انسان تاني يحبك ويحافظ عليكي لكن لو عارفه انك لسه في باله روحي اعترفيله والـ يحصل يحصل انتي مش خسرانه حاجه ويمكن كمان تكسبيه تاني حاولي تفكري كويس وتاخدي قرار مناسب وبتمنالك يارب التوفيق ياقمر وراحه البال |
احساس صعب اوي ونا جربتة كتير وفعلا ف اغلب الاوقات الاشخاص اللي بنفكر فيهم مش بنبئا ف بالهم او تفكيرهم احساس صعب |
مع الوقت هتلاقي نفسك انتى كمان انشغلتي ف الدنيا وحاجات تانية وهتحاولي تتناسي الموضوع وهيكون مجرد زكرى تيجي ف بالك لما تيجي سيرة الدنيا مابتقفش على حد |
يحدث هذا الشي كثيرا وصعب جدا هذا الشعور وتبقى الذكرى خالدة وتستمر الحياة |
الساعة الآن 07:47 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب