منتديات بنات مصر - جميع حلقات فــ دائرة الضوء

http://forums.banatmisr.com/imgcache/2/70929alsh3er.jpg

مـــساء الخير

للأسف الفترة اللي فاتت تم الاعلان عن كذا برجرام باسمي
بس ماكنش بيكمل لأسباب كتير من ضمنها ظروف الحمل s2
فقررت اعمل اول حلقة من البراجرم من غير اعلان
ليكون الحسد هو السبب
عيونكم وحشة الظاهر كدة :04:

تعالوا نشوف بئه ايه حكاية دائرة الضوء

مرحبـــــاً بــك معنـــــا وبينـــا
عبــر صفحات متواضعة خصصت بإسمك ورافقت شخصيتك
أسعـدتُ كثــيراً بقـبـولك طلبي ودعـوتــي المتـواضـعــة,,
كـي نتمكن من التعرف عليك أقرب وأكـثر,,
ضيفنآ مميز ومبدع قدم الكثير وما زال يقدم لنا ابداعه. .
شخصيه سطعت بقوه

فـــــهو اعلامي بنات مصر

morshooo

http://forums.banatmisr.com/image.ph...ine=1391535187

اهلا بيك احمد منور دائرة الضوء

اهلا بيكى
وسعيد بكلامك والمقدمه الجميله دى

مين مورشو وياتري في فرق بين مورشو وبين احمد ؟

مورشو شاب مصرى
ليه اهداف بحاول ان شاء الله احققها
الاختلاف معتقدش ان فى اختلاف والا حاجا
وبتعال مع الاعضاء الى عرفنى زى ما بتعامل
فى طبيعتى مع الاشخاص .

ايه هي نقطة ضعفك ؟

هتصدقى لو قولتلك مش فى دماغى
يعنى مابخدش بالى من الحاجات دى

وامته ممكن تحس بالضعف ؟

مبحبش احس بيه مهما حصل
حتى لو فعلا مش قادر اعمل حاجا معينه
بس بحاول اكتر من مرة حتى لو انا
متاكد انى مش هقدر اعمل الى عايزة

ايه الكلمة اللي تحب تسمعها كل يوم ؟

اى دعوة عموما بيكون ليها
طابع خاص فى الواحد
خاصه لو من حد بيدعيلك من قلبه

حصلت معاك مرة وحلمت حلم وانت عارف انه مستحيل
بس لسة بتتمناه يحصل ؟

مابفتكرش احلام هههههههه
كل فين وفين لما بفتكر انا حلمت ايه

لو قصدك حلو فى حياتى
فانا احلامى مبحبش اكبرها
يعنى بحب احلم بحاجا واوصلها
وابدء اكبر الحلم مرة تانيه

تفتكر في فرق بين الحلم والطموح ياتري طموحك ليها حدود معينه ؟

مفيش حد ليه طموح ويقف عندة
كل واحد بيوصل لمكان معين فى الحياة
بيحاول يكبر المكان دا
زى بالظبط لما تجيبى عربيه
بتشترى وبعد كدا بتحاولى تركبى حاجا احسن
او ماركه افضل وكل فترة بتحاولى
تجددى وتشوفى ايه الانسب ليكى .

سهل حد يشوف دموعك ؟

لما اشوفها انا الاول

اوصفلي شخصيتك فـ جملة ؟

مش كتير كلمه
هخليها كلمتين
( عاشق الحياة )

انا قولت جملة
اللي واخد عقلك :04:

ايه هي اسوأ عادة فيك ؟

الكسل
وقولتها كتير جدا
انا فعلا كسلان جدا

ايه اهم التغيرات اللي حصلت لحياتك بعد الارتباط ودخولك عن مرحلة الابوة بئه ؟

ان ليه بيت مسئؤل عنه
الاول الواحد مكنش بيهمه حاجا
بيجيب الى عايزة بيروح اى مكان عايز يروحه
دلوقتى خلاص فى أولويات لازم تتجاب الاول
حتى لو دا هيخليك ماتجبش حاجا شخصيه ليك انتا
بس التغيرات دى انا حاببها جدا
خاصه لما تكون مسئؤل عن زوجه
والحمد لله تقدر تلبيلها طلبتها او معظم طلبتها
فدى حاجا كويسه

ايه موقف المدام من السايت ؟

زووووووووووفت
هقولك هى تعرف اعضاء كتير
تعرف اسميهم
ودا لانها ماشاء الله متابعه المواضيع
الى بنزلها بشكل كبير جدا
واخر حاجا كانت
حلقه( دمعه ) فى
( انا وقلمى والموسيقى )
وهى اساسا متابعه دمعه فى المنتدى
وتعرف اسامى بعض الاعضاء منهم :
لوجى / وسما / حرف هجاء

لو طلبت منك تسجل هنا هتوافق ؟

لو حرام هرفض
اكيد هوافق وهى ناويه بس بعد الولادة
فاكرة انها هتكون فاضيه ساعتها

قلبك ولا عقلك اللي نقدر نقول انه كان سيد الاختيار
في موضوع الارتباط ؟

الاتنين والحمد لله
بس عموما انا عقلى بيمشينى اكتر

عندك مانع تقولنا اسم المدام واسم البيبي اللي جاي ؟

( شيماء )
النجم
( محمود )

اتعرضت في السايت هنا لموقف معين خلاك تندم علي التسجيل فيه ؟

لا
وانا مش بندم على حاجا عملتها عموما فى حياتى
لانى مقتنع بالى بعمله دائما

ايه اللي سر اللي ممكن تقوله فـــ دائرة الضوء ؟

احب اقولكم ان اسم ( شيماء )
مكنتش بحبه ابدااااااا
مش عارف ليه كان دائما الاسم دا معلق معايا
ان اى بنت اسمه ( شيماء ) لازم تكون
تخينه جدا
على فكرة ( المدام ) اساسا
اكتر اسم بتكرهه كان
( احمد )
مش عارف ايه الاسرة الى كارهه بعضها دى

عندك الجرأة تجاوب عليا
لو سألتك ان كان حصل وحبيت عضوة
وياتري قولت كلمه بحبك لكام عضوة هنا
طب واتقالت ليك كام مرة ؟

الموضوع مش جرأة والا حاجا
لكن لو حصل فعلا حب
فاكيد كان لازم يكون نهايته الزواج

بص بئه حاليا هحطك في موقف معين وتقولي هتعمل ايه بس متقوليش مش هيحصل
لان المفروض ان الموقف حصل وانت هتتخيله عليك وتقولنا هتتصرف ازاي ؟

اوك

1/ تتطورت العصبية او الخناقة بينك وبين المدام
لدرجة خلتها تعرف ايديها عليك ؟

انا لو مراتى رفعت ايدها عليه
اكيد هنزلهالها
معتقدش ان الامور هتوصل بينا للدرجه دى
فى يوم من الايام حتى لو اتعصبنا على بعض
وهى نفسها مستحيل تفكر فى حاجا زى كدا

2/ لاقيت عضوة جديدة بتتصرف معاك بطريقة غريبة
وبعد ما اعجبت بيها
لاقتها بتقولك انها المدام

اولا المدام ميح فى استخدام المنتدى
يعنى ماتعرفش حتى تنزل رد
فاكيد هعرف

انت معروف بالجرأة هنا يا مورشو خصوصا من خلال
مواضيعك او البرامج اللي بتقدمها
يعني موضوع زي معانا اتصال تليفوني
مش شايف انه ماكنش يصح عرض حاجة زي دي هنا ؟

لو مكنش يصح مكنش نزل منه حوالى
( 5 والا 6 ) حلقات
هى كانت تجربه جديدة والحمد لله
نجحت جدا والاختلاف الى حصل دا بينجح الموضوع
مش بيخليه فاشل الموضوع اتعرف فى المنتدى
بدرجه كبيرة جدا لدرجه ان فى اعضاء اكلمو عنه
فى مواضيع او صفحاتهم .
الى عايز اقوله لو الموضوع فعلا ماينفعش ينزل
مكنتش الادارة سابته عشان خاطرى

تقول ايه للأعضاء اللي خدوا عنك فكرة وحشة بسبب كدة ؟

الاعتراض كان على الكلام مش على شخصيتى
فمعتقدش ان حد خد عنى فكرة وحشه والا حاجا
وعموما مفيش حد الكل بيحبه

قولنا النصيحة اللي دايما كنت بتسمعها من باباك ؟

لو قدرت تقول ( لا )
اتاكد انك شجاع

ايه رأيك في البراجرم وايه اللي ناقصة من وجهه نظرك ؟

البرنامج جميل جدا
ويمكن متنوع ودى حاجا كويسه جدا
ناقصه ايه اكيد انتى هتطورى منه
مع الاعضاء وانا متاكد ان هيكون فى اختلاف
بعد كدا فى كل حلقه

اخيرا / مش هتعترف بئه اني لو فضتلك هقعدك من اليوميات خالص

لو ( احمد ) موافق هعترف
وماتقلقيش مش هتفضى بالعكس
لما ( محمد ) يجى بالسلامه
مش هنشوفك فى المنتدى اساسا

نورت يا مورشو