|
بتحب 3 .... بسم الله الرحمن الرحيم السلام عليكم .. اخباركم ايه ؟ يارب كويسين ... طبعا من المعروف ان الحب بيبقي بين طرفين 2 فقط الي هو بنت وولد صح؟ .. النهارده بقي يا جماعه قابلت شخصيه عجيبه .... واحده بتحب 3 ..... كلمتني على الايميل مفيش من نص ساعه بصراحه مقدرتش اصبر ...علشان نشوف الاراء .... انا مش بفضحها طبعا بس ده موضوع محتاج للحديث جدا جدا كمان :d بتقولي نرمين اعمليلي 3 تصاميم للفلانتين قلتلها 3؟ قالت ايوا واحد باسم محمد وواحد باسم سامح وواحد باسم خالد قلتلها يا صلاة النبي احسن بتهزري ولا جد؟ قالتلي اه والله انا بحب الـ3 ومقدرش استغني عنهم قلتلها وهل الـ3 بقي عارفين ان انتي بتحبي غيرهم؟ قالت لا ميعرفوش مش لازم يعرفو :20: اصل كل واحد ليه قصته الرومانسيه معايا محمد ده احلي حاجه في حياتي وسامح ده عمري و خالد بقي ده كوووم تاني خالص بصراحه انا بقيت عامله كده :78: :78: :78: :78: عايزين اراء لو سمحتوا؟ هل فعلا في حب صادق بالشكل ده؟ واحده بتحب 3 بنفس الوقت ده اكيد لعب عيال مش كده؟؟؟ اصلها بتحلف انها بتحبهم الـ3 ومتقدرش تستغني عنهم وتفتكروا راي محمد وسامح وخالد ايه لما يعرفوا ان حبيبتهم بتحب 3 .... وهل انت لو واحد من حبايب البنت ديه ..واعترفتلك هتقبل الموقف وتخليها تحبك انت بس؟ ولا هتعمل ايه وهل انتي ترضي تكوني مكان البنت ديه ؟؟؟؟؟ ايه يادنيا عجيبه :20: |
ابو بالين كذاب دا مش حب ، دا تسليه من البنت و اهدار لكرامتها و من يقبل ذالك على نفسه و من تقبل بذالك انها خيانه لذات قبل الشباب الحب معناها اكبر من ذالك بكثير سؤال هل هى ستتزوج الثلاثه ؟؟؟؟؟ انصحيها افضل من العك دا ،،،، |
ههههههههههههههههههههه انا مره قريت لواحده علي الفيس بتقول انها بتحب تلاته واحد في الفون وواحد في الفيس وواحد حب عادي ومحتاره بنهم انا شايفه ان ده استحاله يكون حب حقيقي ممكن يكون اعجاب او تسليه او استعباااااااااااااااااط :) |
وانا اقسم بالله شوفت بنفسى وحدة بنفس الصفات وكنت أناأحد الثلاثة والذين أدعت أنها تحبنى ولكن الله أرد أن يكشف لى المستور وعلمت صنيعها وكذلك الأثنين الآخرين عرفتهم أتم المعرفة ولايهمك نرمين مليانة الدنيا من ده كتير ربنايهديناقولى آمين فضفضة نرفذتنى وغظتنى وفكرتنى بحبى اللى ضاع هباءا مثورا وسنتين ونص من عمرى ضاعت فيهم كل الاحلام الله يسامحها تسلمى |
انا اعرف ان الصفه دى فى الشباب اكتر لكن غريبه بجد ربنا يهديها لازم تنصحيها لو صحبتك بجد |
هو الجديد انها بنت الى بتعمل كدا ^_^ بس كويس انها معترفه بدا انا بس هقولك حاجا باختصار لان انا متاكد انها لسه صغيرة فقوليلها كل دا لعب عيال لانها فى الاساس لسه ماتعرفش يعنى حب وارتباط . |
انا مش مستغرب من الموضوع عادي جدا وخايف اكون انا خالد اللي قلتي عنه ههههاي موضوع تحفة جدا ومش مستغرب عشان لعبت الدور ده قبل كده مع وحدة شاطرة في التمثيل جدا موضوع جميل جدا بحييكي عليه كل الشكر والتحية |
الشرع محللها اربعة ..يعني فضلها واحد كمان هي حرة بئا هههههههههههه مين تقبل لنفسها كده .. يسلموو علي الموضوع تقبلي مروري |
الكلام دا بجد ؟!ومال كل الردود مش مستغربه حتي ! هو في كدة كتير ؟! ايه العك دا , ! |
هههههههههههههههههه ايه هتبقى بتلاثة شفطاط ههههههههههههههه عارفه دا حب سكسونيا يعني اي حاجه في الحلمنتيشه ايه بتحب ثلاثه وايه الكلام الي بيحصل دا اكيد صحبتك دي في سن المراهقه ومتعرفش يعني ايه حب اساسا ونرجع نتهم الحب بالوهم وانه مبقاش موجود شايفين الحب يامتعلمين يابتوع المدارس بجد وعجبي الف تحيه |
| الساعة الآن 05:40 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب