|
كتاب " شتائم مصريه " كتاب " شتائم مصريه " - دا موجود فى كل بيت مصرى ، اى ام تلاقيها حفظاه من الجلده للجلده :102: و تقومه تعلمه لاولادها علشان يتوارثوا تعلميه من جيل لجيل :20: هناك بعض الالفاظ التى لا معنى لها و لا محل لها من الاعراب مثال :- - الام لما تيجى تنادم ابنها - تقله : خد يا مزغود فى مصارينك ( مزغود يعنى ملتهب - مصارينك يعنى امعائك - بتكون كنايه عن الشقاوه المفرطه ) - الام لما تلاقى ابنها بيمشى ببطىء - تقله : امشى و بطل لاكعه ( لاكعه يعنى البطء فى الحركه مستوحاه من يتلكع تليع تلعوكه :04: ) - الام لما تلاقى ابنها مصاحب شله فسده - تقوله : مش تمشي مع الواد السيس دا ( السيس دا مش عارف معناها ايه بس اكيد بايظ ^_^ ) - الام لما تلاقى ابنها بيتكلم بسرعه - تقوله : لوك لوك لوك من غير فايده ( لوك لوك توحى باللخبطه ) ===================== نيجى بئا لقسم الدعاوى الحلوه الى بتقلها الام لابنها :71: الولد : انا رايح انام يا ماما الام : روح نام نامت عليك حيطه -------- الولد : انا عايز اشرب يا ماما الام : اشرمبه تطلع مصرينك ------- الولد : انا عايز اكل يا ماما الام : كلك ديزل ------- الولد : انا قايم يا ماما الام : قوم قامت قيامتك ----------- اهداء الى كل ام فى المنتدى مطلعه عين اولادها :18: و الى كل ولد امه طلعت عينه و هو صغير :18: و مع ذالك بنحبهم و بنفضل نحبهم :d |
بقولك ايه انور يعنى ايه ضربه فى عكصتك انا روحت بحثت عنها فى جوجل وطلع ليا https://www.google.com.eg/search?q=%...HAAw&gws_rd=cr |
بتسيح للى الامهات كدة طيب خاف حد منهم يكون فاتح نت ويدخل ينفخنا ههههههههههه بس حلو القاموص |
اقتباس:
ههههههههههههههه الله يخرب عقلك يا عادل دا حتى فى جوجل مفيش حد قالها غيرى :24: ما دى ضمن القاموس برضو بابا كان بيقولهالى ضربه فى العكصه بس لغاية دلوقتى مش عارف ايه العكصه دى :18: هبقى أسئله |
هههههههههههه شفتوا ان الولد دايما تاعب امة كل الشتيمة للواد احنا غلابة عمرنا ما امنا شتمتنا وعندى اعترض على حاجة الولد : انا عايز اكل يا ماما الام : كلك ديزل انا امى بتقول لاخوية كلتك تكولة اية معناها |
هههههههههههههههههههههههه ربنا يخليهم يارب |
وفين باقى القاموس يانور وحكاية ياملطوش على عينك ويواد يامخفى ويمزغود يامتعفرت يامطلع بزابيزك وجاك المية فى زورق بكرة هبعتلك كتاب شتايم الست ماما مترجم لجميع لغات العالم |
ي عم احنا ناخد جايزة الاوسكار في الحاجات دي الام المصريه قدوه لكل امهات العالم :04: |
ههههههههه كتاب واحد مش هيكفى يانور احنا على كدآ محتاجين قواميس :04: وسبحان الله كل المصطلحات دى ماركة مسجلة عند كل الامهات :24: ربنآ يعيطيهم الصحة ويبارك فى أعمارهم تسلم يانور ,, |
روح نام نامت عليك حيطه انا عاملة عقد مع الكلمة دي هههههههههههه فعلا دا كتاب مصري اصيل اخراج ام مصرية ربنا يخليهم لنا يارب |
| الساعة الآن 03:55 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب