منتديات بنات مصر - طريقة عمل الكب كيك بالشيكولاتة والقهوة

http://banatmisr.com/up3/uploads/1365712435173.gif

http://forums.banatmisr.com/imgcache...032alsh3er.gif
http://forums.banatmisr.com/imgcache...033alsh3er.gif

النهارده هنقدّم لك طريقة عمل الكب كيك بالشيكولاتة والقهوة، بخطوات سهلة وسريعة التحضير

كب كيك الشيكولاتة والقهوة
المقادير:
كوب دقيق
كوب سكر
½ كوب شيكولاتة خام
ملعقة كبيرة بيكينج باودر
½ كوب ماء ساخن
ملعقة صغيرة قرفة
ملعقة كبيرة بن
½ كوب زيت
½ كوب لبن
رشة فانيليا
رشة ملح
بيضة
الطريقة:
1- اضربي البيضة مع اللبن والزيت والفانيليا في طبق غويط، باستخدام المضرب اليدوي لمدة 5 دقائق.
2- بعد كده ضيفي الدقيق والشيكولاتة والسكر والقرفة والبن والبيكينج باودر والملح، وقلّبيهم مع بعض لمدة دقيقتين، وبعد كده اخلطيهم بالمضرب الكهربي لحد ما كل المكونات تمتزج تماما مع بعضها، ولو حسّيتي إن الخليط قوامه سميك؛ ضيفي كمية صغيرة من الميه السخنة لحد ما تحصلي على قوام مناسب.
3- حطّي ورق الكب كيك في القوالب وصبي فيهم العجينة، ورصّي القوالب دي في صينية الفرن، ودخّليها في فرن ساخن على درجة حرارة 180 : 200، وسيبيها لمدة نص ساعة، وبعد كده طلّعيها، وسيبي القوالب تبرد شوية، وبعد كده ممكن تزيّنيهم بالكريم شانتيه أو صوص الشيكولاتة وقدّميه.. وبالهنا والشفا.

خلصت وصفتنا النهارده..
استنونا مع وصفات جديدة كل يوم..
سلام،،،