|
الله على البنات روشة روشة فى المقدمه احب اقولكم سلام عليكم ايها الاعضاء الكرام ثانيا وده لب الموضوع عشان مش نلك ونعك ونفك كتير بصوا لى اوى وافتحوا العقووووووول واوعوا تبربشوا هااااااااااه توكلنا على الله كان زمان ممكن تشوف راجل بيشرب سيجاره لكن مكانش كتير واحده تشرب سيجاره بل وصلت للشيشه كمان وبتقعد على الكافيهات واحسرتاااااااااااه بقوا اكتر من الشباب الان... وطبعا انا ضد المثال السىء ده للاتنين... احنا دايما بنشوف ولد بيدى لصاحبه رقم موززززه او ايميلها فهل ممكن بنت تدى لبنت رقم ولد او ايميله ولا الغيره فى دمهم؟؟ ......محدش رد ليه!!! تبقى فى دمهم ماشى ماشى وبرضه ضد الموقف ده لو حصل من احدى الطرفين لو ولد بنطلونه مقطوع او الس**** مفتوحه يقوله يابنى اقفل ال ***** هل لو العكس بنت يعنى هتقوووول لصاحبتها ولا هتسيب الشباب يقولولهاااااااا انا انصح البنت متقوللهااااااش احنا هنقوللها وانصح الولد اللى شاف كده يصلح القطع عند اى ترزى دى زى موزتك يااخى دايما بنشوف العاده السيئه فى الشوارع بتاعتنا الولد يعاكس البنات اللى معديه عليه وياعسل وياسكر وياقمر وهى اساسا تبقى صاحيه من النوم ومعمصه ومستحمتش من 12 سنه ولا تعرف شكل الميه مجاملات بئه فهل ممكن بنت تعاكس ولد فى الشارع هى البنت مش زى الولد ولا اييييييييييه؟؟؟ على فكره انا ضد المعاكسات "كما تدين تدان" الولاد دايما بييجوا متأخرين 2 ,3 الفجر مع اصحابهم ويضحكوا وهع هع هع هع هااااااااااع بصوت عالى هل ممكن نشوف بئه فى الايام القادمه بنات جايه متأخر كده وبتضحك برضه فين حق المساواه ياجماعه يلا يابنات اسهروا وأخروا وتعالوا اضحكوا وانا مستنيكم بجردل فى البلكونه اكيد مش هيكون فيه تمر هندى ... اساسا انا برفض مبدأ السهر للولاد فما بالكم بالبنات!!!! اللى فات ده كله كانت امثله ندخل فى الجد بئه برقووولى عيونكم>>>>>>>>>>>>>>>>>> خبر عاجل:::: تعلن شركات المناديل عن كامل سرورها من اجل الارباح التى حققتها من ساعة مفتحت, فلوس كتير كتير ومش عارفين نوديها فين وكل ذلك بفضل البنانيت اللى بتشترى علبتين بمعدل كل نص ساعه غير الهدايا واحده لصاحبتها اللى بتعطس وواحده للواد اللى ماشى معاها اللى بتقول عليه خطيبها واللى بيعيط لما قالتله احنا مش لبعض غير الدسته دى اللى خدتها عشان توزعها على اصحابها لما جارة بنت خالة مرات جوز بنت عمتها ماات ورايحين يواسووووها.. .................................................. ................... المدام بتفضل نايمه لحد مجوزها يصحى وتفضل بتاع سنتين عامله نايمه بحجة متجوزه جدييييييد وعروووووووووسه بئه هو انتى ياختى جايا من بيت باببببببباااااا عشان تنامى ولا ايه قومى يابتتتتتتتتتتتت والنهارده نروح لمامى وبابى ال يعنى وحشوووها مانتى كنتى بتقولى امتى ييجى اليوم اللى أذهب بلا عوده على الحصان الابيض والفارس اللى ياعينى شربتيه الهموم والغموم, وبكره بئه نروح لخالتو وجوز خالتو مهما دوول برضه اللى كانوا لما قبل الجواز كنتى بتعملى نايمه وبتكونى تحت السرير لما بيزوروكوا واساسا انتى نسيتى انك متعرفيش هما ساكنين فييييييين اتصلى بمامى بئه واسأليها ولما ييجى الطيب الغلبان يااااااااااكل يفاجأ ان الانسه قصدى المدام معلش مش متعود عليها ميلاقيش الا ياعينى خيارتين وحبة جرجير طازه ورغيفين لانها مبتعرفش تطبخ يانهار عنب مسوس اومال ياختى كنتى بتعملى ايه عند ماما يلا يلا هو اكيد هيوديكى ليها دلوقتى مع السلااااااااااامه................................. ........... ودى بئه اللى جايبه علبة الوان ميه جديده وقاعده امام المرايه بقالها 4 ساعات و 59 دقيقه بتعمل ايه انا مش عارف وتجيب شعرها يمين وتنطره شمال وهو طوله اصلا 15 , 17 سنتيمتر بالكتير غير بئه تاخد من الالوان الميه وتطلع الموهبه المدفونه جواها اللى بسببها اتطردت من المدرسه ولم تحصل على محو الاميه وترسم بئه بحيرة من الماء فوق حواجبها وترسم شجره جنب عنيها وتحطلك عنبه او شلن من بتاع زمان ده بين عيونها على جبهتها يعنى ايه ياحاجه ده هو انا داخل حديقة الحيوان وكانى بعد متخلص هنط فى وشها واقضى يوم شم النسيم .... على فكره جوزها نام بقاله 4 ساعات و 58 دقيقه وهى لسه ادام المرايه انصح كل شاب مقدم على الزواج اوعى تجيب مرايه لمراتك يبقى مش هتشوفها فى اى مكان لا مطبخ ولا صاله ولو النور قطع وافتقدت مراتك هتلاقيها ادام المرايه يامعلم ومعاها شمعه وبتخونك مع علبة الالوان الميه هاتلها مرايه من ام 175 قرش دى صغيره وعلى اد الجيب واهو لو ركبت الاتوبيس والجو حر والناس زحمه وعاوزه تسلى نفسوياتها اهو تطلع المرايه وتتسلى بدل عمنا الحاج اللى بيلف عليك فى الاتوبيس بإبر ومحافظ وجلدة بطاقه ومشط وجلد للانبوبه وياعينى بينزل محدش بينفعه ايه ياعمنا انت مش مصرى ولا ايه شكلك مشربتش من نيلها ولا حتى من حنفيتها المهمممممم اهو كمان الهانم توفر وقت وتيجى على المطبخ على طوووول اه معلش نسيت انها مش بتعرف تطبخ شكلك هتروحى عند مامتك تااااااااااااااااانى.... وياسلام عليها وهى ماسكه التليفون وهى فى المطبخ بتحضرلك الجرجير والخيار اكيد اوعى تنسى انها مبتعرفش تطبخ وتشوفها وهى حطه التليفون على ودنها ومسكاه بدراعها تقول ياخويا ايه كمية النشاط ده يبقى اكيد بتكلم مامتها وبتتعلم منها طبخه جديده عشان تفرحك مره بئه وتاكل اكله من اللى هيااا ,لكن ياخويا بعد منمت وقمت ونمت وقمت على الحال ده بتاع 12 13 مره وبتقولها ها ياحبيبتى ماما علمتك اكلة ايه النهارده تقولك ياحبيبى ده انا عملاالك بئه حتة اكله هتاكلنى على وشى بعدها ,ماما علمتنى ازاى اقطعلك الخيار طرنشات وقالتلى ازاى كمان اعملك الجرجير على شكل ورد بس انا مبسوطه لانى اتعلمت ازاى اسخن العيش وفاتحهل لك بؤها من اسوان للسلوم ,,طبعا انت عارف المعلم رد قال ايه مش هقول انا بئه عشان الرقابه متوديناش فى دوااااااااهى ونسيت اقولك بئه لما رجع من الشغل وفتحتله الباب شعرها واقف زى شبكه المحمول وهدومها مقطعه ويظهر ان الميه كانت قاطعه باين على وشها وعنيها ياسلام على لون عنيها الحمرا من كتر النوم وكأنها كانت مع سنجة واردخانه فى الغرزه وفى فقاعات من العماص يعععععععععع كفايه كده هغسل الكيبورد واجيلكم .......... وحاجات كتير كتييييييييير كتييييييييييييييييير بتعملها البنات تسد النفس وتشيب الشاب وتموت لعواجيز من شدة اثارها على النفس البشريه نلتقى مرة قادمه مع نرفوزات اخرى لاخواتنا الاماميييير المهذبين اصحاب الدم الخفيف اللذيذ واللى من غيرهم دمنا عمره مهيرتفع ولا هينزل ان شااااااااااااء الله كلامى للولاد بئه لو الموضوع عجبك ومخمخلك مخك رد بتعليق حلو يفتح النفس وللبنات لو الموضوع معجبكيش وده من المؤكد اشتمى واجرى واستخبى فى اى قسم تااااااااااانى. مع تحياااااااااااااااااتي |
ليييييييييييييييييييييييييييييييييييييييييييمووووو ووووووووووووووووووووووووووور هقولك كلمة وحدة بس (((( انت مجرم)))) |
ميرسى اوى كلك زؤء برضه نورتى |
انا اقصد الموضوع عجبني جدا و زي مقلتلك قبل كده عندك اسلوب تعبير رائع |
هههههههه اوك انا قلت حاجه انا بشكرك على ردك مش اكتر نورتى يا بوب |
بص انا هاسيب معظم الموضوع وهاتكلم فى حاجة واحدة بس انت بتقول ان الاولاد كانوا بيعطوا البنات ارقام التليفونات والايميلات بس دلوقتى بيحصل العكس يعنى البنت هى ال بتعطى الولد رقم التليفون والايميل وده سببه ان مفيش حياء وانت طبعاً هاتقول ان البنت بالطريقة دى عاتكون قليلة الادب بس الصراحه انا من وجهة نظرى ان الاهل السبب فى كل ده علشان هما لو علموا بناتهم الاخلاق والحياء ماكنش ده هايحصل شكرا على الموضوع الرائع والمفيييييد |
يسلمو يا فندم على ردك تمام |
ليه بقى يا ليمور؟ بص البنت لو عملت حاجة و ماتعرفشى تطبخ عشان حاجة واحدة انها متقفش مع امها بتشوف امها بتعمل الاكل ازاى ولو عرفت تعمل الفطار والغذاء والعشاء ماتعرفشى تعملها يبقى هية برضو لازم تتعلم طبخ وشكرا على الموضوع |
هههه ماشى يا ست امورة نورتى |
نعم نعم نعم ايه ياعم انت جاى علينا كدة ليه انا متفقه معاك فى حاجات وفى حاجات طبعا ضدك فيها بس انا هقولك ان صوابعك مش زى بعضها واكيد كل دة فى الاول وفى الاخر بيرجع للتربيه والاصل اللى هو البيت اكيد لو البنت دى اصلها كويس ومتربيه على الاحترام واحترام نفسها قبل احترام غيرها انت نفسك هتغير نظرتك ليها ومش انت بس لا الكل طبعا وماشى ياعم على الموضوع انت جاى علينا فيه بس يلا انت اخونا بقى ومش هنقدر نعملك حاجة تحياتى |
| الساعة الآن 07:22 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب