منتديات بنات مصر - قــــــوانين قســـــم الفضفضه الجديدة

http://banatmisr.com/up3/uploads/1398375897481.png

مساء الورد علي عيونكم
وكل سنه وانتوا طيبين بئه

انا فكرت اعملكوا فجأه بمناسبه اني اكيد وحشتكوا
فقولت احذف كل مواضيعكوا اللي في الفضفضه وابعتلكوا مخالفات
بمناسبه رمضان بئه :09:

نبـــــــــــدأ الوش الخشب بئه
وكفايه هزار يا ام حمني :116:

نــــــــــــبدأ بسم الله بقوانين المواضيع بوجه عام

اللي طبعا حــــــصريه
مش حصريه الا ربع
وهنا اقصد الناس اللي بتنقي كلمات وتركب جمل مقتبسه
وتعملهالي موضوع :71:

بما ان القسم للفضفضه بوجه خاص مش عام

1/ يبقي المواضيع اكتاكيت
لازم تبقي مشاكل خاصه
وجـــــــــوانب شخصية
ونـــــصايح وكلمات لا تخص
من قريب ولا من بعيد النقد العام
لان دا مكانه النقاش

2/ في ناس قلمها له اسلوب معين في الكتابه
دول يا مرحبتين بيهم
واقصد اهل الخواطر والشعر
المواضيع اللي هتنزل في الفضفضه
هي اللي المناجاه والمشاكل والادعيه
يعني اللي الخاص بس
لان غير دا في اقسام كتير لدا

3/ الفضفضه اه مكان خاص
وممكن تاخد راحتك وهتلاقي اللي هيسمعك ويساعدك بالنصيحه
بس متاخدش راحتك يعني لدرجه الكلام في الايحاءات الجنسيه او مجرد التلميح من بعيد

4/ ممنوع بئه المواضيع اللي الغرض منها
الاستهتار او الاستفزاز او تلقيح الكلام
والقاء التهم

5/ الخلافات الخاصه بالاعضاء مع الادارة
ليها قسم الشكاوي
والخلافات الخاصه بالاعضاء مع بعضهم
برضو يتصرفوا مع بعض بعيد عن الفضفضه

6/ المواضيع الخاصه بتصفيه النيه او الاعتذار
ما بين طرفين
برضو بنتأسف جدا مش مكانها هنـــــــــا :28:

7/ ليك موضوعين بس في اليـــــــــــــوم :105:

8/ اي موضوع خاص بالاعمال والسحر
والعفاريت والكلام الفاضي دا
هيتم حذفه دون الرجوع لصاحبه :28:

ثـــــــانيا / قوانين الفضفضه بالنسبة لغير مسجل

1/ دا غير الالتزام بالقوانين اللي فوق

http://forums.banatmisr.com/msryat422480/

مش هقولك استغل الخاصيه في الخير بس
لاني مش هسمح بوجود اي توبيك بغير مسجل
يسئ للقسم :33:

وكمان مصداقيه الموضوع دي حاجة بينك وبين ربنا
يعني زي ما قالت صاحبه الفكرة راعي الله
في اللي هتكتبه لانك هتتحاسب عليه

http://forums.banatmisr.com/msryat473982/#post4499433

ثالثا / بخصوص الاستضافات

الاستضافات لازم تكون خاصه
بعيده عن المشاكل العامه والخاصه بالمنتدي
خاصه بحياه العضو الشخصية بس

وياريت قبل ما تشرفنا بعمل فكرتك
تعرضها علينا
لو تناسب القسم هثبتها وهنكون معاك
وتحت امرك في اي مشكله تقبلك
لو هتختلف مع مضمون كلمه فضفضه
يبقي هنستأذنك في نقلها للقسم المناسب

ملـــــــحوظه /

ردودك علي الاعضاء في اي مشكله او موضوع
ردك ومتابعتك للقسم اكيد شئ بيسعدنا
لكن ياريت تحترم القسم واعضائه قبل مشرفته كمان

ولو صعب تعمل كدة فانا مش اسفه
هضطر لحذف ردك واخذ الاجراء المناسب

الرد اللي مش هيكون فيه فايدة لصاحب المشكله يبقي قلته افضل

وكمان الردود العقيمه السطحيه
اللي مجرد تزويد مشاركات
ياريت بلاش منها :49:

ردك بيعبر عن شخصيتك ووجهه نظرك
وطريقه فهمك لمشكله العضو
يعني مش هدخل فيها
لكن في حاله الهجوم او الاساءة او الغلط
هيتم التعامل

وكمان في قسم الفضفضه
هنقبل النقد والاقتراح والشكاوي والاعتراض
ابعت كل اللي تحبه للاشراف
وان شاء الله هيتم مناقشه الامر واحتوائه
وان متمش مني ممكن تراسل الادارة بشكوتك

اخـــــــــــــــيرا /

اي موضوع الغرض منه
حالات الانسانيه فدا لازمه موافقه الادارة قبل عرضه
لتأكد من المصدقيه اولا

اي رد او تعامل فيكون من غير التوبيك فقط
ممنوع الارسال بصفه شخصيه
في حاله الشكوي
هيتم تبليغ الادارة لاتخاذ اللازم :03:

كمان زي ما سبق وعملنا في الاعلان

http://forums.banatmisr.com/msryat469723/

ومتنسوش ان الرقابه اللي بجد
هي اللي الانسانه بيعملها لنفسه علي تصرفاته

ومفيش خير من كلام ربنا

ما يلفظ من قول الا لدية رقيب عتيد

صدق الله العظيم

اتمنالكم وجود مميز وممتع في قسم الفضفضه
اللي هيستمر بيكوا وبوجودكوا دايما

فــــــ رعاية الله

اشراف القسم