|
يوميات صائم..الحلقة الأولى السلام عليكم كل سنة وانتم طيبين ورمضان كريم أول يوم بيقى له طعم خاص وبريتكول خاص وتقنية خاصة والواحد يتحول فى كل حياته اليومية والتصرفية إلى 180 درجة طبعا هو ده المفروض يعمله المسلم الحق والمؤمن الحق لازم يتحول إلى ألأحسن والأجمل ويتخلى عن كل عادة سيئة فيه قبل رمضان علشان يصوم وهو خالى البدن والقلب والعقل من كل الشوائب مش كده ولاايه تقبل الله منى ومنكم الصيام والقيام ووفقنا لصيام رمضان كمايحب ربناويرضى وكذا القيام وقراءة القرءان وفعل الخيرات وترك المنكرات قولوا آمين صراحة أناحاسس إنى جعان أوى وكمان غريبة حاسس إنى نفسى مفتوحة للأكل ودى مش عاويدى اللهم أجعله خير طيب أيه رايك يامدام ولا خلينى أسالك أنت عاملة ايه على الفطار قالت وكذا وكذا وكذا وحاجات كتير ربنايكترعليينا وعليكم صراحة يامدام أنت كده شكلك عاوزة من اول يوم تعنكننى عليا ليه بس كده ياابوحماده كل سنة وانت طيب يابعلى وأنت طيبة ياأختى لكن انت مش عارفة انى بحب السنبوسة وليه مش عاملاه وكلمة منى وكلمة منها احمرت عيناى ورأت ذلك منى بأعلى صوتها قالت إياك أن تقرب منى فإن بيدى سكينا وقدرا به الماء المغلى فأبتعد عنى وإلا سمعت التهديد منها وماكان علىّ ان افعل إلا آخد بعضى وأجرى يسلام عليك يارمضان أنت حبيبى والله |
ايوة كدة والنبي شاطرة السكينه سلاح مفيد في الوقت دا وبعدين سنبوسه ايه يا راجل دنا عامله انواع ما لذ وطاب من المحاشي في المدونه وجاري لف المحشي بئه رمضان مبارك يا رفعت وكل سنه وانت بالف خير يا ابو حمادة :04: |
وماكان علىّ ان افعل إلا آخد بعضى وأجرى هههههههههه الجري نص المرجلة بردو :18: خزعبلايه حلوةة صوم مقبول بأه تقبل مروري |
هههههههههههههههه ايوا انا كمان بحب السمبوسه لما تعملهالك ابقي ابعت لي طبق بقي كل سنه وانت طيب وعلي سبيل الغيظ فاضلي ساعه وربع وافطر :p |
اقتباس:
:24::24::24: مصر كلها عامله محشي النهارده ولا ايه هم المصريين كدا لازم يبدأوا رمضان بالمحشي :04: |
ههههههه وحياتك كل المناسبات يا جيجي هتلاقي المحشي |
اقتباس:
اعمل ايه يعنى النفس دنية بئا شكرا سما كل سنة وانت طيبة ومنورانى |
اقتباس:
وتشرفت بوجودك وكل سنة وانت طيبة جوجو ومنورة اوى |
اقتباس:
بس ابعتيلى حوالى الف جنيه تمن الشحن من اسيوط للشرقية وكل سنة وانت طيبة جهاد منورانى |
اقتباس:
اناكنت فاكرة عندى انابس فى اسيوط الله يخرب بيت الحكومة تاركة النسوان تعمل محشى ومخسرة الدولة |
| الساعة الآن 12:17 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب