منتديات بنات مصر - مدونتك فى نظر الأعضاء [العاشق الذي لم يتب]

http://banatmisr.com/up3/uploads/1405281674751.gif

السلام عليكم
صباح الفل
عاوزاك تجاوبلي على الاسئله دي بقا
يشرفنا تكون ضيفني

السلام عليكم رواد الصفحات والمتدى الكرام
النهارده ضيفي عضو مميز جدا
نشيط ماشاء الله
صاحب تواجد متميز ف الصفحات
متابع جيد لمدونات الأعضـأء
ومدونته جميله كثير منا يتابعها
معي ومعكم أخي الكريم

العاشق الذى لم يتب

صاحبه مدونه

حينما يكون القدر

اهلا بيك يا..رفعت

أهلا وسهلا ومرحبا بسموالأميرة رودى

هنسألك شويه اسئله تخص مدونات الاعضاء وعليك الاجابه

أسالى براحتك هو أنت صغيرة مثلا ولاأنامابعرفش اجاوب لاسمح الله
خدى راحتك خالص

قولي الاول// بيمثلك ايه قسم الصفحات؟

صراحة بحس فيه براحة نفسية وبعيد عن الضغوط والتقيد
بأى شيئ مكلف البساطة هى عنوان قسم الصفحات
علشان كده بيمثلى راحة البال والهدوء

دي بقى اسئله الحلقه

أمال اللى فوق كان أسلة السحور

اه كان تسخين للحوار:04:

[.. بنظرتك ..]

أي المدونات جذبك عنوانها..؟

عنوانين كتيرلها معانى ومدلول عند اصحابها
علشان كده اناعملت برنامج عناوين ومعانى
هنا فى الصفحات بيشدنى اسماءالمدونات اللى فيها تفاؤل
مثل
مدونة عاشقة الهدوء سكرحلوالدنييا
على ورق ابيض اكتب كلماتى لروكة
دماغ عالية لنورونار
احب التفاؤل اناوبس
وكل اسم فيه التفاؤل بيعجبنى

مدونه تنسجم معها و تحفظ مآ يعجبك فيها لديك ..؟

مابحبش احتفظ بحاجة مش بتاعتى لكن كتيرمدونات بنسجم معها وبتفاعل معها
فى مقدمتهم مدونة طبيب الهوى
هذايان قلب
وشاعرالاحساس
وبيشدنى كثيرا بل يجرفنى فى تياره ماأجد فى مدونة بقايا صمت
ومدونة جبل عالى
همسات فوق القمر
نبض القلوب
آذار
روكة
وطبعا
سموالاميرة رودى
روحى تألمنى لرونى
عازف الاحساس
واحساسى صحيح
كتيروالله مدونات بنسجم معاها المقام لايسمح بذكرها

مدونه تجذبك تنسيقها ..؟

لايهمنى التنسيق بقدالمضمون

● ● ●

[.. داخل المدونات ..]

موقف آضحكـ ..؟

بقايا صمت صراحة وبالرغم من انها شديدة العاطفة وعاصفة الاشواق
وقوية الهيام والغرام والغزل
إلا انها تتمتع بخفة ظل مرة
بلاقى عندها حاجات كتيرة بتضحكنى

موقف آحزنك ..؟

أحزنتينى أنتى ونفرتيتى لما
كتبتم عن وفات الوالدة الله يرحمهما
كانت احاسيسكم وقلمكم شديد جدا
وكم أخذنى معه الحزن ولمدة 3 ايام متصلة
تقريبا دموعى مابطلتش تنزل
لماقريت كلام بقاياصمت لأمها وهى مريضة
من قلبى ادعيلها ربنايشفيها واقول لبقايا
سامحك الله ابكيتينى كثيرا

اللهم امين
ربنا يششفيها ويخليها يارب

مدونه كل مافيها يثير اهتمامك ؟

بقايا صمت

مدونه مـرحه ؟

كتيراوى وفى مقدمتهم مدونة جبل عالى
وروكة وعاشقة الهدوء

مدونــه يغلب عليها طبع الحزن ؟

ايضا كتاراوى المحزونين يسلام على مدونة رونى
ولاايمان طلعت ولابنت عمى سحر

مدونه سياسيه من الدرجه الآولى ؟

شوفت كتيرسياسى
لكن مدونة طارق سياسية من الدرجة الاولى

مدونه يعجبك اراء وتفكير صاحبها ؟

جبل عالى

مدونه تختلف مع أراء صاحبها ؟

مااحبش اختلف مع احد كل واحد حرفيمايرى ويعتقد

[.. لمن تقول ..]

مدونتك رآإئعه استمر ..؟
آذار

مميز في آنتقآئك للآبيآت وجميع الاقتباسات ..؟

ماجد اميرالعشاق

////////////

[.. آلآقلآم ..]

هنآك من الكثير من تكون صفحآتهم بـ آقلآمهم فـ قلم من يعجبك ..؟

طبيب الهوى
شاعرالاحساس
عازف الاحساس
بقايا صمت
احساسى صحيح

هناك اقلام تكتب بطريقه ساخره .. فأى منها يعجبك ؟
جبل عالى

هناك اقلام راقيه تكتب فقط ف الصفحـات ؟
عازف الاحساس
وفيه ناس كتيرة مش هقدر اذكرها

تفضل الكتابات العاميه فى المدونات أم الفصحى ؟؟

لاتفرق معى كثيرا
ولكنى افضل الفصحى

ايه رأيك فى الناس اللى بتنقل ومش بتكتب تحت راق لي
او مش بيلتزمو بالقوانين

قوانين مين ياست الاميرة
من لايمنعه ضميره فلايجدى معه قانون
وبعدين من نقل ولم يعلن
فأظن الآن الكل يعرفه فخلى كل واحد براجته مش شرط
تطبيق القانون هنا

● ● ●

[.. آلعنوآن ..]

مآهي آفضل 3 عنآوين ف المدونات بالنسبه لك ..؟

شكرحلوة الدنيا سكر
خفايا روح
حائرة على جسرمن الذهب

حينما يكون القدر ده عنوان مدونتك
ياترى ايه سبب تسميته بالاسم ده ؟؟

لأننى أيقنت وعلمت وآمنت أن كل شيئ بقدرالله تعالى
ومهما كانت أحلامنا وأمنياتنا وطموحاتنا
فلن يصيبنا إلا ماكتب الله لنا
علشان كده لماحبيت واعطيت حبى هذا كل أحلامى وأمنياتى
ولم يشأ الله لى أن أحظى بمحبوتى
فأسميت مدونتى حينمايكون القدر
أى حينما تتحكم مشيئة الله

[.. لـك يـآصـآحب المدونه..]

هل تـحب من الاعضـآأإء آن يشـآركوآ برد في مدونتك..؟

فى اماكن تانية متاحة الخاصية دى
فخليها هنا كده احسن

ومارأيك فى غلق صلآحيات الردود على الاخرين ؟؟؟

ممكن الآخرين بيردوعن طريق التقييم
فجميلة هذه الخاصية
تخليى الواحديعيش بعيد عن جو المشاحنات

بماذا تشعر وانت تنفرد بقلمك ونفسك على الصفحات ؟.

هى حالة مزاجية بحتة فأى شيئ يجول بخاطرى
أرانى هناك فى الصفحات اسجله وأدونه وأنابكامل قوايا العقلية دونما ضغوط

ان حُـدد لك 3 اعضاء فقط لهم حق المشاركه و الرد ف مدونتك فمن تختار ان يشاركك ؟

بقايا صمت آذار طبيب الهوى

واذا كان لك صلاحيه الرد فى مدونتين من مدونات الاعضاء فمن تختار ان تشاركه مدونته ؟
بقايا صمت طبيب الهوى

ماالشئ الذى اردت يوما الافصاح به فى مدونتك ولكنك تراجعت عنه.. ومالسبب ؟

مرة السفيهة نعم اقول السفيهة
والتى كنت أعشقها ذات يوم بعتت لى ماسج تسبنى بالفاظ يعف لسانى عن ذكرها
ففكرت أخش المدونة وأرد عليها بمثلها ولكن
منعنى حيائى واخلاقى

من وجهه نظرك هل هناك سلبيات فى القسم او سياسه الاشراف فيه؟؟

السلبيات علشان مافيش عندكم كنافة ولابسبوسة ولاحتى سنبوسة
فايليت تبطلى بخل وتوزوعوا عليناشوية
انتن تلات قمرات ربنايحرصككن ويحفظكن ماشاءالله عليكن

ماذا تقترح و تريد اضافته او حذفه من قوانين القسم او لقاعه الصفحات ؟

أناأقترح تعيينى على هذا القسم خفير
أمنع كل واحد يكتب كلمة فيها سب وشتم وتلقيح وتلميح

اقتراح منك تقترحه على مشرفات القسم للتطوير من أدائهم ؟

أقترح عليهن مراجعة مشاركات الاعضاء
وحذف كل مشاركة فيها سب وقذف وكمان فيه مشاركات فيها روابط
منتدايات ومواقع تانية المفروض
حذفها فورا مع التنبيه على العضو

اختر 3 اعضاء ممن لهم مدونات ووجه لهم كلمه او رساله من ....العاشق الذى لم يتب العضو..؟
ومن رفعت الانسان....... ؟

من رفعت العضو وأيضا الانسان أناواحد فى كلاالحالتين
هختار بقايا صمت
وطبيب الهوى وجبل عالى
لبقايا اقول لها كل عام وأنت بخير
أعلم أن عشقك لمعشوقك قدبلغ المدى وتغلغلت ذراته كل جزيئات جسدك وشرايينك
ذاك لاريب فيه ولاعيب ولاوزرولاذنب
ولكن العيب والوزروالذنب
أن تناجى ربك أن يحرمك على غيره
فذاك مخالف شرعا وقانونا فأنت آخذة على ذلك ذنب
أستغفرى ربك وقولى له ( لله الامرمن قبل ومن بعد)
ولطبيب الهوى
نعم أنت مخلص ووفى لزوجك رحمها الله
بارك الله لك فيى ريم وعصام ولكن فلتعلم أنك آخذ ذنب إن كان لديك القدرة المادية ولم تتزوج فإن الله محاسبك على ذلك
فليس الوفء والإخلاص أن تحرم مااحل الله
وفقك الله كل عام وانت بخير
جبل عالى
كثيرا أجد فى كتاباتك ماهو مستتربين السطورظاهره هموم وأحزان
نعم هناك عادات وتقاليد هى باطلة وماأنزل الله بها من سلطان
تحول بين المرء ونفسه ومايريد أن يفعله
ولكن أختى لاتجعلى اليأس يسيطرعلى قلبك وروحك
أطلقى العنان للنفس وأجعليها مطمئنة راضية
ولتلعمى أن الله سيرضيك
وفى النهايه ايه رأيك ف البرنامج ده والاسئله الخفيفه المطروحه؟
برامج أجمل من القطايف والسنبوسة
بس تعبنى أوى علشان كتبته تلات مرات وأناأرد وكل ماأخلص الرد الكهربة تقطع
فصراحة تعبنى اوى البرنامج
ويارب يوصلك الرد قبل الكهربة ماتقطع تانى

ال 3 رسائل جميله منك يارفعت
وصدقت فيها
ربنا يصلح لهم الحال
ناس تستاهل كل شئ جميل

كلمه أخيــرة من قلب . ...رفعت.. لجيرانك فى صفحات مكشوفه ؟
أحبابى كلهكم
كل عام وأنتم بالف خير
وتقبل الله صالح أعمالكم
أبتعدوعن الممغصات وأكثروا من المبشرات المفرحات
فسيرضينا الله جميعا
لبكم من اخوكم رفعت اجمل الامانى وكل التحيات

أشكرك جدااا لقبول الدعوه
كل سنه وانت طيبه
ب النجاح والتوفيق فى حياتك يارب وأناأشكرك
سارة
لأختيارك لى ضيف معاك
وكل سنة وانت بالف خيرانت واسرتك وكل المنتدى