ادم واخواته البنات .. مسابقة الاقلام المميزه بسم الله الرحمن الرحيم حبيت انهارده اجيب حاجه من إللى بتحصل فى البيوت المصريه وما يحدث غالباََ بين الاخوات فى البيت منذ كانوا صغار إلى ان يصبحوا شباب ويتزوجوا معروف طبعاََ إن اغلبية البيوت المصريه بتعانى جداََ من ولادهم خاصاََ إذا كان بينهم اولاد من الجنسين وربنا يستر بقا لو كانوا ولد وبنت بيكون البيت كله حرايق :24: اما بقى لو كان ولد مع مجموعة بنات يبقى الله يرحمهم :18: طبعاَ زى المثل ما بيقول هيبقى هو إللى فيهم واكيد اكيد هيطلع عليهم كل عقده إذا كان فيه طبعاََ :102: واكتر حاجه هيعملها إنه هيكون سى السيد فى البيت :04: وهيفضل بقى يتأمر ويقول : انتى يا نونا تغسلى شرباتى :24: وانتى يا لولو تكوى القمصان :04: وانتى يا نانى بسرعه وف دقيقه يكون الاكل قدامى :24: ويفضل يتحكم بقا وبعدين بالليل يجى البنوتات يعملوا إجتماع وعصابات عايزين حل للى بيحصل ده وايه اخرتها يا ست ماما مع ابنك ده وانت ياسى بابا مش معنى الولد يخرج مع اصحابه واحنا لا وتبتدى بقا العصابات المنزليه هههههههههه .. والله مفيش احلى من الاخ ده بيكون دايما مكان الاب وبيحل مكانه فى غيابه وهو الخال الحنين لما الاخت تتزوج وتخلف ويكون بردوا السند لأخته وقت غياب الزوج بذمتكم فى احلى من الاخ :113: عايز اعرف بقا الاخ بيمثل ايه فى حياة اى بنت ؟ اكتر حاجه بتغيظك من اخوكى ؟ يا ترى البنات بتتمنى تكون وحيده وسط ولاد ولا العكس وايه رأيكم فى الاخ إللى بيدلع على اخواته البنات وقارفهم فى عيشتهم :24: يلا كله يجى يقول رأيه منتظركم .. |
حرام عليك وربنا :17::17::17: طب اللي معندهاش اخ كبير تعمل ايه بقي :28: لا انا اللي مدلعه اخويا :04: طلباتي بالرشوه طبعا ^^ اما بقي بالنسبه للغلاسه ف مفيش اغلس من كدا الحمدلله بس موضوع انه يقعد ويامر ده في الحلم :p ال يؤمر ال دا ليلته تبقي مش معديه :18: ما هو اصغر مني بقي :12: |
يلا هنتابع ونشوف الردود :18: بس الاخ مهما يعمل بردوا البنت مش بتقدر تستغني عنه بس العكس صحيح يا احساسي صحيح :04: |
مبدئيا كداا انا اخويا اكبر منى بـ 7 سنين بس مابيعديش يوم الا وحنا ماسكين فى بعض ومتخانقين وكمان هو مش عاجبه اى حاجه فيه وبالذات النقاش ليه مش عارفه الموهيم عايز اعرف بقا الاخ بيمثل ايه فى حياة اى بنت ؟ ابوها التانى وسندها فى الحياه وضهرها الى بتتحمى فيه حتى وقت ماهى بتكون غلط هو الى ليها فى الدنيا حتى لو اتجوزت وبقالها بيت واولاد وهو بعد عنها اخرهم لبعض اكتر حاجه بتغيظك من اخوكى ؟ انه تقريبا مش عاجبه اى حاجه فيا وكمان اى نقاش مابينا لازم يقلب خناقه فى الاخر وعمر اراءنا الفكريه ما اتفقت ابداا كل واحد فينا بيشوف الامور من منظور رغم انه ممكن نبقى نفس الفكره بس بنختلف فى التعبير يا ترى البنات بتتمنى تكون وحيده وسط ولاد ولا العكس مجربتش اى شعور تانى غير انه انا وهو نبقى مع بعض وايه رأيكم فى الاخ إللى بيدلع على اخواته البنات وقارفهم فى عيشتهم حلووو هو لما بيسافر يوم واحد اصلا انا بفضل اعيط اعيط اعيط طوول اليوم وساعت مايجى بيبقى نفسى يخرج مع صحابه عشان اخلص منه بقن تسلم ع التوبيك بقن وبليييز بليييز لو عندك اخوات بنات بلاش تقرفهم بقن يلا بالتوفييق |
انا بقى العجوزه تبع البيت ههههه يعني الكبيرة اختي اصغر مني و 3 اخوى اصغر مننا قول ماشاء الله على عيلتنا ههه اخي الصغير عمره 5 سنوات بحبه كتيييييييييير وبنبسط لما يحكي معي لانوا كلامه بضحك ودائما يخرج بمواقف ذكية يخليني على طول استغرب واضحك في نفس الوقت واخواتي التانيين عاملين عليا عصابة لاني انا كبيرة وفي غياب بابا وماما انا القائدة هههه يعني اتحكم في البيت ههه واكتر حاجة بتعصبني فيهم لما مايسمعوش كلامي حتى قبل شوي عملولي مقلب ههه وصرخت من كترت الخوف ههههه وقالولي صرخي يا ماما صرخي هههه ا صلي قلتلهم لما تكون ماما مو هون الكل يقلي ماما هههههههههه بس والله مافي احلى من الاخوى ولمة الاخوى والتحكم في الاخوى زيي هههههه وانا عن نفسي بحب هيك يعني بنت وثلاث اولاد وانا القائدة ههههه طرح رائع بالتوفيق بقى |
اقتباس:
يا جامده انتى يا جهاد :113: مش بالسن يا ماما حتى لو كان اصغر منك بردوا هيطلع عينك :18: يا عينى ع الواد دا انتى مستقويه ع الواد يا جوجو هوعلشان لسه صغنون طيب استنى عليه لما يكبر بقن هتشوفى منه احلى تحكم :18: |
اقتباس:
هو ده يا ماجيكو :113: عندك حق يا ماجيكو البنات من غير اخ يا عينى بيكونوا زى الولايه علشان بس يعرفوا قيمة الاخ فى البيت هع :113: منور يا ماجيكو وتابع معانا |
اقتباس:
لا داعي للتصفيق :08: لاهو من ناحية مطلع عيني ف هو مطلع ايوا مستقويه امال ايه لازم نستغز الوضع بقي حد قاله يجي بعدي يستحمل بقي :28: لا مش هيقدر بردو :p |
اقتباس:
يا هوبا لازم تفهمى حاجه عن اى ولد وهو بيتناقش مع اخته انه دايما بيفكر نفسه طالما انه هو ولد يبقى عقله اكبر وبيفهم اكتر وده تفكير غالبية الولاد ف انتى م الاخر ما توجعيش راسك وقوليله ايوه انتا صح واتقى شره :18: لأن لو عاندتيه بقن يبقى يا ويلك يا هوبا هيفضل بقن يتصلب على ايتها حاجه ويقرفك فى عيشتك وانتى عارفه الباقى بقن :18: عندك حق مهما وصل درجة الخلاف الاخت من غير اخوها بتبقى زى اليتيمه ربنا يخليكوا لبعض :07: |
اقتباس:
هههههههههه فعلا الولاد وهما صغيرين بيقبوا مسكرين جدا واى كلمه عفويه بتطلع منهم بتجنن م الضحك بس بعد ما يكبروا بقا بتبتدى الرخامه :49: ههههههههههه اشربى بقا يا حنون :18: هى دى اخرت إللى يعمل زعيم فى البيت :71: دا انتى هتشوفى منهم كتيرررر ولسه بس ما شاء الله انتى البنت الوحيده على 3 ولاد وكمان القائده يا بختك يا خالتوا :18: ربنا يخليكم لبعض وما يحرمكم من بعض ابدا نورتى حنون :103: |
الساعة الآن 08:24 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب