منتديات بنات مصر - سؤال نفسي الكل يرد عليه

منتديات بنات مصر (https://forums.banatmasr.net/)

- فضفضة الأعضاء (https://forums.banatmasr.net/f137/)

- - سؤال نفسي الكل يرد عليه (https://forums.banatmasr.net/msryat483294/)

اقتباس:

المشاركة الأصلية كتبت بواسطة silver spectra (Post 4601207)

14 سنة يعني من 12 سنة عدوا =))
الشكل : مراهق بشنب و صوته تخين
افكاره : كنت بحب أسامة بن لادن (مراهق بقى) بس ماكنتش متشدد كنت عادي . يعني ماكنش بيعجبني أفكار مدرسين الدين المتشددين في المدرسة
المشاعر : كنا بنريل عالبنات اللي مش لاقيينهم دول ههههههه
أصحابوا المقربين : كتير بس أكترهم وقتها كان واحد جزائري
مواقف : لسه هفكر :04:
شايف نفسك ازاي : أكيد الحياة علمتني أكتر . بس لو هنتكلم عن الفرق فالحياة زمان ليها طعم عن دلوقتي .

ههههههه مراهق بشنب وصوته تخين الظاهر معظمكم كدا الصوت عارفه الي متحبش تسمعو دا عليهم

بس انت فعلا صح الحياة الي كانت ليها طعم دي الي متتعوضش

منورني طارق

اقتباس:

المشاركة الأصلية كتبت بواسطة nefertiti (Post 4601209)

حلو اوي الموضوع دا ايمي
انا من 14 سنه كام عندي 7 سنين
كنت بنوته زي القمر ^_^
شوية مجامله يعني
شقيه عفريته مببطلش لعب ولا ضرب في عيال الجيران
ومكشرة وبعيط لو جبولي سيرة المدرسه
كل اللي كان جوايا مشاعر بريئه
وحب صادق لناس مكنتش اعرف انهم هيضيعوا مني
ومكنش ليا صحاب غير مامتي واختي الكبيرة بس

ربنا يخليهم ليكي وبعدين منتي زي القمر بردو لسة وشقية كمان ههههههههه
منوراني يامو حمني:04:

اقتباس:

المشاركة الأصلية كتبت بواسطة ساحر الأحزان (Post 4601328)

لا فى الوقت دة ايمى كانت ايام شقاوة وخصوصا فى مرحلة الاعدادية

كنت انا واصحابى نصحى بدرى ونروح ننشط جسمنا بلعب كورة الباسكت

ونخلص قبل الطابور يكون الواحد مجهودة البندنى شطب يبداء يرجعة بقى فى لحظة الدروس

كنت فاكر انى كنت من محبى القراءة باستعير كتب من المكتبة

فكانت مسئولة المكتبة بترحب بية

ويوم لقيتها جابت لية مسطرة قلابة هدية بتعمل اشكال لما تحركها كنت فرحان بيها قوى

وكمان كان جو التنافس فى التحصيل والى يجاوب على استاذة الاول

كانت ايام حلوة

رجعتينا ليها تانى

ياااااااااه المسطرة دي ياامجد عارفاها كنت بسرقها من يامن اخويا هههههههه
بس باين عليك شاطر ومؤدب في نفس الوقت كدا ومش شقي

منورني امجد

اقتباس:

المشاركة الأصلية كتبت بواسطة شاعر الحب الحزين (Post 4603207)

من وانا طفل لحد دلوقتي وانا زي ما انا

عمري ما اتغيرت ولا عمري هتغير

ده بالنسبة للصفات والأطباع اللي جوايا

المظهر شيء طبيعي يتغير هو وملامحنا مع الأيام

بس صراحة أنا عندي شخصيات كتيرة جدا ده بالنسبة للمظهر

زي اختلاف الكلمات بختلف تماما وبتحكم ف شكلي ومظهري

بس من جوايا صعب اتغير عقلي كبير وقلبي صغير

بعد 14 سنة يا عالم نبقى فين بس لو لينا عمر أكيد مش هتغير

تسلمي ايميليا ده سؤال جميل جدا

وردي بس جواب على سؤالك ومش قصدي امدح نفسي

ربنا العالم اللي جاي هيبقى ايه يارب كل خير

للجميع

بشكرك إيميليا على السؤال الجميل

خلانا نشوف اجابات جميلة من الاعضاء

تسلم ايديكي

عجبني رايك في نفسك قبل وبعد يارب متتغير ياشاعرنا لانط دائما مميز

منورني