|
الحلقه الاولى من ( اخبار اعضاء بنات مصر ) ^_^ بسم الله الرحمن الرحيم مزاج الخير:D واهلا بيكم ونشره اخبار ( منتدى بنات مصر ) http://banatmisr.com/up3/uploads/1409513043261.gif والان مع العناوين 1 / ( جبل عالى ) تتواضع و ترد على المناهضين لها عبر ( الفيس بوك ) 2 / ( ساحر الاحزان ) يدخل عالم السينماء وفيلم العيد ( نار يا حبيبى نار ) 3 / ( حرف هجاء ) تستعرض لـ ( عكس قانونه ) ازياء الهنود الحمر 4 / ( احساسى صحيح ) اخر صفقات الزمالك للموسم القادم http://banatmisr.com/up3/uploads/1409513043261.gif والان مع التفاصيل : 1 / ( جبل عالى ) تتواضع و ترد على المناهضين لها عبر ( الفيس بوك ) http://banatmisr.com/up3/uploads/1409513400551.jpg اشتعل الفيس بوك منذ 3 ايام باحداث النجمه العالميه ( جبل عالى ) بعد اعلانها عن افتتاح محلها الجديد ( جبل عالى للفول الغالى ) ومن هنا بدء نشطاء الفيس بوك بالهجوم الشديد عليها فمنهم قال ايه يا جبل ماتنسيش ان البدايه كان بعربيه فول والاخر ايه هو الفول غلى عشان البنزين هو كمان والاخر ربنا ينتقم منك حتى الفول غلتيه يا مفتريه ولما ( جبل ) عرفت ان فى هجوم شديد عليها نزلت بوست جديد عبر حسابها على الفيس بوك وردت بكلمتين ( الى مش عاجبه يشد فى حواجبه ) و ( طبق جبل عالى سيظل شامخ ) واحنا كاصدقاء النجمه العالميه نحب نقولها والا قولولها انتو احسن ^_^ http://banatmisr.com/up3/uploads/1409513043261.gif 2 / ( ساحر الاحزان ) يدخل عالم السينماء وفيلم العيد ( نار يا حبيبى نار ) http://banatmisr.com/up3/uploads/1409513632781.jpg ذكرت صحيفه ( المارسيل ) ( العراقيه ) ان وصل بحمد الله النجم المصرى ( ساحر الاحزان ) للمعايشه مع افراد ( داعش ) ودا عشان داخل فيلم جديد بعنوان ( نار يا حبيبى نار ) واعلنت الصحيفه عن تفاصيل الفيلم والدور المهم الى هيقوم بيه ( ساحر الاحزان ) والحمد لله دوره هيكون لمدى ( 3 ثوانى ) وهيكون فى اخر الفيلم عشان هو الى هيشيل اليافضه الى مكتوب عليها ( the end ) وتم اختيار ساحر من بين قائمه ضمت ( 50 فنان عالمى ) وتم اختيار ساحر لانه هيكون فاضى يوم تصوير هذا المشهد المهم العالمى http://banatmisr.com/up3/uploads/1409513043261.gif 3 / ( حرف هجاء ) تستعرض لـ ( عكس قانونه ) ازياء الهنود الحمر http://banatmisr.com/up3/uploads/1409513880461.jpg فى مشهد مؤثر ومفرح فى نفس الوقت دخل ( عكس قانونه ) المنزل من يومين وشاهد ما لم يتوقعه وهو مشاهده ( حرف هجاء ) بزى الهنود الحمر ولما سئلها ( اشفيج لولو ) فردت وقالت دى اخر صايحه عاملتها فى محل الازياء بتاعى طبعا ( عكس قانونه ) مش واخد على الكلام دا المهم ان ( اسيل ) كانت المشكله بتاعتها فى ( الريشه ) الى بتكون على دماغ ( الهنود الحمر ) فاتصرفت وحطت بدالها ( سكينه ) وبعد مرور ( 15 دقيقه ) فقالت انا لازم ااتصرف زى ما الهنود بيعملو بالظبط وارمى الريشة على دماغ حبيبى وفى لحظة غاب عنها العقل ونسيت انها حاطه ( سكينه ) وفعلا قامت بالقائها على دماغ ( عكس قانونه ) وانبطح ارضا وفى هذة اللحظه دخل عليها والدها الباشا ودخلت زوجه الباشا ودخل معهم احفاد الباشا وهم يغنون ويهللون ( والله وعملوها الرجاله ورفعو راس مصر بلدنا ووقفو وقفه رجاله مبروك للولو ولاودها ) ^_^ http://banatmisr.com/up3/uploads/1409513043261.gif 4 / ( احساسى صحيح ) اخر صفقات الزمالك للموسم القادم http://banatmisr.com/up3/uploads/1409514286421.jpeg اعلن المستشار / مرتضى منصور عن التعاقد مع النجم العالمى ( البيرتو ياسر انطوان ) الشهير بـ ( احساسى صحيح ) وبعد سؤال احد الصحفيين عن سر انضمام النجم لصفوف النادى رد وقال : والله انا كنت ماشى فى احدى الشوارع فتصل بيه ( حسام حسن ) وقالى وانتا جاى شوفلنا لاعب جديد عشان نقفل الصفقات لـ 15 لاعب لفت نظرى واحد واقف بيجيب عيش من الفرن الى فى امبابه وحصلت خناقه وكان الوحيد الى عنده حماس شديد جامد جدا انه يضرب اكتر واكتر واكتر لدرجه انه اتنقل لاحدى المستشفيات وروحت اتعاقد معاه فى قلب المستشفى وقالى انا العب للزمالك لو برجل واحده يا فندم قولتله اوك يا ( ياسر ) وفعلا قطعناله الرجل الشمال عشان اشوف هو صادق والا لا لما قالى العب لو برجل واحده لانه لو طلع كداب ( السى دى ) بتاعه جاهز ^_^ http://banatmisr.com/up3/uploads/1409513043261.gif وبكدا بتخلص ( اخبارنا النهاردة ) انتظرونى قريبا جدا وعناوين واخبار جديده مش هتشفوها الا فى مكان واحد بس ( يوميات الاعضاء ) :D |
حلوة نار يا حبيبى نار دى لا اخبارك كلها طازة ولسة طالعة من الفرن عودة جميلة يا مان وخلى الاخبار تشتغل |
هههه ايه االاخبار دى انا هاحضر الفيلم والماتش واخد معايا فول من عند جبل نايس نشره ثانكس |
ههههههههههههههههه انت مشكله اخبارك كلها تموت من الضحك يعني جبل بعد الفتره دي كلها ولسه برده بتشتغل ف الفول غيري بقى ياجبل قطعتي قلبنا:18: === أمجد و the end لا تألقت ف ال3 ثواني دول :04: === اسيل اتجننت خلاص ولابسه هنود حمـر الله يكون فى عونك حمود :71: === ياسر ووقع مع مرتصى منصـور يبقى اكيد الزمالك هياخد الدوري السنه دي :18: اخبارك فظيعه دماغك عاليه يامورشو تسلم بقى ومنتظرين باقي اخبارك |
لا والله اخبار جميلة اوي ابدع وورينا تسلم ايدك ودماغك |
اية الاخبار النار دى طيب حلو عندنا مشاهير اهو فى المنتدى طيب ما تقول لساحر يتوسطلى عند عمران خان يمكن يكون فى نصيب امال فين الصحوبية دى |
صراحة اخبارجديدة ومثيرة ومفيدة بالطبع ربنايكرمك رشرش والحمدلله انامش تحت الميكرسكوب ومافيش عندى خبارتتانقلها وكلات انباءمرشو روح ربنايبعدعنك اولاد الهرمة منوريارشاريشو |
الحمد لله ان الاخبار دي مش هنشوفها غير هنا وبس حرام عليك موت عكس قانونه وقطعت رجل ياسر وجبل اخرتها فول والله ناقص كمان تبيع فلافل وساحر دوره 3 ثواني بس ونجم عالمي امال لو مش عالمي كان دوره هيكون كم ثانية والله يا مورشو انت اللي بتضحكني بأخبارك دي تسلم للضحكة والاخبار الدموية |
ههههههه اخبار دمها خفيف جدااا،،،ضحكتنى فعلا الحلقه الاولى ديه جامده جدااا ومنتظرين باقى الحلقات انت عضو مميز وافكارك ظريفه تسلم :) |
ههههههههههههههه ايه الي عملتيه دا يا اسيل :18: لا بجد خبر و لا كل الاخبار ههههه اخبارك فل يا عم مروشو , تسلم بئا و ب انتظار الاخبار الجايه , :105: :40: |
| الساعة الآن 05:12 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب