|
انا النهاردة اتحرشت ببنت وبعترف باللي حصل (موضوع مهم جدا ) دخلت على الانترنت وسجلت في منتدى مليان بنات وشباب واخترت شوية بنات وبدئت اتابع كل موضوعاتهم وابعتلهم رسايل خاصة كتير ورسايل زوار كتير اقول لدي انتي شاعرة ممتازة علي اي هبل كتباه واقول لدي موضوعاتك رائعة كانها احمد رجب ولا فاروق جويدة واقول لدي يا سلام علي زوقك ورقتك وجمال ورقي قلمك واقول لدي عندي مشكلة ومخنوق ومدايق واجرها للكلام معاي علي الايميل وايييييييييييييييه اقولها يا اختي واحنا اخوات وطالما مبنعملش حاجة غلط عادي بقى متبقيش قافلة ورجعية ومش متحضره!!! وده ايميل لا بشوفك ولا بتشوفيني دي علاقة بريئة انتي زي اختي وصديقة مقربة لقلبي ومحتاج اتكلم معاكي والعب علي دي والعب علي دي واكتب خواطر رومانسية ايييييييييه مقولكوش في قلبي وفي حضني ولمستها ورقتها وشفايفها وشوية وهوصف في حجات بتحصل بين المتجوزين !!! ونسيت ونسيت ونسيت اني مسلم !! ونسيت انها مسلمة وانها من المحرمات !! نسيت شرف اختي وامي وخالتي وعمتي والستات في بيتي الي اخاف حد يقرب منهم !! نسيت مليار موضوع ديني واسلامي مقروء ومسموع ومرئي بيحزر ويحرم اي اختلاط خاااااص بين ولد وبنت لاي سبب !! ونسيت ان رسولي امرني ان النساء فتنة لان فيهم ليا رغبة وشهوة وفيا ليهم رغبة وشهوة !!! نسيت ديني نسيت سنة رسولي نسيت الشرف والكرامة والشهامة والمروءة وجرررررريت اكتب في الشعر والخواطر والادب باسلوب مبتزل رخيص كله قبلات واحضان ولمسات وصور ستات **** سوري لابسه ع الموضه يعني مفتكرتش احاديث رسولي مفتكرش القران الكريم مفتكرتش ان ده زنا وان رسولي قال فيما معناه ان العين تزني واللسان يزني والفرج يزني نسيت كل ده وبعد ما خلصت ال ال الافعال دي روحت البيت واختي خارجة رايحة الدرس قولتلها ربنا يحفظك !!! بنتهك حرمة بنات المسلمين وبطلب من ربنا يحفظ اختي ومتتخطفش او حد يتحرش بيها او حد يخطفها ويرميها في مكان او يقتلها علشان اتعرفت عليه زي ما بنقرا ونسمع في الاخبار والمجلات والفضائحيات والانترنت والدتي خارجة تشتري طلبات للبيت امشي بقا جنبها او معاها ولو راجل بصلها شوية وطول ده انا اشرب من دمه علشان انا راجل بالفلاحي والصعيدي دكر ولما ابقا لوحدي ومحدش شايفني علي الانترنت انتهت كل حرمات المسلمات الي ربنا امرني احفظها حتي مينفعش اقول وقتها اني بقيت ست او مبقتش راجل لان الست مش اهانة علشان اطلقها علي نفسي وقتها لا الحقيقة اني بتحول لشيطان رجيم =========== ايه الكلمة وجعتك !! ايوه انت يالي بتعمل كده لو كنت زائر او عضو او حد ماشي بالصدفة قريت الموضوع وجعتك كلمة زنا وجعتك كلمة انك مش راجل اصلا وجعتك كلمة شرف اختك وامك انت شوفت مئات الموضوعات الاسلامية مقروءة ومسموعة ومرئية عن القرف اللي بيحصل والاختلاط وحدوده بس المرادي كتبت الموضوع من غير لا حديث ولا آيه قرانية ولا حتي في الاسلامي من الاساس واظن ان وصلك انت ايوه انت يالي بتعمل كده اتق ربنا اتق ربنا اتق ربنا اتق ربنا في حرمات النساء المسلمات وتزكر ان الزنا دين وان اقرضته كان الوفا من اهل بيتك فاحزر فاحزر فاحزر متخفش ربنا رحمن رحيم حتى لو عملت كل ده ووصلت للمرحلة دي ربنا ممكن يغفرلك ------- عزراً لعدم بدء الموضوع بالبسملة والسلام وعزراً للهجة العامية وعزراً للالفاظ المباشرة ولكن المضمون كان يستحق اردت جذب انتباه القارئ وقلبه لاقصى درجة والسلام عليكم ورحمة الله وبركاته نسال الله ان يهدينا الي ما فيه الخير لديننا ودنيانا |
مشكور جدا لطرحك الاكثر من رائع .. :) |
اخى سلمت يداك على الموضوع وجزاك الله كل خير الموضوع اكتر من رائع جدا رسالتك كانت واضحه وصريحه للشباب ولكن البنت مثله مش معفيه من الخطاء الرساله مش للشباب بس بالعكس للبنات كمان انتى زى الشاب مش خاليه من المسؤليه سلمت يداك اخى على الموضوع |
سلمت اناملك التى اسعدتنا بطرحك الراقى المفيد خالص شكرى وامتنانى لمجهودكم الرائع ندى المهندس |
ربنا يهدى شبابنا ولو كل واحد يتقى ربنا فى البنات ويفكر فى اخته وامه ماحدش هايغلط ونشوف المهاذل اللى بتحصل تسلم اسلام وجزاك الله خير |
جزاك الله خيرااا ... |
مازلنا فعصرنا الكثير والكثير يحمل ويحمل ويبقى الانسان والاخلاق واحده اللهم ارزقنا حسن الاخلاق ف كل شى سلمت يداك |
| الساعة الآن 06:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب