منتديات بنات مصر - محاضرة واحد لكل البنات اجمع هنا

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

- - محاضرة واحد لكل البنات اجمع هنا (https://forums.banatmasr.net/msryat493191/)

محاضرة واحد لكل البنات اجمع هنا

http://banatmisr.com/up3/uploads/1416418703642.jpg

وبعدين بئه
منا مش عشان لبست اسود
هبقي زحلانه وحزينه ومتغيرة
انتوا اوفر اوي بجد

انا بضحك اهو :04:
واكله شبسي وغاسله سناني :09::09:

بصي يختي
اول 10 ولا 15 يوم جواز

هتلاقي سياسه النحنحه :09::09:

اعملي هبله بئه واسألي يعني ايه نحنحه :102::102:

اول حاجة تسبيل مع مزيد من الازبهلال
اللي هو الاستهبال
ودايما مبتسم في وشك كدة
زي بتوع شركه اتصالات دول

الضحكه الصفرا دي اوعي تهزك يا بت

دي وراها دسته مصايب

هيصدعك اغاني مرة ست الحبايب ولا ست المصايب
لا دي للحاجة حماتك :18::18:
ومرة كل مرة اشوفك فيها يبقي نفسي اعاااااااا
هههههههههه
:04::04:

هتهيصي فسح يا معلم
مرة عند عمو عبده بتاع الفول
ومرة عند عم ربيع
عصير قصب بئه وبتاع
وانتي مروحه هيجبلك شوية ترمس
وبجنيه حمص

لا الراجل عداه العيب بصراحه :17:

وصاحبتنا تلاقيها كابشه في ايديه
وماشيه رافعه راسها لفوق ومطلعه لسانها لكل اللي يقابلها
وكأنها بتغيظ كل اللي حواليها بالكائن اللي ماسكه فيه:04:
متعرفش المستخبي يا والداه

:04:

اعملي حسابك بئه ان 15 يوم خلصوا
اتستلقي وعدك يا شابه وتعالي ورايا
هتشوفي المفيد :

بعد كدة هيلاقي متعه غريبه في انه يتفرج علي
رجلين كل مذيعات التي في
لا طبعا يووووه اقصد متابعه الاخبار الثقافيه :04:

طنشي انتي العاقله :17:

هيخلص الاهرام هيقرا المسا
وبعد المسا متستنيش كتير
عشان لسه المصري اليوم

طبعا معروف ان كل راجل عنده حس فني
ومتذوق جيد لروائح النكد :

الاكل اتاخر ليه :

ودي اهم حاجة في حياته
عشان متحاوليش تجادلي
اكليه لحد ما ينتفخ ويتفجر ويخلص وترتاحي من زنه :18:

هو دا الغسيل :

بردوا مترديش
انتي العاقله
حطية في الغساله لحد ما يدوخ ولا حتي يبوش في الميه
ولا تيجي من عند ربنا ويتكهرب
وربرضو متعليش صوتك عيب :17:

لو رايح فرح ولا معزوم في خطوبه
اكيد هيقولك رايح اعزي :

وقتها بئه يا شاطرة
البيه هيعمل ايه

هيقلع الدبله ويشفط الكرش اللي بئه مترين ونص
من كتر اكل المحشي
ويروح يعيش دور السنجل اللي لسه مدخلتش دنيا

بدورك انتي كزوجه مصرية اصيله
خرجيه منها قبل ما يدخلها
ودا ازاي :

خرطيه للبط
واهو برضو بروتين :04:

خزنيه في التلاجه
وهو برضو تدبير منزلي

ارميه من البلوكه
واهو نضافه :18:

زحلقيه من السلالم
واهو ينوبك ثواب
في بواب العمارة الغلبان

اعمليله فته
وحطيله سم فيران
:04::04::04::04::04::04::04:

بث كدة بئه
اصلي زهقت
بكرة نكمل :17:

ملحوظه :

المحاضرة الجاية كل واحد تجيب كشكول 1180 صفحه
وقلمين واحد احمر وواحد ازرق
ومسطرة وعلبه الوان
ومحدش يجيب اخوه الصغير معاه
دا كلام كبار
واللي عندها عيل تسيبه مع حماتها
وتسبلها مصاصتين هتسكت :04:

ومفيش واجب
عشان دي اول محاضرة :17:

هيييييييييييييييح
بث خلاص :04:

تصدقى بالله يا سما انا كنت نسيت طعم الضحكه

من زماااان قوى ما ضحكت من قلبى

حرام عليكى ددا انتى حتة سكره بجد

بثى يا اووووووختى يا ثما انا كنت زوووووووووووووووووومان بفكر فى الجواز بث بعد المحاضرة دى اوعدك هولع فى كل كائن ديناصوووووووووووورى يفكر يدخل بيتنا

هههههههههههههههههههههه

هي دي النصايح ولا بلاش
كل البنانيت هتدعيلك دلوقتي
وانا هدعي عليكي عشان منصحتنيش من زمان
تسلمي ميس سما على المحاضرة

ايه دة دكتور سما هنا :05:

دايما ساده نفسى ع الجواز انتى :33:

بس والله موضوع يموت من الضحك :24:

جارى التطبيق ف المستقبل البعيد :04:

عداكى العيب و ازح يا سمسمه :109:

تسلمى ،، :07:

والله العلم ده نور ومفيد للانسان
كانت فين المحاضرات دى زمان
ايوة كده خلى بالك مننا يااوختى وفهمينا كل حاجه
اما الحق اروح اجيب الكشكول والاقلام
ربنا يكرمك ويقدرك على فعل الخير:24:

الله يا استاذه عشره على عشره
المحاضره الجايه هجيب الكشكول
بجد يسلموا ايدك

ايه الجمال ده .بصراحه محاضرة تودى
اماكن غير معلومة العناوين
الوصيا العشر على الطريقه الحديثه
الحمد لله انا بره الموضيع دى خالص
وخلويص.. انا هحضر الطلبات
بتاع المحاضره الجايه وهكون فى
اول المستجبين..

جميله النصايح
يااااااااااااااربى
استر يا رب
السفيرة

اسمعو كلام سما يا بنات
علشان تطلاقو وتعيشو عيشة الحريه
بس خلو سما تطبق الدرس ده عندها عملي الاول

طيب ومطلبتيش لية يحضروا الساطور وسم الفيران والسلك الشايك وسلك كهربا بالمرة :17:

انتي يا ستي متاااااااااااكدة انك جاية تنصحي :33::102::102::102:

روحي يا شيخة منك للي كلت دراع جوزها :d

انا لو مراتي عملت كدة اروح افغانستان ارححححححم ^_^

اسعد الله مساءك

وانا شايف ان فية جماهير بدات تلتف حواليكي وبقيتي خطر :18: